Zitalee123的个人专页

以前有幫襯開呢間餐廳，不過近排少咗，過咗一排無幫襯，員工有新面孔，餐廳裝修就一樣，都算坐得舒服，員工態度一般，正常。但係食物就嚇親我，我叫咗串燒定食，估唔到燒到咁燶，多處焦黑色。竟然廚師覺得無問題，上菜員工見到都唔覺得有問題，係有啲失望。咁先食咗啲無燶，後來叫員工幫手剪咗啲燶嘅先再食，點知剪緊嘅時候，另有員工想收走我果半碗飯。新年留留真唔好彩，遇上咁多失誤。而友人嘅丼飯就正常水準好食。希望餐廳會留意呢啲意外失誤，有所改進能好好保持水準。…查看更多

因為店舖搬遷所以休業咗一個月， 一個月冇得幫襯實在令人非常心癢， 因為呢間餐廳係村內難得一間高質素，好食， 店內環境舒適，性價比極高嘅餐廳。新店試業，亦有新餐牌， 因為定期幫襯嘅關係， 所以非常期待新餐牌😆， 新店試業竟然冇大幅加價， 街方表示非常感恩， 但係所有餐具已全部換新🍽👍。 餐廳面積大咗，店員亦多咗，有新面孔。今次試嘅係紅蝦意粉， 扁意粉水準很高， 軟硬度非常適中， 配香料炒意粉，又香又好食， 紅蝦新鮮有蝦味，可惜只有2隻🤪， 如果有三隻就完美🤩， 意粉量對女士應該剛剛好， 男士可能唔夠飽。 最後餐飲杯咖啡， 咖啡杯細咗， 不過份量依然足夠。初時店員落錯單， 送錯第二個餐， 後來做返啱嘅畀我， 希望日後努力減少出錯。…查看更多

雖然壽司郎開咗咁耐， 今時今日排隊堂食都仲係要等相當時間， 當日十一點半 到現場攞飛， 等到12點40有先有位， 好在樂富有大型商場， 輕輕鬆鬆行超市打發時間。 期間限定大大大祭，當然要試。 用電子屏幕落單， 送餐速度極快，簡直係 衝出嚟。三文魚同吞拿魚都係 比平常大件， 非常鮮甜。海膽味道一般。除咗壽司魚生， 其他食物 天婦羅，烏冬都好好味。今次坐唔到卡位，不過bar位 都非常舒適。 服務員有禮貌。 總括性價比超高， 希望壽司郎繼續生意興隆，長食長有。…查看更多

平日午餐時間，等位時間大約10至15分鐘。小麥 黑豆茶，好夾，好飲。即叫即做關係，落單之後大約要等15分鐘，等待期間，望住其他人進食的確難耐。期間限定， 軟殼蟹天丼， 已進入秋季， 別無他選， 一定係試呢個期間限定嘅天丼， 炸物嘅熱度，脆度都非常正， 不過我隻炸蛋係爆咗，好傷心， 除咗軟殼蟹，其他炸物都吸收了太多 醬汁， 口感欠缺少少脆口。餐廳座位舒適，坐bar table都無問題， 只可惜冇位置放袋。 有加一服務，侍應服務正常。…查看更多

第二次堂食，屋村小店，環境，坐位都ok，人唔多，食物即叫即整，餐有湯，茶，蒸蛋，甜品。麵豉湯 味道適中 有湯料。日式蒸蛋好食。巨大炸雞，新鮮炸起，份量非常足夠。大板燒，主要有野菜，豚肉，好味，量多。最後仲有豆腐布丁。屋村小店算高質 👍…查看更多

午餐時間， 尚且不需要排隊， 只係等 店員安排座位， 餐廳環境 尚算整潔， 裝修環境一般。 午餐點了韓式餃子炒粉絲， 到枱時有一陣陣燶味， 原來係炒燶咗， 竟然咁都上枱， 挑走炒燶嘅蔬菜就算繼續食， 點知食物溫度非常高， 竟然係燙口， 咁唯有食咗 韓式甜辣炸雞先， 甜辣醬都係求其畀少少就算， 但味道ok好食嘅。 餐飲揀咗柚子茶， 一般不過不失。 店員 收碟嘅時候見到嗰啲燶嘅菜竟然無視佢， 當睇唔到🤣🤣🤣。食完成個午餐後， 極其口渴， 相信落咗勁多味精。…查看更多

第一次試呢間餐廳， 因為怕多人所以十二點就去到， 即刻有位， 坐低order之後越坐就越多人入嚟， 應該因為即叫即整關係， 製作需時。 點了大啡菇 burger， 超足料，好味， 肉味juicy唔乾， 蕃茄洋蔥蔬菜 都係新鮮材料 ，薯條都係新鮮剛整好，好味， 仲有沙律伴碟， 都係非常好味， 食材新鮮。 值得去試。雖然係工廠大廈內 ，但店內環境舒適整潔， 每枱都有膠板隔開。…查看更多

