Kim97800599的个人专页

陳金:同ADAM來試下呢個「銅鑼灣火鍋新勢力」,有驚喜!幾得喎!!花蟹大硯湯底:好少可食打邊爐食到覺得個湯底「好食」,呢個真係正!蟹加硯, 清甜的, 單係呢個湯底已經令人覺得無來錯!LIKE! 羊肉:好新鮮, 好有肉香味道, 收得不平宜, 但質素好,GOOD!四寶丸:四寶丸,四款都好味!黑松露丸好香,好濃黑松露味道,「重口味」人士必LIKE!芝士海蝦丸的芝士味濃郁,象拔蚌丸好鮮甜,桂花墨魚丸淡淡桂花清香…四款都好味又彈牙, 真係要試試!!另外仲點左花膠,鴕鳥肉,魚片頭等等…都係好有水準, 只係以上所提比較特別出色.絕對會再去!…查看更多

陳金:講得出要幾差有幾差嘅一次食飯經驗…因為有事來九龍灣又想食下火鍋先來.服務:成場伙計愛理不理, 等都不在話下, 點嘢食好似我超速俾MADAM落薄咁態度….食下嘢者….鴛鴦湯底:唔辣唔咸唔淡…與其係咁不如俾幾個蕃茄加清水我好過…羊肉鴕鳥肉:唔新鮮, 成碟都係水….食左兩舊…唔想浪費食物…好在上碟唔多…. 菜:都可以, 選擇唔多不過起碼D菜無爛….其他:咁魚旦,腸仔,貢丸之類個D都係來貨嘢, 冇話唔得嘅…我陳金全香港周圍食…好怕食到咁…..…查看更多

陳金:今日同ADAM兩個人去左輿記,靜靜地.好多人都話去到興記「冇招呼,黑口黑面」,可能我有食神啦, 唔係同佢地特別熟但每次都好好招呼.薑蔥炒蟹:來得食避風塘嘢, 一定要食炒蟹, 呢度嘅炒蟹我覺得已經係去到「冇咩好挑剔」嘅LEVEL, 蟹是揀手靚蟹,肥大,肉厚, 膏係可以挾來食嘅, 食肉蟹要「夠件頭」!蟹件有油泡過, 吃起來邊位油泡地方係香脆,裡面就啖啖肉,肉質豐實,滑又軟, 滲入少少薑蔥香味, 好味得緊.六小福拼盤:我為食,白灼我次次都叫拼盤,哈哈,咁就乜都有!拼盤即係海蜇,粉腸,豬脷,豬肚,水魷,菜(今次係韮菜花).海蜇好爽好大片,水魷又挺身又爽,粉腸,豬肚,豬脷, 我覺得係「同一類」嘅食物, 處理得好乾淨, 吃起上來冇「異味」, 根本就係好嘅材料,簡單白灼加醬油已經好香好好味, 菜亦係新鮮的嫩的, 同ADAM兩個人食其實分量好多, 不過都食晒,哈哈!豬什湯瀨:實而不華嘅一碗粉, 豬什係新鮮又處理得好, 瀨粉個麵底亦係好貨, 加上清香嘅上湯, 味道好得來又平實.好多人話佢收得唔平, 咁話時話人地又冇話過賣點係平喎其實,哈哈!對我來講, 食物質素最緊要.…查看更多

陳金:銅鑼灣平靚正選擇, 附近住/返工嘅應該都識.榮式雞扒:好香, 味道好濃厚, 醬汁係秘方吧?會吃上癮. 不過太咸, 而且味精香料等等好重手吧? 好吃但吃過之後會很口渴.藕餅: 藕餅先係我覺得呢度最出色嘅食物, 肉打得好彈牙, 蓮藕是爽的, 章魚也香, 不過都係一樣覺得咸左D, 可以淡小小就PERFECT!!…查看更多

