fatken99的个人专页

疫情下無得飛日本🇯🇵，知道朗豪開左一間專食天婦羅🍤既餐廳，朋友仲話好抵食又高質，一於就去試下吧！一坐低就會有椰菜絲俾你前菜醒胃我揀左個天幕御膳，見佢價錢唔算好貴，又好似好滿足咁黎到就係不得了，同相片十足十，有一個飯俾你自己添加，佢亦有三種食法供你參考。蝦既size非常大，鮮味爽口，天婦羅🍤最叻就係炸出黎一啲都唔油，其他蔬菜🥬亦好新鮮。要食記得試晒三種食法，包你試到唔到風味口感性價比好高既一間餐廳，非常值得一試！…查看更多

好鍾意食蟹, 朋友話有間漁湯店有蟹鳥冬食, 仲好近我家, 所以一於黎試下老婆叫左個鮑魚花膠魚肚鳥冬, 足料到不得了, 魚湯鮮甜烏冬係稻庭幼幼的, 好味我就當然叫左我覺得係鎮店之寶既鮮蟹烏冬, 一上枱, 大家都嘩左一聲 XDD 好似好大陣象咁呀, 佢地都會俾餐具你, 仲有個骨碟本身都大廚都已經幫你夾開左D殼, 你地睇, 幾EASY~呢個價錢我覺得算係幾抵食, 我同太太果個都分別係$138咋.  真係抵食夾大件, 好好味呀~…查看更多

經過皇室堡, 見到個好靚既招牌, 呀, 係我鍾意既意粉, 望望餐牌價錢算是親民, 就入去試下喇入座是不算多人, 但越坐越多人喎, 証明大家都好鍾意食意粉~我地揀左呢個二人SET, 唔係最貴果個, 但我地相信夠晒我地食, 點知黎到, 哈哈, 真係爭D食唔晒呀我地揀左洋蔥湯, 個湯好甜, 仲鋪左塊麵包O係面, 味道幾好;  仲有個雞肉沙律, 沙律菜算是甜, 雞肉大大舊的小食我地揀左蜜糖雞翼意粉揀左芝士煙肉帶小意粉, 都有好多粒帶子啊, 份量足夠PIZZA係PAMA HAM, 大大塊HAM呀, 薄批黎, YUMMY!最後原來仲有TIRAMISU, 好彩份量係細細份, 如果唔係真係食唔晒呀 本來以為二人餐只係岩岩好夠食, 原來真係可以好滿足, 呢個價錢我覺得真係好抵.  餐廳環境好好, 俾到人舒服既感覺, 又有圓枱, 一班人黎食飯就最岩~…查看更多

今日想食好少少, 食過灣仔合和果間分店, 原來TST都有一間, 見到佢有個二人MENU都幾抵, 恒生咭仲有九折, 就決定試下.呢個就係MENU喇環境同灣仔比較, 就細少少咁, 但裝修都幾靚飲品叫左一杯白酒, 同凍檸茶前菜係CAESAR SALAD同蟹肉蛋餅, 蛋餅幾好味幾香口餐湯係南瓜湯主菜黎喇, 我地揀左安格斯肉眼同PIZZA;  牛都算幾香, ORDER 五成熟亦都唔會話WELLDONE, 很好PIZZA薄薄的, 脆脆的, 比想像中有水準啊…查看更多

當老婆想食邊爐，但我想食燒肉，就唯有問下朋友，睇下有無推介！點知真係有，於是book枱帶老婆去試🙆🏻‍♂️放題餐牌由最平$198到和牛放題$468，我地揀左第二平menu$258，揀下水溫先～自助火鍋配料有兩大個雪櫃可以揀👍🏻超多款蔬菜可以揀，值得一讚👍🏻海鮮頭盤，有超大隻牡丹蝦、廣島蠔、元貝、螺同蜆！海鮮都好新鮮，特別係蝦同蠔，超鮮甜👍🏻火鍋湯底八款可以揀兩款湯底，唔洗另外加錢👍🏻牛豬雞同樣係無限任叫，老婆用黎打邊爐，我就梗係燒肉啦！牛豬雞，要特別讚一讚個豬！餐牌寫係黑豚肉，的確交足功課👍🏻老婆話花膠好正，食多幾塊回本🤪我試完又真係幾正！同場加影飲品！放題通常都係得罐裝飲品，但呢度竟然係手調飲品，真係好有驚喜！草莓沙冰，好味到一飲再飲🙆🏻‍♂️食到最後諗住埋單，點知仲有甜品，不得了！…查看更多

