pannacotta1314的个人专页

距離上次去泰國都差唔多有成年，勁掛住泰國啲嘢食🍽!!!一直都知九龍城有「小泰國」嘅稱號，今日終於的起心肝，去一間叫做小曼谷海鮮燒烤屋嘅餐廳試試! 😛入面裝修勁有有泰國feel，一行入去就好似飛咗去曼谷夜市咁。既然有夜市feel，必定係試吓火山骨同沙嗲串燒🥰火山骨酸酸辣辣好開胃!😂 啲肉勁易拆，加分加分💯咁啱撞正一個星期有三種菜式優惠，星期三至五可以用38蚊叫到呢碟極大份嘅火山骨，抵食抵食❤❤順帶一提佢哋嘅出菜速度快到驚人，一落單冇耐就已經上咗菜。特別推介鐵板豬頸肉馬拉盞通菜，選擇鐵板做底keep住熱辣辣。我地仲試左菠蘿海鮮炒飯亦非常足料，第一次見有餐廳落大粒帶子炒，勁滿足。🍍🦐最後叫咗個芒果糯米飯做甜品，芒果🥭新鮮唔酸，一啖糯米飯一啖芒果配合埋椰汁fit到漏。如果你想體驗地道嘅泰國菜，小曼谷海鮮燒烤屋絕對係一個好選擇😋無論係裝潢、服務或者係食物質素，都令人感受到泰國嘅獨特魅力。推薦俾所有鍾意泰國菜嘅朋友，保證唔會失望！🌴小曼谷海鮮燒烤屋(九龍城)…查看更多

想食好耐 成日見到朋友post終於試到啦😛今次去嘅係觀塘1亞太中心6樓分店牛站係任食打邊爐的形式～到訪嘅晚市7點時段，唔使等得太耐就入座肉類同海鮮係用QR code自助落單形式而火鍋配料/蔬菜/前菜/粉麵/甜品/熟食/飲品/酒/雪糕都係自助區任君選擇！！！ 種類多到講唔哂 無誇張😂勁豐富 無論想食咩都一定滿足到特別值得一提嘅係麻辣小龍蝦同燒乳鴿呢啲唔係咁常見嘅菜式竟然都有，非常加分呀至於肉類放題plan有3個價位今次我地揀左中間價位的和牛set除左美國極黑和牛片之外，仲食到安格斯牛板鍵、牛肩胛同埋巴西牛脷托片質素非常好👍🏼 肉質好嫩好香牛味 肥牛之鬼表示滿意🥰除左牛肉 佢地嘅海鮮同海底都完全無馬虎 💯！有海蝦、水魷、沙白同帆立貝，甚至會用冰底上盤～海底我地揀左鴛鴦鍋～係佢地嘅兩大招牌：秘制麻辣鍋湯底+滋補豬筒骨海底😋麻辣湯有唔同辣度任君選擇，大辣或者係BB辣，總有一款啱你口味！另外豬骨湯底濃郁，清清地最食到食材本身嘅鮮味必試之選有白桃烏龍茶同鴨屎檸檬茶，味道獨特又解渴；極黑和牛片厚薄適中，煮到七分熟就可以享受到滿滿牛味總括嚟講，牛站嘅價錢相對於提供嘅質素同選擇真係物超所值。鍾意打邊爐嘅朋友真心推介嚟試吓！…查看更多

