eandg的个人专页

買券話有啤酒任飲，無，支裝要付費。生菜，臨走先知要叫人攞，QR code點餐係無！點咗2次前茶，泡菜，芽菜之類，一款都無拎嚟！之後6點入座嘅客人，枱枱有齊4款。。。我連沾肉的橙色大醬都無，得碟分2邊嘅豉油同油加鹽。明明餐券用餐時間有3小時，入座差不多25分鐘先比個QRcode點餐！碗筷生肉夾要續樣問先續樣攞……好似得2個樓面，乜都慢，其實咁嘅速度3個鐘用餐都趕趕地。肉類 好鹹，水冷麵 質地好硬，蝦 較霉林，生蠔 燒到勁熟都好腥，牛仔骨 只有肥同骨，豬大腸😑，2款腸 皮脆到硬，豬皮 砰砰蹼噗一輪可有可無，大醬湯 鹹到醃鹹魚咁，泡菜湯 好鹹微酸，炒粉絲 雞翼 無嚟，刺身 白玉貝唔敢生吃，燒咗陣。幾款牛肉質地一般，炸魷魚及豆腐 酥脆可口，煎餅＆雞蛋卷好食，芝士炒年糕 芝士唔溶一嚿在碗底，剛好成嚿放係帆立貝上燒溶好拉絲，炸薯條 剛上枱好熱好脆，但冷氣凍過放嘢飲個雪櫃，一下子“淋”晒。178餐券+29.7現金，$208只為試幾款韓式食品，樣樣鹹飲咗3盒紙包加2罐汽水，口渴。。。2位樓面小姐友善，態度好，就咁。。。囉！…查看更多

我星期一(21號)同朋友慶生日食過,今日先得閒寫,其實係想講些正面說話鍋一燒 [麻布茶房] , 銅鑼灣店位於名店坊, 個位其實唔算太多人流現在又太多人講好多差的評語, 我感到呢間舖真係好難做感覺唔算太差,起碼職員態度好, 食物唔算差, 無漏單, 刺身寫的件數一樣,無少到,$88 + $20.8 = $108.8 , 當吃個飯又任取, 都好合理, 每樣食品都OK, 職員有講明汽水涼茶,甜品,雀巢雪糕, 熱食,火鍋料, 燒烤食品任取, 刺身,壽司要剔紙除了啤酒5元罐, Dryers 雪糕8元杯大家不防看看才買, 給一個中立的評語!好的不好的食店就係生意難做, 食材又貴, 舖租唔平先攪到水準參差時見銅鑼灣的食店, 一間一間的關閉, 最終害苦我地搵食之人!平時148+10% …查看更多

半年前嚟過，無再幫襯，因叫的野食會用一個大碟上晒，有Ｄ垃雜的感覺！今次係買左團購（包埋燒烤食物）所以再嚟試下！訂左２０點，１９點５０分嚟到！竟然等到２０點２４分先有位！坐低即刻點野食，仍然係一個大碟上晒大部分的餸料！再比一堆肥牛舖面好似座山咁！我地一行５人要先吃晒Ｄ肥牛先，再一層一層吃下去，至食到碟底依稀幾片生魚片，唔知係咪好忙，Ｄ侍應來去忽忽，搵佢地要比Ｄ時間！有Ｄ食物可能買晒，所以當你叫埋其他野一齊，會有Ｄ種類比得較多！例如我寫紙叫左肥牛，牛粒，丸，魚片，魚雲，鮠肉鯇，牛栢葉，鵝腸。。。。魚的種類得２，３片，肥牛，丸，牛栢葉就非常地多！芝士丸　－　Ｄ餡味道好怪肥牛　－　唔算太肥，ＯＫ安格斯牛肉粒　－　有Ｄ＂ＵＮ＂，尤其中間好似有條根豬腰　－　好似扒咁大塊，重係另上一碟比我地！（唔通買唔去？）各頖餃　－　細細隻都算ＯＫ其他生料　－　都係一般食開的味道燒烤串燒豚肉，牛肉粒　－　好＂腍＂，食得出係用什麼東西將舊肉整腍咁餃子　－　燒得燶過鍋爐魚腐，獅子狗　－　無咩味道蝦　－　夠香夠鹹幾好味粟米　－　香甜雞肉，腎，軟骨　－　都係涷肉店一包放微波爐叮一叮可即食的串燒，不過佢有燒過都ＯＫ既冬菇　－　無嚟雞翼　－　燒得幾脆牛舌同脆肉瓜　－　無叫我點既串燒，佢寫明一份是幾多件，幾多粒或幾多隻，但到２１點半左右，我再點一舊粟米，一串雞腎，一客雞翼，全都上左３份任飲　－　可樂，雪碧，忌廉，菊花蜜，酸梅湯，西洋菜蜜啤酒　－　加１０元一位啤酒加紅酒　－　加１５元一位…查看更多

老公有個北京朋友嚟香港幾日，聽日要返去喇！所以今晚同佢吃飯，叫左好幾個菜一齊食，一行４人（３男１女）１）咖哩蟹用膏蟹炒，不過Ｄ膏苦苦地，都算幾大隻同有肉，個汁就一Ｄ都唔似咖哩，似葡國菜多Ｄ，不過又無椰汁味！又有Ｄ似食緊ＣＲＥＡＭ　ＳＯＵＰ！總知就好甜，舊洋蔥又略生，之後越食越鹹，無咖哩味之餘亦無辣味！加埋蒜蓉包沾汁一齊食尚可，當飲西湯吃包咁囉！螺２）蒜蓉包幾好，有蒜味３）木瓜沙律木瓜夠生所以都幾爽口，酸度都算ＯＫ，不過又係非常鹹！我地４個人一啖沙律一啖水咁食，你話真係有幾鹹！４）泰式炒什菜Ｄ菜＂散收收＂加＂碎濕濕＂，芥蘭重苦苦地５）泰式拼盆２件蝦餅，夠香，有蝦肉味，皮邊都有ＤＤ脆，不過有Ｄ魚鬆骨的小骨，又係鹹２件蟹餅，除左無蟹肉味，同蝦餅一樣２件春卷，夠鬆脆，咬到裡面熱辣辣２件雞扎，我無食到，因為食乜都鹹到要飲野，所以唔想食咁大舊＂乾柴柴＂的＂雞乾＂頂住肚呢個拼盆本身有個甜酸醬點嚟食，不過唔點好過點，Ｄ蝦，蟹餅食落變有陣＂騷＂味！６）申燒（叫左羊扒，但最後話買晒）只叫了豬同牛，都算ＯＫ！唔太鹹（good !! )個沙嗲汁係最好味！７）炒貴刁炒得有Ｄ濕，唔夠乾身少少辣８）２個椰青，１杯椰汁沙冰，１杯青蘋果沙冰（似係無隔渣的青蘋果汁放左３份１杯中）３個男人就叫左２個飯，佢地都話Ｄ菜非常鹹，連撈飯都重覺得！今餐食左８００元！！…查看更多