Eattogetherhk的個人專頁

晚餐時段誤打誤撞見到呢間鋪頭幾多人，就試下。點左兩個晚市套餐，一個壽司餐，有五件壽司、烏冬、玉子燒同麵豉湯。另一份要咗刺身丼，刺身算多，配有玉子燒、中華海草同埋麵豉湯。賣相很不錯，食完，再睇下個價錢，性價比好高～同朋友約好左會再光顧～…查看更多

在荃灣廣場附近食左性價比超高嘅午餐。首先係燒蠔，肥美，調味酸酸甜甜，開胃。點左兩份午餐，蟹肉炒飯+粒粒波蘿梳打。蟹肉清晰可見，份量多，清清地幾好味。梳打入面既菠蘿細細粒，消暑。另一份午餐係泰式炒金邊粉+泰式奶茶。蝦好大粒，金邊粉夠煙韌，味道好正宗。跟餐泰式奶茶不用加錢，茶味香，性價比高。跟餐小食春卷，一碟居然有4條咁多，超香口，唯有下次再食蝦餅啦。最近喜歡食菠蘿，燒完嘅菠蘿好香甜，灑上七味粉，提升左層次。芒果糯米飯是每次食都會覺得好幸福既甜品。芒果頗甜，有2款糯米飯，軟糯。…查看更多

呢間位於荃灣廣場附近，已經是第二次光顧了。今日食晚市套餐，包括1個粉，1個飯，3款小食，同2杯飲品，定價才$188，性價比好高。豬頸肉撈檬：夏日炎炎最愛食撈檬，蘿蔔絲同個汁酸微微的，超級開胃，檬粉爽滑，豬頸肉和配菜份量勁多。咖喱豬扒加法包：算係幾辣，咖喱汁濃郁，豬扒份量多，質感鬆化。法包依舊高質，用黎沾咖喱汁超正。小食拼盤（春卷、扎肉、雞翼）：春卷脆卜卜，夠香口，我鐘意。扎肉夠香，雞翼肥美多肉。呢個小食拼盤一點都不馬虎。龍眼冰：比較清新，唔會死甜。青檸梳打：我至愛，涼透心。…查看更多

蛋糕款式都幾多，選擇困難症既我，左想右想，終於點左：草莓拿破崙 外型可愛精緻，面層有完整既一顆士多啤梨，草莓香濃郁，一啲都唔酸。酥皮口感鬆化，夾著甜度適中的吉士醬和滿滿的草莓果肉，好睇又好食，不愧是店內最受歡迎的熱賣甜點，我呢個都係果日最後一件～即買！朱古力布朗尼想試埋其他口感的蛋糕，選左朱古力布朗尼，面層topping鋪滿堅果碎，靚得黎增加左口感，食落去質地扎實，朱古力味濃郁，是配咖啡的好選擇，不過我自己一向喜歡食偏苦既黑朱古力，所以呢個對我黎講，冇草莓拿破崙咁驚艷。…查看更多

已經不是第一次到這家店，高質的食物和寧靜輕鬆的氛圍，係呢間樓上Cafe最吸引我的地方。星期日和朋友黎chill下，點了性價比頗高既二人套餐：1）千島夏威夷10寸手拉pizza～芝士超多，輕易做到拉絲效果，千島醬醒胃，菠蘿酸酸甜甜，餅底香脆，熱辣辣放入口，正！2）香辣虎蝦海鮮意粉雖然個名叫香辣，但唔算辣，意粉軟硬剛好，掛汁後相當惹味，有大大隻既虎蝦、青口、蜆…仲有青椒、蘑菇、洋蔥等，材料好豐富！3）炸蟹餅形狀好似丸，圓圓地，咬落啖啖肉，非常香口和彈牙。配上酸辣泰式辣醬，別有一番風味。4）小紅帽士多啤梨奶昔，清甜解渴。洛神花玫瑰花茶另外加既。好大壺，飲極都仲有，店員細心咁拿左兩個杯仔比我哋分享，仲有蠟燭保溫。食飽飽之後用黎消滯，再邊飲邊聊天。真係好舒服呀！…查看更多

難得的聖誕節假期，當然要同朋友聚一聚。今日去左銅鑼灣美食集中地登龍街，點左兩份午餐：香煎肉眼扒配韓式燒肉汁肉質好基本上不用太多的調味，所以我由頭到尾都沒沾醬汁。喜歡食 Medium Rare，一上菜已經聞到牛香，入口即感受到豐富而平均的油脂，肉質嫩滑。旁邊的薯條炸得香脆，令人不禁一條接一條地送入口。跟餐配雜菜沙律雖然是跟餐，但絕對是誠意之作。除了大量新鮮沙律菜外，仲有酸酸甜甜的車厘茄和平日較少見的紅石榴，拌上黑醋汁，健康又開胃。牛油果雞肉意粉作為牛油果迷，幾乎只要餐牌有就必點。今次也是高水準之作，意粉煮得剛好，保持彈牙有嚼勁，牛油果醬與意粉融合自然，雞肉保持到嫩滑，不錯呀。跟餐配精選餐湯朋友飲既，佢話喜歡再濃郁少少。跟餐加Tiramisù港女食甜品最緊要唔好太甜，呢個Tiramisù絕對做到。佢集香、滑、軟、甘澀等不同口感於一身，層次好豐富，以佢作結一餐，滿足埋個甜品胃，最緊要是甜品份量剛好，不會令人有太大罪惡感。…查看更多

