jordi.leung的个人专页

太子哩邊特別多美食，今次去咗間出名食燒鳥嘅小店，試吓佢 燒唔同部位嘅雞串！店長推介 雞腎、雞頸、雞尾、雞心、免治雞肉棒！我就梗係試晒啦，雞頸同雞尾，稀有食到嘅部位，出面餐廳比較少可以食到；每個部位都有獨特嘅口感！同埋佢全部串燒都可以做到外脆內軟，仲燒得好嫩滑，唔會過熟，鮮味為主，鍾意濃味嘅話話，味道可以自己再加.另外，佢地有兩個師父精選Omakase套餐選擇，分叫係$420 同埋 $330價錢，價錢唔貴，又可食咗多款串燒，都係一個唔錯嘅選擇♥️除咗串燒之外，佢哋仲試咗佢嘅雞湯素麵，雞湯超級濃，有滴雞精嘅感覺🤗鍾意飲雞湯嘅我，就非常滿意！店內仲有限定海鮮選擇，同埋有好多唔同種類嘅酒選擇，一邊飲酒，一邊食串燒，係最大嘅樂趣！…查看更多

今日經朋友介紹吓，嚟到尖沙咀食鐵板燒.呢間有20多年豐富經驗嘅鐵板燒，竟然第一次嚟食，仲要分別有幾層.我係晚上時分去，呢度分別有兩款唔同嘅二人前套餐.選擇一 秋田二人前套餐 每位$888另一選擇 橫濱二人前套餐 每位$1500我選擇咗 秋田二人套餐，胞套餐內包括咗12款食材.一坐低，就有前菜 季節沙律，酸酸甜甜，非常開胃，之後大廚🧑🏼‍🍳就為我準備 魚子鵝肝蒸蛋😍係我最鍾意食嘅鵝肝，蒸蛋非常足料.接下來，就見到主菜上枱啦！主菜包括有： 大大隻龍蝦、象拔蚌、大大隻鮑魚、大大片鵝肝.食材真係非常新鮮，龍蝦同鮑魚都仲好生猛，不停咁郁😍食材新鮮之餘，仲要配合廚師豐富烹調經驗，食物味道同埋質感，都恰到好處，唔會煮過熟.龍蝦大隻之餘，都真係好厚肉，肉質鮮甜好味.鵝肝就真係好大片，喺出邊好少機會食到咁大片鵝肝，鍾意食鵝肝嘅我，就覺得非常有滿足感.而鮑魚都真係好大隻，有時都好怕食大隻鮑魚會太煙靭，但係廚師今次整得啱啱好，一啲都唔韌.仲有象拔蚌，口感爽脆，鮮甜，火候啱啱好一路食嘅期間，都有問廚師關於食材嘅產地 同埋食材嘅分別，廚師都很細心講解！之後就到，鹿兒島霜降和牛薄焼卷 & 霜降和牛厚焼 出現， 鹿兒島霜降和牛厚燒 烹調得外脆內軟，仲保存到裏面嘅肉汁，口感一流.其實直到呢度，我已經感覺到有啲飽，但係仲有個秋田炒飯，裏面有櫻花蝦、雞蛋、蔥粒等，大大碗勁足料🙃真係超飽！最後精選甜品除咗有雪糕之外，仲有廚師即刻整嘅豆沙包，一啖豆沙包一啖雪糕，原來味道都好夾…查看更多

今次嚟到灣仔 同 銅鑼灣交界嘅日式小店居酒屋🏮，門外已經感受到嗰種日本餐廳嘅氣息，裏面嘅裝潢 同埋氣氛更加似去咗日本咁🍻📍當天我點咗以下食物：酒盗炒山藥煙肉蠔雞軟骨海膽魷魚卷蟹膏帆立貝刺身吞拿魚鱈魚餅鰈魚邊 壽司流心蝦薯仔沙律炸北海道魷魚絲裏面有燒烤 、壽司、刺身、小食等⋯⋯都幾多唔同款式選擇！本人好鍾意食山藥，所以 酒盗炒山藥就啱晒我，份量又夠，味道仲要唔錯❤️海膽魷魚卷 未試過呢個配搭，但原來口感好特別，海膽味道係非常新鮮😋絕對唔會踩地雷❤️蟹房帆立貝刺身 都係非常新穎嘅一款，兩樣嘢加埋個鮮味出晒嚟❤️鰈魚邊 壽司 係我嘅必食之選，夠晒大片之餘，仲有我最鍾意佢濃厚嘅魚油香味😋煙肉蠔 我都係從來未試過，好惹味！炸北海道魷魚絲 同埋 串燒 就餸酒一流🍻概括而言，環境似日本，氣氛好～食物質素穩定，而且份量亦足料！…查看更多

