kapril的个人专页

2個人係屋企打邊爐，其實買料都幾頭痛。買得多又食唔晒，款少又冇乜變化。返嚟仲要洗洗切切，一大輪功夫之後先有得食。記得之次係巴士站旁有間食醉雞，原來搬左去對面。今日係荔枝角呢頭做野，就去買個醉雞煲套餐試下。雖然搭左程巴士，但包裝嚴密，又有冰袋，返到去仲好靚仔。除左湯底，雞煲料，估唔到仲有前菜同甜品👍🏻。仲有支湯底專用酒，唔夠酒味可加落湯底，果然想有「杞醉」都得🤣。🐔2人沉醉雞煲套餐✳️杞醉蝦醉汁偏甜，大大隻蝦。除左蝦頭蝦尾，蝦身殼已經剝咗，好貼心❤️。✳️杞醉花甲醉汁另上，花甲冇沙，鮮甜。✳️杞醉濃湯雞煲(半隻)有醃過，雞肉滑，唔點醬料都好夠味。建議分兩次煮雞，咁先食到滑雞件。✳️手打乜乜滑(1份)雖得兩粒，但好大一粒。一粒蝦滑，一粒墨魚滑，兩款都好彈牙👍🏻。✳️五花腩肉片薄切肥腩片。✳️手工韭菜豚餃子(4隻)應該係手工餃，幾好食。✳️蔬菜盤(1份)金菇黃牙白量唔少，賣相新鮮。✳️米線(2份)✳️手工芝麻湯圓(4粒)起初以為係丸類，後來發現係湯圓😆。原來咸湯配甜湯丸係咁好食，冇配甜湯咁漏，邊爐收尾食到甜品，有驚喜。✳️有杞辣醬油(1份)只食到BB辣嘅我，好後悔冇倒出嚟留番之後慢慢食。佢個麻辣好香，辣度少，好啱我食。✳️爆炸蔥醬油(2份)…查看更多

好耐冇食蒸氣鍋，呢間雖然有啲唔就腳，不過海鮮勁新鮮，仲可以自己出去魚缸度夾，好玩又好食。雖然唔識揀，不過見邊隻走得快，應該就係新鮮😆。🍽️人氣龍蝦海鮮餐(一人)$358🔺是日精選老火湯：偏清淡。🔺紅棗杞子蟲草花蒸雞：雞肉嫩滑，好夠味，生粉就多左啲。🔺龍蝦(半隻)：即夾即處理，勁新鮮，上枱仲郁㗎。龍蝦肉好彈牙，清蒸一定要夠新鮮，好好食。🔺沙白(1份)：大隻，無沙，鮮甜。🔺日本元貝(1隻)：店員好好，幫手加粉絲和蒜蓉落去蒸，肉質鮮甜。🔺鮑魚(1隻)：完全唔韌，好食。🔺肉蟹(半隻)：大隻肉多又有膏，鮮甜啖啖肉。🔺本地生蠔(1隻)：蒸完縮咗啲，肉不厚但鮮。🔺海中蝦(2隻)：大隻彈牙。🔺蒸選時蔬(任食)：娃娃菜，生菜，蕃薯，翠玉瓜，粟米，菇類，種類唔少，樣樣都新鮮。🔺海皇粥底：豬骨粥加上海鮮精華，好夠味，量多，食唔曬仲可以打包。🔺精美甜點：西米露🔺水果大象梳打 & 凍檸多：冇在意係Jumbo，下次叫一杯就夠😆。推介水果大象梳打，用新鮮生果，而且又多。🔺醬油費每位+$15要收加一💬樣樣都好新鮮，好多時蝦會梅，但呢度啲蝦除左大隻仲好鮮甜👍🏻，除左鮮甜都諗唔到其他形容詞。醬油區好乾淨，店員服務好，不時會過嚟幫我哋蒸海鮮。仲係寵物友善，有狗狗陪食火鍋。…查看更多

