ma garcon的个人专页

近排天氣一到夜晚都好凍，約埋三五知己去食個雞煲就最fit啦！咁去到就梗係簡返個雞煲，呢個嘅雞煲都有好多唔同嘅種類，有啲好似滋補螺片花膠雞煲就好養生咁。而我地就叫左辣酒花螺雞煲，雞煲一黎已經食得，唔使再左等右等咁。啲雞食落去係好嫩滑嘅，亦都好入味，不過係花螺方面，我就唔太識食，但就係好味。咁食完雞煲，都會叫啲配料打邊爐，當中我覺得刞特別嘅係芝士炸響鈴，呢個係響鈴入面會有芝士係入面，絕對係工夫野。咁食落嘅時候就好好味，芝士係可以拉到出黎嘅！除此之外，因為想食多啲唔同嘅牛，所以我地個叫左牛三朗，呢款係有雪花肥牛，牛肋片同牛柳粒。呢個分量都幾足，唔會話細細碟咁。食落嘅時候感覺到唔係平價嘅牛肉，都好好味！而飲品係大大杯嘅凍檸樂，熱辣辣嘅雞煲再配埋咁冰涼嘅飲品真係好爽！…查看更多

天氣開始凍啦，要食返啲燒肉暖下身體啦！對於一個大食嘅人，就梗係簡返啲任飲任食架啦。去到餐廳，就當然係瘋狂落單啦，然後啲野食就陸陸續續送上黎啦。首先上菜嘅係一啲前菜黎，就係泡菜呀，芽菜等等。呢間燒肉店有樣好特別嘅野，就係佢會有舊蘿蔔俾你清洗爐上面嘅污積，咁樣我地就唔使成日都要換塊鐵板了。第一道上黎嘅係芝士生蠔，呢個生蠔都算大隻，配上芝士真係唔錯。之後就黎左冬菇，都幾大粒，幾好味。肉都一定係燒烤嘅重頭戲！黎到有五花腩肉同金菇肥牛等等，燒落都好好食，啲肉都好新鮮，食起上黎都有好多肉汁。除左燒肉外，呢度仲有辛辣麵，炸魷魚同炸雞食。所以除左燒肉外，仲可以簡其他野食，而且呢間仲有好多唔同嘅海鮮燒，有好多選擇。加上亦都有好多唔同嘅飲品！今晚都食到好飽！好滿足！…查看更多

好耐都冇食過泰國菜啦，今次要簡返間出色嘅泰國菜黎食！係經朋友介紹之後，就黎到尖沙咀都有分店嘅新泰食。一入到去個餐廳，已經見到有非常舒服嘅坐位，佢有啲位唔係淨係得張椅子，而上面仲有小枕頭係上面，坐得非常舒服！咁我地就落完單了，第一道黎嘅係泰式濕炒海鮮河。呢一種濕炒嘅河粉一直都係我嘅至愛，食落嘅時候果然冇令我失望。大大片嘅河粉正正係泰式嘅特別之處，亦都非常好味！之後就黎左蜜糖燒肋骨，呢道菜亦都好吸引我。不過好似係其他嘅泰國餐廳會比較少見到燒肋骨，但係呢間餐廳都燒得好好味，唔會話燒到件肋骨乾哂，入面仲有好多肉汁。另外，我覺得食左個幾特別嘅餸，就係炒秋葵啦，因為自己本身好少食。但係食落嘅時候都幾鐘意，辣辣地，都幾惹味，配飯食都係一流。我地仲叫左個南瓜焗海鮮飯，呢個焗飯都尚算唔錯，不過就希望可以食到更多入面嘅南瓜溶，但焗出黎嘅飯都好重南瓜味。當然，我地仲叫左好多野食，亦都好好味，食左個非常好味又滿足嘅晚餐！…查看更多

