lilson的个人专页

師傅用心制作，用靚牛要講伏，sorry,呢間未夠班！大把餐廳差過佢！俾鬆肉粉，垃圾肉，車2羹味精落去就話好好食🤷🏻‍♀️真係揞住半邊咀笑今日係唔知情既情況去食，正正叫左牛肋骨，羊架同豬手，坦白講，完全無問題！要講出色，唔係。性價比高，係。肉湯，店家有提供鹽同胡椒，落左係會提味，不過我無落，飲原始既味道店員親切幫我地斟水，添汁。好有禮貌！網上言論不可盡信，自己試最真實！要講難聽說話，有幾難？你的行為如此，你的人生如此。…查看更多

住左大埔好耐，2個月前先幫襯第一次，同我想像有出入！原本以為咁細間，d料會好hea, 仲要係廣福道開，咁貴租，一定貴食夾細件。錯曬呀我😭鹽燒左口魚，醬汁燒三文魚，蟹柳唔係cheap野！ 海膽黎講算幾好！ 唔係臭個隻！ 總之鹽燒同醬汁燒都好好食，我有時叫全熟都好正！花之戀又好好味！係帶子差d鮮甜, 但係夠肥美厚度油甘魚同劍魚腩都係必叫醬汁燒甜蝦壽司，冇得輸我隔兩日就去買🤣🤣🤣壽司外賣首選一定係神之手😁3月時仲做過10蚊手卷，真係抵到不得了…查看更多

一年多前黎食過，已經中左伏，事隔一年多，貴人善忘，見到上海野，就食個quick dinner...點解！點解我要重滔覆轍！🙃糖醋骨我極度懷疑係罐頭肉，凍既，d肉梅曬，祖紅色既稀汁。。。dog food 都好咪過佢唔信就試下🤭上湯大餛飩D皮已經滾爛曬，入面眉肉係梅爛肉，不過仲有味既！適合冇牙人士，老人家及嬰兒食用酸菜魚簡稱係代表作！龍脷柳魚塊，啲辣同酸完全蓋唔到佢嘅腥臭味！嗅落仲好押（尿騷味👍）雖然以上呢三個餸都係好恐怖，但係都仲有兩個餸係正常嘅，一個就係「小籠包」，一個就係煎完出嚟個賣相好靚嘅「鍋貼」如果我係因為價錢而幫襯，就係自己貪平，羅黎衰，可惜我係無睇價錢，一心想食小籠包而衝左入去🤢呢個價錢仲想點！係我錯，計性價比，唔應該有要求。。。…查看更多

今朝睇笑波子食11cm厚漢堡，就同老公講，用菠蘿包做港式漢堡好過，結果下午去柴灣做野，特登過筲箕灣食個低調高手雞蛋仔🤣食完諗住搵間餐廳陪老公食tea, 突然見到呢間好唔起眼既冰室，出面寫住港式漢堡！笑左！ 唔係唔入呀！我叫左芝士蛋雞扒菠蘿包，雞扒juicy, 嫩滑炒蛋，深黃芝士片，成個包都好香好惹味！老公叫芝士肉醬熱狗皇配薯條，都好味！放曬醬再入焗爐，薯條落左黑椒，鹽，可以唔洗點茄汁，重點！新鮮炸，仲要無油鯨住。雖然老遠黎，但再過黎港島一定會encore! 見到隔離叫左東南四寶蔥油飯🙈好吸引！好想食，但食完個漢堡真係好飽😆By the way, 四眼叔叔好有禮貌，仲幫手睇到出面抄牌，安全走到😎…查看更多

食左幾次都無影相😅一坐底就黎左壺陳皮普洱茶，又窩心又飲得舒服D糖水keep住做緊抗疫價，好抵食前兩日食完龍眼冰，老闆娘咁岩整咗個燉雪梨，睇黎要打去訂，潤一潤喇☺️希望呢間小店繼續做落去喇！我次次都特登大埔揸車去飲完夜茶，打完冷就過去幫襯！☺️…查看更多

大鄉里，侍應上個咕嚕肉時，反應唔切，睇到呆咗，以為佢上錯食物🙈 真係睇見碟菠蘿咕嚕肉都開心😆好靚！佢啲汁冇平時好刺鼻嗰啲酸味！食得好舒服！同埋佢係無骨！啖啖肉！個水煮牛肉本身冇乜期望，但係因為佢用咗啲靚牛，加上麻辣無蓋過啲牛香味！個麻辣味都唔差👍🏻BB鴿就唔使講，名副其實！所以d肉好嫩滑！有鴿油香😉椒鹽軟殼蟹就略嫌唔夠乾身，但可能因為咁，唔係好脆所以食完都唔會喉嚨痛😆總結，咕嚕肉，水煮牛肉同BB 鴿會encore!今次得兩個人，都食唔晒，下次叫多兩個一齊去再試其他野！…查看更多

經過大圍，睇下openrice有咩日本嘢介紹，根本無機會試佢好唔好食，因為一入到去就俾個30出頭既女士一句彈埋黎「你入黎做咩！」下...我入黎唔係食野係咩？出面無牌無人！就算你間餐廳因為限聚令坐滿左人！我入黎同職員講聲都要喇！唔通唔出聲，企係出面等你地有人出黎先同你講我想食嘢，洗唔洗排隊呀？定係我估下你間餐廳坐夠限額未？點解態度可以咁差？連基本禮貌都無！呢d餐廳，我唔會再去！劣評餐廳，我真係第一次寫...…查看更多

夜晚同男朋友經過，見到門口好唔吸引，但係一個餐都係4x蚊，一個煲都係5x蚊。叫左 蒜蓉蜜糖雞翼 欖菜四季豆 金菇肥牛煲個蒜香真係做得好好食！蜜糖竟然唔會整到d蒜片淋曬，仲係脆口，真係好好味！一碟8隻，真係想一個人食曬佢...欖菜四季豆油左d，咸左d,但係又係好好味，送飯一流個煲就無咩特別，足料。但係呢個價唔係碟頭，係小菜！跟無味精湯，白飯同野飲....Main point係呢個價唔係食垃圾食物！雞翼must encore!!!!( 無諗過好食...所以無影相....同埋都係食餐便飯...影麥鬼呀⋯⋯）…查看更多

去寶湖買花，入去打個round，經過呢間鋪，聞到好香，就企喺度望住入面個廚師煮嘢食，個廚師好好人，見到我眼望望流晒口水咁就請我食咗一舊羊腩。咁就仲晒計喇！好好味！老細話個羊腩煲係今晚台客，午巿冇得食😭😭😭，所以就叫咗個肉餅飯。正！為咗食多次個羊腩煲...我已經訂咗下下星期嘅私房菜，個老闆又唔肯講有咩食....好神秘！不過，食完佢個lunch,都知唔會差！話曬無味精，同出面真係好唔同！好鮮！d肉唔係林pat pat! 唔會好似食緊粉咁！好彩夠為食！又俾我發現正野！食完私房菜，到時再寫食評😋😋😋😋…查看更多