晚上經過幾次都見人龍，決定午餐嚟試下，諗住會少人啲，點知都係要排🤣，由於限時90分鐘，都係等一陣就有位。店面不太，枱與枱間出入較窄，店員很貼心幫忙搬枱讓我入座，又提醒小心腳。係咁繁忙嘅時候，仲咁貼心確實難得，真心要表揚店員嘅服務。小店木系渡假風，食物質素好，價錢親民，仲要有親切嘅服務，完全值得排隊。🍽️午餐：🍔雙層芝士牛肉漢堡包配薯 $98麵包軟熟，漢堡食得出係手打牛，厚身多汁。薯條好多，熱辣辣，好夠脆。成個餐份量足夠。🥗跟餐沙律新鮮☕熱鮮奶咖啡 +$19奶滑，如果咖啡再香濃啲就更好。🥩紐西蘭頂級肉眼牛扒 配 意粉 $132牛扒有一吋厚，標準👍🏻。叫左5成熟，切開粉紅，肉嫩，咬落多汁有牛味。呢個價錢有呢個水準，很可以🥰。🥣升級法式蟹肉龍蝦湯 +$38濃濃蝦味，咸味適中，食到粒粒蟹肉，大碗啲就好，唔夠喉🤤。☕熱鮮奶咖啡 +$19追加小食：🦪4隻芝士蠔 +$68由於即叫即整，食到一半先嚟。芝士下層好creamy，焗蠔好食。追加甜品：🍰巴斯克起司麻薯蛋糕 +$38食到中間有驚喜，麻薯軟滑甜甜地，配上軟滑芝士咸香，呢個好食👍🏻。希望有其他口味。🍰開心果麻薯提拉米蘇 +$48被開心果吸引，呢個麻薯係一粒粒，硬身，提拉米蘇香軟，但欠缺香濃酒味。…查看更多

裝修時經過見到，以為係茶餐廳，原來係食浙江菜。餐廳裝修中式，店員著漢服，邊聽中樂邊嘆茶，感覺好雅緻。餐牌好多茶類菜色，原來綠係茶集團特邀米芝蓮星級大師俞斌，以創新手法演繹傳統風味。佢地推出左多款夏季限定菜品，有🥬綠蔥油汁萵筍，以精湛刀工雕琢出藝術品般的精緻擺盤，可惜係辣，冇試到。甜品與特飲好特別，佢個筆墨酥香以文房四寶為靈感。不過更想試🍧西湖雷峰塔，乳白嘅雷峰塔放係綠油油青豆泥中，好味又打卡。🍹特飲羽衣甘藍檸檬茶個熊仔好吸睛，羽衣甘藍味道明顯，配上淡淡檸檬和茶香，好舒服。🍱有午市單人套餐，仲可加配小食，甜品，飲品，可以一次試晒咁多樣，抵食。•龍井烤雞(半隻)--淡淡菜香•蝦乾小白菜(單人份)•南乳醉鮑魚--酒味較淡，鮑魚爽口好味•蛋黃南瓜(半份)--份量十分，蛋黃香濃•西湖雷峰塔•喉口鮮肉包(3個)--肉質鮮甜•羽衣甘藍檸檬茶(杯)--造型可愛•西湖藕韻--糖蓮藕軟糯好味係度食飯真係有種遠離煩囂嘅感覺，一餐充滿視覺享受，感受「一盞清茶慰浮生」，體驗獨一無二嘅沉浸式用餐時光。除午市套餐，仲有3-4人餐，可以無痛點餐，享受多種美食。…查看更多

💬呢間小店好有驚喜，有隱藏餐牌，好似我杯愛爾蘭咖啡咁，咁啱老闆Bartender係度，先有呢杯Special畀我地，開心🥰。食食下見隔離枱上菜，個盤超大，廚師係客人面前加入熱湯，成件事好高級，好似私房菜咁，原來係Special Dish，真係熟客先知。估唔到酒吧西餐會有中菜食，好特別，下次我又要試下先🍿點菜後就有Welcome dish：凍燻蹄，賣相靚，旁邊嘅紅菜頭醬汁好睇又開胃，邊飲邊等都冇問題。☕愛爾蘭咖啡比係咖啡店飲嘅，呢度酒味比較濃郁，滿口忌廉熱酒咖啡，好溫暖。🍹荔枝梳打清新爽口，解膩一流。🍖原隻德國豬手勁脆，脆感似超厚薯片。豬手肉質結實，食落有啲膠質，膠原滿滿。+$48升級套餐有湯+蒜蓉包南瓜湯不錯，面頭有浮誇嘅金泊😆，蒜蓉包好香脆。🍕菠蘿海鮮蔥餅唔似普通嘅冷凍海鮮，魷魚仔好軟身，小柱貝鮮甜，餅底質感再厚實啲就更好。+$48升級套餐柚子汁沙律賣相好高貴，沙律份量2人都OK，蔬菜新鮮，入面有柚子和紅菜頭醬已好夠味，加埋柚子汁更上一層樓。…查看更多

