wwnwinnie的个人专页

好耐冇寫食評喇，但係我覺得呢間值得一個好評👍🏻沖繩豬手炆得非常淋同埋入味，食落冇中式豬手咁膩，好適合用嚟送酒🍶串燒拼盤呢間有啲特別部位，平時唔係好常見，決定試試佢雞頸— 上面灑咗香草，辣椒粉 食落幾彈牙免治雞肉串 — 好紮實，有啲軟骨，食落又咬口鰻魚肝+腸 — 真係未食過鰻魚肝，有甘香的味道，幾好食！！推介雪酒拉麵 （大蜆）個湯底係酒粕+雞湯，酒味湯底真係唔常見。但係大部分嘅酒精已經揮發哂，飲落口有清甜的感覺。蜆肉好鮮甜，而家真係好大隻，非常juicy。再配埋水菜、洋蔥絲、青瓜，好清新👍🏻雪酒拉麵 （魷魚一夜干）湯底同蜆肉一樣。平時食嘅魷魚多數好咸，但呢條完全無咁嘅感覺。有佢嘅鮮味仲好彈牙。$86有一整條魷魚，性價比非常之高🙌🏻雖然啲人成日話港島好多好嘢食，但係其實高性價比嘅餐廳真係唔多，住得耐咗有陣時都會諗食咩諗到頭痛🙂‍↕️。好彩發掘到一間新餐廳，$90一個set有拉麵小食飲品真係唔貴，絕對會再回頭～feel到老闆都好有心做，每道菜都會介紹，值得支持🥹…查看更多

之前已經食過一次，價錢唔貴同埋味道幾好，所以決定同老公再食多次😆炸蝦球配沙律醬份量一啲都唔少，$78有10粒蝦👍🏻外面炸到金黃酥脆，蝦都幾大隻，鮮嫩多汁，完全唔油膩。搭配沙律醬，酸酸甜甜，非常開胃～蜜糖芥末豬胺扒我哋揀咗當日special, 有一大塊豬胺扒，下面仲有啲薯菜墊底。豬肉燒得啱啱好，有少少肥肉，咬落去有肉汁流出。佢仲鋪咗啲脆片喺面，食落更有口感。帶子海膽意粉之前都係嗌呢個，因為好記得係好食嘅，所以今次返嚟都encore😋帶子有事先煎香過，有薄薄一層焦香。海膽新鮮，撈埋落個意粉食就好滑溜～醬汁非常濃郁，個意粉好掛汁，食落好滿足Tiramisu Soufflé 嚟得Butlery 一定要嗌佢個soufflé pancake 🥞 佢係我心目中香港疏乎里嘅三甲之一😍 完全做到好fluffy嘅感覺，重蛋味，加埋個咖啡糖漿，我同老公秒清！總括然而，呢度嘅食物價錢唔貴，有水準，而家staff嘅人手非常足夠，好滿意😝絕對會再嚟第三第四五次～…查看更多

之前都係食開P字頭嗰間嘅手工意粉，食到厭厭地，朋友推介呢間 話價錢抵食之餘，質素都唔差~餐湯餐湯係自家製嘅忌廉蘑菇湯，飲得出好足料，不過如果保留返少少蘑菇粒 有返啲咬口就仲正👐🏽忌廉醃肉生雞蛋手作寬麵佢地嘅signature，見枱枱客都有叫 XＤ 佢地嘅麵好有韌性，而且厚度啱啱好，唔會太厚食到成口粉。肉唔會醃得太鹹，撈埋忌廉食有種鹹鹹甜甜嘅感覺。加埋隻蛋一齊食，口感好滑。我覺得四者之間係一個好好嘅配搭，唔怪得咁多人嗌～蕃茄汁鳳尾虎蝦手作寬麵意粉同樣係手工做，今次配上帶有少少辣嘅蕃茄汁，食落酸酸地辣辣地非常開胃。鳳尾蝦好大粒好彈牙，好食😋芝士焗雞呢個係即叫即焗，濃濃嘅芝士焗溶哂😍雞肉都幾大粒，好香口～水果茶同埋玄米茶叫意粉的話，仲會跟餐送埋嘢飲，都幾抵食🫶🏼…查看更多