好耐冇食好野了，今日就要食返餐好。咁就去左食日式放題了！去到樓下已經排左長長嘅人龍，即是book左都要早啲去排隊上去呀。咁一坐低嘅時候，亦都一如既往咁瘋狂落單，刺身呀，壽司呀，串燒呀呢啲一定唔少得！咁刺身就首先黎左啦，都係非常新鮮嘅，而且都係好大舊下，每一啖食落都好滿足。加上有多種唔同嘅刺身，唔會話好容易食到悶，哈哈。之後一口牛柳粒都上左，呢個依舊好食，對於2個人食放題嘅我地，呢個一客嘅份量啱啱好。仲有牛舌，呢個係一定要叫多轉嘅野食，串燒牛舌加埋檸檬汁真係非常唔錯，牛舌亦都唔會太過韌。辣味三文魚同芥辣八爪魚壽司都係好出色，雖然壽司嘅選擇好似唔算太多，但係重質不重量嘅情況下，質素是高的。除左日式放題之外，仲有中式嘅食品，我就叫左個豉椒炒蜆，味道都好接近啲小菜店所煮嘅。除此之外，仲叫左好多唔同野食！呢餐都係好滿足的，食到好飽！…查看更多

平時真係唔係好多食韓國菜，但今次有朋友推介呢間野食，就去左試下。咁去到就叫左杯野飲先，咁就叫左個藍柑白桃梳打。呢杯野飲一上到黎，就嚇親我，因為好大杯。同埋呢杯野好好玩，點解會話好好玩呢，因為你飲完一陣就要再倒啲野飲落過杯到。整體黎講，係比較甜少少，但都好飲的。另外，叫左個柚子雞翼拉麵，呢個柚子味都算係好突出。除此之外，呢一種韓國嘅拉麵就好似公仔麵咁，而唔係日本個種嘅拉麵。濃郁嘅芝士湯底配上煙韌嘅韓國拉麵，亦都好唔錯。仲有個卡邦尼年糕，呢個都係好特別，因為平時係食卡邦尼意粉，而今次呢個係年糕。估唔到呢個配答都好出色，個汁配落煙煙韌韌嘅年糕度，好味！整體黎講，呢餐都好滿足！…查看更多

平時行朗豪坊成日都會經過i CREMERiA, 見佢d tea set同cake 咁吸引已經好想試下 今日終於有機會喇!我地叫左個既New Year tea set 呢個set 本身包左兩杯野飲 我地分別叫熱檸檬紅茶同熱朱古力叫完野食就可以坐定定等侍應送上黎喇 一送上枱就忍唔住要拿拿聲影相先! 因為個tea set 真係幾精緻, 岩唒用黎打卡講返入面d 野食先 入面有三文治,茶大福,哈蜜瓜,綠茶cheesecake,雪糕 同紅豆栗子蜜餞咁多樣入面我地最欣賞個茶大福 佢唔止外面有粘滿左茶粉 連大福入面也有茶葉 所以一入口真係好濃茶味! 另外佢既招牌蜜瓜雖然無想像既咁甜 但的確係好多汁 都唔錯架!整體黎講tea set 既份量實在唔多 性價比低但係如果想係旺角搵個舒舒服服既地方食下tea影下相 都係唔錯既選擇黎既!…查看更多

去到金船長，就發覺平日黎講，booking都好full下，密密都有人入緊黎。咁廢話唔多講，就梗係點野食啦。一黎就叫左個得獎招牌嘅黑松露薄餅，呢個得哂獎，點都要試一試！一上枱嘅時候，已經有非常濃烈嘅黑松露味飛過黎。咁係食嘅時候仲有3種唔同食法，其中配醋嘅食法係最吸引我，不過整體黎講都係非常特別嘅一道菜。之後黎左個海鮮雜果沙律，呢個沙律一上菜嘅時候就已經嚇親人，因為估唔到個份量有咁多。而且當中嘅生果係鮮甜多汁的。不過海鮮我就冇食到，實質係點就唔知，不過睇落都係非常新鮮！最後仲叫左個肉眼牛扒七成熟配黑椒汁。切落嘅時候見到的確係七成熟，食落都好軟熟，唯一係汁方面略咸。不過，配菜同牛扒整體黎講都係非常出色的。…查看更多

