第一次食，覺得應該唔會再去食。1. 上菜時間：平日晚飯時間19:30-20:00，本身都係話多人到要等位，大概等咗25-30分鐘先上第一道菜。2. 味道：完全唔似台灣菜，無台灣菜嘅味道，例如鹽酥雞都係似淋咗濕濕地嘅炸雞；調味好重手，太鹹，鹽到係咁飲水。3. 食物選擇：同openrice上面影出嚟嘅菜式唔太相同，例如飲品只係得罐裝飲品，無一啲台式飲品。4. 服務質素&衛生狀況：作為小店嚟講，其實本身都唔會太要求啲咩服務，但覺得收得加一服務費，而無咩服務提供就唔太好，例如一入到去坐低，水都無俾過，最後只係自己拎隔離枱嘅水樽，到之後食到好鹹，想加水都等咗好耐先加到，但其實佢有個位放咗好多有水嘅水樽係到，但店主剩係掛住執枱先，講個時已經截咗單。到後來再次問佢加水嘅時候，佢就將之前啲客人用完嘅水樽啲水倒翻滿一個水樽度拎俾我哋，個人認為唔太衛生。整體嚟講，都同期望有所出入。…查看更多
以上食记乃用户个人意见 , 并不代表OpenRice之观点。
赞好
用餐途径
堂食
人均消费
$160
