eatwo的个人专页

由香港本土男神王宗堯與女友Julia情侶檔開設嘅小食店「Happy Belly」，以台式小食刈包為主角，款式中其實只有4種可以選擇，另有小食、咖啡、特飲。小店位於人氣店「友利坊x友利冰室x勿當奴」旁邊，以外賣為主，門口有少量檯櫈。近年，台式刈包成功打入香港美食界，今次新開業小店亦主打刈包，包括芝士吉列蠔刈包$44、台式魯肉片刈包$44、麻辣慢煮雞刈包$40、特製馬德里魷魚刈包（素）$46。其中，芝士吉列蠔刈包內有兩隻炸蠔， 金黃色炸蠔大小適中，帶有脆感，內裏配有芝士片、沙律菜，減低炸蠔油膩感，但感覺似平時「友利坊x友利冰室x勿當奴」嘅炸物。而特製馬德里魷魚刈包為素食之選，原來係同素食小店「游° Yau Veggie Bistro」聯乘之作，雖然名為魷魚刈包，但其實係雞髀菇，炸成平常魷魚圈形狀，單睇外表未必知佢係素食，加上醬汁酸甜中帶有微辣，幾開胃，比招牌炸蠔刈包較有驚喜。呢杯手拍青瓜espresso tonic同時包含3種材料，手拍青瓜、espresso咖啡、tonic水，攪勻後一啖入口，最初好重手拍青瓜味，非常清新，配搭炸物刈包就更消滯解膩。而中間滲出咖啡味，然後係tonic嘅澀味，原來係小店獨家同得意之作。…查看更多

有時走入橫街窄巷，會得到估你唔到嘅驚喜今次發現一間有日本風嘅和食居酒屋有門口有彩色鯉魚旗室內有日式裝潢、播日本歌、動漫設計、日式料理無留意晚市價錢如何，重點係午市套餐價錢唔貴唔叫小食嘅話，人均$100左右都得本身自己見到有兒童餐覺得幾得意但最後都係揀返正常定食套餐份量充足，壽司刺身、前菜、米飯，部份有醬油湯烏冬小町刺身定食$148 已經係最貴嘅刺身定食刺身款式同份量都係驚喜有15款刺身，包括有特大赤海蝦、磯煮鮑魚、海膽魷魚、溏串玉子、三文魚、油甘魚、劍魚腩、吞拿魚、鱆紅魚、鯛魚、北寄貝、八爪魚、帶子、赤貝肉、馬刀貝選料唔差，esp.係魚類、貝類，新鮮，鮮甜三文魚、油甘魚厚肉肥美，赤貝肉、馬刀貝爽甜同時有一小板海膽，一份都幾滿足和風蟹逅特盛丼$108 亦係最貴嘅丼飯同樣配前菜，幾清新開胃，亦有麵豉湯一碗丼飯都幾多，尤其係飯量(女仔覺得)有鱈蟹鉗、松葉蟹腳、蟹肉、蟹膏、炸軟殼蟹、牛油果、蟹籽、玉子、蟹棒可以由蟹肉食到蟹鉗、蟹腳，重有蟹膏、蟹籽、蟹棒更有一隻脆炸金黃色軟殼蟹一次有7款蟹味食材，好豐富叫咗幾款小食，加咗$20叫多隻特大赤海蝦等新鮮刺身重有炸紫薯甘栗餅$18/件、串燒豬五花腩$28/串後者好啱做佐酒小食紫薯甘栗餅外脆內軟，表皮金黃色，炸粉唔厚內餡有軟綿綿紫薯肉，原粒甘栗有咬口，整體鹹中帶甜而豬五花腩真係推介！好香口，略有調味，同普遍串燒一樣帶鹹味五花腩肉脂肪適中，肉、脂肪比例恰好，並非好多都係肥膏既有豬油感，亦有陣陣肉絲香，有肉汁，唔會過份肥膩鹹度啱佐酒，但如果表皮燒得有少少微脆會更有咬口…查看更多

