ching=P的个人专页

上個星期本身喺bricklane叫咗外賣自取，但臨時可以出黎同朋友食Lunch，所以膽粗粗問餐廳可唔可以外賣轉返堂食🙈 餐廳職員好友善，除咗將外賣食物轉返用碟上，重送咗個餐湯比我! 食物上枱時重熱辣辣。Bricklane食物質素不嬲都好好，當日既軟殼蟹eggs benedict配搭有驚喜，口感有層次，即使外賣放咗一陣，個蛋都重係流心. 軟殼蟹都重脆! 多謝職員，特別係Raymond，安排我外賣轉返堂食及提供貼心服務!…查看更多

一凍就想打邊爐....於是又癮起再黎胡爐! 今次試下第二個湯底, 卜卜蜆鮮蟹魚湯鍋, 本身見到openrice有promotion “訂座及二人同行每位惠顧滿$200或以上免費贈送", 都冇話特別大期望, 但上枱好足料, 鍋內有蟹, 蜆, 薑蔥, 西芹, 芫茜等等。店員先大火炒香配料, 有陣陣奶油香味, 之後落酒提味, 最後加上奶白色魚湯。湯滾就先飲左兩大碗暖身, 之後會一路幫你添骨湯, 唔會淨係加水~(野食方便, 我地上次食過極上手切肥牛好好味, 所以今次要encore。另外重點了: 美國桶蠔, 蔬菜拼盤(細), 手打墨魚丸(半份), 同埋鵝肝蝦丸(半份)。極上手切肥牛一貫水準, 入口唔會太肥膩, 反而柔軟得來, 油脂香剛剛好。美國桶蠔大大隻, 夠晒肥美, 估唔到一碟有成7隻咁多！手打墨魚丸夠足料, 所以好彈牙、濕潤, 唔似一般機器做既丸咁冇咬口, 除左肥牛之外就係佢最好味! 鵝肝蝦丸其實係丸入面釀左細細粒鵝肝, 食落有兩種口感, 都幾得意。加上鵝肝包喺入面, 一路煮熟, 啲肉汁一路會比啲蝦丸吸收左, 所以就算食完粒鵝肝, 都有鵝油香味。蝦丸同樣彈牙, 但想比之下就鍾意墨魚丸多啲。今次飲品係柚子蜜, 唔會太甜, 柚子味都出到。另外值得一讚係個廁所好乾淨, 唔會食食下野去完個污糟廁所, 食龍肉都冇胃口...總括來講, 無論野食定環境, 都係一間值得再encore既邊爐。…查看更多

身為九龍人+brunch狂人，常常感嘆九龍區冇香港區咁多quality brunch同coffee choice。之前都有留意到呢間cafe因為柴犬而好紅，有幾次需要搵地方hea下，但經過見到門口細細，所以唔敢行入去…不過原來入面別有洞天！一入門口有兩張高圓枱，四個bar枱位置，原來入面重有4,5張雙人枱同一張大open table!店內重有其他產品寄賣第一次黎係lunch後飲take away，杯仔上痴左張貼紙"Give Enough Coffee and I Can Rule the World"。How True.飲開flat white，呢度overall質素都好consistent，咖啡唔算好重roast味，所以比較溫和同埋雅致，after taste偏向柔潤。有一陣子喜歡飲Oat Milk，知道呢間鋪頭係用Oatly，所以有次叫了Oat Milk的Flat White。有飲開咖啡既都會知道植物奶拉花特別難，不過可能用左Oatly barista edition, 加埋barista手勢，打花都相當成形。食物方面，多數都係食cake. 鍾意呢度既Rasberry Cake夠扎實，Rasberry好chunky，同埋蛋糕內都會食到籽，feel到係原材料做，唔係果醬之類。見到抹茶蛋糕寫住用小山園抹茶粉，下次要再試！…查看更多

如果唔係openrice搵旺角咖啡店，都唔知道有間cafe隱藏喺中國移動店內！ 需要直接入店，再坐右手面𨋢上去。Cafe 牆身同天花都貼滿煲蓋裝飾，加埋吧枱上neon lights，有少少似美國diner但又多左啲retro feel。店內重有唔少咖啡用具，包括冰滴等等⋯今次試了flat white 同all day breakfast。喜歡呢度豆嘅roasted level! 少少焦味但保有咖啡豆獨特既notes。All day breakfast亦都相當紥實，除左香腸，腸肉，茄汁豆，炒蛋之外，roasted potato係平時少見啲ge side dish，但加埋就唔怕唔夠飽！重有個面包烘到暖暖，相當貼心。總括呢度食物有一定水準，下次會試多啲其他食物！…查看更多