陳金:白沙灣附近幾間餐廳一向係我開餐熱點地域.一來泊車方便,二來食飽飽可以行落碼頭吹下風.今日忽然想食下薯條, 就去呢度…其實同一個位置, 名已經轉左好多次, 菜式亦有唔同, 以前出名食燒豬手,好似叫POSEIDON ?唔記得了.而家嘅HEBE, 據講大廚都係出身大酒店, 不過來到唔好EXPECT食D乜嘢特別珍貴悕有豪華菜式.來西貢嘛, ENJOY下郊區氣氛, 簡單來個FISH AND CHIPS, 已經可以係一個RELAX嘅WEEKENDS了!LOBSTER:STARTER, 都有成隻LOBSTER, 先係$148,價錢OK, 肉質亦唔錯. 個汁係咩呢?食唔出, 不過少少酸, 幾好味. 配上小蕃茄, 都係酸酸地, 幾FRESH!CRAB CAKE:呢度嘅CRAB CAKE一向唔錯, 外面脆卜卜, 裡面熱喇喇. 不過我覺得蟹嘅味道唔夠, 個FILLING如果唔特別留意係唔知道係CRAB CAKE, 比 例重D一定更好味.BURGER:點左個CHICKEN FILLET, 薯條就一向都整得好好味, 又厚又炸得香, YUMMY! 可惜個BURGER就麻麻, 件FILLET好乾好硬, 似TURKEY唔似雞肉, BURGER片麵包都一樣係比較乾同硬, 我覺得唔合格, 下次點返FISH AND CHIPS好D.又一個RELAX SUNDAY了,YEAH!…查看更多

陳金:被雜誌介紹吸引, 想來試試「鋪蓋面」,同ADAM搵左一輪, 原來係另一邊西貢街,哈哈!特色鋪蓋面:其實就好似一張大棉皮咁鋪滿整個碗, 麵是很厚的, 一碗有3張, 飽得很,我一個人食唔晒.厚厚的吃上去很過引, 味道不錯,大大塊夾住食,感覺好似食餃子皮咁,韌韌的,我四川朋友同我講食鋪蓋面係食厚唔食薄的,咁先有口感.雜誌寫話湯汁係雞同豬骨熬製,喝兩口都知道不是味精湯,配上豬腩肉碎, 好有「份量」, 味道不錯,可惜我覺得不夠辣, 辣D仲正!豬耳/肚絲:吃四川麵都離唔開點呢兩款, 味道很好, 唯一我覺得不足又係唔夠辣.據講呢間 穆姑娘係東莞已經有9間分店, 都幾有特色丫, 希望做得好, 食物就仲有好多改善空間.不過油麻地呢間店面就一般, 所有坐位好窄, D枱又唔係固定, 用力少少都推到對面,好尷尬.另外幫忙落ORDER位叔叔永遠唔記得你ORDER乜嘢, 講完一陣又問過,行兩步同第二枱落ORDER之後又問多你一轉, 但可能佢個樣好敦厚, 你覺得好笑多過唔滿意,哈哈!可能係太新吧,手忙腳亂.(光顧當日, 門口招牌個「穆」字都未整上去)…查看更多

陳金:旺泰絕對係我係西貢嘅「BEST CHOICE」, 平靚正, 水準永遠保持, 大細MAY姐又NICE!坐係巷仔食, 人來人往, 又熱鬧又有FEEL!冬蔭公:好香好辣, 始終係泰國人整先整得好, 沒有太多的椰醬, 不會過甜, 好中意呢個味道,正!生蝦:每次都好新鮮嘅蝦, 當然蝦只要新鮮就好, 但加上秘製嘅汁, 酸酸辣辣, 夾住片辣椒同蒜片食, 無得頂!好味道!炒河粉:其實泰國用嘅醬油同印尼用個隻係咪一樣呢?真係唔知, 總之大家都好味道, 河粉炒得好夠味, 咸味同甜味都好夠又唔會太誇張, 食一啖就係咁食, LIKE!海南雞:招牌菜啦直頭!雞的肉質偏硬, 但味道是好的, 而且啖啖肉, 皮下冇肥膏, 油飯做得很香, 如果你中意食飯麵,食一碟可能真係唔夠皮.最中意都係個黑醬油, 錦上添花!!…查看更多

陳金:跑完馬拉松做完善事, 人都開心D.知道呢度出名麵包, 今日未有機會試, 因為凍凍地想食個熱喇喇嘅PIE!點左個有個「M」字嘅LAMB PIE( MUTTON?)LAMB PIE:好香好好味,又夠大件, 食MEAT PIE就係要呢種豪氣.好多COMMENTS話呢度價錢偏高, 我細心留意下, 反而覺得佢地一般嘅SIZE都幾大, 麵包,PIE等等都係大, 比例來講其實一D都唔貴.好似我食呢個PIE, 30蚊ONLY, 如果唔係我EXERCISE完肚餓我未必食得咁輕鬆!幾好丫, 會再來試試.…查看更多

