food-seeker的个人专页

係網上見到呢間麵店都好多正面評價，咁岩又係附近，於是就去試下啦間鋪位置就唔算好開揚，係基隆街近界限街交界位，而店內面積唔大，裝修簡約帶點懷舊，間麵店主打係食雞，餐牌都好簡單只有幾款，我就選左個砂窩雞湯翅等左約十分鐘左右，店員成煲送上枱，熱辣辣兼充滿雞湯香味，個湯真係好熱，真係要小心辣親，個湯非常濃味鮮甜，真係睇得出真材實料，落左好多心機落去，將雞味索哂入湯底內，而雞件份量都唔算少，肉質嫩滑，再配埋米粉真係一流…查看更多

椒鹽鮮魷，椒鹽九肚魚等椒鹽菜色你或許食得多，之但係你又有冇諗過椒鹽腸粉會係點呢？相信好多人都冇諗過吧，但呢個聽落有點奇怪菜色做法已經有人做出，而且效果出奇地好今次介紹呢間小食店，佢地正正就係創出椒鹽腸粉，小食店位於深水埗南昌街同長沙灣道交界位，十分易搵得到，小店只設外賣，而且即叫即整，所以等候需時，趕時間既就唔建議啦今次就試左椒鹽腸粉同埋黃金雞翼，咁先講下椒鹽腸粉啦，聽到個名都想試下，入口外面非常脆，而且熱辣辣，適逢天氣稍為轉涼，食落肚即時暖胃，而入面既腸粉就依然又嫩又滑，而椒鹽個陣香味就正正索哂入腸粉度至於黃金雞翼，黃金係指咸蛋黃，咸蛋黃同雞翼一齊炒，即使隔住個紙盒都仍然聞到咸蛋香味，雞翼皮炸得岩岩好，非常脆兼濃濃咸蛋香味，而入而啲肉好juicy，唔好乾爭爭咁，食完一隻再想食多隻整體來講，會再試，係值得支持既小店，希望佢地可以創作出更多有創意小食…查看更多

眾所周知，香港人對日本菜迷戀程度，就猶如卡通角色小熊維尼鐘意食蜜糖一樣，亦因而造就出香港有好多日本菜食店開業但係遺憾係部分餐廳質素參差，亦都有好優秀既餐廳，但價錢就令人卻步今次要推介呢間餐廳，質素相當高，而價錢亦非常貼地合理呢間餐廳位於元朗區繁忙地段教育路，人流絡繹不絕，而食店亦都林立，沒有一定的水準質素的食店，恐怕難以在此街站穩陣腳餐廳分為兩層，樓下只有四張吧位，食枱與廚房連為一體，可以坐在座位上欣賞師傅刀功和制作食物過程，典型的日式格局，而樓上則有數張食枱座位，但樓底矮，會有局促感今次食既係自選丼飯，點解要推介呢樣，因為餐牌上有多項日式刺身海鮮選擇，可以因應自己喜好，組合出自己的心水丼飯，自由度極高，而食物質素方面相當有水準，三文魚肥美新鮮，入口鮮嫩，磯燒鮑魚就咬落口感層次豐富，並冇出現燒得太耐搞到刃到難以咀嚼現象呢間食店除左堂食外，外賣自取亦係賣點，在門口外排隊攞外賣人可以話係絡繹不絕呢間食店值得為大家推介，我自己都會再去食以示支持…查看更多