人大咗鐘意食單點燒肉嘅餐廳多過放題，食少少已經滿足，又唔怕太油膩食完超濟～今日朋友book咗呢間lunch，無論環境、食物定係服務都好好👍🏼A5宮崎牛咖哩蛋包飯定食 — 宮崎牛切成小塊，每一塊都充滿肉汁同鮮味，口感嫩滑。咖哩醬汁就係用咗傳統嘅日本咖哩配方製作而成，混合了薯仔同埋紅蘿蔔，風味濃郁。而蛋包飯嘅蛋皮夠滑同鬆軟，加埋咖哩一齊食，送飯一流～九州A5和牛五寶盛合 — 有五款肉，分別係牛肋肉、肩口肉、內後腿肉，外後腿肉同埋五花腩。每款都有兩塊，而且油脂分布好平均🥰 喺爐上面燒過之後仲能夠保持到肉質嘅柔軟度同埋鮮味。而我對肩口肉嘅印象最為深刻，因為佢本身唔係過份油膩，燒完仲有彈牙嘅口感，而且牛味好濃烈，非常滿足🥹定食仲有茶碗蒸、麵豉湯同埋豆腐沙律，食完重口味嘅食物，有呢啲配菜可以清清味蕾🤣最後我哋仲揀咗柚子雪芭做甜品，啖啖柚子肉，好清新🍃喺夏天食簡直透心涼🥹我同朋友對呢間餐廳嘅評價都好高😆 2個人lunch都係$400左右，如果想搵間好環境+高質素食物，呢間絕對係我嘅心水list之一🙌🏻…查看更多

今晚去咗呢間新開嘅陳怡興潮州飯店食晚飯，餐廳裝修佈置同埋環境都比傳統潮州打冷餐廳乾淨企理👍🏼點菜之前會送上功夫茶，甘甘甜甜，順便可以清一清味蕾胡椒鹹菜豬肚湯印象中未試過咁清嘅豬肚湯，坊間一般都係奶白色嘅胡椒豬肚湯。依度就行清湯路線，好開胃，豬肚嘅數量都多，不過如果胡椒嘅味道可以再濃啲就更加正啦。🤣頭抽煎英䱽呢道菜嘅價錢都唔平，不過侍應介紹吓我哋決定試一試。魚肉設成魚柳咁樣煎，厚肉鮮甜，調味掌握得非常好，仲要全碟魚都冇骨，啱晒啲怕魚骨嘅朋友。上湯魚丸拼汕頭白魚蛋爽滑彈牙，有魚味得嚟亦唔會腥。配埋肉碎同埋蔬菜，清清地幾好🥰香酥芋蓉原隻帶子以前通常食開都係芋頭包住鴨肉，今次依度選擇咗包住鮮甜嘅原隻帶子，外邊嘅芋頭炸得好酥脆，芋蓉亦打得好細滑。帶子大粒且鮮甜，唔會炸過龍。呢碟食得出係手工菜，所以佢係值呢個價錢的🥹💜…查看更多

滷水拼盤因為咩都想食🤣每樣都嗌一樣又太多，呢碟滷水拼盤每樣兩舊就啱晒～ 有雞腎、蛋、雞翼同埋牛腱雞腎同埋牛腱都好軟淋，醃得夠入味，唔會太鹹👌🏼拍青瓜實在太需要喺咁熱嘅天氣嗌一碟涼菜！ 呢碟$16細嘅好抵食，都有大概十令舊。好重蒜味，但若果可以落幾粒辣椒 麻麻地就更正～👍🏼薺菜豬肉水餃薺菜有種淡淡嘅甜味，之前未食過呢款餃，食落又幾特別。餡料夠多，足以塞滿一隻餃。嗌湯餃可以連埋個椰子雞湯一齊飲，非常開胃🤩芫茜煎餃一食落去好飲食薯片咁脆，好香口。芫茜好新鮮，條莖仲係好脆好爽嘅口感。下次會想試下升級去金沙皮，應該會仲正🤣🤣最後仲嗌埋羅漢果水，有佢自己獨特嘅甜味，可以一解煎餃嘅油膩感🤓…查看更多