一早同朋友一齊book左呢間至尊滿屋! 但可能係weekday 既關係, 上到去其實都仲有位。 帶位既男生超好笑容同禮貌, 值得一讚!交完紙之後食物也都上得很快! 首先黎到既就係最期待既刺身! 啲蝦 (無論係甜蝦定深海大赤蝦) 都非常鮮甜, 蝦頭既位置完全唔會有黑色野。 另外鮑魚片, 螺頭同希靈魚都好好味!! 但係柱貝就真係有D 失望喇, 冇咩鮮味之餘, 感覺就係岩岩係雪櫃拎出黎既咁。 -蘆薈沙拉, 黎到既時候見到個樣好似怪怪地咁, 蘆薈加麻醬!? 但食落其實又幾夾架喎! -另外我地也叫左少量壽司 (放題食壽司感覺總係有D 蝕) , 但黎到既時候見到個燒三文魚咁厚身, 感覺即刻唔同唒。 而個左口都好正, 真係做到入口即溶既感覺!! - 榴槤炸彈, 如果鍾意榴槤既一定唔可以錯過!! 熱辣辣上黎既時候即食, 入面係超多榴槤, 好好味!!! 十分推薦!!! -烤羊架, 烤得岩岩好, 入面仲係紅紅地既, 一d 都唔韌。 另外我地仲叫左個好足料既海鮮蟹粥! 雖然店內既刺身選擇比起其他放題唔算特別多, 但勝在其他野食搭夠! 而且餐廳內也有多款飲品選擇, 有酒精既也唔洗加錢!…查看更多

極少去港島區食飯嘅我，今晚就黎到位於上環同中環中間嘅越南餐廳。咁坐低一睇餐牌嘅時候，就發現呢間餐廳係港島區黎講，係算係非常平。咁我就叫左個越式火車頭，勝在夠多料，呢碗河粉有生牛肉，牛腩片，牛丸，牛筋同牛栢葉。而每一樣嘅牛都食得出好有牛味，冇乜雪味。另外，我再加左個越式炸春卷小食，加18蚊就有4條春卷，春卷入面嘅料都好多，唔係淨係得個皮。而且仲可以配埋生菜去食。最後，配埋個椰汁珍多冰就perfect 啦，大大杯嘅珍多冰有好多椰汁，味道亦都唔錯。…查看更多

難得紀念日，梗係食返啲高級少少嘅晚餐賀一賀佢啦。咁我地就簡左呢間係放題界都出色嘅舖頭。咁一坐底就梗係瘋狂點野食啦，任飲任食架嘛！點完之後，就出左去睇有咩野食同飲品拎啦，發覺出面已經有啲小丸子呀，炸物同其他熟食啦。係飲品方面，竟然有apple cider 飲！咁最重要嘅刺身就已經黎左，大大塊嘅三文魚刺身，仲有好多好多唔同嘅刺身，加上好新鮮，所以都食得好滿足，大啖大啖咁食！之後仲黎左個好特別嘅食物，就係鐵板燒和牛！啲牛好貴大塊，真係一啲都唔慳皮，而且都非常好食，好淋下！跟住仲有去排左個限定嘅海膽手卷，係排之前仲懷疑究竟係咪值得排架，但係食完之後，係完全冇左呢個懷疑。因為海膽食得出非常新鮮，而且海膽嘅份量都好多，唔會話俾得少少你。仲有，叫左個冇乜地方有嘅蛋卷，口感好豐富，用料亦都好足，蛋中間仲有啲半熟嘅蛋汁，好好味！總括而言，今晚食左好多好多野食，亦都好豐富，好好味，大滿足的一晚！…查看更多