今日約左朋友收工係附近dinner聚一聚～朋友介紹左呢間佢平時lunch都成日幫襯既西餐 今次就黎試試佢地個dinner menu😝AGE Cuisine Express係隱身左係商廈入面環境闊落 我地今日早左到 入座時唔算多人 坐得好舒服～食物質素總體嚟講真係水準之上🍽同朋友食咗兩樣招牌菜：香煎帶子配XO醬寬蛋意粉同埋燒美國Prime級牛扒配薯條。💫香煎帶子配XO醬寬蛋意粉XO醬調味做得好夠味，意粉嘅口感又剛剛好，帶子煎到金黃鎖住鮮味同埋XO醬配意粉真係好少試！有surprise到但係，如果你唔鐘意食青椒或者紅椒，記得要事先話俾職員知，因為佢地係呢道菜入面放咗唔少椒類㗎。💫燒美國Prime級牛扒真係值得一讚，薯條油份少，食多幾條都唔會膩～美國Prime牛扒香濃多汁，自選熟度我地揀左5成 肉質唔算話超嫩滑，但絕對唔鞋！肉味好香  而加打字諗起都有D想再食haha整體用餐經驗真係幾好，服務質素亦好貼心 職員好友善。用膳空間寬敞，坐落喺太古站A1出口行大概5分鐘就到，非常方便。無論係同朋友聚會定係商業午餐，我都覺得值得一試…查看更多

前菜嘅麵包有蒜蓉包同埋搽牛油嘅芝麻包從餐包已經睇得出餐廳嘅用心蟹肉南瓜湯好鮮甜嘅蟹肉南瓜湯，每一啖都食到少少蟹肉碎，而且加咗少少忌廉嘅cream，令到南瓜湯更加滑。焗芝士牛肉千層麵睇賣相已經好吸引，成塊芝士鋪上面，經過焗嘅烹調方式，更加吸引🤩而且佢嘅牛肉餡都係比平時出邊食開嘅多，每一啖牛肉碎都係好入味，而且軟硬度適中，唔會overcook而且千層麵會融入咗係呢度菜入面，唔會過厚，反而牛肉碎仲多過千層麵西班牙黑毛豬黑毛豬燒得剛好，少少紅，但絕對係煮熟，加埋小小嘅肥嘅油脂，令到肉質好嫩口，配合黑醋，更加滋味餐飲係熱奶茶，但係一啲都唔求其，茶底幾好，會飲得出係濃濃嘅奶茶香味餐廳環境都唔錯，配合埋美食佳餚，細鋪得來寧靜，而且樓上都仲有地方，可以有個寧靜嘅角落去嘆下晚餐，不錯～…查看更多

高質牛肉火鍋店有十款湯底揀，我揀左椰子雞鍋，火鍋一放底就有好濃嘅椰子香味，而且仲有隻大大嘅雞脾，睇到都吸引。湯底夠清，有埋杞子若出潤得黎少少清甜黎呢到當然係食佢啲牛啦，質素係相當高。叫左四款牛，有美國極黑和牛，美國安格斯牛板腱，美國肩胛肉同手切封門柳。肉眼可見油脂分部高，淥10秒8秒就食得，佢地仲有張卡仔教你淥幾耐，夠哂貼心。佢地仲有啲特色丸類值得值下，尤其係海苔咸蛋黃丸，啱哂我呢啲中意食咸蛋黃嘅人。仲有海鮮嘅質素都唔差，而且仲有好多款揀添，包括帆立貝，鮑魚，象拔蚌等等。菜類亦相當豐富。仲有啲小食可以叫～第一次見火鍋店有乳鴿食，幾特別。😂另外仲有炸芝麻雞翼，鹽酥雞同黑糖餡嘅糍粑，味道都幾唔錯架。飲品方面，佢地有多款茶類比你揀，連珍珠奶茶都有😂。雪糕亦有唔同牌子比你揀，當然唔少得有haagen-Dazs啦。豐富到不得了！…查看更多

