agnes528的个人专页

對於想keep fit嘅人來講呢間手搖飲品絕對好過其他街外買嘅珍珠奶茶，又多奶精，啲珍珠又係澱粉又好甜。呢間嘅飲品咬口嘅來源係來自桃膠，冇咁甜澱粉質比較少蛋白質比較多。飲品方面，杯茶飲落去有淡淡的花香（紅葉開花）亦唔會太酸，茶底都算OK，桃膠方面量非常多睇落去差唔多有半杯。鍾意食桃膠嘅朋友一定要去試…查看更多

我哋嗌左個價錢為218（服務費連埋250）嘅餐，內容包括兩款牛肉一款羊肉一款豬肉，自助食物吧，同埋飲品甜品。下菜係用QR code，上菜都算快。肉質方面係新鮮嘅，啲肉唔會發霉變黑。免費飲品方面選擇都算多，一般汽水同啤酒都有。甜品方面有movenpick，靜靜雞加咗啲分。但時間方面只有90分鐘到時會有姐姐催促你。整體來講都算唔錯。…查看更多

我我哋去買咗個吉列雞扒烏冬同埋吉列雞扒滑蛋飯，吉列雞扒肉質鮮嫩食上去一啲都唔乾柴，個皮方面亦都唔會好厚，入口鬆脆。烏冬方面係有咬口嘅稻庭烏冬，質地煙韌。唯一弊處就係湯底偏鹹。價錢分別為65同55，以香港來講都算抵食。…查看更多

餐廳佈置昏暗，又掛上星星燈，令成間餐廳充斥着浪漫嘅氣氛。我哋嗌左個雙拼炸雞薯條加米酒。個雙拼炸雞薯條個份量大到兩個人根本食唔晒，所以價錢來講都算OK（190～）炸雞外皮鬆脆內裏肉質唔乾，蜜糖蒜蓉同埋甜辣味食過覺得唔錯，不過個人認為可以再辣啲。米酒亦都係兩個人根本飲唔晒嘅量因為佢會用缸攞上嚟，我哋嗌左柚子味，幾容易入口冇怪味，但係要清楚自己有冇敏感。因為我飲完全身發紅點。總括來講呢個價錢同朋友間唔中出去敘吓真係唔錯。不過排隊排到痴晒線，要食嘅話一早諗定早啲攞飛。…查看更多

佢係一間樓上菜式有創意嘅fusion菜，係菜式同埋擺盤方面亦都相當有創意同細心，再加上餐廳環境方面都對得上去嘅價錢（午餐每位大概$250）餐牌名字亦都相當有玩味。鱈魚粟粟你好嗎當中嘅鱈魚新鮮冇腥味。有個係海鮮叻沙加米通亦都相當開胃。有個炸金菇risotto亦都相當有驚喜，炸金菇唔油膩，risotto味道醬料濃郁，有黑松露味。甜品方面我哋選擇左抹茶芝士蛋糕，呢樣我覺得還可以，抹茶味唔算好濃郁。一個餐包埋嘢飲，飲品方面亦都相當有心思，我飲嗰個係有成個燉梨擺埋喺杯嘢飲裏面，甜甜地有少少釀製品嘅味道（基本上你除咗喺呢度唔會有第二個地方飲都同一隻嘢飲）。整體來講都算高質…查看更多

作為一個學生/窮鬼，呢種價錢嘅迴轉壽司對我哋來講相當吸引。最平嘅價錢$9或者10幾蚊都有一碟。品質來講呢個價錢唔好要求太高，整體肉質方面都算新鮮。個葡萄果醋唔好飲，除非你想胃酸倒流，因為真係有啲酸，不過飲開酸野/接受到醋味嘅朋友可以一試。…查看更多

第一次試泰國船麵就俾咗呢間野，我哋叫咗個兩人餐每位$85左右。價錢包12隻單骨雞翼（？）兩碗船麵同埋兩杯嘢飲。嘢飲方面我哋選擇左泰式奶茶同埋紅豆冰，個紅豆冰係好似刨冰咁嘅質地底下就會有啲紅豆。全面方面我選擇咗中辣蛋麵，湯底偏鹹（船麵應該都係咁）蛋麵亦都好彈牙，唔會一夾就碎晒咁，餸菜方面都算多，我印象中有五款以上嘅配料，例如豬皮牛腩嗰啲。佢係炸嘅單骨雞翼，雖然表皮唔係太脆，但係用價錢角度來講我選擇原諒佢。整體來講唔錯。店內仲有相當多mirror嘅嘢，鏡粉可以去吓。…查看更多