咁啱同朋友食飯個幾日唔太食得生冷野，所以都係叫熟食為主🥹但朋友為咗過吓口癮，所以都嗌咗盤雜錦刺身🤣其中有海膽啦、牡丹蝦、赤貝、拖羅、同埋啲深海池魚等等⋯⋯ 色澤都幾靚，而且食落新鮮～最欣賞係拖羅同埋海膽🤣 油脂分布平均，有魚香味；而海膽亦有佢獨特嘅甜味✨而且冇我最怕嘅苦味👍🏼但唯一係每片嘅size可以大返啲，相對性格比都會高返啲🤏🏻🤣沖繩苦瓜炒蛋 — 平時我會怕苦瓜苦，所以唔敢食🫢但呢隻沖繩種嘅，真係唔同啲，冇陣苦味喎🫣佢連埋啲豚肉片一齊炒，口感更豐富～但如果多啲蛋，可以包實舊苦瓜就更正🤣燒白鱔 — 厚肉，冇骨，夠juicy。每人一串好滿足🥰呢個推介👍🏼最後再嗌咗個天婦羅烏冬～有冬菇、蛋、蟹柳、天婦羅、金菇等等，埋上讚歧烏冬，都幾豐富👍🏼湯底係鰹魚湯，所以都會飲埋啲湯🤣 但係如果天婦羅係另上會更好🥹因為浸到淋哂，有少少影響口感。但整體嚟講味道都不錯，所以都推介💕…查看更多

好想去台灣😫可惜未有假，決定要食返餐台灣菜扮去咗🥹段純貞嘅湯底係偏濃，同埋有少少藥材嘅味道，個人就覺得幾啱口味🫢（重口味之選），同坊間港式啲嘅台灣牛肉麵有別不同，湯仲有少少紅油，令到成個湯底更香。面底有兩款選擇，可以揀細面或者手工粗麵，因為我哋本身鍾意食幼面，所以兩碗都揀咗幼面，個人覺得可以掛到多啲湯🤣犇牛四寶麵 — 有牛腱、牛筋、牛肚同埋嫩牛花，啱晒食肉獸😼 牛腱十分之淋，選材都幾上盛，冇好似其他坊間咁樣攝啲瘦肉，或者柴口嘅牛肉落去做送。我認為金錢肚係最出色😆因為佢好淋之餘，仲索咗好多湯汁✨紅燒腱心半筋半肉牛肉麵 — 牛筋炆得好淋，亦好有膠質。而每舊肉都真係睇到一半筋位，一半肉位，所以係好易咬得開，仲會滲出濃濃嘅牛味🐮紅棗黃酒雞 — 只要見到餐廳有黃酒雞，我都一定會嗌嚟食的🫢 雞超級嫩！唔知係咪慢煮嘅呢？而且仲好細心去咗骨，可以一啖放入口🥹不過略嫌酒味唔夠重，如果加重黃酒份量，飲完暖粒粒就仲正呢間分店同其他嘅唔同之處係，佢地同日出茶太合作，所以可以叫埋隔離嘅台式嘢飲。我哋分別叫咗兩杯拿鐵，抹茶拿鐵同埋鐵觀音拿鐵，都幾好味，同埋三十零蚊來講都抵飲。…查看更多

巴基斯坦咖喱羊架飯印象中好似未食過巴基斯坦嘅咖哩🤣，我覺得呢種咖喱其實幾啱香港人口味，今日叫嘅係小辣，辣度啱啱好，醬料加入咗好多洋蔥同煮爛咗嘅雜菜，所以咖喱好香。羊架足足有四件，食肉獸一定滿足，質素都相當唔錯，下次試埋招牌嘅咖喱牛腩飯。加料牛腩清湯米線呢個貴少少嘅版本會比普通清湯腩河多啲牛腩，店員亦有俾我哋選擇肥中瘦嘅牛腩，我哋呢一碗係比較瘦嘅牛腩，但係全部都好淋同埋好易咬，調味亦都做得好好。湯底清清地食唔出有落味精。牛骨紫菜湯純粹因為我哋都鍾意食紫菜，所以叫黎試吓，紫菜份量都幾多，而家湯底好甜呢‼️呢間小店有好多嘢食選擇，價錢唔貴而都幾好食，重點係姨姨好好禮貌😻好耐冇遇過啲咁有人情味嘅餐廳，絕對會令我想嚟第二次🫶🏼…查看更多

