Sara T.的个人专页

咁耐無打食評都要幫佢出翻篇我呢個蟹肉蝦膏茶漬飯所有野都偏鹹，日式野配中式蔥好怪。先生果碗花膠稻庭烏冬似用滾水淥完就算，完全唔夾+無味所謂花膠似一塊咬唔爛嘅白布多d凍飲唔夠杯要用膠杯又唔同我地講，小人地成截…查看更多

黎宏食過好幾次甜品、下午茶亦有帶小朋友黎過，佢都好鐘意呢度既環境同烏冬今次同好友2點後黎，空間更多，侍應安排我地坐窗邊位，仲有靚景望下，一流呀呢幾日突然想食咖哩飯，咁岩呢度就有啦我揀左咖哩牛肉飯，簡簡單單，侍應有講明係甜咖哩怕辣既朋友都岩食咖哩同飯既比例好好牛肉薄薄的，又大塊，好易入口一啲都唔會朋友叫左炸雞飯+海藻烏冬套餐 +小蛋卷cake其實唔會怕太飽，因為2者份量都係適量的試左一舊炸雞，無油膩既感覺，好爽脆我地2個都叫左宇治焙茶奶唔..偏淡左啲，可能係奶比較多同好友一齊，就緊係要叫埋甜品啦我地都係抹茶控見到咁多種類真係花多眼亂抹茶cake非常鬆軟，忌廉細膩幼滑亦帶有小小回甘，唔會有太甜太假既味抹茶軟雪糕同咖啡巧克力慕思芭菲合照下先先講下抹茶，一層一層食落去雪糕濃郁無雪味，再黎就係我好鐘意既糯米滋淡黃色既布甸亦好美味tiramisu雖然對比起較細杯但其實食落就知，呢個size剛剛好了因為會膩啲，食落最底既咖啡jelly非常芳香！另外一讚係上面果條朱古力，我地2個都食過翻尋味！…查看更多

近來香港人飲食越來越注重健康莎拉都係，有機會就自己煮野食研究多左營養分配盡量食食物既原型.今日經過旺角呢個新開商場有間賣好多orgranic野既餐廳睇menu已經見到好多新式既字眼全素既豬肉，連蛋都係植物蛋.Beyond burger係由一間食物公司Beyond meat用左7年時間研發以100%植物製造，零動物成分、零膽固醇，無激素、抗生素、基因改造，係環保大士Leonardo都有投資既公司我叫左用上"JUST植物蛋"製造既末來蛋牛治係呢度當然唔係以往食開既蛋牛治全麥厚多士，配上Beyond burger漢堡排，薯條整體係有啲乾，最好配杯野飲男友就 "改邪歸正"，叫左個改邪歸正西多士同樣地用上JUST植物蛋，花生醬，純素牛油，全麥麵包，龍舌蘭蜜健康型西多士，男友話同以往無太大分別係口感會比以某餐廳既腍小小.…查看更多

工作關係嚟到荃灣一到夏天就無胃口食飯小小地食個車仔麵都唔錯荃灣廣場對出成條街都係食店呢間車仔麵店外型幾新淨入面以木為主，有種文青既清新感覺台底有d單車轆做裝飾2點嚟到唔使等位 呢度似家庭式作業每位都好親切既感覺落單方法係搵到位後，係收銀處落單，然後埋位等叫號碼，再自行取餐三餸麵$38，叫左一D招牌餸，蘿蔔牛腩，蟹籽丸，加多碟菜心牛腩炆得好腍同入味👍🏻👍🏻其他就基本車仔麵水準新張期間送特飲，我揀左金桔柚子都大大杯唔姑寒…查看更多