二人餐好吸引有曬前菜沙律同西式湯，好鍾意佢嘅是日精選餐湯，忌廉南瓜好好味沙律食材新鮮蔬菜咬落有脆口野飲叫左冬瓜茶甜度適中同熱Oreo脆脆特濃朱古力，比較啱鍾意甜少少口味嘅人西班牙燒烤醬黑毛豬肋骨的份量也唔少，肉質咬落唔煙靭，而且外貌賣相唔差豬肋骨附送嘅薯條，油炸得啱啱好連配菜嘅紅蘿蔔片、茄子片同青瓜片都好食，有埋佢地嘅顏色配搭非鮮艷煙三文魚溫泉蛋卡邦尼扁意煙意粉嘅味道恰到好處，除了一大片煙三文魚外，仲有好多煙肉蘑菇，非常多料～而且意粉軟硬適中，烹調時間剛好Cafe有好多貓貓，但環境依然乾淨，食得舒服，食得開心，下次好想再黎…查看更多

一間可以任食雞煲，鴨煲或豬手煲嘅火鍋店，而且每個煲都好足料。揀左個黑椒豬手煲食，一黎到店員會幫手翻抄，黑椒嘅香味岀哂黎，眼見都有十幾舊豬骨，份量認真唔少。肉質都夠哂冧唔會好韌，好容易就可以骨肉分離，加埋香辣嘅黑椒味，我一個人都食得哂一煲，而且唔夠仲有得再加添。之後就可以打邊爐！我地擇左b餐，叫左個豬骨湯底，絕對係真材實料，大大舊豬骨係入面。牛方面有牛板腱，牛胸腹，封門柳，鮮牛肉。雖然種類唔多，但都好夠食。而且質素都唔係差，食得岀鮮嫩。如果想食多啲唔同牛肉嘅朋友可以擇type c。佢地仲有各款丸類，係好特別嘅款，幾唔錯仲有餃子，蔬菜類同海鮮，夠哂抵食。仲可以仼飲飲品，最後仲有雪糕食！…查看更多

伊比利亞火腿忌廉薯餅炸薯餅特別在於個餡有少少薯蓉漿，而且有忌廉味同埋薯蓉嘅質感，同出面整法有啲唔同，可以一試日式吉列炸豬排三文治吉列豬扒配三文治原本感覺好乾，但佢將吉列豬扒炸得脆口之餘，仲加咗醬油醃製過嘅洋蔥，所以唔會感覺好乾～呢一碟好精緻嘅三文治，份量唔算多但擺得靚同好食紅酒燴牛臉頰伴忌廉薯蓉牛臉頰煮得好嫩，中間嘅肉鮮紅色，嫩得黎有口感，而且每啖都好入味，用紅酒去燴，味道更加有特色！牛臉頰份量都唔少，而且仲有creamy忌廉薯蓉係底，令到口感軟滑~自家製西班牙油炸鬼•熱朱古力醬•玉桂糖•雲尼拿雪糕大大碟每條都長長的可以慢慢享受，加左玉桂糖同雲尼拿雪糕，呢個配搭真係唔錯～配熱朱古力醬係唔錯嘅選擇兩杯mocktail賣相都好吸引，用心地製作!白晝(白桃/蘋果/紅茶)呢杯甜味比較重，似係平時果汁類飲品嘅味道紫霞(檸檬/ 蜜糖/ 蝶豆花/梳打水)呢杯少少酸味，有種酸甜嘅味鮮，少少fresh加上有梳打水，好爽…查看更多

