bbq.zard's Profile

早排睇電視先知希慎地下有野食落去八卦下見到哩間$150有牛排食試下啦同老婆兩個人叫左個西冷，煎鱸魚加個薯仔蛋餅前菜個魷魚多士就普通不過個薯仔蛋餅有驚喜蛋皮包住薯仔片蛋皮香，薯仔片焗過，脆口但唔係生，香薯仔味鱸魚唔錯，煎得剛剛好，皮脆脆地，魚肉仲係鮮嫩，個檸檬牛油汁都OK，不過想食到魚鮮味就唔係點咁多塊西冷，因為老婆鍾意食熟啲，叫7成都驚佢柴，黎到切埋，食落喜出望外，外面煎到好香口，入面7成熟都仲嫩嫩地，咁既地段，餐廳環境又唔錯，份量都可以，加埋一唔使$160，真係算抵食總括哩間野質素唔錯不過鐘意食重口味既人唔啱銅鑼灣黃金地段質素唔錯西餐星期六午餐唔使$200一個人我個人覺得算抵食有機會黎試下佢晚餐…Read More

食左兩次確定真係掂先寫我係上環返工咖啡+麵包係最方便既選擇附近好多間我都食過老實講，包哩間真係最好味我試哂佢兩款牛角包，因為我個鐘意食佢個牛角包鬆脆餡多，剛剛一口咬到成個包感覺好新鮮，似係剛剛做起同轉角果間大麵包店比，真係好味好多咖啡我覺得ok，中上同附近既coffee shop比當然係差少少不過唔使$40有哩個質素真係算CP值高咖啡+麵包，一定首推哩間重點係招呼又好我兩次去店員都係笑住同我講早晨返工心情都好啲…Read More

次次入赤柱都係食西餐食到悶雖然哩間越南餐廳無咩人都入去試下叫再個咕嚕魚同煎豬腩肉拼扎肉野飲就青檸蘇打同凍越南咖啡全部都好好味尤其煎豬腩肉超香口，勁惹味青檸蘇打夠清香越南咖啡濃郁香滑招呼又好好，有個鬼佬(無惡意) 好nice, 見有啲英文我地好似唔係好明，嘗試用廣東話講，好得意最後見啲野食唔錯，加個春卷個鬼佬好nice咁比碟仔我地方便食個春卷唔使講，香脆可口所以真係唔明點解有人比負評，隔離餐廳啲打打黎架？🤔…Read More

原本唔諗住寫食評不過睇到其他食評寫到哩間野咁差忍唔住幫佢平反一下我懷疑果啲食評係打手我同老婆去行故宮睇到肚餓見到哩間酒樓開左懶得出去搵野食入去試下首先，一入去個景真係一流服務都ok, 禮貌有笑容反應快野食有三款套餐，另外可以散叫我地散叫試下特色野兩個叫左6樣野強烈推介御膳鴨舌凍，超好味明太子鍋巴蝦，fusion 菜，唔係我杯茶不過啲配料分開講，味係唔錯，不過放埋一齊就唔係好夾仲有樣一定要通就係金湯黑鳳絲手造麵望落以為好滯，食落超正食到最後涼左都仲好好味所以飽都忍唔住清碟講真貴係貴，我哩餐差唔多$500一個人(其實我叫既份量夠3個人食) 但咁既景色，又有有特別又味道唔錯既野我覺得值咁既價錢唯一缺點，無QR code點餐…Read More

公司team lunch同事推介佢地既春雞因為啲春雞太出名最好預早留大家唔使怕雞太大唔方便食佢地可以幫你一開2 or 4雞既質數真心唔錯同算抵食不過因為雞出名大家都食雞下次黎要試下其他野🤣P. S. 上環午餐咁既價錢咁既質數同招呼真心推介…Read More

小弟好少寫食評不過今日第一次去赤柱玩就遇到間好餐廳就一定要讚一讚間舖門口個靚女經理 (我估佢一係經理一係老闆) 超熱情隔離馬路已經招呼我地我太太行動不便，佢話可以幫我地係路邊set張枱我地話唔使，佢就扶我太太入去淨係哩樣已經十個讚我地叫左兩個set lunch一個咖哩魚，一個意式雞卷點左杯latte同milkstake個咖哩魚超香，一流意式雞卷原來唔係卷，係意式火腿卷左件雞扒味道唔錯，伴碟有薯條，睇之前食評話唔得我食落又唔覺，有薯仔味，夠脆最驚喜係杯milkstake我好怕d milkstake太甜 (個靚女經理都話可能好甜)但係飲一d都唔甜，仲好滑好香杯咖啡都唔錯單論野飲野食10分滿分比7-8分計埋服務我比夠12分 …Read More

食過幾次忍唔住寫第一個食評因為真係太好味好味到我平時唔鍾意食意粉既老豆都大讚要再食我鍾意佢d意粉同意大利飯好爽口唔會太多醬 (出面好多食醬都食飽)但係又好入味意大利飯又唔似傳統意大利飯咁半生熟老實講，香港人始終係中國人，食飯都係要食熟哂所以佢d飯係熟透左，正佢d野飲都唔錯跟餐送既柑桔同柚子蜜都唔錯，唔會太甜另外佢d咖啡唔比咖啡店既差，加錢轉都抵有機會試埋佢個焗薯唯一缺點係舖頭太食，想堂食就睇彩數(我都係外賣😋) 總括，大圍區哩間野真係一定要試，除非你唔食西餐…Read More