最近發現呢間匿藏於大圍村屋內新開業嘅日式居酒屋主打都係串燒、丼飯，聽講最高人氣嘅係旋風滑蛋丼不過比較吸引自己嘅反而係本地較少見嘅日式牛腸鍋門面僅以灰調水泥風設計，居酒屋裝潢簡潔，略帶型格風出面有戶外茶座，室內亦有正常餐廳座位小店內大多係年輕人，客人就似附近街坊多於街外人丼飯係主打菜式之一，上枱材料同色彩分佈平均滿碗魚生刺身，顏色亦吸睛以松露油甘魚海膽丼$148 為例橙黃色調海膽甘甜細膩，略有Creamy感覺，入口即溶油甘魚唔算薄切，油花平均，魚肉滑嫩，較清甜松露略有菌香，相對比較重味，鹹味稍重，份量充足，適宜撈飯口痕加兩件三文魚壽司$32，三文魚近腩位，夠新鮮，軟嫩而有油香從日本福岡品嚐過當地牛腸鍋後，先發現原來牛腸鍋有幾好味日本嗰煲有肥牛香，不過香港比較難搵到牛腸鍋原來呢間新開嘅小店都有一款秘製日式味噌牛腸鍋$88熱辣辣上枱，可暖身，湯底似為白味噌，比較淡身，容易入口，唔會太鹹一鍋牛腸鍋甚豐富，既有牛腸，亦內藏粗身粉絲配料則有娃娃菜、金菇、冬菇、京蔥等唔算非常高水準，但總算唔錯，可以止吓旅行癮不過，如果同日本當地嘅牛腸鍋比較，的確爭咁啲似乎有欠公平，所以自己盡量唔搵日本嗰煲去比較飲品有一款叫在家特色水果伯爵紅茶$22/杯果味唔太重，紅茶味帶微甘，果味唔係死甜感覺，只係一杯散叫價錢比較高埋單先發現黑板原來有更抵食嘅套餐，傻咗…查看更多

近年，大魚大肉嘅菜式好似已經唔係受歡迎指標素食餐廳愈來愈多，睇得到嘅係本地人素食需求增加TST呢間素食餐廳個個月都好似唔同款式，似乎係值得Encore嘅選擇睇返資料，主打叫多國素菜大多數清新蔬食都為偏新派素菜中西日台泰菜式都變到素食，以新鮮感嚟講都算keep得住套餐睇落幾豐富，有前菜+餐湯+手卷+主菜+甜品價錢上可圈可點，散叫就平啲前菜為泰式風格，有泰式鮮果沙律、秘製青瓜黑木耳配琥珀腰果兩種都幾醒胃，前者內含火龍果粒、蘋果粒等而後者含調味醋、黑木耳，腰果輕脆有咬口手卷有蘆筍素香鬆苜蓿芽手卷、香芒牛油果苜蓿芽手卷，皆可免蛋奶紫菜必須盡快食先會夠脆前者有大量比較少見嘅苜蓿芽，好重青草味，好Fresh而素湯方面，目前有牛肝菌野菜雪燕忌廉濃湯、茶樹菇竹笙黃耳百合蓮子燉湯前者係西湯而後者則為中湯，中湯好似幾足料唔太油膩同太鹹，似乎幾有火喉，適合間中轉涼時飲用現時主菜有6款可擇，中/西/意/泰/印都有，幾精緻自己揀咗士多啤梨醬燒猴菇配羽衣甘藍菜飯$248紅噹噹士多啤梨醬燒猴頭菇幾有驚喜，色澤搶眼以猴頭菇取代咕嚕肉，咕嚕汁則變成士多啤梨汁醬汁酸甜，內有士多啤梨粒、奇異果片，好開胃猴頭菇蘸上炸粉再炸，質感確實有幾分似咕嚕肉咬開猴頭菇會有一絲絲感覺，狀似肉絲菜飯就紅紅綠綠，米飯香軟，內含剁碎羽衣甘藍同紅蘿蔔絲同米飯炒勻，米飯混有蔬菜粒蔬菜唔會太出水，唔油膩，幾清新甜品有4款，當中伯爵紅茶千層班戟賣相唔突出但總算有伯爵茶味蛋糕有幾層，質感軟稔，忌廉不少，令整體感覺幾滑溜飲品嘅選擇更多，包括有幾分炭烤香嘅香芋黑糖珍珠$20，芋味適中，珍珠軟稔季節限定飲品有洛神花柚子蘆薈梳打$38，色調吸睛，入口微甜，比較清爽…查看更多

