湯品🔹麵豉湯，暖一暖胃甜品🔹富良野赤玉瓜🔹沖繩熱情果芝士餅食完好食的壽司，再食充滿日本風味的水果，及芝士餅，三小時嘅美食同埋視覺盛宴已經完成。總結： 呢度坐得好舒服，環境十分cozy，廚師非常健談，每上一道菜之前都會認真同你介紹食物，但係佢見到你傾計又唔會嘈住你，讚…查看更多
。同所有omakase嘅餐廳門口一樣，低調又奢華。入到去係典型omakase嘅格局，可以近距離觀賞廚師用心整嘅每一道菜。1.前菜北海道粟米 & 自家醃製菠菜 & 蟹肉絲新鮮北海道粟米非常之清新鮮甜，蟹肉絲有好新鮮嘅咸鮮味。2.北海道紫海膽海膽連半殼上，再加上碎蝦肉、三文魚子、法國魚子醬同埋日本食用銀箔，一路睇住廚師整都係一個好高級嘅視覺感受。北海道紫海膽入口又鮮甜又清新，海水的鮮甜味係個口慢慢滲出。3.西班牙深海紅蝦 深海紅蝦肉質結實鮮美，個杯底有焰燒嘅蝦頭膏做醬汁，將啲蝦肉點落去蝦頭膏到，雙重蝦味令到食慾進一步提升，蝦頭就炸到脆卜卜，可以成個蝦頭食曬佢。4. 生蠔（北海道昆布森） 北海道蠔毫極之鮮甜又creamy有不同風味和口感。蠔上面有店舖自家製嘅醋啫哩可以中和蠔嘅醒味又可以提鮮，再加小小芽蔥，層次又豐富咗。5.關鯖魚鯖魚肉質細嫩，經焰燒之後產生嘅化學反應令到件魚帶獨特嘅香味，再加五色芝麻碎wasabi再用紫菜包住嚟食，好特別！6. 北海道笠貝 北海道粒笠貝肉質扎實鮮甜，加上小小岩鹽及山漬後， 好好味。7. 黑陸魚黑陸魚係好油份的魚，廚師通常會焰燒佢，一至獨特嘅香味出來，之後加紫蘇花、黃色烏魚子及黑松露醬油 ，大大增添了色彩和風味，好似成件藝術品咁擺喺你面前。8. 吞拿魚腦天及拖羅腦天是魚頭兩邊嘅肉，每條魚都係得好少，因此非常矜貴，師傅會用火槍焰燒魚肉令到佢更加香，再配搭嗰一件拖羅及中間加一片紫蘇葉，再用紙菜包住，估唔到入面嘅紫蘇葉又真係加強個層次感之餘又可以減低油膩感。9. 磯煮鮑魚 （店signature)磯煮就係用日式醬油同埋昆布慢火炆煮，咁樣就可以保持鮑魚鮮嫩的肉質，及保持彈牙咬口，再加上鮑魚肝醬，令鮑魚味更加突出。10. 焗吞拿魚下巴及分子料理南瓜湯原來魚嘅下巴可以咁好食，佢嘅形狀雖然有啲奇怪但係呢個部分不單止有肉，又有高油脂，重要條魚夠大先有咁上下大嘅下巴。食壽司食到份子料理又真係有啲驚喜喎，餐廳佢哋都話試咗好耐先掌握到嗰技術，食之前都提我哋個南瓜球要放曬入口先，之後先好咬。如果唔係就成身都係。之後就係食廚師拍板嘅壽司11. 平政魚 - 也稱油甘魚,肉質油脂豐富,是日本料理常用的魚類。12. 拖羅-用上拖羅大腹位置，肥美又夠魚味13. 石垣貝沖繩產的石垣貝肉質軟嫩鮮甜，非常美味。好多時食omakase嘅時候師傅都會表演一下，用手指用力打件貝肉一下，拍一聲，真係打到佢彈起
。不過其實係食材新鮮先至做到呢個效果。14. 深海池魚 用火燒過嘅鐵網喺佢個魚皮度加熱，能產生獨特的化學反應，令到深海池魚更加香同好食。15. 地金目鯛魚 油脂豐厚，魚味濃厚16. 馬糞海膽 廚師一早講明呢個季節嘅馬糞海膽得好少量，現季既馬糞比起紫海膽食落可能會無咁鮮甜。食完覺得兩種味道，都ok~~。17. 極濃魚湯 師父呢度個魚湯係用咗幾十條魚及魚骨製成，只加入普通調味，絕無加味精，配合幼幼嘅秋田烏冬及娃娃菜，大滿足！甜品：靜岡蜜瓜 總的來說,重房的omakase不單只食材新鮮矜貴，一路睇住廚師親手製作的匠人精神，除了食材新鮮好食，更加是視覺上嘅盛宴。…查看更多
。於是就喺OpenRice度搜尋一下，發現有間叫為食火鍋。佢喺觀塘創紀廣場二期後面嘅萬泰利廣場，呢間餐廳有任食嘅火鍋套餐，包括餐前小食，刺身，雞煲同埋打邊爐。可以一次過滿足晒同行朋友嘅要求。提早一日訂座及確認套餐，仲有時令燉湯送。呢間餐廳入邊都好大有唔同種類型嘅枱適合一大班朋友過嚟一齊食飯吹水。套餐有二類，叫為食套餐同埋豪食嘅套餐。我哋呢次叫咗豪食套餐。店員介紹佢哋呢個豪食套餐分四個Round。Round 1 : 餐前小食（任食）有番薯薯條，唐揚脆炸雞，蟹籽沙律，酸甜炸大腸，鮑汁雞腳由於係任食，我地當然樣樣試少少，又唔可以叫咁多啦，因為之後仲有其他嘢食。由於我哋係提前預訂，所以有燉湯送。 有咁多餐前小食都見到呢間餐廳嘅誠意。最有驚喜係個炸雞同雞腳。留意番呢個規則係Round 1 食完之後，去了Round 2 就唔可以返轉頭食。Round 2: 前菜五點刺身盛合 （一次性）有三文魚、北寄貝、油甘魚、帆立貝、牡丹蝦上菜時擺盤擺得好靚，魚生好新鮮，好有光澤，非常有水準。Round 3: 頭盤 可以揀一份酸菜魚或者任食雞煲由於朋友話想食酸菜魚，所以我哋點咗酸菜魚個底湯底下面有薯粉，薯粉好有咬口。個湯底同啲魚都算中上。Round 4 : 火鍋盛宴 （先選湯底，後上2個豪華拼盤）豪食海鮮拼盤拼盤裏面有鮑魚、元貝、龍躉片、脆肉鯇、蠔、蜆、鮮蝦豪食牛肉拼盤拼盤裏面有手切牛頸脊、和牛肩胛肉眼蕊、澳洲封門柳、熊本雪花一口牛、美國S R F和牛肩胛肉眼芯、潮汕五花趾。兩個豪華拼盤入邊啲海鮮同埋牛肉都非常之新鮮好食，龍躉片大大片好有咬口，生蠔又係大大隻。個人非常推薦首設牛頸脊非常之有牛味。其實食完兩個豪華拼盤已經好飽，其實仲可以用QR code落單加餸，再加其他火鍋配料，個人十分推薦黑柏葉、手工雲吞、韭菜餃、手工魚手打白滑。食完呢次任飲任食嘅火鍋，又要迫自己再做返多啲運動。…查看更多
