wai1023的个人专页

自己一路都對唔同嘅外國菜都有嘗試嘅心態，今日就搵到一間家庭經營嘅尼泊爾小店。一入去老闆見我係華人，就問一問我係咪第一次食尼泊爾餐，雖然我之前食過，但係今次食都刷新咗新知識。我叫咗一盤套餐加一杯奶茶，上菜之後老闆細心講解每一樣嘢點食，同埋佢嘅一啲成份，佢講先知原來尼泊爾餐嗰碗湯係會攞嚟撈飯食。個咖喱雜菜同埋雞肉味道都幾好，都同我之前食嘅尼泊爾餐差唔多，香口惹味甜品老闆介紹係用牛奶，椰子，米，薄荷呢啲做，仲話對健康有益，食落的確係比較獨特，味道都唔會太甜奶茶老闆就介紹用咗唔同香料，感覺飲落比印度特色嘅更加香濃，$15一杯一定要叫嚟試吓…查看更多

食完飯行過黃竹街見到新開咗間越南粉，想望一下餐牌，兩位阿姨就好熱情咁問我係咪食嘢，但係就有啲口音同埋睇個樣唔似中國人，覺得應該係越南人開嘅。第二日即刻去試吓，舖頭入邊聽到佢哋交流都係用越南話，咁就確認咗個想法，食物係咪正宗我都唔肯定，但係食落就幾好，的確會想下次再試其他嘢食…查看更多

喺呢頭返工，見到一間睇落咁噏耷嘅舖頭，見佢有做腸粉，所以就入去試吓，點知原來質素都幾好。佢啲腸粉真係做得滑捋捋，而且整嘅豉油汁都好香口，應該係有花生油嗰啲，坐隔籬枱阿姨都話腸粉嘅皮好好，而且都見到有好多回頭客去幫襯佢嘅腸粉。有機會希望試埋佢整嘅其他腸粉。試埋佢嘅越南粉，都叫做唔錯，$35碗來講質素比得上$50嗰啲，當然佢嘅餐具唔可以話好精美，環境亦都唔係好好，成間舖頭其實係得四個位可以坐，算係性價比之選…查看更多

朋友介紹新北江開咗兩個月嘅水煮魚店，原來喺深圳仲有三間分店。試咗佢嘅招牌青花椒魚，真材實料，又有椰菜花，粉皮，蓮藕，而且魚嘅份量都多，性價比都唔錯。魚皮爽口惹味，香港都好少搵到呢種魚皮同埋鮑汁豆腐，將炸豆腐加鮑汁估唔到都幾夾整體來講，呢間餐廳係真係好有內地嘅風味，而家冇咁容易返去食喺香港好難得先食到咁正嘅，而且可能係新開，店入邊嘅員工都問吓大家嘅意見，睇吓可唔可以整到更加迎合香港口味嘅餸菜，咁當然希望整得更加正！…查看更多

巴基斯坦人介紹嘅餐廳，應該地道先介紹嘅。感覺真係同平時食嘅南亞菜有啲分別，食嘅可能唔會太啱香港人口味，但我覺得其實味道幾好，而且我見除佐我係香港人其他都係少數族裔，而且都多人幫襯，應該係幾正宗同好食…查看更多

整體啲嘢唔算特別好食，就係勝在環境比較有特色，同埋曾經周潤發喺度拍電影飲珍多冰，同埋餐廳有自己車位就比較方便。串燒算係比較有特色同埋比較好食，巴東牛肉同埋印尼雞就真心一般，而且定價比較高…查看更多