最近先發現呢間匿藏元朗嘅平價日式定食店簡單唔花巧，就做日式定食室內地方偏小，陳設都係日本動畫餐牌寫明8款主食都可配上定食套餐由$60至$122都有，豐儉由人，最貴都唔算好貴，都可負擔得起加$30包含前菜、漬物、煎茶、味噌湯、珍珠米，甚豐富前菜簡單，但有別於一般定食選用胡麻醬配玉子豆腐、調味海蜇，幾開胃味噌湯含豆腐粒、冬菇片，唔算太鹹，有味噌香重有杯煎茶，比較清淡，略有茶香，呷下口會發現稍有菊花香套餐用日式托盤，擺盤精緻招牌蒲燒鰻魚$72/半條鰻魚份量算適中，總算肥美嫩滑，夠厚肉燒製時火喉控制得好，魚皮焦脆，魚肉彈牙，無骨有油脂香，唔太肥膩，醬汁略有微微甘甜旁邊有大量爽脆椰菜絲沙律，可解膩珍珠米飯份量充足，暖笠笠，飽滿+煙韌，有少量紫菜碎點綴日式和風牛肉$60 撈飯一流，牛肉舖滿一大碗，份量足夠牛肉入味，牛肉汁唔太鹹配料有清甜洋蔥、香蔥，灑上用作調味嘅七味粉整體帶香辣，味道提升厚燒玉子$30/4件僅略有甜味，甜味唔重，有足夠蛋香味，尚算滑溜配少量醬汁+木魚碎+紫菜整體增加層次感，畫面夠豐富味淋雞泡魚干$42 燒得香口，表面有惹味燒汁，鹹中帶甜色澤光鮮，表面稍硬身，入口逐漸變軟，並非乾柴感覺配沙律醬可減低燒製魚干滲出嘅鹹味小食反而比招牌鰻魚定食更有驚喜…查看更多

深水埗咖啡店真係數之不盡，對選擇困難症嘅人嚟講係比較困難點兵咁去行吓深水埗發現呢間極細嘅日式咖啡店咖啡質素幾有水準，都可算係隱藏鬧市中嘅咖啡角落咖啡店成行成市，大多數Cafe都係重視食物多於咖啡但呢間就主打咖啡，食物為副蚊型舖位內只容納到兩個高枱櫈同兩個梳化位環境尚算寫意舒適，坐低歎啡都唔錯店內似乎好重視咖啡質素，咖啡口味亦係10幾款，更有賣咖啡豆實試一杯Cafe Latte、一杯Mocha，少甜就更顯咖啡香目前堂食以紙杯盛載咖啡，熱咖啡更有拉花Mocha朱古力甜味適中，感覺幼滑，咖啡味濃輕微苦澀味有回甘感覺，一早飲都夠醒神Latte上層奶泡打得好，夠厚又夠軟綿幾持久，唔會好快溶於咖啡內，入口滑溜咖啡豆酸味較淡，咖啡烘焙味香濃整體咖啡唔太重甘苦味，苦澀味較輕，入口順滑酸苦味適中，幾醇、幾香輕食有Bagel貝果、All Day Breakfast、Croissant牛角包、意粉等食物大多健康少甜，牛角包有2款口味，而Bagel就有4款口味揀咗款幾特別嘅韓式辣醬泡菜五花腩配紅菜頭Bagel，連咖啡一Set$78Bagel被天然色素染得成粉紅色，皆因由紅菜頭汁同紅菜頭製成輕微煙韌有咬口，偏向鬆軟，帶微甜味，烘過後表皮有輕微乾身餡料有五花腩肉之餘亦配有泡菜半肥瘦腩肉有油脂甘香感，但唔肥膩，有肉香辣醬份量適中，令泡菜味道唔太辛辣泡菜本身清爽，易入口又可中和辣味…查看更多