好耐冇係南豐中心食飯，原來新之城開左唔少餐廳。今晚嚟呢間好好坐，又唔趕客，見到好多街坊裝嘅食客。店員個個都好有禮貌，收碟斟水後都會叫你慢慢坐，真係好適合聚餐，坐係度完全冇壓力。🥣是日餐湯南瓜湯濃郁，有粒粒南瓜肉。🍕巴馬火腿水牛芝士茄醬薄餅餅底夠脆，足料，火箭菜有松露油，好香。🫖香草蘋果花草茶(壺) 叫餐牌飲品減$10，見成壺花草，仲可以refill，好抵飲🤭。蘋果香好舒壓，飲完好relax.🥗是日沙律蔬菜新鮮🥩香煎美國穀飼Prime肉眼牛扒配薯蓉•紅酒燒汁•五成熟雖然算係薄牛扒，但肉質好，肉味濃，唔柴有肉汁，唔點醬汁都夠味。☕蜂蜜檸啡梳打熱咖啡有點普通，呢個清爽易入口，蜂蜜不會太甜，鮮檸青香，中和呢餐嘅油膩感。🍰焦糖脆脆香蕉手工窩夫配雲尼拿雪糕(全份) 豐富晚餐又點少得甜品，最鐘意佢個脆焦糖，甜度剛好，唔死甜，加埋個軟熟窩夫，口感豐富。點左「後上」，諗住食到咁上下就叫佢上，起碼十分鐘後先到。點個呢度勁貼心，時間又剛好。剛食完，飲左幾啖茶，正想叫佢時，窩夫就到了。💬而家係香港食到間質素不錯，唔趕客而且服務好嘅餐廳就係好少，要多多支持先得♥️。…查看更多

一講到莊士倫敦廣場，就會諗到抵食嘅任食。呢間一至五午市，仲可以食到四個半鐘，好誇張！真係好啱約埋幾個朋友，食飽後慢慢坐，繼續飲野傾計。如果想更抵，2點後入座仲有88折，咁抵就唔使北上😆。小事牛刀，叫個LV2先，$188食到Prime Grade牛肩胛肉同無激素豬肉片都OK，升級埋海鮮+$40。湯底花多眼亂，養生湯好似幾好，多菇仲有竹笙，好吸引。🔺藥膳竹笙雜菌鍋：啲竹笙好大舊，湯好甜，配肉唔錯。🔺美國牛肩胛肉：係薄啲，但肉質不錯，唔肥，有牛味。🔺手打丸：一定要叫，每款都不錯。以為梅菜肉丸會好咸，結果又唔會。🔺海鮮：蜆鮮甜。蝦大隻，但一般。脆鯇多碎骨，要小心食。白鱔唔錯。🔺飲品：超多選擇，無糖茶，冬瓜茶，酸梅汁，汽水，仲有維他奶。🔺甜品：雖然雪糕冇任食，但係高質嘅Movenpick/Häagen-dazs。🔺醬油區：好乾淨，配料乾爽，用得安心。…查看更多

已前淨係得外賣，而家有堂食，都算係全港第一間堂食手撕雞店。久不久會幫襯買半隻雞加餸，尤其是夏天，熱到唔想煮時，涼拌菜真係首選。而家有堂食，叫個二人餐試下先。見佢有雞有菜有小食，啱晒樣樣都想試嘅我。佢有飯餐，包湯，可追加小食飲品，不過計落二人餐抵啲🤭。🍽️招牌二人套餐：🥢檸檬手撕雞+$10(半隻)平時食開招牌手撕雞，夏天想食酸，開胃啲。檸檬手撕雞有鮮檸嘅清香，唔太酸，冇骨啖啖肉，啱晒口味。🥢雙拼小食--海螫雞腎雞腎好多，夠味，海螫爽脆。🥢溏心蛋+$16🥢上湯魚腐娃娃菜一啲都唔hea，有4舊魚腐，碗內一大堆娃娃菜。上湯煮，清得嚟有啲味，冇乜油。🥢住家靚湯用雞殼蘿蔔煲嘅湯，唔算好濃，比茶記好好多。🥢配白飯，水晶粉🍹鴨屎香爆打檸檬茶+$8幾好飲播，鴨屎香真係唔同啲。💬而家間間都有會員，呢間入會即贈$50優惠券。下午茶都用到，用劵後最平$20都交易。計落入會又幾抵，咁多優惠。…查看更多