第一步先揀頭盤，每人都可以揀半隻龍蝦或3隻焗生蠔，又可以兩個人揀一煲雞煲或酸菜魚。可惜個日冇哂生蠔，中意食焗生蠔嘅朋友可能要早啲去叫定。雖然冇焗生蠔食，但焗龍蝦都好唔錯。肉質夠彈，又有大量芝士蓋住再加上莎莎醬，開胃又好味，整到好似岀面啲高級餐廳。另外仲有4款小食，有中華沙律，酸醋雲耳，手拍青瓜同炸雞軟骨，款款味道都唔錯架。第二部曲揀湯底，佢哋有十款湯底可以揀，而且轉鴛鴦湯底係免費㗎。我哋揀咗大排檔豬骨湯底同喇沙海鮮湯底。湯底方面唔求其，大排檔豬骨湯底真係有兩大舊豬腳骨喺入面淆製，喇沙海鮮味湯底嘅味道都好濃郁。第三部曲佢哋會根據人頭比時令海鮮拼盤同美國安格斯牛肉拼盤。海鮮拼盤入面有蟶子，蠔，鮑魚，海蝦，魚肉，蟹棒，手打蝦丸同墨魚丸，款式夠晒多夠晒豐富。而且質素都唔差甚至見到鮑魚仲識得郁，夠哂新鮮。牛肉拼盤有封門柳，牛小排，牛肩胛同牛板腱，眼見到嘅雪花脂肪都知道靚。第四部曲就係可以任食佢哋嘅美國肥牛同特級黑豚肉，仲有各款肉丸同佢哋自製嘅水餃。最後當然唔少得雪糕同飲品啦。雪糕方面，每人可以食一客movenpick雪糕，野飲有懷舊嘅樽裝汽水，夠哂特別。…查看更多

涼拌Wasabi魚皮一款好特別嘅涼拌前菜，第一次食魚皮嘅菜式都咁吸引，涼涼嘅魚皮製作到爽口彈牙，食每一條都感覺好新鮮。配合炒過嘅花生，少少辣椒味刺激味蕾，仲有Wasabi嘅味道，感覺清涼得黎又有啲野味，係好食而又特別嘅選擇蜜餞鱔球要烹調鱔烹調得好食唔易，但無論係佢嘅賣相定味道都好正。蜜汁嘅味道融入左鱔球嘅外皮，而且外皮煎得香口。鱔球肉質彈牙，烹調時間剛好，唔會過老，亦唔太多骨~鹹蛋黃炸豆角炸到黃金般嘅豆角，係有最喜愛嘅鹹蛋黃，味道好出，而且炸粉落得恰當，令每一舊豆角都係脆皮。炸過嘅豆角都唔會太乾，處理得好好👍🏻餐廳嘅菜式都處理得幾出色，有啲款式都幾創新，野味而且好食的！…查看更多

樓上小炒皇好有鑊氣咁炒出看似簡單嘅食材，就係用炸過嘅腰果同小魚仔，好脆口，配合炒得爽嘅韭菜令原本唔算大粒嘅蝦同帶子都好有味道～淮山炒蓮藕片淮山蓮藕睇落去好普通，以往都好少食，但係見佢炒得咁有鑊氣，都忍唔住叫~每塊都切得好薄，所以食落去都唔會覺得好大舊好快就食晒，淮山片個質感都唔錯，外表少少滑得來食落去係爽～蟹油炒面好有鑊氣嘅深啡色炒麵，炒得分明，餸唔多但有腰果同埋蝦乾調味。雖然炒出嚟麵質比較硬，食硬少少麵底嘅人會啱啲，但味道不錯蠔仔菜脯煎蛋呢碟真係最喜愛的！蠔仔唔腥，而且質感適中唔會話太過腍啤啤。加上煎蛋真係好出色，塊煎蛋有啲厚度但入邊嘅餡依然好實咁樣藏喺入面，而且仲有少少滑蛋嘅感覺，唔會煎得過火金沙脆魚皮細細塊嘅炸魚皮係最好食，因為唔會太過硬亦都有適當嘅脆口，即使擺耐左都仲係脆。不過大塊就有啲太硬，視乎個人喜好嘅口感百香果檸檬梳打同埋凍檸茶百香果味道都好出，配合住檸檬梳打係唔錯嘅配搭。想食小炒菜式同埋避風塘菜式，可以黎呢到。雖然相對每一碟就多少少油，但係由喜記炒蟹前總廚真係炒得唔錯。加上呢個餐廳有懷舊大排檔嘅裝修，食得開心～…查看更多

