hk_holidaydiary's Profile

同朋友飲酒傾計大家會去邊？我自己通常都係去尖沙咀、中環同銅鑼灣，但係原來深水埗都有間高質酒吧，集創意、賣相、味道於一身，以朝啡晚酒嘅模式運作，飲酒又多個好去處🥰▫️ 明太子蟹籽意粉($118)見到餐廳有明太子意粉就會叫，店員仲話呢個係人氣no1，梗係要試吓啦🫶🏻醬汁creamy又濃郁，明太子同蟹籽嘅鹹香鮮味相得益彰，意粉好掛汁，食完都唔會覺得漏。▫️麻婆豆腐芝士焗長通粉 ($118)👍🏻應承我，大家一定一定要試呢道菜！呢道創意料理將傳統嘅麻婆豆腐同長通粉結合，再加上大量芝士🧀花椒嘅麻香超級惹味，同濃郁芝士完美融合，忍唔住一啖接一啖，覺得唔夠辣仲可以再加花椒油🌶️記得要襯熱食吖~▫️Mini Flight ($188)嚟到最主要係想試佢啲cocktail，呢個迷你套餐就啱曬有選擇困難症嘅我😆有3款中式糖水為題嘅cocktail，包括番薯糖水、豆腐花、同朋友飲酒傾計大家會去邊？我自己通常都係去尖沙咀、中環同銅鑼灣，但係原來深水埗都有間高質酒吧，集創意、賣相、味道於一身，以朝啡晚酒嘅模式運作，飲酒又多個好去處🥰▫️ 明太子蟹籽意粉($118)見到餐廳有明太子意粉就會叫，店員仲話呢個係人氣no1，梗係要試吓啦🫶🏻醬汁creamy又濃郁，明太子同蟹籽嘅鹹香鮮味相得益彰，意粉好掛汁，食完都唔會覺得漏。▫️麻婆豆腐芝士焗長通粉 ($118)👍🏻應承我，大家一定一定要試呢道菜！呢道創意料理將傳統嘅麻婆豆腐同長通粉結合，再加上大量芝士🧀花椒嘅麻香超級惹味，同濃郁芝士完美融合，忍唔住一啖接一啖，覺得唔夠辣仲可以再加花椒油🌶️記得要襯熱食吖~▫️Mini Flight ($188)嚟到最主要係想試佢啲cocktail，呢個迷你套餐就啱曬有選擇困難症嘅我😆有三款以中式糖水為主題嘅cocktail，包括番薯糖水、豆腐花、芝麻糊。我自己就最鍾意芝麻糊，上面放咗芝麻湯圓，好特別嘅配搭😍▫️Ocho Chocolate Old Fashioned ($128)經典cocktail用上bacardi ocho同dewar‘s 12 special reserve做base🥃杯邊用朱古力爆炸糖帶出甘甜味，平衡返whiskey嘅酒味，配上煙燻效果打卡一流，整體幾驚喜👍🏻…Read More

香港餐廳選擇咁多，會令人再去嘅餐廳一定係有佢嘅過人之處👍🏻好似呢間天婦羅店咁，佢嘅自選天婦羅丼完全啱晒我心水，鍾意食乜都可以自己揀，唔驚有我唔食嘅配菜🤓仲可以自己揀主食，白飯/蕎麥麵/烏冬都有，對於平時覺得天婦羅配飯好乾嘅我嚟講真係超感動🥹喺香港食天婦羅絕對唔平，但係呢度人均唔洗$150，性價比極高🉑我自己最推薦呢幾樣配料⬇️🦐紫菜蝦膠：外脆內軟，蝦膠彈牙紫菜又香🐟穴子：勁大條！魚味好香，炸完肉質仍然滑嫩🦪廣島蠔：大大粒又多汁當日閒日7:00pm嚟到都大排長龍！強烈建議大家先WhatsApp訂位，咁就唔洗大熱天時係條街等啦😉…Read More