好耐無食Burger Joys，走去食係因為上次食咗荃灣間副線，想試返主線灣仔分店喺酒吧街內，貫徹美式酒吧格調，有葷食同素食漢堡以價錢嚟講，漢堡包其實偏貴，不過味道上又的確值得Cheese Burger 芝士牛肉漢堡 $109上枱熱辣辣，Burger標明係Hot Pick、USDA Choice，簡單嚟講即招牌貨Combo套餐有薯條、汽水，要加$41漢堡包內餡有爽脆蔬菜、紫洋蔥圈、蕃茄等亦有千島醬、2塊酸青瓜片包內有2大塊厚切漢堡扒、芝士，好足料吓漢堡扒據稱係採用紅酒、牛油煎漢堡扒配合USDA美國安格斯牛肉原材料製成漢堡牛肉再配合2種邪惡嘅芝士，包含寇比芝士、車打芝士難怪味道寧舍不同漢堡扒外層微微焦脆，濃厚牛香鎖緊肉汁之餘亦有鮮嫩感，感覺算札實免治牛肉無筋，唔太乾身，只係比較薄蔬菜帶甜味，可減低油膩感而漢堡牛肉就滲出獨特紅酒牛油香麵包質感亦好特別，星級配方係唔同啲法國牛油包Brioche Buns上下都夠厚比平常坊間漢堡包嘅麵包足足厚2倍麵糰鬆軟有香味，略帶微甜味望落飽滿，溫熱軟熟有彈性，唔會輕易凹陷變形亦可配合餡料Size，一啖咬落去，餡料唔會散開套餐叫咗Sweet Potato Fries，即甜薯以甜蕃薯製薯條，炸成金黃色，入口軟綿綿、暖笠笠蕃薯條薯味重，有天然甜香，只係唔夠脆口Crispy Garlic Wings 就係其中一款小係，價錢$59/6隻、$99/12隻表面有粒粒香蒜，海量醬汁似泰式辣醬，酸甜味豐富，味帶微辣加上蒜香雞翼炸得香口，大小適中，好惹味…查看更多

新嘢就試吓，見apple有報道過最Sharp係紅噹噹招牌，最特別係只賣3款漢堡包原來係Burger Joys副線，難怪新開業都唔少人幫襯店面以紅、白為主調，牆上掛滿漢堡包海報3款外賣漢堡包有雙層芝士牛肉漢堡 $98、芝士牛肉漢堡 $78、牛肉漢堡 $68款式簡單，套餐配有鮮炸薯條、罐裝汽水，感覺似M記burger即叫即砌，唔似快餐店預先整好上手一刻熱辣辣，攞到返屋企重暖笠笠揀咗最平嘅牛肉漢堡，牛肉非普通質素apple話係新西蘭安格斯手打牛肉難怪漢堡扒軟嫩易入口，牛味濃，有肉汁但唔太油膩，脂肪比例恰當牛肉唔細塊，邊緣壓得較薄，中間較結實，鎖住肉汁留意到員工煎漢堡扒時中途加入芥末醬、芝士、鹽etc漢堡扒稍有鹹香，質感略有濕潤，唔太乾柴另一款揀咗芝士牛肉，無揀到雙層芝士牛肉加入芝士後，Burger感覺更邪惡麵包表面全部都塗上牛油，底部微煎過，邊緣輕脆內餡塗有自製沙律醬，略帶酸甜味再加上蕃茄片，幾增加食慾，無咁油膩感以外賣嚟講，Lucky Smash似乎麵包質量唔錯難得麵包表面唔皺起，亦唔塌陷，仍然令身，而且幾飽滿呢方面反而幾有驚喜，只係芝士稍有溶化薯條M記嘅差唔多，但鹽份較少，份量多幾倍似係冷凍幼身薯條，炸得幾脆口薯條拎返去稍變軟身，放盒中密封令水份增加，翻焗會好啲而部份薯條頂部留有薯皮，幾有咬口…查看更多