係太子呢邊附近做完野，碌下ig睇下有乜食，見到有呢間新丁小店介紹，咁岩係正附近，於是就行過去試下啦小店位處太子道西同大南街交界位，好易見到，不設堂食，只做外賣。但係食物款式多多，有雞翼，格仔餅以至車仔麵都有，賣咁多款，到底質素如何呢?肚餓關係，叫完車仔麵再叫埋三色著條做小食車仔麵已經夠哂特別，一般麵店都係俾米線，米粉，幼麵，粗麵你揀，但呢間就唔係，標榜手工麵，多款口味選擇，我就選左原味，揀完麵，仲有湯底，我就選左龍蝦湯底。等左5分鍾左右就可以拎得，一打開就熱辣辣仲有小小湯底鮮香味，飲一啖湯底，入口鮮甜，再試埋啲麵，麵身軟熟，層次分明，唔會一埋麵纏埋一齊咁，最重要係絕無半點鹼水味，食得出係真材實料，只係個湯底加埋麵身已經相當高質，至於配餸方面，肥牛同蟹柳係就係普通水準啦，但個湯底麵身真正先係成碗精髓所在，最重要係價錢只係28蚊連飲品，仲可以要有乜要求?食完個麵，再試下個薯條，個薯條既制作相當有創意，有紫薯，咸蛋。薯條又係熱辣辣即叫即整，入口咬落非常脆，咸蛋薯條炸到金黃色，賣相都好吸引，唔鐘意食咸蛋既，大可以試下甜甜地既紫薯味，再點埋佢地附送既黑松路醬，更加可口呢間小店岩岩開張冇耐，真係值得捧場，奈何地方面積關係冇得堂食，我自己就覺得真係值得專程揸車過黎食…查看更多

雞翼呢樣小食，係香港到處都食得到，但講到整得好味花款多有誠意有特色，係香港就冇幾多間，但今次介紹呢間主打雞翼雞槌，可以話叫人拍案叫絕雞翼山呢間小店係網上已有一定名氣，我自己今次真係慕名而來，果然冇令人失望小店位處紅磡黃埔花園一帶，唔難搵到，主打做外賣，店舖旁邊只有一張小吧枱，可供堂食雖然只係簡簡單單既雞翼，但都有多種口味可供選擇，最後揀左港式避風塘雞翼，48蚊有6隻，而且可以雞槌雞翼各3隻咁配搭，為保證食物質素關係，係即叫即整，所以要稍等一陣，大約幾分鍾後，一盤熱辣辣雞翼送上，仲附送埋膠手套，相當體貼岩岩炸起，除左熱之外，仲有陣蒜香味令人垂涎三尺，雞翼雞槌都係入口皮脆肉嫩，而且仲好juicy,入面啲雞肉一樣係熱辣辣，簡直係非連鎖式快餐店可比食過真係留下好印象，真係下次會再黎試埋其他口味…查看更多

呢間餐廳幾次係門口經過都俾佢地吸引，今日有時間專程黎試下點解會係咁吸引，因為餐廳裝修有幾多綠色植物做裝飾，好有田園味道，入到去坐低有一種輕鬆感覺睇完餐牌，點左個All day breakfast份All day breakfast望落去相當足料兼精美，例如常見既有煙肉，腸仔，鬆餅薯餅炒蛋，食完肉類仲有蕃茄，菇沙律雜菜平衡返，最估唔到係仲有煙三文魚份炒蛋炒得好香，好有蛋香味，啲菇都好香，不過啲菇得一粒，而粒菇放係蕃茄上，令到蕃茄都有茹味，最值得讚既係佢地既鬆餅反而係細細地，對好多人來講係好，唔會食濟，唔會食完個鬆餅都唔洗食其他野整體來講，呢間小店既出品相當有水準，真係值得再幫襯…查看更多

元朗教育路一向都係食店林立，但係強烈競爭下要做得住，往往都係相當難，作為住係元朗街坊，見證到好多餐廳又開又結業離場好似今次介紹呢間以日式拉麵為主打既餐廳，見到佢只係新開業唔係好耐，於是就行入去試下啦店內裝修就無乜特別，但乾淨企理整齊，可能岩岩新開張唔係好耐，餐牌上選擇唔係好多，落單就係以自助形式，自己係餐牌上剔出你想要既野，拉麵仲可以自選麵身既軟硬程度，仲有要唔要蔥，最後我揀左個燒牛肉拉麵落完單好快就送上，一送上第一眼望落賣相唔錯，仲有牛肉既份量都唔算小，全部都係大大片，牛肉食落唔韌，咬落尚算嫩清，至於麵身就軟硬適中，係略嫌湯底味道偏淡整體來講算係唔錯，下次會再試下其他…查看更多