閨蜜生日，帶佢黎個精美afternoon tea係Espuma唔同分店食過唔同時段絕對有信心保證呢期係魚蟹蝦主題上台係一個轉盤咁，上面再分6格中間仲有3粒食得既骰仔.中環分店係威靈頓廣場M888成座位都係靠落地玻璃下午嚟到囇住小小日光食tea好享受.tea set就要小小時間先上台所以嚟個葫蘆蝶花鬆餅頂下肚先scone非常鬆脆.一上台就嘩一聲 好精美又有趣既tea set中間係白骰朱古力都一D都呢求其黑椒雞粒伴約瑟布甸牛油果蝦多士卷(下)食落唔係中式咁脆口，因為係用酥皮做ga黃金蘋果金寶(上)個人木身唔好呢個甜點所以評價唔作準，但朋友就俾支玉桂吸引住，狂索鮮果雪糕漢堡係朱古力雪糕+士多啤梨小小漢堡包皮都無馬虎，一樣好鬆軟杏仁豆腐錦鯉好香杏仁味，偏甜香脆蟹仔紫菜蛋糕呢個好有趣，成隻小蟹係上面，脆脆的冬瓜蘑菇紅菜頭撻呢個蘑菇溶好香濃個紅菜頭撻底我同朋友都食到一種兒時味道叫左2杯holiday drink我果杯係Aloha!plum&Thyme Prosecco smash百里香令到飲品有種薄荷感覺，好清新朋友果杯係 "出Pool"Pineapple & Coconut Cocktail椰子味好重，不過無同菠蘿歪搶風頭今次壽星女話無介紹錯，太好啦…查看更多

去開旺角搵野咬呢排係咪興乜都叫古早味，好似周圍都聽到呢個名諗住台灣野應該無死點知.....首先係好多侍應，但上菜都好慢●五味雞我未食過再差過佢既凍雞好似唔知擺左幾耐再翻整咁，啲肉硬既●牛肉番茄麵口感同個樣都似豬腸好un湯底有說不出的藥水味都唔係完全不可接受既呢個係台灣特色既刈包刈讀＂割＂傳統刈包會用饅頭麵包皮、滷五花肉、酸菜、芫荽做餡料呢度就做左好多新款式●我呢個係花枝蝦餅刈包麵包皮係好鬆軟仲有剛蒸完濕濕地既口感蝦餅炸得好香脆至於會唔會為左佢再試其他野，我諗唔會啦…查看更多

男朋友生日，點都想同佢食餐好既其實我地平時唔係好鍾意食西餐但偶爾見到呢間以camping做主題既餐廳我就第一時間諗到係佢啦！初頭都有驚主題餐廳會唔會又係食環境但見評價都唔差而且我同男友都鍾意行山露營佢黎到都好驚喜一入門就見到一個開住既帳篷牆上掛滿左露營裝備繩結令我諗起半年前上露營班嘅經室內傢具裝飾大部分都係用木造，好raw既感覺背後係一組組snow peak產品配合柔和黃燈同音樂，整個視覺感觀都令人好舒服😊夜晚係semi buffet，再配main course，餐湯、飲品飯麵$168-$288，海鮮類$238-$288價錢非常合理●餐包係芝麻包及黑糖包加麵包條作為包控我都幾在意餐包呢度做得好鬆軟●buffet bar比想像中豐富冷盤有煙三文魚、煙火腿、辣肉腸片、青口、杯裝螺肉、鴨胸肉等甜品部色彩好續紛，選擇都好多●我地叫左黑松露野菌意大利飯伴燒扇貝松露味濃，啡菇juicy，扇貝乾左少少；●荷蘭海鮮薈偏酸，不過我諗呢個菜係咁，海鮮份量都足料●飲品方面，佢竟然主動叫奇亞籽檸檬個口感佢又接受喎我唔似會做呢D突如其來生日蛋糕既人但都打電話黎問問有冇呢啲服務黎到先知係幾有特色既白朱古力波店員好細心等我地自拍一輪後就會過黎用熱朱古力溶化男友話似異形BB D手手腳腳...好啦你鍾意就得啦…查看更多