陳金:如果你(曾經)係夜鬼, 又有揸車, 咁英記一定係你印象中嘅食店之一.以前細個呀哥成日車我去食, 今日我帶ADAM去試試,附近大把位泊, 方便!全店只有油渣麵,菜,雞翼,芝士腸選擇(頂多加埋氣水), 仍然可以賣幾十年…香港人, 簡單嘅時候可以好簡單…油渣麵:有大有細, 是乎你胃口. 麵底(粗身上海麵)係老闆娘手打, 很滑很有質感, 細心留意你會見到有粗幼不均等嘅麵條…人手做嘅「TOUCH」, 難以形容的美味,LIKE!油渣其實即係炸到出晒油嘅腩肉…好多人話肥其實已經冇晒油係裡面…我未係其他地方食過好得過英記的油渣…又香,有點脆,又唔會有「千年油」嘅味…如果你係一聽到係肥豬肉炸成就「E!!!!!!」咁冇嘢好講…食過就知道好食…上面灑上蔥花,冬菜!! 無錯, 最緊要係冬菜!!爽脆香,又唔會淨係得個咸字嘅冬菜絕對令成碗麵升華….雞翼和菜:非此處出名食物, 不特別評論了.希望英記一直做落去啦….好有「香港FEEL」!!!!…查看更多

陳金:「葫蘆館既薑汁奶, 係我到目前飲過最正既!! 個種薑味…真係堅,好濃郁~~冬天飲更加係正!!」呢句係我2011年嘅食評.2013年嘅今日, 諗下, 其實都唔記得食左幾多年, 總之佢一開張我就有幫襯….今日點薑汁撞奶, 仍然係好重薑味, 仍然係食完好舒服暖笠笠.不過我食得出隻薑味有唔同左, 唔通來貨唔一樣?不過仍然好味的.其實附近好多好嘢食, 睇你識幾多LOL~~…查看更多

陳金:香港都冇乜邊個唔中意打邊爐, 火鍋店成行成市, 不過台灣式一人一煱係香港都唔係好多,今日專程來試試.先講店面的感覺, 很清潔很企理, 放食物的地方也放得很整齊, 放雪藏食物的盤子沒有剩水, 食物上也沒有霜,單是這點已經對食客很尊重(對自己的店也很尊重), 不是隨便給你一堆食物任食食個飽就算.放蔬菜的一面也很骨子, 而且很新鮮,亦洗得很乾淨.點了一個「龍蝦海鮮二人餐」, 選了小羊捲和雞肉, 還有龍蝦一隻,廣島蠔2隻,帶子2隻,啤酒,雪糕都有,才$668, 價錢OK.海鮮:龍蝦的質素一般, 新鮮是新鮮的,不過熟了之後肉是散的,沒咬勁.廣島蠔和帶子則很好, 都是又新鮮又甜, 不錯.肉:小羊捲跟雞肉都好吃, 羊薄薄的,很有羊肉的香味, 肉質很好,給你的份量也很足夠, 是店子的大方吧.湯底:我點的是麻辣, 好味道呀, 我喜歡辣, 這個辣味不錯, 可惜不夠麻, 不夠麻吃肉不夠好玩過引, 再麻一點我會更喜歡.蔬菜:選擇很多, 小棠菜,波菜,皇帝菜,娃娃菜…都有!而且全部都好新鮮, 翠翠綠綠的, 我最欣賞火煱店提供好的菜蔬! 菜蔬可不是配菜呀!!醬料:很好, 胡椒,蒜,辣椒乾辣椒粉,麻油,醬油,芝麻,蔥花都有! 當然最重要是有醋!黑白都有, 還有甜醋!吃麻辣煱最好甚麼都不點, 點少少醋就好!飲品/甜品: 我沒有喝過台灣啤酒(基本上都少喝), 不過這個鳳梨味道的超好喝,亦是餐包括的就試試, 鳳梨味很重很香, 沒有啤酒的苦, 喝過也沒有肚子漲著的感覺, 不錯.最後雪糕是HAAGEN DAZS的, GOOD.很好呀, 店員也很有禮, 值得再去的台式火鍋店.…查看更多