上Openrice見到呢間餐廳有幾多正面評價，再加上咁岩又係附近，所以就過去試下啦去到餐廳門口，都幾多人需要排隊拎飛，雖然人多，但店員都好禮貌耐心去安排，唔會做到好唔耐煩咁，值得一贊一入到餐廳，就俾餐廳既裝修所吸引，原因唔係好華麗好金碧輝煌，而係好地道，好有舊陣時60年代香港feel咁，入到去好似回到從前咁，老板都好有心思，未食野已經俾餐廳既鮮明既風格主題所吸引點左個芝士大蝦球濃茄湯通粉蕃茄湯底味道夠哂濃，而湯底上有陣芝士，但芝士味遠遠唔夠蕃茄味，蝦肉都大大隻，爽口鮮甜，而且份量唔算小之後食埋呢度既主打：黑松露炒蛋多士炒蛋食落好滑好嫩口，而且充滿住蛋香味，炒蛋表面上滿滿黑松露，黑松露味又帶有蛋香味，蛋下面就係多士，多士又厚又脆，唔會因炒蛋令到件多士又濕又軟哂，作為下午茶真係無得輸整體上來講，呢間餐廳值得再幫襯，真係可以當旅遊景點咁黎影相 …查看更多

講起食放題，相信好多人都鍾意，貪佢夠抵食，但有部分就無質素，坐得又迫，食物款式選擇又小唔靚今次介紹呢間，可以話價錢又合理兼有一定既質素間餐廳位於荃灣熊貓酒店，地點方便易搵，而入面地方比起好多放題店闊落，坐得舒服，出去拎野食都舒服呢間最抵食地方係結合哂日式放題加火煱，日式放題啲壽司刺身都好新鮮，冇話是是但但降低質素，仲有好多天婦羅，串燒等日式小食，打邊爐方面，加18蚊可以有兩款湯底，大量牛肉豬肉可以選擇，食完呢堆仲有好多高質甜品選擇，只係任食甜品呢部分都值回票價整體上來講，呢個價錢有咁多野食，絕對係冇得輸，非常合適成班人聚會，特別岩哂大胃皇…查看更多

係ig見到呢間餐廳幾多正面評價，又有樣特別菜式叫多士盒，所以慕名而來試下先間餐廳位處彌敦道，非常易搵，入面就企企理理，坐低之後，就落單要左個蕃茄豬扒多士盒等左約10分鐘就送上，一放上枱真係俾佢份量嚇一嚇，份多士四四方方成個盒咁，目測都有成約3吋高，而啲飯同豬扒就好似寶藏咁收藏係個盒入面，個菜式制作都幾有創意啲豬扒好腍又軟熟，配合埋蕃茄醬汁更令人開胃，而啲飯係炒雞蛋飯底，蕃茄豬扒配炒雞蛋飯簡直係最佳配搭，至於個多士盒，多士好脆，但略乾身，要撈埋蕃茄醬先較易食個多士盒真係好大，為免浪費食物，建議2至3個人share食，一個人真係好難食得哂…查看更多

係荃灣收工搵野食，路過見到呢間餐廳叫“初見”，心諗個名咁有詩情畫意文藝氣息，於是入去試下啦餐廳樓底好高，裝修以清新簡約風格，入到去真係覺得好relax，有別於好多狹窄日式餐廳咁要坐到好迫打開餐牌，都幾多款式選擇，連burger都有最後揀左呢三樣1.日式叉燒自家製豚骨湯拉麵2.初見粒粒蟹籽炸軟殼蟹反卷3.初見邪惡炸薯條先講下個拉麵先，個拉麵可以加25蚊升級做套餐，套餐可以有埋刺身，味噌湯，茶，刺身雖然只係簡簡單單幾片，但依然有質素好新鮮，味噌湯湯味濃郁，享用主食前飲返啖一流，果茶味道芳香，所以呢25蚊強烈建議要俾。個拉麵份量都唔算小，豬骨湯湯底清甜，唔會太咸，日式叉燒肥瘦岩岩好，咬落唔會太刃，而且有濃厚個種日式豚肉味道，拉麵麵身就軟硬適中之後再試下個薯條，薯條望落好厚身，而且好金黃，新鮮炸起熱辣辣，食落第一口好清脆，入口後強烈感覺到咸蛋香味成口都係，食完仲想食，果然如菜式名一樣，好邪惡之後到個軟殼蟹反卷，啲蟹炸得好脆，而咬落入面啖啖都係熱辣辣蟹肉，而反卷外圍鋪哂蟹籽粒，令到整團反卷既口感提高食完之後真係覺得一定會專程再黎幫襯，呢啲用心小店絕對值得支持…查看更多