天氣轉涼，同朋友食返吓羊腩煲暖身眼見好多人推介話好先試吓，媒體又好多報過呢間係朋友想食，自己又好耐無食羊見佢咩立場都唔係咁款就算數現場見到好多人都食大閘蟹放題，但自己覺得唔抵食而羊腩煲放題都分幾個價錢，最平嗰隻係$78加一自己一般好少會俾負皮，除非有咩問題如果羊腩煲咩都唔跟，無生菜、糯米同飲品如果乜都唔加，連水都無，價錢就只係$78，另收加一服務費勉強可以人均$100埋單有好多隱藏收費，最好事前問清楚先叫最終2個人食咗4煲羊腩煲但抵唔抵食真係可圈可點羊腩除咗第1盆稍為有肉地，其他3盆都係骨多過肉肉質本身係幾軟稔，唔算黐牙，羶味唔算重但羊肉加咗3次，有好多舊都係好重肥膏，而且多骨由第1到第4盆，感覺羊肉唔係炆出嚟嘅入味，只係沾滿醬汁嘅濃味醬汁好濃稠，濃到愈食愈鹹本身唔想加錢，絕對係一個2小時口渴大考驗好似要同佢鬥，唔叫嘢飲就贏結果食完出去即刻仆去買嘢飲！羊腩煲內除咗羊肉，重有白蘿蔔、枝竹、極少量嘅馬蹄馬蹄好爽口，但食咗4煲，加埋得2粒馬蹄軟身濕潤嘅蘿蔔算係羊腩煲內最好嘅元素，可稍為解膩解鹹附送嘅醬汁似芥末feel，配搭羊肉好奇怪，試咗一吓之後成碟都無蘸過事實上，店內最大問題唔係食物本身食物價錢夠平，原本就係街坊價，可以吸引到人去食不過，疫情期間衛生問題都未有改善四周環境都令人有唔乾淨嘅感覺為安全起見，下次都係唔隨便去食啦=.=…查看更多

行過荃灣見到呢間拉麵店新開最初諗住做第一個食評，點知又遲咗室內空間唔大，簡潔企理，最特別係裝潢以貓咪為主題大型卡通圖案+好多張真實貓咪圖片連筷子筒都有貓咪圖案一望而知店主係愛貓之人拉麵主要有4款，包含魚介、蔥山、辛味、櫻花蝦拉麵，可追加材料荃灣區出名拉麵店都有幾間，價錢唔會過百，而呢度70-80蚊算正常先揀一碗最平嘅魚介拉麵 $78見到有魚介粉、火炙豚肉、味玉、蔥、竹筍、海苔魚介湯底飲落鹹度適中，拉麵份量唔少挑選普通麵質，硬度可以喺餐單上選擇，點咗正常水平麵條似九州食過果種幼條麵雖然唔係自己鐘意嘅粗身麵，不過食落口都算爽彈但影相後浸得偏軟，如果要相機食先，最好揀偏硬而火炙豚肉明顯炙燒過，令薄切豚肉幾香口，有微微肉香質感軟滑，但唔太肥膩除咗火炙豚肉，味玉、竹筍、海苔反而比麵底有驚喜味玉原隻上碗，咬開恰好係流心狀，蛋香夾雜甜香海苔則帶鹹香，竹筍浸於魚介湯內可吸收精華自己望到以下個拉麵名時…好奇心驅使下叫咗一碗另一碗係蔥山拉麵 $83，包含蔥山、火炙豚肉、味玉、蔥、竹筍、海苔以蔥山命名的確名副其實，一碗拉麵有一座山咁多嘅蔥花，都算少有蔥花堆疊成山，蔥迷一定會好興奮蔥香夠搶味，蔥花食落新鮮不過都飲得出豚骨湯底同魚介拉麵湯底有分別稍嫌湯底味道過濃，自己比較鍾意魚介湯底當日舖頭新開，Like fb/ig會附送小食有2條免治雞肉棒，表皮帶金黃色雞肉入口軟稔，略帶軟骨，只係略嫌未夠香口…查看更多

