beautifulsunday的个人专页

同朋友嚟到觀塘工廈新開嘅日式餐廳食早餐，專門賣漢堡扒飯😍 裝修都幾別緻，有日本小店嘅感覺。同朋友分別嗌咗兩個漢堡扒飯，我嗌果個係手打和牛、秘製漢堡汁，漢堡扒超級鬆軟，好juicy，個汁甜甜地，蘭王蛋隻色好靚，亦好啱送飯，我揀咗配菜係泡菜，豐富咗個飯嘅味道！朋友叫咗個芝士安格斯漢堡、白味噌汁，配菜揀咗芥辣酸瓜，佢話個飯好有層次芥末酸瓜唔會太濃味，同上面既日本蛋黃混埋一齊十分香口，又唔會搶左漢堡本身的肉味。…查看更多

今日同朋友去咗食室內大排檔～ 呢間大排檔同我認知嘅好唔同，環境舒適衛生，服務親切，好啱一大班朋友聚會！食物方面，我嗌咗個胡椒豬雜鍋，同埋一碟酸菜魚。個豬雜鍋好多料，最鍾意係食啲豬膶，吸晒啲湯好入味，食完呢個已經好飽，仲要啲湯好好飲，飲咗幾啖呀！酸菜魚啲魚啖啖肉，又大塊，好嫩滑又冇骨，食落都幾辣，但可以嗌小辣嘅👍🏼 食呢兩碟比較重口味嘅嘢，梗係要嗌返杯嘢飲解渴，嗌咗個大大杯檸茶，邊飲邊食辣野好爽呀！…查看更多

好少會打得咁差，但真係唔想再有人中伏！.同同事去食lunch叫左碟沙薑雞飯黎到碟雞好似隔夜菜咁雞骨雞血位好似叮完又叮咁黑黑乾乾層皮壓到扁哂幾舊痴埋一齊好似未翻熱咁夾上黎試真係凍既同佢講返話碟雞凍佢加左幾件唔同色既雞件係面再拎出黎我諗加熱左掛食落去有少少酸 諗住佢可能掂到d撈檬醋所以冇出聲再食都係酸頂唔順唔想再食亦冇諗住換過 .望左個侍應一眼個侍應埋黎問我係咪唔要收唔收得我話碟野變左味喇、酸既 諗住好心同佢地講聲唔好再出俾其他客食佢就同個收銀講收銀一句唔好意思都冇劈頭就問我「咩野酸？」因為我用筷子點過碟雞入面既沙薑汁係酸既我就同佢講個汁壞左 佢叫個侍應同廚房講汁酸左.佢冇問我要唔要換 冇講過任何唔好意思或者sorry 我都唔想再食再換所以飲埋杯餐飲就算到埋單佢直接收我全數 仍然係一句唔好意思都冇 我就多口問句碟野壞左有冇得扣錢個收銀話返我轉頭.「扣咩錢？」「頭先壞左果碟野」「你唔一早講？」「我頭先咪同你講左囉」「你第一啖唔出聲嗌換？」.我心諗碟野我郁左少少已經冇食落去 你唔係覺得我想呃你個餐呀？只係見你咩表示都冇 睇下你會唔會discount 返有問題果個餐 .俾佢搞到躁躁地我話「是但喇」就俾錢點知佢找錢仲發我悔氣 將找俾我張10蚊紙拍落枱離哂譜！我都冇係佢其他客面前同佢嘈 咁既服務態度！仲要冇禮貌！.BLACKLISTED!!.大家去食真係要小心啲，有咩唔妥第一時間出聲先！…查看更多