行完世貿出到去見到有間食泰國船粉, 門口睇完價錢牌發覺價錢都幾公道, 就決定入去試下我叫左個最貴既船皇湯麵都只係五十幾蚊, 當然去泰國食既話就緊係再平好多好多啦~佢會有四款唔同既麵俾你揀, 我揀左金邊粉, 我太太就揀左河粉裝修都幾簡單幾靚, 坐得都幾舒服.  佢仲有張泰國店既相, 我相信呢間店鋪, 都真係泰國人黎香港開喎加十蚊左右, 就可以有埋飲品, 太太加左杯凍奶茶, 上枱既時間, 我心入面哇左一哇, 乜個碗咁靚既! 又幾有特色船粉到喇, 個湯好濃幾好味, 太太既牛腩都好淋; 而我既船皇湯面, 入面有牛有豬等仲有隻雞翼, 都幾好味道, 值得一試…查看更多

好多餐廳都想走懷舊特色感覺, 今日黎到呢間happinesssss餐廳, 裝修都好靚, 餐牌上仲重點說明想大家HAPPY去感受呢度既美食~  等我地就睇下佢地有咩好食吧!裝修都唔錯架, 都有D打咭位~我地叫左兩份意粉, 分別係蒜香帶子寬條麵, 同茄汁帶子意粉.  帶子兩份都好好味, 意粉都好爽口, 都幾好味, 價錢都唔算係好貴, $88一碟仲叫左個牛柳粒小食, 配埋香葱一齊燒, 好惹味飲品有西柚汁, 寫明100%果汁, 夠晒健康;  仲有青蘋果冰茶, 都好清新其實餐廳入面真係坐得幾舒服, 播住輕快既英文歌, STAFF落單或收野都會有笑容, 都好切合呢間餐廳既主題所以我地最後加左個什果窩夫, 睇到佢用心既制作, 都算係食得開心, 坐得舒服.  黎傾下偈打咭就最岩喇…查看更多

想試呢間TOPBLADE好耐, 今日放工黎到銅鑼灣, 對腳就好自然咁行去佢個方向~ haha  餐廳外觀簡潔光猛舒服~  入面既裝修都好特別, 唔知算唔算美國風~ 因為好多漫畫圍住食客, 感覺幾有趣一頁既MENU真係好好, 選擇困難症既我, 起碼少個煩惱 XDD  waiter都有解釋各款牛扒既分別, 好好禮貌~落完ORDER既時候, 佢地會SERVE薯條俾我地, 係任食架!  佢SERVE我地既時候, 我聞到有少少黑松露既香味, 應該落左少少黑松露油去炸.藜麥沙律加碎吞拿魚, 呢個沙律非常好味, 菜亦新鮮;  磨菇湯不算太濃, 磨菇份量亦十足飲品叫左一支cold pressed apple earl grey tea同一杯dirty lemonade, 我估係佢地招牌飲品~  好清新最後我地既主菜上枱喇, 一份Guest Chef's Flat Iron Steak, 佢話係慢煮出黎, 果然係充滿肉汁同夠淋. 另一份係Prime Flat Iron Steak, best medium rare証明用料上乘, 牛味重, 肉汁香口, 不得了大廚煮得好好, 呢個質素只係呢個價錢, 真係好值得推介, 鍾意食牛扒既你, 值得一試…查看更多

太安樓出名多美食, 今日放工未有決定晚飯食乜, 一於去掃下街先. 經過見到好多人圍住呢間日本野, 當然要停低睇下有咩好食啦.  原來呢間櫻係主打手卷美食, 一於試下先!款式之多, 真係眼花暸亂呀!   除左手卷, 仲有幾款丼同小食再望下面廚櫃, 原來佢地有兩款海膽主打, 話晒海膽迷, 緊係要試下佢地D海膽啦!  我地叫左一個葱吞海膽手卷, 同一個海膽三文魚子手卷門口會有張企枱, 放左各款豉油調味.等左大約五分鐘, 就有美食喇!   大大塊海膽, 堅係有鮮味喎!  幾有質素!  三文魚子都幾鮮甜.  葱吞亦都不錯.  大家經過太安樓, 都要黎試下呀!…查看更多

放工老婆話想食HESHEEAT, 平時經過就多, 入座後, 原來係咁多野食, 都幾岩食, 大家睇下個DINNER餐牌~  下面仲有甜品!  我諗女士們見到, 一定流晒口水喇  ;)我揀左牛油果芝士BURGER配薯條實物黎到都幾OK喎, 佢整緊果陣其實成間SHOP都聞到好香既煎扒味, 我就知我既晚餐就READY喇 haha牛扒肉汁都OK JUICY, 好多牛油果啊~ 好YUMMY!老婆揀左香煎雞胸黑松露意大利飯, 黑松露既香味好濃!飲品係芒果沙冰, 同綠茶雪糕柚子沙冰, 兩杯都好清新, 唔錯女士們又點會咁易罷休, 甜品追加就叫左兩款 (好飽喇已經 haha) 係檸檬撻配芒果雪芭同栗子朱古力PANCAKE配杏仁合桃雪糕見到呢兩款甜品我都忍唔住呀, 又真係幾好味既, 左右既食客都不停打量大家叫既唔同甜品食物環境都唔錯, 可以傾下偈, 歎下美食~…查看更多