平時行開旺角都見呢間好多人食，今日喺附近行到攰，決定入呢間醫醫肚！餐牌有好多款嘢食，眼花撩亂，揀咗成10分鐘先決定到食咩🤣！因為天氣好凍，所以嗌咗兩碗熱辣辣嘅麵～雞絲扎肉椰子酸湯平時食越南嘢, 好少會見到有酸嘅湯底,因為好好奇所以就點咗嚟試試~一飲落去, 好濃嘅椰汁味, 吞咗入口後, 有陣酸酸地嘅後勁味, 唔會俾是但一方搶咗啲味道。雞絲夠嫩👍🏼我配嘅麵係檬粉, 每啖都會沾到湯汁, 會令人好想飲哂佢XD四寶蕃茄湯 （扎肉 豬扒 豬頸肉 脆豬肉粒）一上枱,見到啲配料勁多!欣賞佢會用炸蒜同埋洋蔥做調味, 令碗麵多咗層次。湯底係天然嘅蕃茄味, 唔係茄膏嗰種死甜味。而喺四款豬肉當中,我最鍾意係佢地嘅豬肉粒~我估佢哋係以半煎烤形式煮, 所以啲豬肉粒非常香口最後再嗌咗杯飲品 - 凍柚子咸檸咸味就唔係好特出, 反而柚子份量就多啲, 所以偏甜。如果咸檸嘅份量多啲就會更好!…查看更多

餐廳位於室內高球練習場入面，感覺十分之新奇有趣，可以一邊食晚餐，一邊睇人哋練習🤣餐廳做緊優惠，dinner set買一送一, 所以整體來講都好抵食～黑松露忌廉湯松露嘅味道好溫和（坊間好多時黑松露嘅食物都會搶晒啲味😮‍💨）而且好大碗～～牛油果柚子沙律沙律汁鹹鹹地，配埋蕃茄同柚子，酸酸地又幾match! 食材都幾新鮮，建議兩個人嚟食，可以一份沙律一份湯。白汁青口配多士賣相💯 份量好多，如果四個人分到會夠食。青口嘅肉都幾飽滿同埋鮮甜，最後仲點埋個餐包落白汁一齊食😋蘋果汁豬按扒老闆落單嘅時候有推介呢一度菜，話算係暫時最受歡迎嘅菜式，我哋一於試吓🫢因為係採用「無菌豬」，所以豬按扒可以煮至七成熟🆗完全保存到肉汁同埋鮮嫩嘅口感，十分推介！香煎比目魚配檸檬汁檸檬汁同魚嘅配搭出奇地配合，魚煎得好脆亦啱啱好熟，好滑嫰😍心太軟食到呢度其實都已經好飽，不過原來個餐仲有埋甜品，心太軟嘅朱古力唔會太甜，做到留心朱古力嘅效果配上凍冰冰嘅雪糕🍦滿足🥰我哋叫咗青檸梳打同埋火龍果乳酪，兩杯飲品好有誠意💓如果會想叫埋佢哋嘅花茶試吓🌹…查看更多

好似係區內最近幾出名，可能因為依家普遍大眾都鍾意坐得舒服啲同乾淨啲，但係又想食返啲地道啲嘅大排檔嘢，今日介紹嘅呢間就最適合不過。🥰裝修用返懷舊香港嘅風格，都算坐得舒服。腐乳炒通菜，炒菜份量好大碟，食得出菜幾新鮮，醬汁夠得來之餘唔會太鹹。香煎黑松露蓮藕餅，比平時食開嘅蓮藕餅多啲風味，煎得非常香口，有八舊都好夠份量。豉油王煎蝦一道又愛又恨嘅菜式🤣，因為好好味得黎但係要搣殼🫢蝦好新鮮，不過醬汁就有少少重口味～餐廳亦都有提供豬油飯比唔怕肥嘅大家，不過我哋就冇試啦。整體質素都好高，價錢亦都非常合理，唯一挑剔可能係夥計唔太夠，因為實在太爆場🫣…查看更多