一星期又開始，放工同同事兼好友食餐好既日本菜，稿賞自己。餐牌好豐富，樣樣都想食，忍不住點左好多：珍寶赤蝦刺身新鮮既赤蝦，肉質鮮甜彈牙，才$11隻，性價比極高！時令生蠔$15隻，超抵！想試原汁原味，簡單地落左少少檸檬汁，好肥美，係海洋的味道！必食！刺身三文魚+油甘魚+帶子+ 翡翠螺+北寄貝，全部都厚切，爽口新鮮肥美，好幸福！炭燒餃子雞翼（2隻）餃子雞翼脹卜卜 ，雞皮燒得金黃，雞肉非常滑嫩，食落充滿肉汁！三文魚奇趣卷(8件）第一次食，內層除左三文魚，仲有香口的脆脆，外軟內脆 ，好有驚喜！滑蛋燒鰻魚鍋飯天氣轉凍，想吃熱騰騰的飯！鰻魚味濃，雞蛋滑嘟嘟的，仲有炒得剛好的洋蔥，簡單又美味！炸軟殼蟹卷（6件）比想像中份量大，軟殼蟹香脆。卷物外沾滿蟹籽，口感豐富，飽肚之選。老板送贈既糖水係暖胃又滋潤既蕃薯糖水！食完好驅寒！好飽好飽，身心都滿足了！…查看更多

華都都一向都係屯門嘅美食集中地，入邊有唔少小店，今日比呢一間店名同裝修吸引咗，決定一試，味道都唔錯，我哋叫咗：日式壽喜燒+ 紅薯粉肥牛嫩滑，仲有大大塊豆腐、娃娃菜、洋蔥同獅子狗，營養均衡。配左紅薯粉，個質地幾特別，麵條比較闊和厚身，Q彈Q彈。姓膠雞煲+烏冬有分大、中、小辣，叫左小辣，但都好夠香辣味。雞件頗多且有肉地，把烏冬倒落去乾撈，非常惹味。炭燒皇牌豬頸肉豬頸肉外層燒得特別香口，做到外脆內軟。咬落爽口彈牙，好有驚喜，明白點解係王牌，超級讚！椒鹽豆腐豆腐脆皮佈滿椒鹽，令人越食越想食，$25嚟講，性價比好高！桃膠雪耳紅棗糖水清楚見到有幾舊好大塊嘅桃膠，仲有雪耳、紅棗，非常足料。味道清甜，感覺好滋潤，我喜歡！…查看更多

呢間小店喺阿妹公司附近，佢趁今日返半晝，就外賣返屋企試吓。香辣雞煲罐頭飯雞煲用罐頭裝住，我都第一次見！！飯同雞分開放，相當細心，值得一讚！外賣返到屋企微微暖，個罐頭係易開果種。雞件都算多，雞肉唔會碎濕濕，辣味幾香，唔算係超辣，辣完會有少少麻，個汁撈飯幾唔錯。冷串串套餐咁叫，選左8串：年糕、風琴串、章魚丸、脆皮腸、雞翼尖、豬皮、水魷魚、魚腐。可以選紅油麻辣味或藤椒味…….阿妹選左後者，汁是重點，所以一定將竹籤上面嘅冷串，浸喺醬汁度，等佢吸晒汁先食！沾料有一包油碟，一包乾碟（粉）。冷串串初體驗，覺得幾得意，藤椒味香而不辣，咩人都食到，冷串料方面，特別喜歡水魷魚，爽口彈牙！…查看更多

有時自己一個食飯，都會想食燒肉。呢間岩盤牛扒，有牛柳、牛板腱、肉眼、西冷….等不同部位選擇，我揀咗比較軟腍的牛柳， 300 g，店員會喺你面前即切即磅，感覺好勻真。另外我仲跟餐配左蒜蓉、白飯、和風湯和玄米茶！等咗大概5分鐘，就可以取餐啦。非常厚身嘅牛柳，煮到大約三成熟，牛柳面鋪滿左蒜蓉，仲有粟米粒，鐵板發出滋滋滋嘅聲音。我都唔敢怠慢，立即動手切開牛柳，俾佢在鐵板上燒多一陣，就即刻送入口。牛味非常濃郁，牛柳都好易切開。枱面仲有不同嘅調味料，我加咗少少岩鹽和黑椒，覺得味道好Perfect。肉肉加白飯，真係冇得輸，碗飯好快就食晒啦。最後飲番杯熱騰騰嘅玄米茶，飽足的一餐！…查看更多