平時食車仔麵都忍唔住咩都湯底但始終係味精湯唔健康但如果係泰國鱷魚骨湯底就一滴都唔想哂啦一上枱當然要飲兩啖湯底先鱷魚肉大家都知道對呼吸系統有幫助仲有豐富骨膠原呢度嘅湯底用鱷魚尾骨、掌骨、鱷魚乾，加入杞子日夜熬製，非常濃郁我揀左微辣湯底呈奶白色，有豆乳嘅香滑鮮甜，有少少胡椒粉味道，令人飲完一啖又一啖比起普通車仔麵佢嘅配料有多少少選擇例如珍珠元貝、白蝦仁、青口，墨魚仔等我就揀咗廚師世家大廚推薦嘅雞翼，蘿蔔同元貝車仔麵特別在於配料簡單但有冇心去製作一試就知雞翼同蘿蔔都煮得好腍好入味男友就叫左白蝦仁，豬皮另外叫咗炸魚皮醬料係自家製蛋黃醬，好清新炸辣味雞翼非常香脆三餸一麵都係＄35起真係飲個湯都抵啦！…查看更多

紀念日男友帶我黎觀塘食放題過萬尺空間，四周設計都好有日本居酒屋FEEL好多旗幟同油畫都係舊日本風格首先上既係人頭計既磯燒海鮮同剌身大大隻蟶子，鮑魚，蠔、毛蟹等蟶子就有小小沙，其餘都ok新鮮台面預先擺左清酒同調味料我哋加咗$8任食生蠔，好肥美，其中一款幾特別係蘋果柚子味，不過用杯上有啲怕佢唔夠凍…查看更多

呢餐係情人節餐由於好值得一讚所以隔咁耐都要寫返優雅cafe形式既裝修，唔似一般泰國餐廳會放好多神佛 (no offense)枱與枱之間有一定嘅空間即使情人節呢啲搵錢節日都冇擺多幾張枱出嚟●軟殼蟹沙律混合左青瓜同胡蘿蔔絲，好爽●小食拼盤兩件蝦餅春卷，同泰國雞棗款款炸物都係水準之上●鮮蝦炒金邊粉炒得乾爽，係呢啲主菜會見到廚師實力好足料好多粒鮮蝦●半隻燒雞冇諗過碟碟都咁豐富上燒雞時已經好飽燒得好香脆●泰國菜興食椰菜苗，但我唔鍾意口感太硬既菜，叫左簡單既●炒芥蘭●期間限定甜品杏仁雪糕、外脆內軟嘅多士、配自家製士多啤梨醬走嘅時候店員竟然主動帶我地落去驚係工廈我哋唔識路走返出去太貼心了！…查看更多

青衣城雖然開左2期但果邊好似太迫始終唔好行今次過返黎1期見到呢間日本野好有舊式居酒屋既風格●松葉蟹肉野菜沙律估唔到咁大兜，好多鮮甜蟹肉蟹籽都比較大粒有咬感●活魚剌身今日呢條飛機魚係黑鯛上台感覺好有心思成個盤景咁口感較厚實，都爽口既另外有劍魚、油甘魚等平時食剌身會較薄，呢度就切得比較厚所以油脂感覺較豐富大廚今日特別俾咗甘帶子我地侍應話比一般帶子營養豐富好多架顏色係徧黃，味道無一般帶子咁鮮甜但過後甜味既餘韻更吸引●柳川鰻魚鍋係新出既期間限定料理鰻魚肉質細嫩，配埋滑蛋+大量洋蔥一次過放入口都有入口即溶既感覺如加埋白飯就一流 呢個大推介!●燒明太子長芋原來日本既長芋就係淮山鍾意食薯仔既朋友都會鍾意呢種口感粉得黎又爽口●鐵板牛油焗帶子用左比較多黑椒同蒜做調味感覺無左牛油既香味不過男友又好鍾意喎● 日式餃子其實我好鍾意食餃子，日本餐廳都會必叫既小食最後叫多左個● 藍鰭吞拿魚盛位於魚腩位置既大拖羅不負所望，油而不膩，入口即溶中拖羅魚脂適中，魚味會較出另外值得一提侍應服務好好不時會過黎添水問相關食物問題都會答到我…查看更多