Chatime同陳凱琳⾃家朱古力品牌Dulce Vida合作推出咗暑期限定嘅「朱古力捏捏杯」佢嘅設計同普通手搖好唔同選用意大利濃郁黑朱古力造成脆皮外殼輕輕一捏 望住脆皮朱古力碎掉嘅過程好療癒等濃郁朱古力溶入飲品後又係另一番風味有4款飲品可供選擇：🖤黑芝麻奶🧋泰式珍珠奶茶🍓草莓奶 💜紫香芋泥特調試咗黑芝麻奶同草莓奶，黑芝麻香氣濃厚，而酸酸甜甜嘅士多啤梨同朱古力好夾，飲落仲好fresh🫶🏻8月1日至31日先有架🆕得返2個禮拜 朱古力控快啲去試啦😍…Read More

幾年前因為見佢入選咗全球50間最佳漢堡店之一，仲被評為香港No.1漢堡包店，特登去咗灣仔店見識下😆幾年後再嚟食，睇吓有冇咩唔同先！叫返幾年前食過嘅芝士牛肉漢堡 ($120)，漢堡依舊採用法國米芝蓮麵包製作，食落鬆軟，好香牛油味。而牛肉係用上USDA頂級牛肉，多汁到流出嚟，加埋芝士同其他蔬菜，令味道更加豐富，一分錢一分貨，質素同連鎖店真係冇得比！男仔就建議叫特色雙層芝士牛肉漢堡 ($150)，兩塊牛肉兩塊芝士，夠曬滿足🍔仲唔夠飽可以叫埋小食，見到有唔少人特登過嚟外賣雞翼同薯條🍟黑松露薯條幾大份，香味濃郁，食完飽到上心口🤣…Read More

呢間餐廳因特別嘅環境裝潢為人熟悉，以木化石為主題，入面再配合歐陸式教堂設計，比人一種莊嚴華麗嘅感覺⛪網上唔難見到大家嘅靚相，今日襯住朋友生日，特登著靚啲嚟呢度打卡📸▫️紅酒糟虎蝦捲意粉 ($178)捲意粉用上中式紅酒糟做調味，呢個fusion菜估唔到咁夾！酒糟帶有獨特酒香同輕微酸味，食落冇咁膩。虎蝦分量多而且蝦肉爽口彈牙，捲意粉煙煙韌韌，幾鍾意呢個口感🤤▫️風乾火腿蘑菇薄餅（$158)即叫即整要等耐啲，薄餅夠薄脆，搭配風乾火腿片、蘑菇同新鮮嘅火箭菜，鹹香味幾惹味美中不足係夜晚燈光較暗，影嘅相效果都一般，日頭有自然光影出嚟會靚好多🤢唯有下次週末再過去，晏晝食完飯再順便參觀隔離嘅木化石藏品花園啦🪨…Read More

呢間牛丼店出咗名性價比高，夜晚7點去到已經見到人龍。佢哋而家仲同我嘅火鍋愛店 - 牛大人合作，推出辣麻慢牛湯飯，食落同牛大人嘅麻辣湯底一樣，非常惹味，呢個台日crossover估唔到咁夾，雖然辣但係忍唔住一啖接一啖🤭再試埋佢哋嘅基本招牌套餐，可以自選肉類、主食、醬汁同份量。熟成過再用60度慢煮嘅牛肉帶點粉色，肉質軟嫩，邊邊位充滿煙熏香氣，配埋甜甜哋嘅紅酒照燒汁同温泉蛋，好滿足😙埋單每人百幾蚊，喺大商場呢個價錢食到呢個質素嘅餐點都好唔錯！…Read More