308一年前開始，LCX "新翼" 有好多新餐廳開張，唔少都淨係放左入wishlist，一直未搵到啱機會試。呢個月心血來潮想食返餐靚景晚餐，朋友一直鍾情中餐多過西餐，而我又偏偏鍾意西餐多啲。最後諗起HEXA呢間食中餐得黎有少少Fushion feel 既餐廳，提早2個幾星期先book到枱，重要只得兩個時段選擇，我地揀左6:30，打算食完啱啱好可以去睇場戲。LCX呢個位置真係由地鐵行過黎都要成15-20分鐘，HEXA就喺扶手梯盡頭，到門口已經感覺氣派，Hollywood Glam得黎又有中式元素，例如屏風等等。我地跟住店員轉向右手面，經過左差唔多到天花既bar area，就去到我地座位了！雖然訂枱時冇指定，但都好幸運地坐到最近窗邊的位置！望住中環skyline食呢餐飯，提醒自己要努力搵錢，先可以隨心所欲咁食！其他booth都相當有privacy。嗰日太早lunch，所以叫得特別多野食：杏汁花膠川貝菜膽燉白肺、竹笙蟹皇羹、龍眼蜜生煎金蠔、松茸羊肚菌海膽燴飯、蘇薑蟹肉蛋白東星斑伴件、薑糖芥蘭。先講兩個湯品：杏汁花膠川貝菜膽燉白肺、竹笙蟹皇羹。兩個湯下面都用蠟燭保暖，十分貼心！竹笙蟹皇羹有好多蟹粉，但唔夠入味，亦都冇我地想像中咁濃稠。我地一致覺得燉白肺係好味啲既，加上入面足料，肺已經清洗到完全冇異味，呢點好重要！　（不過性價比黎講，HKU舊生會始終略勝一籌）前菜龍眼蜜生煎金蠔都係好多食家推介既，朋友鍾意食蠔，話要會一會呢味菜。上菜擺碟有新派菜風味，龍眼蜜香醇，不過金蠔煎得有少少太乾，本來脹卜卜既金蠔咬落冇左肥美口感…松茸羊肚菌海膽燴飯係全晚highlight，松茸羊肚菌同海膽呢個配搭喺第二度好少食到，因為兩樣都係好濃郁口味既材料，要駕馭真係有返咁上下難度。碟燴飯唔算多（講真，再多啲都會膩到食唔落），但每一啖都食到海膽既鮮，同羊肚菌既香，夫復何求！可惜兩個人食，實在太膩，我地最後都係食唔晒Ｏrz食完重口味燴飯，食左個炒薑糖芥蘭清清味蕾，不過不失（相都唔記得影…）之後就係最後一道：蘇薑蟹肉蛋白東星斑伴件。本來對呢味菜好冇想像，上枱發現原來類似羹狀，我地完全估錯晒XD 斑球基本上唔止「球」咁細，2舊加埋都有半隻手掌size，而蟹肉同蛋白就落左個「羹」度。斑球煮得剛剛好，重係滑嫩，但講真，唔係好食得出同出面酒樓有咁大分別。服務方面，全晚都有待應細心地幫我地換碟，比napkin，等等。最後埋單$1700，食物質素唔係話好驚艷，相信有一半價錢係比左個海景。如果第日想再睇呢片海，會試下其他LCX新翼餐廳，可能CP值會高啲。…查看更多

想食日式串燒多數係因為貪心想食多幾款野，又唔想太飽。見到呢間新開店鋪，早一晚喺openrice訂枱，即刻有人打來confirm，同埋溫馨提示訂座折扣要8點前埋單先有。不過最後我地要7點先去到，都係用唔到個折扣…食物方面選擇好多，重有Omakase set。不過當日唔太餓，所以就叫左2杯梅酒，烏冬，同埋串燒share，包括：露筍豬肉卷、荔枝豚肉卷、秋葵豚肉卷、牛舌厚切、牛肋骨、雞肉棒、雞腎、 鰻魚。美中不足係想試既限定牛舌芯厚切，同埋去親串燒我都會叫既大蔥雞肉都冇晒…講下幾款最印象深刻既串燒。鰻魚滿滿蒲燒汁，個皮烤得剛剛好脆，但魚肉重係好嫩，連怕細骨既朋友都話好味！雞肉棒有咬口，感覺唔係加左蔬菜，而係全雞肉，加上生雞蛋拌勻做醬，又多左一重texture。荔枝豚肉喺第二度比較少見，食落好清新，唔會因為豚肉太膩。除左荔枝豚肉，重有牛肋骨（右）我地都encore左。牛肋骨加埋燒汁十分野味，串燒方式重鎖住晒牛肉汁，食左兩串都重想encore。…查看更多