陳金:沾麵店開很多, 今日來銅鑼灣呢間試試.據講係日本已經有20幾間分店, 香港暫時得呢間, 出名食「辣」,我點會唔試試.點左一個「廣島麵」, 先試試150倍辣道(辣道有0-200倍).食左兩啖…唔對路….點解真係一D辣味都無…?試試叫店員加到200倍…加完…係無任何分別…照呢種程度相信我食可以食20,000倍….據講食到200倍以上會俾個牌仔你寫幾句留念, 我食完又唔見有人俾我喎….諗住見間店幾得意想玩下留個念都唔得.講返食物:麵條:我不覺得好吃, 不爽, 不曲, 據說是日本運過來的?我在日本隨便走入任何一間拉麵店的麵質都比他好, 有待改善吧.滷水糖心蛋:糖心是有的, 但整體都味很淡, 滷汁的香也吃不到….叉燒:原本是2片,追加4片才加$15,不貴, 可惜是叉燒本身味道很淡, 沒有肉的香, 也沒有微煎過的香….我見過日本師傅親手做叉燒, 知道製作不容易…但沒味如此的….不知如何製作….我會去多次試下是否溝通出錯所以唔辣, 試下食300-400-500-600….睇下冇冇得玩下留個念, 如果又係唔辣或者玩下留個念都冇嘅, 就可能未必再光顧了….…查看更多

陳金:喜歡吃上海菜, 也喜歡去「老」一點的館子, 永遠覺得去老飯店好似係件「與世隔絕的事」,泊車係門口, 行落條樓梯, 就好似去左「以前」咁, 十年不變.出面係點, 有幾多幾多老店關門轉營, 老飯店都係如一.核桃燻蛋:有淡淡的燻味, 可是我覺得那個糖心吃上去不那麼香濃, 整體是好的可就差了那麼一點點.例是核桃好味道, 很脆很香甜的.家常豆腐:做得很正宗的, 青紅椒,荀,木耳…豆腐煎炸香了再扣, 裡面綿軟軟的好可愛,肉片有點肥肉剛好, 豆瓣醬的蠶豆香和花椒香…一般沒靈魂的豆瓣醬根本是沒有這個味道, 是必點的菜,ADAM愛吃.咸肉菜心:喜歡吃咸肉配菜, 覺得那種咸和淡的配搭豐富了菜的味道, 這裡的咸肉淡淡的香, 太咸我怕, 這裡的剛好.清炒蝦仁:我對炒蝦仁特別喜愛, 也要求很高, 這裡的蝦仁看手工就知道是做得很精心的, 不過水準很參半, 有時候爽脆滑嫩, 有時候又油多,膩了, 沒了那份清淨, 蝦仁倒是好的河蝦仁, 今天煮得糊了點, 是蛋太多太久?不知道. 不過我也喜歡吃.紅燒大排翅:去到上海館子我都喜歡吃翅, 試試高湯火侯嘛.這裡做得很濃郁, 說是「排翅」其實給你甚麼翅已經不清楚了, 真的排翅又沒有那麼平宜吧?入口感覺不錯, 綿的, 翅太爽反而不好, 才不用4百塊,也可以.都是常去的店之一, 喜歡.…查看更多

陳金:老店好運印尼餐廳,竟然入選埋米芝蓮, 好嘢!我印尼工人姐姐就話佢:「車, 唔好食嘅!」我又覺得唔係咁差喎.印尼炸雞:淡淡的小茴粉,咖哩粉,黃薑味, 都幾有「印尼FEEL」,唔錯.沙嗲雞串:汁似印尼的花生辣椒醬, 但我覺得唔夠辣, 雞肉冇乜味道, 但燒得很好, 是即時炭燒的, 如果雞肉質素好一定好味得多.炒貴刁:一向喜歡印尼的「炒」, 可能是用他們的甜醬油? 我覺得炒甚麼都好吃.呢個炒得唔錯, 醬油掛上麵條很香!門口就可以泊車, 方便!…查看更多

陳金:最近都喜歡吃雞煲,表姐介紹來呢間, 即來試試.西川雞煲:點了大辣, 仍然係唔辣, 如果可以更辣就更好(某程度上我同意我能夠食嘅辣唔係一般人頂得順,但真係唔夠辣). 汁很濃, 但偏甜, 四川的怪味唔明顯, 雞的肉質倒是不錯, 滑的,也香.配料:羊肉,比起雞肉, 羊肉就冇咁好, 乾,沒有太多肉味, 對於只喜歡吃羊的我來說失望一點.黃喉, 不太多地方有,唔錯, 很爽很薄的.墨魚丸, 幾爽幾彈, 配雞煲食幾惹味的.位置幾好, 可以泊車, 希望改善少少個味道, 我會再試試.…查看更多