適逢櫻花季，呢間餐廳出咗4款櫻花主題嘅飲品同甜品，向來櫻花味嘅嘢都唔太好食，今次我哋抱住冒險同想打卡嘅心叫咗2杯嚟試🤣▫️櫻吹雪 ($78)櫻花奶蓋椰青水 - 奶蓋幾特別，有淡淡嘅花香味▫️花冷日 ($58)櫻花蔓越莓茉莉茶梳打 - 茉莉茶味幾出，配埋蔓越莓飲落好清爽驚喜地2杯都唔伏喎，賣相仲要一流，粉紅色好少女心💕仲食咗以下3款主菜⬇️▫️燒烤汁牛肉沙律•彩椒•辣根 ($88)牛肉有3大塊，配埋燒烤汁好夠味，夠曬fresh！▫️明太子忌廉汁煙肉意粉•黑蟹籽 ($148)明太子忌廉汁濃郁又creamy，黑蟹籽嘅咸香味將意粉提鮮，整體味道好夾🥰▫️柚子蜜烤春雞•烤薯 ($198)烤雞用上雞髀，皮烤至酥脆，肉質鮮嫩多汁，食落有甜甜柚子味🩵▫️烤蓄抹茶慕絲蛋糕•抹茶雪糕 ($68)蛋糕抹茶味好濃，配埋甜甜嘅紅豆好滿足🫶🏻見佢哋仲有開心果tiramisu，開心果控唔好錯過呀🧏🏻‍♀️荃灣店空間寬敞，我鍾意佢哋落地大玻璃窗嘅設計，同朋友喺度傾吓偈簡直一流🤭…Read More

之前系尖沙咀返工有時會行過嚟呢度食lunch，今次帶埋朋友夜晚嚟，餐廳空間唔大，7點已經坐滿曬人，大家嚟之前記得book位！餐廳走歐陸風，仲有半露天座位，望住街景飲住咖啡真係幾chill架🙂‍↕️之前已經試過佢哋招牌嘅鐵鍋鬆餅，今次一於試吓其他！▫️Yokohama ($163)用澳洲和牛包住粘米餅，和牛軟嫩肉味又香濃，粘米餅食落又脆又煙韌，口感幾特別。醬汁甜甜哋，整體好夾好好食，推薦大家🥰▫️Fez ($198)羊肉用七種調料調味，配埋核桃青醬，食落充滿傳統中東嘅風味。羊柳烤到鮮嫩多汁，整體味道濃郁但唔膩。配菜薯角充滿蒜香，又有淡淡甜味，幾飽都要食埋佢😆▫️熱 - 鐵觀音朱古力 ($55)之前晏晝試過佢哋嘅咖啡好唔錯架，不過夜麻麻就唔飲啡啦🤣呢杯鐵觀音朱古力味道濃厚，無論系鐵觀音定朱古力嘅味都出到，唔會話邊個搶咗邊個，拉花都好靚，搞到唔捨得飲吖🥰▫️凍 - 黑芝麻鮮奶 ($55)黑芝麻味好香，不過記得攪勻先飲吖☕️…Read More

第一次上AIRSIDE 6樓，原來呢度係半露天平台，店與店之間隔好遠，空間感十足，夜晚過嚟都幾有feel，隱約有種去咗日本嘅感覺添🤭而今日揀咗試呢間泰國菜，裝潢好有東南亞度假風，了解之後發現呢度原來係全港首個商場大型室內衝浪場，集衝浪與美食於一身🏄🏻‍♀️可惜當日夜晚冇人玩，如果唔係邊食泰菜、聽住音樂、飲住cocktail咁欣賞人衝浪真係超級chill🙂‍↕️▫️烤雞肉沙爹 - 五串 ($88)泰菜必點串燒🍢雞肉烤到外脆內嫩，最正係個沙嗲醬超濃郁，加埋粗粒花生好惹味！▫️燒魷魚配粉絲 ($158)本身以為佢係小食細細份，點知嚟到份量勁多，完全係主食嘅size🤣魷魚好爽口，食到燒嘅香味，粉絲配上泰式酸辣醬好開胃。▫️泰式醉鬼炒河粉 ($118)我自己好鍾意食呢一種煙煙韌韌嘅泰式河粉，但係出面唔係間間泰國餐廳都係用呢一種河粉，今次食到真係好開心🥹牛肉軟淋肉味濃，醬汁都好入味，整體亦唔算油膩，推薦！▫️泰式虎蝦炒飯 ($128)炒得好乾身，飯粒粒分明，蝦肉爽彈，份量一樣係好多🤣呢一類餐廳我通常預計食物質素都會比較一般，點知今次有驚喜，價錢唔算好貴之餘環境仲舒服寬敞，下次有機會可以嚟體驗室內衝浪同試吓呢度嘅cocktail🍹…Read More