呢間食店係網上已略有名氣，咁岩係附近工作，梗係專程去試試啦間鋪位於石硤尾白田商場，一啲都唔起眼，而座位只有幾張，眼中只有老板娘一腳踢呢度最主打就係手撕雞，咁當然要試下啦，叫左個手撕雞米線五分鐘左右，老板娘已親自送上，一見到已經有驚喜，因為真係好足料，啲雞肉係覆蓋哂米線，雞肉仲有菜脯做點綴，雞肉連埋相信秘制醬汁，入口嫩滑，甚有雞味，一啲都唔會諧烚烚，非常惹味，而且仲有菜脯做配菜，菜脯爽口，連埋雞肉食更令味道更佳咁大碗咁足料，只係賣一個非常貼地街坊價$33,係非常之抵食，真係專程過黎食都願…查看更多

呢間cafe係ig上都略有名氣，於是我都係跟住黎試下先，間cafe開係酒吧林立既太子通菜街，成街都係酒吧，偏偏別樹一格地就有間cafe一入去已經被佢地裝修所吸，吸收既地方並唔係好華麗，而係簡簡單單，牆身有幾幅好生動插畫，總之感覺就係會令人好放鬆，打開餐牌，最後選左個北京填鴨包，北京填鴨好多人食得好，但好似漢堡包咁食法，相信就比較新鮮落單隔左5分鐘左右就食得，包就唔係好大個，咬落塊麵包偏向乾身同埋脆，入面啲鴨就皮脆肉汁豐富好juicy，再配合埋入面醬汁更帶出味道除左食之外，仲有啲特色文具精品可以買，整體上來講呢間cafe好有個性賣點…查看更多

黎到荃灣路德圍，梗係離唔開個“食”字啦，行下行下見到有鋪鋪名叫“入麵”，個名又幾有創意得意，於是就入去試試先餐廳風格比較新穎，似足台式cafe，餐牌上都好多選擇，最後就揀左個鹽酥雞球湯麵等左約10分左右就送上枱，雞球同湯麵係分開上，令到啲雞球浸住係湯度，呢個第一要讚地方，啲雞件即叫即炸地熱辣辣，外金睇落金黃酥脆，入口充滿肉汁，麵身軟硬適中，最後個冇味精豬骨湯底的確要讚，食哂成碗都唔會覺得口乾整體上來講真係算係非常唔錯，如果有行開呢邊，又鐘意食台灣野既，真係值得試下…查看更多

旺角女人街食肆臨立，要係眾多對手中突圍而出，有返幾下真功夫可以話係必可以站立得坐，今次介紹呢間可以話係用心誠意食店鋪頭位於女人街近廣華醫院，人流川流不息，去到時幾乎全部滿座，但可能鋪面算大，唔係好迫，而裝修以中國傳統為主題，地方光鮮企理最後點左“炙燒手撕雞米粉”,好快就送上枱面，一黎到已經有小小驚喜，餐廳係用成個煲裝住送上枱，而唔係用碗，擺上枱時候店員有提醒要自己，因為煲個係好熱，呢樣咁細心值得一讚，湯底未擺入口已經聞到鮮味，入口清甜，而且連埋青檸送上枱，據店員講青檸汁更可以帶出湯鮮嘛，所以大家唔好錯過，至於成一絲絲雞肉就肉質嫩口，米粉就幼身有性，再配合流心蛋等配，令到碗米粉賣相佳之餘亦都令味道豐富…查看更多