大家唔好以為黎到觀塘，就只係得工廠，而係商業大廈入面，其實有好多唔少嘅好野食。今日就黎到呢間食西餐嘅舖頭試佢一試。一黎叫完野之後，就已經上左個餐包。我一向都以為呢啲餐包只會又凍又盛咁，但呢個反而係熱辣辣咁上嘅，都幾意想不到。之後餐湯係洋蔥湯，味道好特別，湯入面仲有好多洋蔥粒，食得出用料豐富！而主菜就係黑松露豬扒！黑松露嘅味道係上緊枱嘅時候已經聞到，可能不嬲呢個味道都係非常濃的。除此之外，豬扒都係幾軟的，都唔錯。最後，仲有個可立克布甸，食落的確有好濃嘅可立克味！…查看更多

之前去過銅鑼灣嘅Burgeroom食完後，發現尖沙咀都有分店，食過返尋味，所以就真係要再食。叫左個芝士薯條，上面嘅芝士真係一啲都唔吝嗇，而且薯條都好熱好好味。同埋薯條嘅份量都很多，唔使怕唔夠。咁重頭戲漢堡包就黎啦，我就叫左個蘑菇芝士漢堡加菠蘿，一黎到都係一如既往嘅厚，對於咁大身嘅我係非常之滿足。漢堡入面嘅牛肉有好豐富嘅肉汁，我覺得加左菠蘿嘅漢堡係更加新鮮同埋冇咁膩，而個個蘑菇都好多汁，絕對唔會整到好乾！呢餐都好滿足，食得好豐富！！…查看更多

銅鑼灣一向都有好多韓式炸雞店，今日就同啲朋友去左呢間韓式店食。首先黎到嘅係沙律，呢個沙律份量都好多，如果2個人食嘅話都一定食唔哂。而且呢個沙律上面嘅胡麻醬係我好鐘意食嘅，同埋都幾新鮮！絕對唔會係啲唔乾淨嘅菜。之後黎左個黑松露薯條，一黎就見到好多黑松露係上面，而且黑松露嘅味係濃，一放底就非常濃味咁飛過黎，同埋好熱好熱，新鮮熱辣嘅。仲有黎左個主菜啦，呢個係韓式炸雞，甜甜地，辣辣地，好好食。個炸雞上左好耐之後，入面嘅肉都係好熱嘅，同埋肉都係好滑嘅。呢餐真係幾豐富，份量都係比較大份！…查看更多

好難得去到觀塘咁遠嘅地方，梗係要食返餐好嘅先不枉此行啦，由於觀塘有太多好野食嘅情況下，左揀右揀就揀左大滿喜呢間放題。對於第2次食嘅我，保持食物質素係好緊要，因為上一次食嘅時候，食物質素係非常高的。咁當然一黎就食左個刺身先啦。三文魚刺身依然係我嘅至愛，因為佢又厚又新鮮，肉質都非常紮實。而其他刺身都幾出色，因為都食得出好新鮮。跟住就食左一個有好多唔同種類嘅魚嘅大壽司，食落時嘅口感超級豐富，因為佢有唔同嘅魚，所以層次好豐富。咁食得放題，都一定唔少得係天婦𡤢，新鮮滾熱辣咁上菜，係我對天婦𡤢好深刻嘅印象。仲有個湯，係鮑魚魚刺湯，聽落都覺得用料高級，不過今次飲就略嚴咸左少少。…查看更多

荃灣嘅任飲任食雞煲係之前已經搵唔到，而家開左呢間雞煲，對於男士們，又係一個可以瘋狂飲食嘅時候。咁我地一黎就叫左個小辣嘅雞煲，等左一陣間，已經好快上菜，等嘅時間唔耐。咁再整熱多少少，就開始食啦，呢個小辣對大部分人黎講都應該應付到嘅。雞黎講就好入味，而且好滑，即使煲耐左，雞肉都唔會變得好韌好'鞋'，所以都係值得一試。食到咁上下，我地就加左個濃味豬骨湯底落去轉打邊爐，咁唔少得嘅係配料，呢間雞煲仲有好多唔同嘅配料，有魚對我黎講係好開心，因為估唔到除雞煲以外，都有咁多樣唔同嘅配料。出面仲有乳酪雪糕，食完雞煲要食返幾杯Tim呀！…查看更多