成日經過都見到呢間店人山人海，上網又見有勁多好評，雖然有咁多人排隊等，但鍾意食雞蛋仔嘅我當然要買！🤤Oreo麻糬雞蛋仔外脆內煙韌，麻糬分量超多，絕對可以滿足煙韌控🩵而鹹牛肉雞蛋仔外皮酥脆，內裡柔軟，食落帶鹹香，同甜甜哋嘅雞蛋仔味道好夾！佢哋嘅雞蛋仔口味勁多，由原味到創新口味都應有盡有，真係有排揀！最近仲推出咗開心果醬格仔餅同章魚燒雞蛋仔，夠曬特別，等我下次再買過，鍾意特別口味雞蛋仔嘅話都一定要試吓😎…Read More

高質又抵食嘅西餐廳竟然冇乜人知？呢間餐廳位於中環中心地帶，環境高貴時尚，風格型格得嚟又有情調，仲設有露天茶座，成個氣氛好浪漫💞餐廳每日都有唔同菜式做半價優惠，性價比好高👍我當日去喺法式鴨肝二重奏，啱曬鍾意食鴨肝嘅我，我見其他日子嘅指定菜式都好吸引，下次可以再去食😙▫️法式鴨肝二重奏 (半價優惠後$94)二重奏有香煎鴨肝配蘋果醬同鴨肝焦糖燉蛋配多士😎鴨肝煎到外脆內嫩，配埋酸酸甜甜嘅蘋果醬可以中和油膩感。而MVP係鴨肝焦糖燉蛋！綿滑燉蛋加埋鴨肝，食落帶有鹹香，配上脆卜卜嘅多士，口感豐富好有驚喜🤤重點係半價後真係超抵食！▫️雞肉卡邦尼扁意粉 ($148)扁意粉彈牙掛汁，醬汁又香又滋味，雞肉唔會好柴▫️招牌火焰雪山 ($168)好耐冇食過火焰雪山，淋上酒嘅瞬間成個雪山都係藍色火焰，視覺效果滿分，睇到心心眼😍切開入面底層係蛋糕，上面再放上士多啤梨同雲呢拿雪糕，再加埋甜橙酒香，好有層次好滿足。仲可以係碟上面寫祝福語，嚟慶祝就啱曬啦嘅🥰午市仲有semi-buffet，附近返工嘅大家都可以嚟試吓，不過餐廳星期一休息，記得唔好摸門釘啦！…Read More

之前介紹過旺角嘅Black Coffee，今日要再分享一間我覺得甜品好好食嘅cafe，朋友仲話佢係新蒲崗第1️⃣位！▫️慢煮手撕豬腩窩夫三文治 ($116)窩夫可以話係呢度嘅招牌🧇將一絲絲豬腩肉、生菜同蕃茄放上窩夫，豬腩肉份量超級多，有肉汁唔會乾，食落有BBQ醬嘅香味又唔會太鹹，生菜同蕃茄中和咗肉嘅油膩感。窩夫外脆內軟熟，同配料一齊食都好夾，好大份食完已經飽咗6成🤣▫️慢煮口水雞肉酥皮薄餅 ($162)岀面好少見到有酥皮薄餅，配埋口水雞成個組合真係好新鮮！酥皮好酥脆食到好重牛油香味，口水雞香香辣辣勁惹味，忍唔住一啖接一啖🤤不過pizza都幾大個，建議可以2-3人share🩵雖然食完鹹點已經好飽，但係嚟到點可以唔試甜品！▫️叄重朱古力麻糬窩夫配朱古力雪糕（$84）煙韌控必試！一上枱就聞到好香朱古力味🍫即叫即整嘅窩夫夾住朱古力麻糬，再配埋朱古力雪糕、朱古力碎、朱古力蛋卷同朱古力醬，簡直係朱古力派對🤤鬆脆嘅窩夫加煙韌麻糬，口感軟糯，食到停唔到口！▫️髒髒提拉米蘇 ($72)成個提拉米蘇都用可可粉覆蓋，食落口感豐富，cream cheese 綿密柔滑，咖啡味濃郁，甜度適中，唔會令人覺得太膩🤭…Read More