我諗大家去呢間餐廳都唔希望會有一個期望係食到米知蓮級美食。嘴刁嘅朋友可能會覺得普普通通。我作為一個唔係特別嘴刁而又健身嘅人就覺得呢間餐廳性價比相當唔錯。我每次去親都會叫個雞髀滑蛋飯，只因佢嘅份量作為一個女仔來講實在驚人，一隻大雞髀+3隻蛋，唔食飯淨係食餸都飽。半熟嘅滑蛋+1隻大雞髀足以滿足你一日嘅蛋白質需要。雖然佢嘅雞髀揸到肉質有少少乾柴，但係看在價錢嘅份上我選擇原諒佢（50幾蚊仲想點仲包嘢飲）。餐廳環境相對逼夾，係大部份茶餐廳都會有嘅缺點。整體來講CP值甚高…查看更多

呢間韓燒10分有驚喜，用嘅材料上乘，有生蠔扇貝等海鮮，生蠔有得再加芝士，成個邪惡程度直線上升。材料例如肉類嗰啲俾得一啲都唔手軟，不過就應該都係冰鮮嘅，因為啲肉有啲灰灰地。另外個炸雞幾好食，皮脆肉嫩，柚子味相當開胃，辣嗰啲都10分過癮，甜甜地辣辣地，不過唔食得辣嘅就唔好嗌中辣以上。總括來講呢個價錢可以一試。服務生態度良好。👌👌…查看更多

依家響油麻地的樓上咖啡店環境相當唔錯，有大玻璃可以望到街景，座位亦都相對闊落，入面仲有各種桌上遊戲供你同朋友消遣玩樂。食物方面我覺得以佢哋嘅價錢份量唔算相當不錯，我哋上次去嗌咗一個party food拼盤食極都食唔晒。雞串燒味道都OK，其他西式麵類都相當有心思。嘢飲方面有各種花茶同埋特飲，我上次去揀咗花茶，可以慢慢嘆吓花香。以呢個價錢呢個享受來講我覺得相當唔錯，有時間嘅可以得閒同朋友上去kill下time。…查看更多

上次去嗌咗個鐵板牛扒同埋海鮮丼飯再加自選材料parfait做甜品。個鐵板牛柳雖然肉質有啲乾但係勝在外皮都有少少焦香味，所以都覺得OK。個海鮮丼飯啲材料都叫新鮮，二魚生都可以遮蓋到白飯嘅面積，雖然白飯都唔算太多但係整體來講份量都算不錯。最後嘅甜品我覺得抹茶味雪糕嘅抹茶味唔算太濃郁，哈密瓜雪糕都中規中矩，都係偏甜。整體以呢個價錢來講不過不失，預算OK嘅朋友可以去試吓。…查看更多

整間餐廳都以海洋為主題，門口都有水泡船錨做裝飾，連所有碗碟都係海洋生物形狀。上次佢就叫咗一個橄欖油鴨胸意粉，雖然一上咗覺得碗嘢好細，但唔知點解食極都仲有，所以份量來講對我都算唔少另外仲加配左炒雜菇同埋西蘭花，營養搭配更加均衡。整體都算唔錯…查看更多

上次佢就食咗特盛海鮮丼，$158個人認為份量就偏小，魚生六至七塊唔係好蓋得晒個飯，飯嘅份量亦唔算多，但勝在用料都算新鮮。芝士生蠔三隻$78表面有焦，好重芝士香。串燒牛舌咬落好有油香，識落質地偏林一啲，但係就略嫌唔夠焦香。雜錦天婦羅拼盤都唔錯，食材新鮮出嚟酥脆。…查看更多

我哋上次去嘅時候係嗌麻辣湯底同埋牛骨湯底，個麻辣湯底辣得好過癮，中途食到個咀痹痹地。啲丸亦都新鮮彈牙。買咗幾個牛肩肉同埋蛋汁牛柳，所有肉類都係新鮮唔會灰晒。豆腐亦都非常滑。總體而言不錯，值得一試👌👌…查看更多

我哋果次去食布丁麻薯牛奶冰，兩個人食50幾蚊分量超多，食咗飯去根本食唔晒，我哋仲加咗芋頭同埋芋薯丸，啲麻薯超級煙韌好有咬口亦都唔會太硬，啲芋頭甜甜地好粉係我理想嘅芋頭質感，芋薯丸係薯圓包芋頭蓉做餡料，成粒超煙韌好有芋頭香。呢間分店每次去親都勁多人想食嘅話六點左右或之前就好去排隊。😋😋…查看更多