中午途經油麻地，發現開左間新越南餐廳，原來係支持長者就業的社企「銀杏館」。平安大廈算舊，但「越老」恰相反，裝修、燈光、擺設都非常型格，睇得出設計花過頗大心思；而且座位寬敞，坐得舒服，我覺得約朋友來慢食晚飯更合適。午市有套餐，和友人分別叫了碗越南湯河、火車頭湯河，各配一碟芽菜、青檸、九層塔，份量十足，牛味濃。我覺得湯底可再調濃一些，友人覺得OK，但總括也認為是上等水準。午餐附送小食，分別選了木瓜沙律、越南春卷。前者新鮮、後者即炸即出，醃肉入味，保持這水準，不會輸。同行都覺得食物對版，詢問長者侍應小食推介，「加碼」叫了客庶蝦。果然一流，蝦肉彈牙，條庶充滿juice，我們都覺得是驚喜。午餐連飲品，新張有九折，埋單每人不用八十塊。這質素與環境，還可支持下長者就業，是很滿足的午餐！…查看更多
