sok169的个人专页

星期六夜晚都人少少，入到嚟就知中伏嘢食奇差，衰過大排檔，長通粉出晒水，豬頸肉同白烚冇乜分別，泰式炒金邊粉變濕炒，單骨雞翼乾過臘味，大不如前。服務態度更係另一境界，入到去一係吹緊水，一係低頭玩緊手機，一係攞住張紙扮埋數，叫佢寫嘢即刻大力掉筆，全程冇笑容，更不會有眼神交流，真係問佢攞隻碗仔都覺得辛苦咗佢. 埋單千幾蚊，衰過茶餐廳的經歷，亦都唔好奢望有一句半句多謝，好行夾唔送。以前對Greyhound 的印象一向不錯，今次一鋪清袋，老細真係多謝晒佢哋。…查看更多

見到OpenRice 食評唔錯，諗住嚟試吓，結果中伏去之前服務員會再三提示最遲下午1:30要到達餐廳， 下午3:00便要立刻離座，一心諗住有一個1.5 小時的dining experience . 結果事與願違。午餐menu 一個烏冬索價$188， 五片鴨胸$288，冇餐湯冇甜品，只有一籃麵包，水也需要另外收費。食完兩位埋單用埋信用卡折扣都要七百幾蚊，好似冇食過嘢咁，最後去咗食牛腩粉!冇下次!!!!!!!!!!!…查看更多

睇完鼎爺節目，有興趣到他的私房菜試一下，雖然知道價錢並不便宜，而且非常難book枱，上年11月便致電訂位，到了今年五月才可以和家人去品嚐一下！大約一星期前有職員聯絡可選不同的餐單，我便選了每位$1288的，心情非常期待! 也希望母親滿意我為她準備的後補母親節晚飯。當天當我到達V point 的私房菜館時，環境和我想像的很不一樣，首先非常嘈吵，門口也沒有人接待，我根本不知道家人在哪裏，原來他們被安排到左手邊一個小廳，空間狹窄，裏面還有另一張五人枱，裝修方面，和心想的私房菜館很不一樣，那裡有點兒像一些火鍋店的房間，一張鋪上黑布的普通長枱，一般平常酒家的椅子和木凳，根本就是臨時加出來的一個小廳，而地上還有吃過的煙頭😡。原來右手邊的主聽被某某公司包起來，那邊同事玩得非常高興，因此非常嘈吵！ ！ ！晚飯期間鼎爺也有露面，和客人拍完相片後便走了,介紹餸菜也是由夥計來擔任,更看不見鼎爺在廚房內的精湛廚藝。食物方便，味道偏重，招牌黑豚肉叉燒很肥，但好吃，而且份量非常夠，家人也吃得飽飽，餘下的也打包了！ ！有興趣的可以不妨一試，但食物以外的性價比就不算太高了！…查看更多

今日突然之間好想食日本野，同太太第一次嚟呢間銀座日本料理，去到門口只見入邊有幾台客，便同職員講兩位，她說等等，等等，一等便等了7-8分鐘。看過餐牌後，我太太點了一款特上壽司午餐($400+)，我則選擇了他們的雜錦魚生飯($300+)。點餐後我們有傾有講， 15分鐘很快便過去，但是前菜主菜什麼也沒有，便請服務員跟進跟進，他說還有10分鐘，我們只好繼續喝茶，繼續的等，.太太的特上壽司午餐終於在20幾分鐘後送到，但我的魚生飯還是等了又等， 30分鐘過去了，再請服務員跟進跟進，他們只回應很快很快，我開始有點不耐煩，跟他們說取消魚生飯及結帳， 再過十分鐘，單沒有來，但是魚生飯終於來了。我一肚氣，真的再好吃的也不想吃，只好請他們拿走丶取消及盡快結帳，因為還要返工開會。結帳時服務員給了我一個溫馨提示，他說先生如果你這樣趕時間，下次還是吃我們的熱吃，因為刺身及壽司需要很長的時間來準備，這餐廳我真的不會再去，但這溫馨提示希望幫到上班一族的你，如果你只有1小時的午飯時間，去之前真係要考慮清楚！…查看更多

今日新年第一日諗住一家人開開心心食午飯，第一次到此餐廳，完全冇服務不在話下，食品質素仲差過快餐店，收你三百蚊塊牛扒唔主動問你要幾成熟，我主動建議七成，上枱後發現牛扒幾乎全熟，新年流流費事出聲，好又一餐唔好又一餐，不過真係係咁先。之後個炒烏冬油到立立令，海鮮意大利飯更加不知所謂，啲飯又多水又軟，似食緊蕃茄潮州粥多啲. 服務生其實唔少，不過會理你的冇一兩個，到餐廳時無人帶位，落呵打及埋單時更加要不斷揮手，更加唔好諗最後會有人幫你清理枱面。總之請我都唔會再去!…查看更多

Found this place in Openrice.com. Me and my family went there tonight right after dinner as there ain't many dessert shops in MOS.Queued up for ~20 min as the shop could only fit ~20-25pplWe ordered the 朱古力梳乎厘 and the 法式焦糖燉蛋. $25 eachThe quality wasn't as good as their appearance.The 朱古力梳乎厘 tasted a bit like "rubber" and the 蛋 is a bit over-cooked for the 法式焦糖燉蛋There's room for improvmentbut overall is ok for this price…查看更多