路過見到新開張，即管試吓.試咗招牌豬骨蜆湯，湯底一出嚟已經見到大大嚿豬骨，仲有啲小豬手，仲有好多蜆肉，試一啖，發現湯底超濃郁，有海鮮嘅鮮甜味，亦都有香濃嘅豬骨味，仲感覺到湯底有一定厚度，簡直係膠質滿滿，淨係個湯都飲咗兩碗！之後試咗餐廳嘅二人餐，二人餐份量非常充裕，先講吓個炸魚皮，炸魚皮係熱辣辣，即刻炸，又薄又香口；重頭戲真係一碟切得好靚嘅牛肉，問返店員先知原來每一層都係牛唔同部位，無論肉質、味道、口感都會有分別，而且店員太忙嘅時候，都非常樂意講解，二人餐份量嘅牛，本人唔算大食，所以覺得份量有多添！鍾意食牛嘅朋友，可能就覺得啱啱好！仲有兩碟其他牛嘅部位，所以鍾意食牛嘅朋友，可以一次過滿足晒咁多個願望！另外，仲有一碟花雕醉雞，望落去冇乜嘢，食落去勁花雕，非常夠味，雞肉都好新鮮！仲有一碟丸，估唔到丸嘅質量都一樣好高，魚蛋同牛丸都好好食😋整體嚟講成個二人餐，都好高分，每樣嘢都好食，對打邊爐嚟講都算好難得！…查看更多

今次喺尖沙咀比我發現哩間主要食韓式炸雞嘅專門店，見到價格相當大眾化，我同朋友兩個人就更係要試下，我叫咗餐廳嘅 「半半炸雞」，即係一碟炸雞就有兩款口咪，仲可以自選口味，炸雞有得揀 「有骨」 或 「無骨」，我就揀咗「有骨」炸雞，一款無汁，一款有汁嘅炸雞試下.一碟熱辣辣嘅炸雞份量都幾多，如果唔係大食，兩個女仔食一碟都夠晒飽，食炸雞最開心就梗係配啤酒，餐廳仲有「Beer O’clock」 逢星期一至五3:00pm-7:00pm,啤酒買一送一，超抵飲🤭我自己就比較鍾意❤️瘋狂蒜香哩款炸雞🍗，夠晒香脆，口感係我想要嘅🙃另外，我仲試左忌廉芝士波，芝士波口感，有啲似麻糬感覺煙煙韌韌.…查看更多

平時食韓國嘢真係食得多，位於銅鑼灣佔地兩層呢間韓國餐廳，味道超正宗，每一樣都好味道😋餐廳菜式價格中上，但亦都有提供唔同嘅特惠套餐比顧客選擇；我就揀咗二人套餐 再加一碟醬油蟹 😍一坐低已經提供多款前菜俾大家開一開胃先，賞餐廳嘅前菜，每一款都有悉心調味，每款都有獨特嘅味道!餐廳嘅主菜賣相都唔錯，而且佢燒烤嘅肉肉質亦都好新鮮，而且店員服務殷勤，會主動過嚟幫你烤肉，服務態度一流；套餐裏面嘅泡菜海鮮湯，一路飲嘅時候，發現有好多唔同嘅海鮮喺湯裏面，所以味道特別鮮甜!另外醬油蟹方面佢都附送咗紫菜飯，醬油蟹嘅蟹膏撈落飯裏面，非常好嘅配搭！亂使錢啊…查看更多

位於土瓜灣一間，人世居酒屋.雖然佢係一間居酒屋，但係食物都好多元化.今次我主要食串燒、飲啤酒.串燒火候剛剛好，特別鍾意食燒雞皮，泡菜豬肉卷，配啤酒效果非常好！而且佢仲有燒龍蝦 半隻$58，可以揀芝士焗或 蒜蓉燒，我就試咗芝士焗，燒得熟咗啲，但味道不錯，仲有好多膏，整體覺得抵食！仲有試咗一個 鮮燒甲羅，蟹膏 配鵪鶉蛋 再塗上多士上面，口感一流，味道鮮甜，值得一試！另外啤酒$68買一送一，手工啤酒夠新鮮，飲完一杯又一杯！…查看更多

過去週末喺尖東見到哩間韓國餐廳，環境舒適，座位寬敞，仲設有特別週末午餐😍食物吸引之餘，價格亦都唔貴！午餐份量，亦都夠晒豐富，多款前菜選擇～仲有足料二人份五花腩🌟配徑菜 以及 炒飯五花腩即叫即煮，夠晒惹味🌟一路食之餘五花腩肉放喺鍋裏面，仲可以保持溫熱，服務夠晒體貼！另外仲有兩款湯以供選擇，我就選擇咗豆腐辣湯，豆腐香滑，湯唔算太辣，冬天夠晒暖胃！除此之外，佢哋中午都有韓國直送嘅 醬油蟹供應，價格合理，所以值得一試！一隻蟹配牛油飯，醬油蟹超多膏，口感鮮甜，非常新鮮，蟹膏撈飯，超級好味！鍾意食醬油蟹嘅，你可以放心一試！…查看更多