第一次光顧呢間餐廳，見佢下午茶唔貴，有喇沙食就試下，點知係疫情下一坐底發現係3個不相識嘅人搭枱，咁都得，坐低咗就算，唯有小心啲食。食物味道可以，喇沙唔辣啱我唔食得辣嘅人，湯底味道濃，下午茶餐連飲品，叫咗熱檸茶，同一般茶餐廳一樣， 杯檸檬茶面有浸油。服務態度都一般茶餐廳咁。純粹醫肚，無咩理由令我再幫襯，完。…查看更多

以現時香港經濟環境唔好， 梗係要多啲去幫襯小店表示支持。 印像中有傳媒訪問過， 不過 唔順路一直都冇特登過去。 今日特登抽時間喺午餐時間去試一下。午飯時間店內位置差不多坐滿人， 雖然店外露天位置有位， 因為天氣太熱， 點都要等店內 有位先入去坐。 店內環境， 座位 舒服 ，文青風格。價錢親民午餐只需要52蚊 連餐飲。穿著校服仲可以減十蚊。點了招牌阿roy牛肉麵， 牛肉味濃肉質軟淋， 麵條彈牙，好味。餐飲加8蚊升級做珍珠奶茶， 珍珠煙韌， 奶茶夠台式，好飲。雖然午餐時間店內繁忙， 但係點菜，上菜時間 都很快。…查看更多

休閒的 放假天， 來到村屋中的一間文青cafe。 這次是第二次來到， 今次 要試 嘅係佢嘅set lunch。 餐牌價錢合理。先來是日餐湯， 鮮蕃茄肉 打碎嘅蕃茄湯， 酸度較高幾開胃， 個人口味希望甜到+1 可以冇咁酸。然後主菜c餐， 豬肉扁意粉， 豬肉同扁意粉嘅比例合適， 扁意粉煙韌度適中， 醬汁好味， 個人口味希望醬汁甜度減2度。餐飲 隻杯都幾大。店內主要由三位年輕人負責， 做到這個水準非常滿意， 而且很有禮貌。 餐廳面積不大， 大約能夠容納十幾人， 店內環境舒服， 不像一般茶餐廳擠迫的感覺。…查看更多

本人本來 並唔係咁喜歡食漢堡包， 完全因為電子券優惠吸引， 所以 試下 咁有名嘅burger。 地點對於我嚟講並唔係咁就腳， 甚少去大角咀， 真係特登搭車去。 座位得十幾個， 大部分單人座位面向牆， 很美式。 有醬汁喺枱面任意加幾好。價錢ok， 幾十蚊嘅burger套餐。叫咗最基本嘅和牛漢堡， 怕薯條熱氣所以食沙律， 沙律材料新鮮幾好食。 主食和牛漢堡， 並沒有 入口即溶， 漢堡扒 有點乾身。 雖然係咁 都ok嘅， 麵包有些小香口， 還有煙肉生菜蕃茄。 材料都係新鮮嘅， 總括ok好食。店員有禮，ok。…查看更多

沙田新開，試下新野。估唔到新開，比我隻杯係裂嘅。呢隻杯都係裂，唔係好接受到。黑松露薯條，個汁原來同薯條係分上，汁好食，薯條同M記差不多。黑松露天使面，分量較少，味道ok。英式早餐，面包，乾硬。焗薯都係乾，有啲縮水。煎蛋，食到痴牙，都係第1次，應該煎定，放到乾身。坐位同之前超級三文治差不多。應該唔想再幫襯。價錢171兩位下午茶。…查看更多

家人生日，難得又放假，食個lunch buffet 無dinner buffet 咁heavy。睇中呢間有蠔食，用openrice訂位又有75折，所以選擇咗呢間。酒店餐廳，環境氣氛唔會差，仲好好添，服務又到位，訂咗位會打電話黎提你出席。一坐低，就有餐包上枱，新鮮好食。蠔有美國蠔同 愛爾蘭蠔，愛爾蘭蠔較大隻，好有睇頭，美國蠔雖細，但較鮮甜。唯一海鮮主菜，味道一般，本人較推薦食牛。酒店咖啡無得輸。雪芭加果撻，均是帶酸的食材，食得酸先好叫。本人推薦caramel 甜品。每人三百幾嘅semi buffet lunch，有蠔任食，好抵食。另一主菜，牛。另有，焗蠔任食。…查看更多

上星期食過返尋味， 但發現餐牌壽司有些微改動， 不過唔緊要，55蚊真係好抵食。壽司上魚生大大件， 新鮮甜美。 碗湯麵比上次多咗塊白蘿蔔。不過今次要特別提一提，就係點餐之後等咗三十分鐘食物先送上枱，不達標。 不過性價比仍高。…查看更多

第一次到板長壽司食下午茶， 價錢非常吸引， 50蚊加一，埋單都只係55蚊。 環境就如大家所知道坐得舒服， 餐枱 夠曬大。第一次食，試下個b餐， 雖然係下午茶， 但係嗰五件壽司 同平時一樣冇縮水， 餸係大大舊飯細細粒，正， 味道保持水準。 所有餐都有麵同薯餅， 都係新鮮整。 性價比高。…查看更多