nwman的个人专页

平時喺公司食完lunch都會出去周圍行吓散下步，有一次睇到有呢一間日本野位置都幾顯眼，所以今次就啱其他同事嘅時間就一齊去食個日式lunch。壽司都幾新鮮同埋分量唔會話太少夠晒我哋食。…查看更多

今日中午去咗呢間麵店食麵，見到門口都有幾個人排咁就去試吓啦，搬咗黎咁耐都未試過。午市時間有人流但係都唔需要等位幾好。入到去坐低環境都算乾淨座位唔會話好迫，店舖兩邊都有大嘅落地玻璃，陽光十足，坐低食面都有街景睇，你都咪話唔寫意，正。叫左碗雲吞墨丸河粉，雲吞比較硬唔太爽口，墨丸就不過不失啦。不過整體嚟講都算失望，因為街坊麵店雲吞應該都幾好食㗎嘛？係咪我要求太高呢？😂最後埋單$35碗合理喇。但奇怪嘅事佢張單寫住永利茶餐廳😨唔知道係咪兩間餐廳有關係嘅呢？…查看更多

一早book咗枱去呢度慶祝生日晚餐，一入門口就問我地有冇book枱，睇嚟唔會招呼walk-in客人。一坐低就會有熱茶同熱毛巾抹手，都幾好，因為行上黎都經過好多路，所以抹下手清潔下。今次我地試呢個精選晚餐前菜同埋沙律食完沙律之後就上呢個和牛壽司，職員話要趁熱食㗎。之後就到主角牛肉仲有一碗白飯添。如果單點嘅朋友可以試吓呢幾款牛肉因為都真係幾好味。不過牛扒我就唔建議大家叫喇。因為唔算好淋又冇乜味。食完一輪牛肉之後就會有呢一個湯同埋吞拿魚芒果沙律仲有少少小食。職員仲話呢個湯係清熱氣。最後一round就係西冷，首先燒完西冷再將佢點落雞蛋再點一點豉油連埋飯一齊食，嗰一啖真係勁幸福。最後再食埋烏冬再飲埋佢嘅湯都係清熱氣㗎。食埋個甜品就圓滿結束。值得一讚嘅除咗食物質素之外職員嘅服務都好好，佢地都會詳細介紹食物嘅名，牛肉嘅位置，食嘅次序，同埋所用嘅醬汁。…查看更多

放工去食晚餐，都唔洗點等位，直接入座，但店鋪內都坐左大部分客人。一見到呢個已經心心眼😍有得揀辣唔辣雞，有得轉香菇肉操飯或者麵。如果麵仲要有勁多湯底揀添。雞無雪味幾好，個醬汁唔會話太咸。肉操飯既香菇唔會話太細粒，幾有口感。炸雞小食，餐牌寫佢係椒鹽但係又唔覺有椒鹽味，同埋話佢係辣嘅但係一啲都唔辣。佢分唔同時段都會有一個特價食品，我哋晚餐時段所以就買咗呢碟菜，再加多22蚊就有，平就唔係話好平但係份量都算合理。…查看更多

一早已經訂左枱，三位，慶祝朋友生日。一去到帶左我地入房，係坐係大枱隔離既4人枱，多麼的尷尬。間房得我地3位同隔離張大枱。尷尬到暈。問職員有冇得調枱，就話今日爆哂場。唯有照食喇。魚柳，甜酸適中。羊肉熱辣辣送上，減少羊酥味。蟹粉豆苗一般喇推介，好香口，茄子不太淋好有口感。炒雞丁，太濃味了，要送白飯。之後仲切埋蛋糕，收左50蚊切餅費。食物質素算中上，但坐既位置，始終好介懷，因為人地似包箱我地3個夾格坐入去。…查看更多

當日2點左右去到，預左大排長龍，搵左一陣路，離遠見到一堆人係出面，就知我已經搵到了。攞左籌，等20幾個，同女朋友吹下水，睇下食咩，差不多3點鬆啲就入得。太多選擇了，所以入去之前店員會派定比食客填，省番等候時間。裝修幾特別，我都睇佢呢個十大必食做參考。落完order即刻有單睇。推介墨魚角，口感好特別，市面好似冇。推介酸齋，勁好味。十大推介之一瑞士雞翼，果然冇得輸。最後埋單$173,雖然比一般車仔麵貴啲，不過幾高質，閒時一次，感覺都幾幸福。…查看更多

一去到要行樓梯落地庫，環境幾清幽，去到門口就有人招呼我哋。一嚟就送上熱茶同埋椰菜絲。一打開餐牌有好多選擇，多到都唔識揀，最後我哋揀咗個季節二人套餐。佢啲炸物都好鬆軟炸漿好薄。…查看更多

今日同女朋友黎呢度慶祝，一早打左電話黎book枱，上網睇到有得包私人箱，只要食夠$888就可以，其實都抵既，因為環境夠靚。一去到招呼好好，入面環境幾好，有啲係包箱形式但係4座位，而我地就係2人位對海景。一望到真係好靚。鵝肝壽司加刺身拼盤超新鮮勁好味和牛炒飯，夠熱，出哂煙添呀。沙律蝦，炸到外脆內軟。熱辣辣送上海鮮串燒拼盤，三文魚腩入口即溶，無得彈。黎呢要食返個景真係無得輸。野食價錢唔算貴，所以兩個人包箱都食到好多嘢。可以encore…查看更多