nat216的个人专页

聽講要三點先有得賣嘅綠茶紅豆包$2.5, 今日終於記得走過來試下, 麵包幾香綠茶味, 紅豆又唔太甜, 而且係勁多餡, 係一粒粒嘅紅豆餡, 唔係豆沙, 好美味呀, 真係超值 下次要試埋佢嘅芝麻奶皇飽 …查看更多

自開始減肥, 已經好耐冇食過蛋撻, 決定今朝要食番一個 一早已經有蛋撻出爐, 實在太好了, 只要$2一個, 仲買5送1添 佢話自己係"植物油鮮奶蛋撻", 我食唔出有D咩分別, 淨係知道好味咋 佢仲有其他中式包點, 今日仲食左個香菇雞包$4.5, 熱辣辣, 正 …查看更多

薑水芝麻湯圓($15), 薑水唔太甜又唔太重薑味, 男友重話食得出D湯圓係利X牌湯圓; 而熱芝麻糊($13) 都夠滑, 但味道一般, 而且價錢略貴, 去松X食都只係要$11, 試過就算了…查看更多

雞尾包$2 甜餐包$2 甜餐包有淡淡嘅甜味, 可惜唔夠想像中咁鬆軟, 而麵包皮有嚼勁; 雞尾包應該係鎮店之寶, 因為成日都有新鮮出爐, 熱辣辣的, 細嚼之下, 會發現佢嘅椰絲餡香酥可口; 雖然只係$2一個麵包, 但質素唔差, 食到嘅唔單止係舊式麵包舖嘅風味, 仲有童年嘅回憶…查看更多

向日葵 $7.5 葡萄總動員 $7.5最近做緊買4送1優惠 (好似做到月底咋), 不過一個人食唔到咁多, 所以只係買左2個包"葡萄總動員"依然保持水準今次試左"向日葵", 即係葵花籽+南瓜籽+黑白芝麻, 中間仲有碎核桃, 最初以為會有幾種香味刺激味蕾, 但芝麻味實在太搶了, 蓋過哂葵花籽同南瓜籽嘅香味, 而且為左令d種子更香口, 好似故意焗耐左, 攪到包面同底都變得又乾又硬, 但中間嘅麵包就唔錯…查看更多

魚肉翅 ($14) 碗仔翅嘅配料有肉絲, 冬菇, 粉絲, 腐皮, 冇乜味精, 食完唔使猛水 鯪魚肉亦好味, 好滑, 有魚味, 食落唔覺得好粉 如果六點前去到仲可以叫個下午茶餐魚肉翅配煎釀三寶, 好抵食架 如果食車仔麵, 就一定要加沙嗲同菜圃先好食架~~…查看更多

加州葡萄車輪包($9) 三菇六婆($8.5) 可可熊熊($7.5) 加州葡萄車輪包 - 冇咩驚喜, 好普通嘅提子包, 係因為有優惠先買來試下 三菇六婆 - 酥皮很脆, 不過香菇加雞肉餡唔好食 可可熊熊 - 黑+白朱古力, 好甜, 咬落去好似有D碎曲奇咁, 幾特別…查看更多

牛油金糖 ($7) 蘋果太妃 ($7) 牛油金糖再次得寵 今次試埋蘋果太妃 先咬酥皮, 已經稔哂, 可能已經放左好耐; 再食提子乾同蘋果肉餡, 唔錯, 大大粒而且味道鮮甜, 不過只有好少餡…查看更多

日式火鍋: 讚岐烏冬+特切生牛肉+汽水 ($47.5)火鍋湯底: 日式濃湯 火鍋配料: 鱈場蟹棒, 日式芝士年糕, 豆腐, 油揚, 芋絲, 娃娃菜, 冬菇, 南瓜, 粟米, 金菇, 日式芝麻醬 烏冬夠彈牙, 芝士年糕夠煙韌, 芝麻醬亦很開胃, 其他配料份量十足, 以$50價錢來講, 有咁多野食, 而且味道OK, 又唔使洗餐懞, 的確係超值之選…查看更多

朱古力忌廉芝士 ($9.5) 牛油金糖 ($7)$7一大個牛油金糖, 雖然外表平凡, 但係內涵卻豐富, 既有沙翁嘅風味, 又有清蛋糕嘅鬆軟口感, 一諗起就令人食指大動可惜朱古力忌廉芝士唔爭氣, 外皮稔哂之餘, 餡又唔夠多, 朱古力味亦唔突出, 失敗之作 …查看更多

牛油金糖 ($7) - 金糖+牛油 葡萄芝士 ($7) - 忌廉芝士+加州提子乾 牛油金糖, 先咬面層嘅金糖, 好似食緊沙翁咁, 再咬下層嘅麵包, 好似食緊蛋糕咁, 加上淡淡牛油香, 簡直冇得彈, 我好驚, 好驚再食唔到咁好味嘅麵包點算葡萄芝士 - 大大舊嘅 cream cheese, 芝士味濃郁, 配埋甜甜地嘅大粒提子乾, 正 每一次都好想講一句, bread talk 嘅麵包真係好好食…查看更多

香煎龍脷柳飯 (配香濃粟米汁) ($28) 龍脷冇魚味, 粟米汁也不多, 飯又乾又硬, 而且由大家樂返去公司只需5分鐘左右路程, 但係返到公司飯餸都已經凍哂, 令人非常失望 …查看更多

巧小子 ($8) - 巧克力cream 芝士包 ($6.5) - 高溶點芝士"巧小子"同"好小子"嘅分別就係用嘅cream唔同, 好小子用吉士cream, 而巧小子就用巧克力cream, 個人覺得好小子好味好多 芝士包充滿大大粒嘅芝士, 可惜唔夠濃味, 幸而麵包有嚼勁…查看更多

大蘋果 ($7) - 用麵包做批皮嘅蘋果批 葡萄總動員 ($7.5) - 勁多提子乾嘅麵包大蘋果實際上其實只係一個好細嘅麵包, 佢嘅 SIZE 唔到葡萄總動員嘅一半, 果肉餡唔會好甜, 好似幾健康, 可惜只有勁少餡, 賣 $7 一個貴左D 熱烈推薦葡萄總動員, 餡多料靚之餘, 麵包好味又夠大個, 面頭仲有一層薄脆糖衣, 估唔到一個麵包可以咁不平凡 …查看更多

法式葡萄 ($6) - 軟法包+加州提子乾似加左提子乾嘅脆皮咸豬包, 但係都幾硬, 我食唔慣法包, 所以覺得佢麻麻地 好小子 ($8) - 吉士忌廉上層麵包似餅乾條, 脆脆地, 有糖霜灑在上面, 中間有香甜軟滑嘅吉士做夾心, 低下係鬆軟嘅麵包, 好滋味…查看更多