好耐無食過燒肉放題, 今晚黎試下呢間朋友介紹既食店先!  而家D燒肉店, 都用晒PAD去落單, 係幾方便既~ 有D仲會用QR CODE用自己部電話落單添!落緊ORDER既時候, 佢已經放低左呢個類似前菜既物體 haha, 都好窩心, 可以少少咁試下唔同既肉先, D肉都幾新鮮, 炒豬頸肉好味, 雞翼都剪成一半, 好方便通常香港人黎食放題, 都叫點番D生野食先, 我地叫左少少刺身同壽司, 都好新鮮呀之後就緊係開爐啦!!  蔬菜海鮮樣樣齊, 蝦好大隻好新鮮, 仲有帶子同蠔! 俾埋個鐵兜你放落去, 入面已經加左牛油~ YUMYUM!…查看更多

同事話太古開左間茶記, 價錢實惠又好味,  原來咁就腳, 仲話海南雞飯幾好味添~  一出太古地鐵站就係喇.  不過人流都幾多, 好彩等一陣就有位了咁我地就點一個海南雞飯套餐, 黎到賣相同照片一樣啊~ 哈哈, 食落都唔錯, 去左骨既雞, 連埋一碗中湯油飯我另外就點左XO醬炒西蘭花牛肉, 好惹味啊~ 見到佢有蛋白杏仁茶, 好吸引咁呀, 太太話好多蛋白, 幾好味 (跟餐叫係半價)另一杯我叫左老陳皮柑桔蜜, 好有驚喜好好味, 非常潤喉!  入面真係有一粒柑桔架太古終於有一間性價比比較高既茶記, 值得推介!…查看更多

放假喇放假喇, 老婆今日話要同我食TEA, 我仲以為去茶記食個蛋撻果隻TEA, 原來係要融入聖誕節既氣氛入面.  一黎到門口, 就見到佈置得好靚呀~ 我地原來就係食呢個SET我地仲點左兩杯winter drinks~  一杯焦糖布丁咖啡同個有機花草茶~原來果茶好好味, 係我好鍾意既西柚, 好香好清呀主角未黎之前, 就黎左兩件鬆餅, 好香好好味喎!主角到喇!! 我地揀左朱古力火鍋, 哇好靚喎! 忍唔住係咁影相 XD入面有好多唔同既野食, 黑魚子多士, Parma Ham等等, 全部都好好味道! 好搞笑既綿花糖我地慢慢食, 最後先食埋呢個薑餅人既Brownie, 好有節日既氣氛~呢個TEA SET完全感受到XMAS就黎到喇~  除左聖誕大餐之外, 原來TEA SET都可以咁靚咁HAPPY, 希望大家都感受到啦!…查看更多

FASHION WALK呢邊好熱鬧, 行行下發現一間傢俬鋪外面原來標誌住1樓有一間咖啡店, 八卦心態行上去望下有咩好食先!發現係一間好relax既coffee shop, 未食飯既我地, 亦發現原來佢地都有LUNCH食喎, 咁不如坐低試下佢地D木櫈好靚呀!成個環境都好RELAX, 我地首先叫左杯cappucino同flat white跟住佢地介紹我地食一個松葉蟹肉飯, 同明太子意粉;  初初仲以為係好簡單既野, 點知上到黎係一隻蟹呀! haha 佢係原隻軟殼蟹, 入面好香既蟹膏同蟹肉, 飯上面有一隻溫泉蛋, 同另外有蟹肉絲添!  好有日式既感覺另外既明太子意粉好香好好味呀食飽傾下傾下, 太太話不如試埋佢既甜品, 咁我地就叫左個焦糖PANCAKE原來有成三層, 佢地既食物份量都好大呀, 好彩最後都食得晒!最後當然又係捧住個肚腩離開啦.  一間好relax既coffee shop, staff都好nice, 大家行完街, 不妨去飲番杯咖啡嘆下~…查看更多

聞說食神降臨北角...... 其實係呢間CHOPCHOP開左係北角, 主打係食神黯然銷魂飯, 當然香港人睇過套戲, 都知道其實係一個叉燒加蛋既飯.  所以今晚就黎試下係咪咁銷魂先~店外有少少似外國唐人街既招牌~ 都係老香港既特色寫左每日叉燒出爐時間, 原來真係自己燒架喎!入面亦有霓虹燈光管, 好鬼型黎度緊係試下呢度既名物, 黯然銷魂飯啦! 仲會跟埋叉燒醬同例湯, 個湯都好甜喎! 叉燒甜甜地, 仲係半肥瘦, 又真係用到好優質既豬肉再跟番咸檸七, 真係返番去六七十年代既時候咁 XDD另外有一份係燒腩切雞飯, 燒腩脆到不得了鍾意食叉燒既你, 應該要黎試下, 我覺得佢既叉燒真係與別不同, 真係好好味呀!!!!…查看更多