大坑相對CWB算小區，但其實都有唔少良心店最初搵呢間酒吧餐廳係諗住gathering，因為見佢西餐打開餐牌先發現原來係中西合璧今次刻意點幾款似足來自茶記美食嘅Fusion菜其實主要係賣酒，價錢都唔貴，只係幾個都唔飲酒現場燈光昏暗，略有氣氛將平民美食搬上枱，都要巧花心思先變成Fusion菜啫啫雞翼煲$138有三黃雞翼、自家水牛醬、藍芝士、唐芹似乎即係Buffalo Wings x 啫啫雞煲係單骨雞翼，調味料好入味，味道偏辣煲內發出嗞嗞聲，似平時港式啫啫雞煲風味，好香口咖央西多$78 就包含椰子吉士、柚子皮、斑蘭牛油、椰糖漿似馬拉Kaya x French Toast港式西多士做法，咖央配花生醬有層次，極重椰香味，只係個人略嫌太甜膩招牌有大坑薯條$78份量唔少，熱辣辣上枱有孜然、高菜、乾椒，調味豐富，味道偏鹹，較重口味，好啱做佐酒小食薯條幼身，有微微辣椒辛香味，脆卜卜，內裏算綿軟，夠惹味，帶微辣配上小兜貌似沙律醬x蛋黃醬嘅醬料，幾開胃，唔太油膩不過自己唔太鍾意薯條加入過多孜然粉，味道過重，蓋過薯香味賽螃蟹麵$298 將粵菜變西菜，變成中西合璧上海麵取代蛋白，配花蟹蟹肉撈勻，頂端有蟹蓋裝飾麵底質感一般，軟硬度OK，蟹蓋底有蛋黃將半熟蛋黃、蟹肉、麵條撈勻配有浙醋，為賽螃蟹麵提鮮蘸少少浙醋後，蟹肉鮮甜中帶浙醋酸味，有少少似食小籠包比起幾款小食，麵就無咁鹹…查看更多

西九龍8樓food court有唔少好嘅小店今次揀咗呢間泰式美食見佢主打海南雞飯、冬蔭功等但自己反而叫咗泰式蝦醬炒飯$45、泰式濕炒牛河$45整體都係合理價錢泰式蝦醬炒飯味道唔錯，飯粒炒得乾爽配料有海量肉鬆、蛋絲、蔥花、蝦乾飯量足，夠頂肚蝦醬鹹味唔太重，少少鹹香味容易入口泰式濕炒牛河就較失望份量亦足，賣相幾靚，有大塊牛肉、海量蔬菜、河粉但牛河濕得嚟無咗濕炒感味道偏重味，醬汁偏鹹，薑味重對比上次錦田嘅一間正宗泰國菜，實在太大對比可能係自己食過嗰間泰國人煮嘅濕炒牛河返唔到轉頭但呢度河粉幾多，偏幼身，只係唔太掛汁，唔夠香口，但夠飽肚$45重送埋西洋菜蜜同薑片雞湯菜蜜潤喉，雞湯比牛河有驚喜，感覺無味精有雞件同雞味，好重薑味，幾足料…查看更多

元朗國不嬲多嘢食，求其一間都OK呢間茶記匿埋橋底隔離，重要喺街市中間唔係八卦都見佢唔到$40平食又有，川菜$60-$90都有除咗落單姐姐幾隨性，其他都OK蠔仔肉碎湯飯 $48白飯另上，要自己加入白飯湯飯睇落好夠湯，但其實加埋白飯之後，飯會發脹啲湯其實只係啱啱好蠔仔份量唔少，算肥美，有大量芫荽同肉碎亦有杞子、薑、冬菜等配料奶白色湯底，似有魚湯打底望落幾足料，夠濃味酸菜魚 $90成碗上枱，幾多配菜吓魚肉份量唔多，但還算可以接受啲魚片嫩滑少骨，酸辣味算足夠只係唔明點解酸菜魚入面會有片檸檬口水雞半隻 $90/一隻$150幾重口味，不嬲口水雞都係靠調味入口偏辛辣、偏鹹，要撈白飯食是日例湯係苦瓜湯，含豬骨、鹹酸菜、黃豆等平時食苦瓜會覺得苦，但煲老火湯又可以接受唔會有苦味，入口甘甘哋…查看更多