希慎B2好多嘢食，見呢間牛丼唔算太貴，又唔使加一，肉係慢煮，睇落唔錯，加上有人龍，可以試試。🍽️揀咗$88蚊套餐：🔺慢煮熟成牛🔺珍珠白米飯🔺蘭王蛋+$6🔺紅酒照燒汁🔺Ginger Ale+$12肉份量不少，厚薄適中，邊位有陣陣焦香，原來係上枱前用火槍燒過。白飯配蛋，仲有肉汁加埋個自家製忌廉，一次食香濃軟滑，好正🤤。🔺慢煮極上熊本豚🔺有機水耕菜沙律+$10🔺蘭王蛋+$6🔺芥末籽肉汁🔺烏龍茶+$12有驚喜，豚肉唔會比牛差，豚肉好軟熟，都有用火槍燒過邊位。因為怕飯多，轉左沙律菜。個芥末汁好清新，好啱夏天食嘅組合，又啱晒高蛋白零碳水健身朋友仔。💬落單小插曲：可能太忙，本來叫咗一牛一豚，自己又冇睇單，結果嚟咗兩個牛。同店員講返，佢哋都樂意換過。職員非常有禮貌，值得表揚❤️。…查看更多

其實都唔使多介紹，冇乜人唔知佢嘅自選魚生丼抵食，4款都只係$69，仲要有湯，飯可追加，唔使怕唔夠飽。最正係午餐免加一，晚餐同價，需要加一，但都好抵食。而家多左個燒肉丼，終於可以同唔食生野嘅朋友仔一齊食喇🥳。🥗蟹籽沙律食丼冇菜，叫個沙律平均番先。蟹籽一大湯匙，卜卜脆。青瓜絲清爽，醬正常，唔會太漏。🍱自選魚生丼(4款) 配 壽司飯仲有面麵豉湯，枝豆成set咁上🦐開邊赤蝦(2隻)→鮮甜，唔太黏口，少少爽🐟三文魚(2切)→厚薄適中🐟火炙三文魚(2切)→比起生三文魚，更喜歡火炙。炙過的位置焦香，熟嘅魚肉多了份甜味🦪帆立貝(2切)→係兩粒，唔係兩片😆🍱自選燒肉丼(2款) 配 溫泉蛋🐟燒鰻魚→燒得好香，魚肉結實，當然再大塊啲會更開心。🥩鹽燒美國牛板腱(50g)→熟度剛好，一啲都唔韌，好喜歡焦香感。🍺珍寶荔枝梳打(杯)冇諗過係大啤杯份量，總之叫一杯share喇🫣。荔枝梳打相比青蘋果梳打甜啲。🍺珍寶青蘋果梳打(杯)喜歡佢少酸，清爽開胃。…查看更多

手搖飲品大部分都係台灣，少見香港人首創。店面好靚，仲有塊花花鏡打咭。見佢用鮮果肉，0色素，0香精，0添加劑，又用上乘春茶，仲有桂花，為炎炎夏日增添清新健康。🍹龍眼桂花冰好鐘意花香，見推介就試試，果然好香濃桂花味，絕對唔係香精。沙冰好綿滑，好似綿綿冰，仲飲到一粒粒龍眼肉。以為沙冰會好凍，飲到底會好淡，但呢杯冇，一直保持濃郁香氣，正👍🏻。🍹冰桂花美式怕飲唔到桂花香，叫少甜。店員話固定冰固定甜，因為佢地唔係用糖漿，係用冰糖，佢話無糖桂花香更出，又好，反正飲開黑啡慣左無糖，果然桂花好香濃，唔似咖啡😆，幾特別。…查看更多

特登嚟海之戀嘅綠色店買野，慳埋可以食餐好😆。想食精緻啲，見呢間有晚市套餐，選擇都多。我地揀左$538 for 2，可揀2A+2B。A嘅Petits Plats好多選擇，頭盤比甜品吸引，最後決定放棄甜品，要晒兩個頭盤。🥣餐湯濃滑南瓜湯，特別在用黑醋做點綴，有提鮮作用，仲有香脆包粒，口感豐富。🥖餐包法包口感，配鹹香牛油。🧆頭盤🔸法式煮青口 300g 未食過咁軟熟嘅青口，火喉控制得非常好，粒粒都開口。呢個白酒牛油香草湯汁加青口好夾，飲左好幾啖。🔸法國生牛肉他他好鮮冇腥味，唔黐牙，配上香脆法包更食到牛味。🍽️主菜🔸煎鵝肝油封鴨腿意粉食法國餐點可以唔食鵝肝同油封鴨，呢度嘅鵝肝，暫時係我食過最好食嘅，外脆肉嫩，廚師處理得好👍🏻。油封鴨腿好香，撕肉煮意粉，每條意粉都有鴨油香。🔸阿根廷安格斯肉眼牛扒牛魔王喜歡肉質結實嘅牛，喜歡肉眼香濃，巴黎牛油汁有啲香草，清香更顯牛香。🍷 Wine and Bar List有8折，叫左白酒+粉紅葡萄酒🔸Les Calcaires：青提味好出，微甜，易入口。🔸Moon Rosé：淡淡粉紅色好靚。…查看更多