請快速講三次餃腩店唔知我地同店主諗既係咪一樣呢​我哋試咗個高質嘅二人餐佢牛腩、雞、餃至到粉麵餃等都有兩種選擇我哋揀咗清湯腩河粉、招牌醉雞、煎餃+釀椒成間店嘅裝修同用具都有啲特色感覺有啲心思好有中國特色既調味盤+碗​​🔸​招牌清腩，2碗粉另上​牛腩好腍身易咬，仲有小量牛根🔸​最近食左好多醉雞，呢間暫時黎講做得最好好香酒味之餘連杞子甜味都食到，雞件好均勻🔸​最估唔到係煎餃係5隻巨型餃再加5隻釀椒上台時見到份量真係有D驚食唔哂男友最近好鍾意薑檸樂，呢到有得飲仲唔使加錢添會再encore…查看更多

星期日同閏蜜吃和牛去過尖沙咀分店，呢間明顯細好多，裝潢都冇咁精緻，土地問題吧不過野食好味先係重點叫咗個豪華燒肉二人餐 $420係海鮮+三款牛上: 和牛上牛排肉下: 特選和牛牛排肉兩款其實都係同一個部位，只係油脂唔同個人鍾意上牛排肉，入口即溶既感覺特選和牛油脂就比較多，每人喜好唔同呢壺內既係壺漬牛排，職員話可以最後食，等佢入味啲有兩大塊牛肉、洋蔥同南瓜等配料由於用醬汁一直浸住所以燒完仲有大量肉汁用嚟送飯一流！！一小碟雞肉估唔到細細舊都好香口又多汁，但份量就少咗啲啦，可能唔係主打啦海鮮方面有大蝦、魷魚同帶子帶子細細粒但好鮮甜，大蝦好厚肉，蝦頭仲有蝦膏二人餐再配沙律加一碗白飯同飲品我覺得超值了😍😋😋前菜果碟牛肉都好好味…查看更多

去過石硤尾總店感覺就係真文青既感覺今次嚟到葵芳無左開揚既店面，但都係有種好舒服既感覺呢度仲有熱食添我哋叫咗🔻日式咖喱燉牛肋肉蛋飯$88🔻松葉蟹肉青醬忌廉意粉$88🔻蜜糖雞翼$45餐湯-薯仔湯好驚喜好精美之餘種感覺到好有心思 咖喱有啲似醬包嘅味道不過都係送飯一流松葉蟹肉好鮮甜，青醬意粉有少少乾身不過都好味好鍾意啲雞翼煮到唔黏骨證明用料好呀呢期同花店HAHAHAFLORIST合作，有幾款特色飲/食品呢杯係花の香橙泡沫咖啡食完飯仲可以慢慢欣賞後面嘅文具成間店雖然細細地不過感覺好舒服…查看更多

米線陣食過3間唔同分店呢個位置都算最奇怪同大家樂，一粥麵share個open area但係cashier同入座都好亂叫左2個皇牌套餐濃茄雞脾肉蟹棒稻庭烏冬 $78男友+$2轉麻辣相片係大杯既青瓜豆漿但嚟到係外賣既細杯濃郁既蕃茄湯底，仲有好多蕃茄蓉，配料豐富，有油炸鬼、蟹棒、雞髀肉、腐竹冬菇等我地都鐘意稻庭烏冬所以麵質好合口味兩款小食都好大碟涼拌雞絲粉皮既麻醬啱我口味白裡紅蒜泥白肉偏酸甜同大集團果隻係兩個感覺不過呢隻都有佢特色…查看更多