成日經過都見到門口有人排隊等位，好奇之下上網搵下料，原來係泰式湯底車仔麵，好特別喎，終於有機會試下！..要左3餸麵 $38湯底有5款（泰國鱷魚湯、冬蔭公湯、咖哩湯、牛腩湯同埋清湯），第一次嚟梗係試下推介嘅鱷魚湯啦！再揀左3款餸，通常食車仔麵我都會叫豬大腸，另外仲揀左牛筋同雞腎，要米線做底～.試左一啖湯先，清清地，唔係好飲到鱷魚味，可能我根本唔知佢係咩味😂，佢湯底有啲紅棗同杞子，好健康嘅感覺，我叫左微辣，佢係放左少少辣醬喺面，我撈勻左佢再飲啲湯，反而更鮮味，個辣醬好香！.豬大腸好淋好入味，都洗得好乾淨，不過就比較多肥膏，牛筋就煙韌有嚼口，雞腎都係好淋，無左佢應有嘅質感，米線就比較硬身，唔夠滑，仲有送左幾條鴻喜菇～.整體嚟講性價比高，我見其他食客嘅冬蔭公湯底好似好香，炸雞翼又好似好正，下次可以試試！…查看更多

炮台山新開泰菜餐廳，望入去似快餐店，我覺得價錢算貴，偏中上，因為佢地嘅份量都偏細份呀！但味道算不錯的～.滷水豬手飯 $58豬手好淋好入味，醬汁偏杰身，配埋個酸甜醬同酸菜做配菜好開胃，可以中和豬手嘅肥膩感，隻滷水蛋就不過不失啦，如果溏心少少就正😂.無骨海南雞飯 $68無骨海南雞都好嫩，皮肉分明，無肥膏，但唔會鞋，油飯較淡色，但都好香，個醬汁酸酸辣辣幾好味～.曼谷奶茶（凍） $22呢杯好飲！真係有喺泰國飲嘅奶茶嘅味道，偏甜，但好香好滑～…查看更多

點單寫喺膠片上，可重用，好環保！佢地主打有牛三鮮、豬三鮮同魚三鮮，特級牛丸王亦都係招牌之一，第一次嚟，好想貪心啲食個牛三鮮乜都有，包括牛腩、牛筋同牛肚，但我又好想試下佢地嘅牛丸，其實可以+$15加多個餸，但我又驚食唔晒，我問老闆娘可唔可以牛肚轉牛丸，佢話唔得架但可以請一粒俾我試食，好開心呀！結果就由牛三鮮變為牛四鮮喇！（靜雞雞🙊）.牛三鮮河粉 $55 （轉崩沙腩+$5）第一啖飲左湯先，好好味呀，老闆娘話無味精架，咁真係唔鹹嘅，有鮮味，牛肚同牛筋都好淋好入味，牛筋食完有少少黏口，係骨膠原呀！轉左崩沙腩，唔會太肥，但又一啲都唔韌，入口即溶！河粉都好幼好滑～.配料揀左芽菜同冬菜，冬菜偏鹹，但我將佢放晒落湯又幾吊味～.之後就係牛丸喇！真係彈牙嘅，好有質感，好好食！下次我會叫多啲牛丸！😂.仲有3款辣椒🌶️揀，辣椒油加左沙嗲炒，好香，唔太辣，黃色嘅係燈籠椒，偏辣，橙色嘅呢就酸酸辣辣幾開胃～·咸檸檬雪碧特飲 $22 （跟餐$15）雪碧枝裝上，好有誠意！好解渴～…查看更多

厚福街都可算係尖沙咀地標吧，有好多好野食，食完晚餐梗係要去食甜品啦！路過見到呢間餐廳好似唔錯，啲食物飲品賣相都好靚，絕對係港女呃like必備～..桂花清酒水玄心太軟 $78一嚟到真係嘩嘩聲，賣相超得！透明嘅水信玄餅，見到中間嘅心太軟，桂花散落好似星星咁，底下啲清酒糖漿係有閃粉架！超浮誇！味道就偏甜～..夾心糯米熱香餅 $88每日限定10份，好幸運竟然食到！熱香餅質感好特別，入面有糯米餡，煙煙韌韌，再加上表面的砂糖，又幾得意～..火龍果紅茶乳酪 $46呢杯賣相又係好靚，成杯都係粉紅色，飲落好fresh，唔會太甜！..薰衣草黑梅鐵觀音 $40呢杯茶味好濃，甘甘地，薰衣草味都好香，雖然其實覺得薰衣草味嘅食物都有啲似清新劑的感覺…查看更多