有時候在旺角做gym，做完gym都想食得light少少，或者搵個地方坐下。Pause it 雖然要行得遠少少，但好啱weekend放鬆一下! cafe有一排對街座位，呢個設計令到整間cafe採光好好，再者餐廳樓底夠高，室內用左白色同原木色，覺得自己享受緊天然日光浴，陽光簡直係weekend必備。有次自己黎飲左個竹炭咖啡，成杯咖啡黑色係幾有gimmick，但硬係覺得咖啡味唔夠出。今次星期六兩個人都等左10分鐘左右先有位。今次試flat white，比竹炭咖啡啱口味好多！野食方面就叫左Salmon Eggs Benedict同埋all day breakfast。Eggs Benedict表面有torch 過，食落少少煙燻味，加上蛋poach得啱啱好。不過覺得麵包用左法包太硬，加上toast得有點焦，所以就算有蛋汁，都做唔到個種soak既感覺...All Day Breakfast同樣係麵包有啲太硬，不過煙肉係steaky個種，腸仔亦都煎到外皮夠脆。加上蛋可以選scrambled或者sunny side up，加分！綜合幾次經驗，覺得無論咖啡、食物定室內計設都有比心機，加上價錢中等，係呢區少有的清新之選。…查看更多

近來返工辛苦，成日都想食好啲⋯ 呢日farewell朋友，想慢慢食日本野，就㨂左鮨心。Lunch time唔太滿座，可能因為同餐廳價錢有關吧。不過咁重好，兩人可以坐四人卡位，多啲privacy。Lunch set包括前菜小冷盤、茶碗蒸、吸物。 茶碗蒸有驚喜，加左蟲草花同埋有淡淡柑香，令到味道又提升左！ 我地分別點了「刺身定食」同「北海丼」。「刺身定食」上枱前唔知有啲咩，但結果集合左我最鍾意嘅種類😍 三文魚腩由於係魚腩位，脂肪比較多，食落真係入口即融！白身魚輕輕火炙過，少少煙熏味令到本身比較淡嘅魚有返層次。toro 同甜蝦都水準中上。但估唔到定食都有海膽，夠晒鮮味！ 跟餐白飯灑上黑芝麻，令到定食更「骨止」！ 不過白飯熱辣辣，我覺得配刺身有少少唔慣。「北海丼」有滿滿三文魚籽，蔥吞拿魚腩，海膽。夠鮮味之餘重好夠份量。蔥味啱啱好中和左吞拿魚嘅膩，送飯一流！食完重有甜品雪糕一客，超滿足。不過美中不足係想配飲品要加錢⋯午餐想要咖啡提一提神嘅上班族就要比多$20了⋯對於咖啡狂嘅我來講就爭左少少不過呢度服務好好，可以慢慢坐同傾計，刺身都出乎預料地好味！ 係可以偶而奢侈下嘅好選擇。…查看更多

有時要喺銅鑼灣消磨個零鐘，唔想行街，但又唔想去到灣仔搵cafe，就會黎coffee academics。由於位置好，所以周末經常滿座，不過好彩一個人，都可以坐到counter。今次坐喺counter seat，見到店員好熟手咁沖野飲，大家有自己既節奏，又唔會阻到對方，好似睇跳舞moves咁，都幾得意。照舊叫左杯Flat White，質素一貫的好，我鍾意咖啡有roasted味道，唔加糖，苦後回甘。鍾意黎呢度唔止係因為咖啡有水準，重要食物都好好味。宜家好多cafe食物都係港式化，反而冇咩好味既pastry / cake... 但我最鍾意呢度既Banoffee，個tart base係oreo，唔係一切就會碎嗰種，但食落好crunchy。custard唔會過甜，加上有香蕉, pecan(甚至兩條rosemary!)做topping，令到口感同flavour都多左層次。除左有時會冇位同比較嘈之外，真係冇咩缺點。…查看更多