午餐時間，點左：咸魚雞粒炒飯（$60）份量超級大碟，一出場已經被佢的鹹香味吸引住，炒飯粒粒分明，炒得夠乾身！雞肉唔會切得太細碎，不錯。喜歡混入左菜心，增加左咬口。銀芽肉絲炒麵（$55）脆卜卜的炒麵，上檯一定要即食。銀芽、韮黃炒到香噴噴，幾爽口。仲有肉絲、冬菇絲...豐富。我是重口味人士，問店員拿了惹味辣椒油，覺得落完成件事更加完整了。跟餐點了兩杯熱檸茶，店內環境寬敞，坐得舒服。同朋友傾吓偈，食飽飽，再去花墟賞花。滿足耶！…查看更多

想食素，去左位於大角咀的素來素往，CP值好高，菜式多得不能盡錄，就寫我最喜歡的：蘋果沙律呢度沙律都幾多選擇，選左蘋果沙律，夏日炎炎，呢個幾清爽開胃。口水雞No 1推介，肉質結實，咬落覺得自己係食緊雞，麻辣並重。涼拌四川薯粉喜歡川菜，薯粉Q彈，個汁堅正！皮蛋豆腐豆腐好滑，簡單而好味😋椒鹽豆腐炸品（蕃薯、南瓜）全都香口，但最喜歡椒鹽豆腐，外脆內嫩。炸鹹魚肉餅一小口的，好似食緊魚餅咁，幾得意。薄餅面層鋪滿左濃厚的芝士，芝士控必食呀！煎釀三寶無論外型和味道都好似，好少在素食店見到呢d街頭小食。星洲炒米飽肚之選，配料非常豐富，惹味得很。糖醋排骨原來係油炸鬼，咬落非常鬆脆，醬汁香濃。清炒時菜我都好喜歡食原型的菜，菜心、翠玉瓜、西蘭花和椰菜花都炒得很爽口💕甜品好值得試，有豆腐花、啫喱仔、馬荳糕….滿足埋個甜品胃。晚市罐裝汽水任飲，但我更愛自由斟的普洱茶和檸檬水，本來想試埋湯品，但食完沙律、涼拌、炸物、主食和甜品，已經好飽好飽了，留返下次吧！…查看更多

朋友住屯門虹橋附近，所以時不時都會過黎搵食，今日食呢間主打麻辣撈麵同糖水，我哋點左：雞嘆撈涼皮初體驗，比想像中厚，但爽滑、索汁。手撕雞同辣雞軟骨啖啖肉，要左BB辣，幾開胃惹味。花生同脆豆增添了口感，芫荽份量爆多，芫荽控必定大愛！白桃烏龍茶（跟餐+$8）自家製的樽裝茶，無糖感覺健康，淡淡的茶香和白桃味，值得一試。爆蒜蟹籽嘆撈色彩相當繽紛，有海量嘅蟹籽同櫻花蝦，拌以青瓜、芫荽及紫菜，相當有咬口。爆蒜亦香濃，吃得開懷，忽然有種夏天就係要食撈麵的領悟！木瓜燉雪耳天氣太熱，點了冷的。木瓜清甜，雪耳滋潤，飲完覺得身心都超舒服。芒果蘆薈小丸子夏天當然要食芒果，香甜的芒果，加上健康的蘆薈，和彈牙的小丸子，一次過滿足晒三個願望！賣相吸引，打卡一流！…查看更多

紅日同朋友去銅鑼灣行街，順便食個拉麵。富山麵家內有不少可愛的MY Melody元素，沉睡的少女心立即出晒黎點左：冠軍黑醬油拉麵黑色的醬油湯底甘香，叉燒肥瘦適中。拉麵煙韌彈牙，流心蛋滑嘟嘟，仲有我喜歡食的荀和香蔥，好味黃金蟹糕牛奶沾麵第一次見，牛奶湯味超級濃郁，仲有牛油香，蟹糕鮮味十足，配料有溏心蛋、蟹柳、粟米、兩大片叉燒…超級豐富！有驚喜！肉汁滿滿餃子沒改錯名，菜肉餡料爆多汁。煎得挺香口，沾醬汁食，效果更佳。串燒雞軟骨很香口惹味，一共四枝，份量算多，香脆的口感令人好滿足。凍鮮泡蜂蜜綠茶士多啤梨杯好靚，立即迫朋友幫自己打卡。蜂蜜綠茶甜度對我來說剛好，幾得意。熟白桃綠茶個杯相對普通，茶包鮮泡，帶出淡淡的白桃…查看更多

街坊朋友不停讚呢間食物有水準，老闆超好人，今日終於一一見識到，兩個人叫左：麻辣雞腎雞腎爽口有嚼勁，麻辣汁夠開胃！食唔停口！秘製咖喱牛腩牛腩軟腍，秘製咖喱汁辣得有層次，仲有入晒味的薯條。呢味咖喱牛腩超值得推薦！送飯一流！花雕醉豬手仔炎炎夏日必吃，濃郁的花雕酒香，外皮清爽，肉質軟腍。泰式滑海南雞+ 黃油飯+ 蠔油生菜雞肉滑，份量多。即叫即切，以保留肉汁。可選白飯或黃油飯，後者吖唔該。醃製嘅蘿蔔超好食，呢個配菜直情可以專登買！回家邊吹水邊享用美食，樣樣都好食，而且價錢相宜，性價比高，以後外賣又多一個選擇！…查看更多