元朗有幾間餐廳都好出名食豬扒飯，開心小敍係其中一間，亦係我最鍾意嘅一間～之前只有一間舖，星期六、日成日都好多人等要等好耐，宜家喺隔離開多間舖就好好多了！..我每次嚟都必定會叫豬扒雙蛋飯 $40佢嘅豬扒好大塊，煎得好香，肉質好淋好嫩，試過咁多隻汁都係配豉油最好食，我覺得夠晒味，但見好多食客都叫店員俾支豉油佢地自己落，好重口味，煎太陽蛋好正架，啲蛋汁撈埋豉油再撈飯食，好啱味！唯一美中不足係唔知點解啲飯成日都偏硬，可能係因為咁所以其他人要落豉油整濕啲掛，哈哈！…查看更多

突然心血來潮想食瑞士雞翼撈公仔麵，去紅磡冰室就啱晒～..叫左個常餐 $48可揀瑞士雞翼/香煎豬扒撈公仔麵、西煎雙蛋/嫩滑炒蛋、牛油多士/香烤蒜蓉包。..嫩滑炒蛋+香烤蒜蓉包炒蛋份量唔多，但唔知點解好漏，個蛋係滑嘅，但食少少就飽，蒜蓉包好香蒜味，但唔夠脆，淋身啲，又係覺得好漏.....瑞士雞翼撈公仔麵呢個就真係好食！三大隻瑞士汁雞翼，好濃、好入味，食得出啲汁好稠身，唔係好稀果種，雞翼亦浸得淋身，好好食！而啲公仔麵索晒瑞士汁更加係無得輸！..去茶餐廳最愛就係茶走～…查看更多

位於yoho mall一田超市入面嘅麵包店，雖然喺角落頭，但經過都會聞到好香新鮮出爐嘅麵包味～今次試了3款，3.6牛乳卷、黑芝麻蕃薯同埋芝士薄燒餅，其中3.6牛乳卷比較好。3.6牛乳卷 $56海綿蛋糕好軟熟，入面嘅牛乳cream好厚身稠身，但又唔會好漏，而且都好滑～黑芝麻蕃薯 $33都好大舊，芝麻味好香，蕃薯粒好多，麵包都軟熟。芝士薄燒餅 $16呢個真係成個pizza咁大個，表面有好多芝士，如果新鮮出爐一定好正，可惜凍左就變得好硬。…查看更多

朋友喺附近工作，帶我嚟呢間新開嘅餐廳試下，呢間餐廳就好似佢個名「麵麵」一樣，只係食麵嘅，而且主打魚麵，分雪白魚麵同手工魚麵，朋友2隻都試過，話雪白魚麵比較爽口，而手工魚麵就比較煙韌。牛油雞翼魚湯料理 $68星期六都有午餐，叫左個牛油雞翼魚湯料理，一嚟想試下佢嘅雪白魚麵，二嚟朋友話佢嘅牛油雞翼好正，果然無失望，雞翼炸得好香脆，魚麵質感好得意，似係潮州魚蛋變左做一條條嘅感覺，個人覺得幾特別，但似乎唔係個個鍾意，魚湯底好清，飲完唔覺口乾，另外套餐亦包括2款頭盤小食，個梅子漬車厘茄都好特別，酸酸甜甜，梅子味好香～個辣醬亦係亮點，唔辣但好香，似XO醬嘅感覺～套餐包一杯熱飲，難得可以揀cappuccino，當然要一試，店員好有心機每杯拉花都唔同架～…查看更多

成日經過舊舖都見到門口好多人等位，令我卻步，呢間新店開左咁耐先幫襯第一次，成日上openrice見到食評話啲雞飯好正，終於有機會食喇～霸王雞菜飯 $54上網睇圖已經覺得好震撼！一大堆嘅薑、蔥、炸蒜，好香！雞嘅份量都好多，絕對夠送飯，肉質淋，無乜鮮味但亦唔會有雪藏味，底下有好多芽菜，索晒啲豉油超好食呀，個菜飯啲菜好多，唔會變晒黃，仲好新鮮。經濟鹹雞菜飯 $67呢個係套餐，包一杯茶/咖啡/老火湯，佢之所以價錢貴啲，因為用上新鮮農場雞，但我覺得雞肉較實較鞋，份量亦較少，隨飯附上一小碟蔥油同沙薑，但啲鹹雞本身都好夠味，所以唔使點都得。…查看更多