二鍋頭嘅鍋底款式好多，有雞煲、鴨煲同豬手煲。最鍾意食雞煲，果然味道好濃郁，而且份量仲好多添，食完仲有得加不得了！$300幾食到咁高質真係抵到爛，仲要之後可以轉火鍋🍲，繼續食～食到心靈都滿足胡椒豬肚湯底睇落幾有特色，所以就用呢個湯底滾食物都特別正。火鍋料有牛同海鮮任食，任叫嘅感覺真係好正，可以慢慢食有安格斯牛板腱同安格斯封門牛柳仲有蜆同章魚仔。牛板腱好快就食得，大淡大淡食，夠哂過癮。封門牛柳就好有牛味。蜆都洗得幾乾淨，而且都唔會腥。章魚仔就好彈牙，一口一個都幾爽。見到嘢飲有咁多選擇，啱晒夏日炎炎，可以狂飲野，見到有黑加侖子氣水飲，都即刻飲返幾罐～鍾意食雞煲火鍋嘅人真係會想再黎食😋。…查看更多

佢哋係香港第一間有清真認真嘅意大利餐廳，係質素同味道嘅保證。三文魚Pizza好大份，一上枱見到就好吸引，勁多芝士係上面而且三文魚都有好多，唔係話每塊pizza有一片三文魚就算，係佈滿成個pizza的，而且外皮好脆口，所以食落夠哂滿足。烤雞肉卷裏面好多餡，有烤雞肉，蕃茄，洋蔥，紫椰菜同青瓜。配上佢地嘅醬汁，味道酸酸甜甜，夠曬開胃，口感又夠哂豐富，果然無叫錯呢到仲有唔少特色飲品，菠蘿冰茶味道酸酸甜甜，菠蘿味都幾濃，幾有印式風味。佢地仲做緊pomote $199就食到200克澳洲肉眼扒，真係下次都想再黎食下。見到隔籬枱嗌都好吸睛。而且餐廳環境都算唔錯，可以坐係到慢慢嘆～…查看更多

辣肉腸手工Pizza滿滿嘅芝士蓋面，食落去仲有芝士拉絲，而且都有突出芝士嗰種鹹味。配合少少辣嘅辣椒同辣肉腸刺激味蕾，令到pizza好有味~正宗手工pizza黎講，唔係屬於太薄嘅餅底，麵包底有啲厚度有啲咬感，只係pizza面相對比較油傳統肉醬手工千層麵見到咁考功夫嘅千層麵，都好想食。賣相已經好吸引，切落去見到一層層好分明嘅麵底，而且好細心咁層與層之間都有肉醬，食落去淡淡豐富嘅味道，難怪Menu會特別推介！而且肉醬蕃茄醬味道剛好，有適當嘅甜酸味道～意式燒乳豬配焦糖蘋果芥末籽蓉脆口嘅乳豬皮真係好讚，而且都好細心咁切咗一嚿嚿乳豬。雖然乳豬嘅肉質實左少少，但係每一嚿都平均分配到脂肪同埋肉嘅比例，令到食落去比較有層次感同軟滑食物嘅賣相唔錯，最吸引係餐廳嘅環境佈置，以星空做主題，好有氣氛～無論係食物定食境都唔錯～…查看更多

芝士雞蛋卷好大份，外有厚厚嘅蛋卷包住，內有滿滿呢芝士比紫菜包住，每一淡都有好香嘅芝士味。而且外表仲有菜條和唔同嘅醬汁，食哂成份都唔會好滯。原味炸雞嘅雞皮炸到金黃，外面酥脆內裡外汁，仲配上芥末醬食，味道好夾口感又好，幾值得試下。蝦仁炸醬炒飯又係幾唔錯。蝦仁炒飯平平冇奇，但重點係佢哋嘅炸醬到，好有正宗韓國嘅炸醬味，配上蝦仁炒飯真係好餸飯。佢哋嘅炸醬幾值得試下。整體黎講都好正，地道韓式菜嘅味道，而且仲有好多選擇，每碟都大大份，5點之後食會收10%服務費~…查看更多