同閨蜜去食Afternoon Tea揀咗ODEA 1881 Heritage唔少人都讚環境靚，食物有水準的確既對海景，白色+木質係幾靚似足法國殖民地風格嘅維多利亞式庭園寫意之餘，有輕奢感10月去食咗款三層架下午茶以銀色鳥籠設計，雀鳥+籐葉+水果裝飾幾得意每層押花+小珍珠裝飾點綴，有大自然色彩，適合打卡Tea Set以法式鹹甜點為主，幾精緻大多以水果為主食材，有少少馥郁果香有2款英式鬆餅+5款鹹點+4款甜品，幾的骰鬆餅有原味+Cranberry Scones唔算太鬆軟，偏硬，但幾重牛油味配有傳統clotted cream，亦有無花果桑莓果醬、香橙薑果醬，前者幾香滑，2款果醬唔太甜鹹點有法國芝士提子撻，舖滿金箔，望落矜貴內餡以芝士、提子混合，但芝士味唔夠濃，只有提子乾味日本牛肉及椰子泡芙似迷你版牛角包，內餡係牛肉碎，有肉香海藻日本帶子、芒果三文治係麥包夾芒果肉再擠有醬料同帶子肉裝飾，芒果肉係幾香甜龍蝦伴菠蘿、香草青瓜表面佈滿香草，內層係龍蝦肉同青瓜有層菠蘿果肉，酸甜中有爽口龍蝦肉同青瓜乳酪蟹餅、菠蘿蜜、蝦片就係蝦片上放蟹肉碎，擠上醬料蟹肉幾鮮甜，蝦片要盡快食先脆口甜點有荔枝、野草莓芝士餅，造型似栗子，鮮紅色配尖頂金箔底層有餅底，入口綿軟，芝士味唔濃，偏甜柚子芒果撻撻皮好快就變得唔脆表層係焦糖cream，內層夾雜柚子、芒果算比較有果味，但都係甜車厘子開心果法式蛋糕唔鬆軟，似cup cake嘅蛋糕感，開心果味欠奉頂頭車厘子軟淋淋，算有果味，蛋糕甜味較輕最中伏係一杯白桃椰子奶凍質感係液體狀，就算影相太耐會溶化，奶凍都唔係溶到水質程度入口椰子味過重，甜味又重，但無白桃味除咗一般咖啡或茶，加咗杯cocktail$58無酒精雞尾酒/加$78酒精雞尾酒果味特調嘅雞尾酒係有微微果味，不過太貴…查看更多

10月生日揀咗呢間良心店食甜品下午茶自助餐實際上係一款半自助式嘅buffet最平$120加一就可以食到甜品buffet叫埋頭盤主菜都係加$68up同路人+buffet+2個人$400，真係無可挑剔甜品有即叫即整+自由配搭嘅香脆窩夫或夾餅窩夫本身得麵粉味，加上配料先得另專櫃有麵包布甸、迷你鬆餅、抹茶奶凍、朱古力蛋糕、芝士蛋糕、3款水果等鬆餅、布甸、葡撻等較有質素奶凍、蛋糕等唔算特別重有10款口味嘅Mövenpick雪糕有覆盆子雪葩、熱情果芒果雪葩、焦糖、藍莓芝士蛋糕、意大利芝士蛋糕、冧酒提子、薄荷朱古力、瑞士朱古力、士多啤梨、呍呢嗱夢幻口味雪葩系列雪糕綿軟冰涼，芝士蛋糕系列就味重夠濃每位加$68-$148升級套餐重有一款頭盤+一款主菜+一杯餐茶頭盤有香煎北海道帶子、溫室豆苗、牛油果芥末蓉以豆苗點綴帶子，3粒帶子體積唔大，但幾香口同鮮甜，唔黐牙表面淋上牛油果芥末蓉，本身醬汁有微微青味，帶酸配合香煎帶子，中和煎香後嘅油膩感，反而幾開胃另一頭盤凍虎蝦、醃蘿蔔、紅椒汁諗住係一隻隻虎蝦，原來係一粒粒煮熟嘅虎蝦肉以醃蘿蔔、紅椒汁點綴，入口帶酸甜味，又幾醒胃主菜有香草烤羊架、黑水欖羅勒薯泥羊架羊羶味唔重，容易入口有2件羊架，擺盤上賣相不俗底層有煮到薯蓉質感嘅薯仔粒羊架7成熟都軟嫩有肉汁，好有油脂香，略嫌肥膏多咗啲另一主菜係烤焗豬柳、粟米蓉、脆薯蓉球豬柳剛熟，特別軟腍，烤焗後更香口惹味其實合共有有5款頭盤同7款主菜揀價錢合理，款式都唔少的確係平食自助餐之選…查看更多