友人話呢間係日本第一拉麵，難得嚟到香港當然要去下朝聖！店舖位於LCX內，我地星期六晚去，一去到門口已經有人龍排緊隊，但流動都算快，喺門口等左約35分鐘，入座後再等多30分鐘後拉麵先到，但飲第一啖湯已經覺得係絕對值得架！我地好幸運被安排對住維港嘅座位，有夜景睇，仲可以睇埋幻彩詠香江睇下景傾下計，好快期待已久嘅拉麵就嚟到喇～特製濃厚魚介拉麵 $158嚟到第一件事梗係飲啖湯先，一飲真係好驚喜，湯嘅質感好濃厚，好滑，好似好多骨膠原咁，仲有好重嘅魚介味，再試一啖拉麵，拉麵粗幼軟硬度都無得揀，佢屬於偏幼身，都好滑，而且最讚係掛湯力一流！味玉好入味，好食！肉丸內有軟骨，都好得意，反而雞肉同叉燒較鞋口，無乜特別～個湯底好飲到要清晒個碗呀！…查看更多

呢間位於北角的日本菜小店，位置不起眼，舖面細細，但卻有超高質素的食物同殷勤的店員，店員會細心咁問我地對食物的意見，又會熱情咁同我地介紹不同嘅酒，因為呢間小店主打好多款特別的酒，經店員介紹後，好少飲清酒嘅我地都忍唔住叫左一支淺嚐一下。黑松露帶子沙律 $58好香黑松露味，帶子略為煎一煎好香口，配埋蕃茄、青瓜、沙律菜，仲有酸酸地嘅沙律醋，係好清新的小食。特盛甲羅丼 $168包括2個松葉蟹蓋，分別係海膽同埋九頭龍清酒煮松葉蟹肉，店員教我地將呢2個蟹蓋嘅料，連埋蛋黃一齊撈落個蟹籽飯，好香好好味呀，仲有少少炭燒的味道，每一啖都有好豐富嘅口感，食完係好滿足！海膽 $280海膽係時價，所以可能價錢會有變，我地以為夾紫菜夾飯會好食，原本唔包飯的，但店員好好話送一碗俾我地，但我地發現原來就咁用紫菜同青瓜絲夾住嚟食先係最鮮味！呢個真係無得輸，海膽又鮮又滑，超好食！長野純米吟釀 $35店員話呢隻係長野縣北阿爾卑斯山嘅之地酒，特點係醇厚香濃，米香扎實，我唔識分架其實，但覺得飲左落去有一陣暖流，好暖胃，米味就唔太重，反而酒味好出，呢度只係2小杯份量，但飲完都有啲wing wing地。…查看更多

呢間川味美食喺長沙灣同深水埗有幾間分店，每逢午飯時間就好多人，一定坐滿晒。麵嚟講佢分別有紅薯粗粉、紅薯幼粉、拉麵、河粉同米線，可以揀酸辣湯、上湯同埋秘制醬汁撈，餸都多選擇，都係5蚊/6蚊，好抵食，叫多幾款都唔肉赤～腩肉紫菜撈紅薯幼粉（麻小辣） $34佢啲腩肉一啲都唔肥，但又好淋好入味喎，而且有少少辣好正，紫菜用嚟撈埋啲薯粉一齊食，又可以索晒啲汁，我幾鍾意食呢隻波浪型嘅幼薯粉，掛汁力一流，但佢份量真係好多，食到好飽肚！要左麻小辣，佢啲麻辣好惹味，小辣對我嚟講已經足夠了～仲有2款辣醬可以落，個人幾鍾意黃色果隻，夠香夠辣！…查看更多