有日同朋友喺旺角行街，到晚飯時間經過呢間西餐廳，見餐牌嘅嘢食幾吸引，就入咗去食飯啦，結果都幾有驚喜！鵝肝多士 — 塊鵝肝都有半隻手掌咁大，放喺烘到脆一脆嘅多士上面，咬落口啲油脂逼哂出嚟，好好食👍🏻👍🏻食西餐當然唔少得羅宋湯同埋蒜蓉包羅宋湯 — 好耐冇飲過咁多料嘅羅宋湯，落重本咁煲，味道好濃郁🥘西班牙風乾火腿pizza — 新鮮出爐，上到枱仲出緊煙🍕🤪好欣賞佢地用薄批，唔會食到個口乾爭爭，而且佢哋嘅火腿唔算好鹹，同芝士係Perfect match 最後再嗌咗份豬鞍扒 — 切開入邊見到係粉嫩嘅肉質，相信佢地係用slow cooked嘅煮法，後期再煎一煎香佢。食落口一啲都唔乾，而且肉質仲好嫩滑😋食到最後好滿足，食物質素有驚喜，性價比高，值得再encore🤩…查看更多

前排經過海港城，成日都見到呢一間餐廳大排長龍，有一日見時間尚早，無咩人排，決定入去食個early dinner!龍蝦湯 — 同出面西餐廳嘅味道差唔多，聞落有好濃郁嘅龍蝦香味，入面仲有唔少爽口龍蝦肉😋🦞，呢個湯值得嗌炸忌廉蟹肉餅配薯仔沙律 — 賣相非常之吸引😍薯仔沙律好滑，好有小學回憶嘅味道💓炸蟹餅炸得好鬆脆，食落啖啖蟹肉，配埋啲茄醬食就冇咁熱氣～鰻魚蛋包飯 — 一整條鰻魚上，份量多到可以每啖都撈啲鰻魚一齊食🥳佢地嘅飯係西炒飯，蕃茄味偏重，裏面亦有蝦、帶子、青豆等配料（不過青豆唔係人人鐘意，建議唔加會好啲😆）；佢地嘅蛋係用蘭王，所以顏色都比較深，重蛋味亦夠哂滑👍🏻，食完呢個飯我同朋友都已經飽飽地最後當然唔少得甜品環節，而且佢呢度有得食梳乎厘pancake，即刻點左份嚟試試佢😍 （不過職員話製作需時，晚飯食到一半左右嗌甜品就差唔多）香蕉朱古力pancake — 口感同我喺日本食嘅一樣，非常之鬆軟，入口即溶。我平時好怕食cream, 但呢個cream調製得一啲都唔膩，再配埋香蕉朱古力，係perfect match啊🥺加上份量都唔少，我覺得喺香港食到呢個日本質素，$138呢個價錢都唔算太貴啊。好滿足嘅一餐，食完真係有返左去日本嘅感覺🤰🏽🇯🇵…查看更多

做完野好想食啲小菜，見呢間價錢唔算貴，每碟餸都幾大份，所以決定入去用餐。啫啫薯仔雞煲 — 熱辣辣上枱，啲雞有肉又夠滑，薯仔都炆得好入味黑椒茄子斑腩煲 — 集齊哂我喜歡嘅食物😋 茄子夠淋，斑腩炸過，所以好脆口✨黑椒夠哂辣，係一道好好送飯嘅菜👍🏻蜜桃生炒骨 — 味道夠酸，食落都好香口，而且一口size，可以食一舊再配飯🍚最後就係浸時蔬，清清地唔油，平時都唔會點喺屋企食飯，所以出街都必定會嗌返碟😝茶餐廳嚟講真係唔算貴，推介👏🏼…查看更多