觀塘有法國餐廳，星期五晚仲有Live Band，可惜今日係晏晝嚟，冇機會聽🙈。台前有兩大棧吊燈，加上環境用色，好有古堡feel。午餐跟湯及沙律，其中一個+$18升級龍蝦濃湯。🥗沙律菜份量足，菜湯濃郁，似機打出嚟，好飲。龍蝦濃湯再大碗啲就好，好滑，龍蝦味好出👍🏻。🐟蜜糖芥末包糠焗三文魚扒配露筍店員溫馨提醒魚扒唔會整到全熟，確實半熟嘅厚魚扒既有魚油香，又有嫩滑口感。加埋外層嘅包糠焗到焦香脆，一啖有三個口感，滿足美味。魚扒下面有紫薯蓉，旁邊有蘆筍蕃茄仔，配色靚又健康。🥩烤阿根廷21日熟成西冷牛扒配烤烤著及黑松露燒汁第一次食熟成扒，牛味真係香濃好多，肉質結實啲。起初有啲擔心西冷呢個部位，一直印象係偏韌。但呢塊食落完全唔似西冷，似牛柳咁冇筋。最特別係個汁，應該唔係餐牌上寫嘅黑松露燒汁，似橄欖油浸香草味加輕微辛辣後勁，好特別，牛魔王表非常滿意👍🏻。🍵熱檸茶淡左啲，不過西餐廳咁係正常。🍹五青汁好fresh，冇諗過有五青汁，飯後飲番杯清爽。💬同平時嘅西餐廳係有啲分別，例如擺盤再精緻啲，餐湯就算係菜湯都好唔同，濃好多，主菜選擇都較特別。…查看更多

係門口見到好多人排隊，好在有得坐，唔使係街邊無冷氣熱辣辣咁等。仲可以係度食，打破街頭小食邊行邊食嘅傳統，仲有套餐選擇。以為有排等，點知未夠15分鐘就拎到，果然人多好辦事。店內裝修幾潮，仲有打咭位😆。🥚Q版菠蘿包雞蛋仔呢個係心機之作，原來係整好雞蛋仔後，一塊塊菠蘿包料放係雞蛋仔面，再放入焗爐焗脆。雞蛋仔內軟，菠蘿包勁脆，口感豐富，一次過滿足晒兩個喜好，值得試，就算放涼左仲好脆👍🏻。🥪雞蛋仔自選(蛋、咸牛肉、餐)本身好鐘意食咸牛肉蛋治，今次將啲餡包係雞蛋仔入面，每粒雞蛋仔都好有份量，咸嘅雞蛋仔又幾好食喎。🍵菊花杞子明目茶對電腦多，係要補下眼，飲到真料實料。未試過食雞蛋仔係店內用餐，而且個養生茶係成set咁上，咁配雞蛋仔好浮誇🤣。🍵無花蜂蜜潤咳茶呢排轉天氣，成日敏感咳。個潤咳茶甜甜地，入面有雪梨無花果，飲落唔怪得咁舒服。…查看更多

YOHO外圍附近嘅Cafe小店，價錢親民，又有好多非奶啡選擇，仲有All Day Breakfast😍。好奇問下Treeoo原來係開心果朱古力脆脆咖啡，不過我想飲無奶啡😆。DIY All Day Breakfast，顏色豐富，睇見都好開胃😋：🔸牛角飽→鬆脆，空氣感十足。🔸明治牛乳炒蛋→以為係一般炒滑蛋，點知係好靚漩渦蛋，份量十足。🔸日式豬肉腸→煎得好香脆。🔸煙三文魚→靚花花，好睇又好食。🔸牛油果→熟度剛好，甜椒粉調味特別。🍝鮮茄辣肉醬蝦仁意粉叫左少辣，但越食越刺激。蕃茄加辣肉醬好夾，蝦仁大隻又彈牙。☕Dirty：比平時飲嘅濃一點，奶多一點，分層會更靚。☕橙啡：如果唔好咖啡苦味，又唔想飲奶啡，呢個就啱晒。橙汁甜，配咖啡好清爽，好啱夏天飲。…查看更多