天氣凍咗最啱做咩？...係食雪糕呀！😆澳門人氣雪糕店嚟咗香港啦！仲有唔同嘅限定口味，喺澳門未試過嘅我一於係香港試🤭▫️北海道函館3.7鮮奶雪糕本身想試黑芝麻味，但係店員話要等好耐先有😭最後就試吓佢哋嘅招牌牛奶雪糕啦🥛用上北海道直送嘅3.7%鮮奶，奶味濃郁質地綿滑。個筒都有小巧思，食落係朱古力味，夠曬香脆，配牛奶雪糕都好夾🍦餐廳仲會將雪糕筒放喺膠托入面，等好似我呢啲咁輪盡嘅人都唔會滴到周圍都係，好貼心🤣▫️芝芝芒果見住店員攞成個芒果岀嚟整🤭飲落成杯都充滿真材實料嘅芒果香味，仲食到啲芒果肉添🥭總結呢間店嘅雪糕同飲品都幾質！好可惜今次試唔到黑芝麻味，唯有下次再去食啦🥹…Read More

今日要分享一間我覺得甜品好好食嘅cafe，回訪又回訪嘅最大原因係掛住佢哋嘅甜品🥹同我一樣咁鍾意食甜野嘅一定要bookmark啦😉▫️焙茶麻糬窩夫配香草雪糕 ($76)👑煙韌控一定一定要叫！食過好多麻糬窩夫只係喺窩夫入面加少少麻糬粒，呢度嘅麻糬窩夫係真係夾住一大舊麻糬！咬落去先係窩夫嘅鬆脆口感，再嚟就食到煙韌軟糯嘅麻糬🤤我叫咗半份，滿足得嚟份量又岩岩好唔會滯。而焙茶味都超級濃郁，無論係窩夫定麻糬都充滿住焙茶香濃甘苦嘅茶味😍▫️Tiramisu日式疏乎厘班戟 ($108)一上枱就聞到好香朱古力味，賣相亦都好靚，不愧為餐廳名物😎梳乎厘食落超級柔軟，蛋香濃郁。上面鋪滿Oreo碎同朱古力粉，仲有細個成日食嘅黑白配，幾分鐘就清曬成碟😋▫️自家製蘑菇忌廉汁貓耳朵意粉 配慢煮口水雞扒 ($129)貓耳朵粉可以話係我最鍾意嘅意粉種類，貪佢煙韌有咬口🤤蘑菇忌廉汁好creamy，香味濃郁，沾滿每一粒貓耳朵粉。記得要加埋餐廳招牌嘅慢煮口水雞扒，一上枱已經聞到孜然同麻辣香味，惹味得嚟唔會好辣。雞肉肉質軟嫩，鮮嫩多汁，嚟到都要一試！▫️自家製煙燻豬腩配黑啤意大利飯 ($138)食到淡淡嘅黑啤味，豚腩片好入味，食到濃郁嘅煙熏木味，重口味人士啱曬😎…Read More

呢間韓國餐廳我好耐好耐之前已經有食過 (不過係尖沙咀分店)，原來今年係李家炸雞品牌成立第1️⃣5️⃣週年，1/10-15/12仲會有全場8折優惠🤩一定要去試吓啦！炸雞口味都幾多，同朋友選困咗一陣先揀到，炸雞外皮酥脆，雞肉鮮嫩多汁。甜辣醬唔會好辣，我食唔到辣都接受到，甜甜微辣嘅味道忍唔住一啖接一啖。而蜂蜜大蒜炸雞食落味道有層次感，蜂蜜嘅甜味同大蒜嘅香氣相得益彰，大蒜味唔會太強烈，唔驚口會好臭▫️ 半隻無骨甜辣炸雞 ($103)▫️ 半隻無骨蜂蜜大蒜炸雞 ($118)▫️ 牛膝骨湯 ($178)食完炸雞飲返個唔辣嘅濃湯就啱曬，牛膝骨湯用膝蓋附近嘅筋同骨整成，湯汁清澈，入口帶有香濃牛味。牛膝骨嘅肉入口即化，筋爽口有嚼勁，仲有豐富膠原蛋白添炸雞份量有啲多，叫咗3樣野兩個人都食唔曬，下次可能就咁叫炸雞就夠🤣餐廳係好多地方都有分店，快啲趁有優惠去幫襯啦🤤…Read More