今日食咗佢哋嘅晚餐$438二人份晚餐：有湯或嘢飲 有沙律仲有多款前菜可以揀～我揀咗芝士年糕，外脆內軟係我嘅最愛有多款主菜提供選擇～試咗忌廉炸蝦咖喱烏冬，厚厚嘅忌廉掛住喺烏冬上面，口感十足牛小排丼 需要額外加$18，牛小排加日本米，再加生雞蛋， 10分匹配…查看更多

居酒屋最開心就係一邊飲酒、一邊食串燒！串燒即點即燒，夠晒新鮮🤎💙椒鹽左口魚邊 $58左口魚裙邊食得多，第一次食椒鹽，超多魚油，感覺新奇🤗❤️牛肋肉串 $48夠大件，口感十足🤎黑豚口切腩肉串 $38燒到少少燶邊，岩岩好，夠香脆💚蟹甲羅燒 $98足料，啖啖肉 配 脆卜卜麵包，推薦👍🏻❤️日本免治雞肉串 $58配蛋汁 ，口感一絕💙焦糖脆皮菠蘿（甜品） $48哩個超好味，焦糖香甜 菠蘿🍍微酸，非常開胃仲有每日精選🤗可以揀當天最新鮮嘅食物❤️…查看更多

酸菜魚 大大盤～如果唔係好大食，一盤都夠晒食！味道係唔錯，不過略嫌唔夠熱，酸菜亦都太多！乾鍋夠鑊氣，夠熱！不過如果要order最少五個餸～兩個人食嘅話，食完就食唔到酸菜魚🤭整體係惹味，好食！…查看更多

今次一齊嚟🐔。 食雞。🐔串燒對我嚟講，可以話係食極都唔厭，今次哩間 主打食食雞✅所有雞串都燒得岩岩好！✅雞串外面香脆 + 裡面Juicy😋口感一流！✅免治雞肉串 沾蛋黃 夠口感！滿足晒我哩位愛雞人士，除咗雞串，其實佢地仲有燒牛 同 燒海鮮💚滿足晒唔同口味！串燒價價都夠大眾化，一班朋友飲住啤酒🍻食串燒，直情一大樂事😌 🍻🍻啤酒仲要買一送一🍻🍻…查看更多

甜品大大份，兩個人食一份都夠晒！但飲品份量就比較小～但味道不錯！小朋友食得非常開心！甜品賣相令人流晒口水，厚厚嘅cream，非常可口，生果亦都好新鮮！不過埋單時候，等咗好耐，行去櫃枱見兩個職員掛住傾計，忘記咗我地張單🙃…查看更多

咖啡coffee☕️ + cake🍰 令我大大滿足！❤️係繁忙鬧市中，飲一杯美味嘅咖啡 配 一件好味嘅cake,簡直可以幫自己快速叉電⋯ 店中嘅Matcha Crunch Cheesecake💚 外皮香脆，入口細滑、味道香濃🤤仲有試埋店裡嘅「24Hours lobster bisque linguine with oysters🍝」半熟雞蛋嘅幼滑 配 巨蠔，蠔仲要煮得岩岩好，夠晒creamy 嫩滑，意粉仲沾滿龍蝦🦞嘅鮮味🤭簡直絕配！ Matcha粉絲一定要試下，Matcha 系列嘅coffee,香濃可口💚工業風裝修，型格十足；最緊要環境舒適，寧靜，可安心地嘆杯咖啡、品嚐美食！😌…查看更多

「何蘭正」 每次經過蘭桂芳，都好想入去試下嘅餐廳，因為佢個名玩味甚濃，過目不忘。餐廳裝修好有50年代懷舊風，餐廳有新穎中西fusion菜，亦有提供唔同嘅cocktail，本地獅子山啤酒，其他無酒精特色飲品。餐廳嘅食物仲令我感到好驚喜！前菜：🥗奶香十足頂級意大利流心芝士（200克)配超甜荷蘭小蕃茄，牛油果，意大利式中國芫茜香草醬，刀削白纖菇，肉鬆及湖北燒蕃茄香辣汁😋哩個本人覺得必食推介，口感 + 味道，簡直係食到停唔到口😋主菜：🍲24小時慢煮伊比利亞叉燒配日本溫泉蛋，紅洋蔥潰，香噴噴香蕊豬油撈飯😋又厚，肥瘦剛好，香脆外皮，係非一般嘅叉燒飯，食完回味無窮😋🥙先炆後煎澳洲和牛臉，配濃香沙嗲汁，荷蘭豆，鐖板先炆後煎豬粉腸及腸粉😋牛臉超級亂嫩滑+沙嗲汁竟然出奇地匹配😋甜品：🥧極幼滑花生醬焦糖燉蛋配煉奶西班牙鬆脆包，熱管果饼，迷迭香煮菠蘿Happy drinks:🍸龍鬚糖 ( 酒精+雪糕球 竟然撞出龍鬚糖嘅味道)🍺米釀啤Monkami Rice(local tap beer)…查看更多