變凍又係時候去打邊爐，本來想翻炒同區另一間火鍋…但即日訂枱已經全部滿座…好在616有位！我係第一次去，朋友食過，話記得啲牛都唔錯，身為牛魔王既我梗係躍躍欲試啦。店內係懷舊theme，坐位少少迫，櫈下有個籃仔放袋。但咁凍個個都又有褸又有頸巾，就冇位放了。全店都用Ipad落單，不過咁樣反而難啲一眼睇晒有咩食（例如同一種牛肉放左喺兩個category度)。第一次去，真係唔識啲牛既部位，好在墊枱紙係牛肉部位圖，雖然大部份都冇食過，但起碼望住叫無咁lost。唔辣既湯底只得牛骨清湯一款，但上枱飲落都冇咩牛味，反而蘿蔔味重啲。因為本身都鍾意飲湯，所以有啲失望…第一輪牛肉叫左滑尾龍、牛朴肉、匙柄、吊龍伴，呢幾樣都見到openrice推介既。呢幾種入面我地最鍾意牛朴肉，因為嫩得耐又有咬口。反而匙柄感覺好乾，同埋唔太重牛味。滑尾龍係打左隻生蛋落去，要拌勻再落鍋。食法都幾得意，會有啲蛋絲痴左喺片牛肉度，牛肉超級滑，滑到我朋友話有啲dodgy，唔知係咪落左啲咩去marinate先咁滑。第二輪叫左脖仁、牛駝峰，相對比較滿意。脖仁即係牛頸脊，自己覺得佢有肥牛既口感，但就少好多肥膏，係當晚最鍾意。牛駝峰都唔錯，但就唔係好食得出特別口感。之後重叫左牛滑，但我覺得好似點煮都好大陣生牛肉味，冇咁鍾意。因為唔想全部都係牛，另外叫左生菜、菇、同蝦滑，都係不過不失。埋單每人大約$300，唔算好貴。牛肉全部都細細碟，係可以試多幾種唔同部位，但湯底方面令人失望，牛肉亦都唔算特別好味，所以未必會再黎。…查看更多

久唔久都會去阿來食lunch，中午如果遲少少都要等位。今次竟然被領到上層坐，原來上面有多張大枱！午餐有多款選擇，我點了炒金邊粉，同埋冬陰公湯河。炒金邊粉有埋花生粉、青檸，基本野都算有齊，但今次炒得太乾身⋯同埋呢度奶茶茶底唔夠濃，有少少似飲緊西式奶茶⋯冬陰功湯底比較重椰奶，配料有多款可以㨂，麵底都可以㨂。但份量都多，女仔朋友食唔晒阿來係快食午餐既好選擇，但由於坐得比較迫，唔坐得太耐，同埋聽到晒隔尼枱聽咩，想要慢慢傾計catch up就未必啱啦…查看更多

知道利園三期新開唔少餐廳，落雨天唔想四圍行，就㨂左呢間試下。下午兩點到，都重係全部滿座，坐左陣吧枱先可以再轉去大枱。 我地要左兩個set，無㨂沙律，要左daily soup mushroom chowder。以午餐計，又唔包野飲，再加多杯咖啡，每人平均$200，算係偏貴。個周打湯無chowder嘅濃郁⋯似係vegetable stock多啲…可能我鍾意杰啲，如果加多啲薯仔再打會比較好。主菜Chicken Pasta用cream sauce，個人覺得雞肉煎得金黃，幾好味，不過就油左少少，最好可以吸一吸先…意粉係al dente，所以如果食開港式口味，就可能唔太慣啦 .Sole Fillet味道偏咸，同樣比較多油…覺得如果配返個清少少既醬會好啲…因為魚下面啲菜吸晒啲油，本來諗住食多啲菜健康啲，都唔敢食。服務方面係值得讚賞，waiter都好主動同細心。但當日由落單到上菜，都等左半個鐘…希望可以加以改善。…查看更多

以前cafe個位變左texas burger ， 招牌好醒目。lunch最怕等位，見到有得訂位，決定試試！菜單基本上都係burger或tacos加錢轉combo，就會包埋薯條，野飲，同pickle。不過就無沙律呢個option.... 兩個人各叫一款burger同taco share。Texas BBQ Beef burger，上枱牛肉夠厚，不過因為burger太高，食得有啲狼狽，最後都係用刀叉食，冇左嗰種rustic感覺哈哈!　Combo跟粗身薯條，同埋好少喺香港見到真係原條的pickle!因為香港冇咩地方特別標榜主打taco，令我相當期待。我地揀左2款味道（軟殼蟹＋手撕雞），炸軟殼蟹有唔同甜椒、蕃茄、紫洋蔥，手撕雞有avocado醬，色彩繽紛，視覺上只係好滿足。炸軟殼蟹的炸漿唔會太厚，加埋軟殼的口感豐富。手撕雞夠juicy，avocado醬令taco冇咁乾，更易入口。呢度食物唔錯，但餐廳座位唔多，如果lunch time最好訂位！…查看更多

即使開張半年，經過總會見到門外長長既人龍，周日6點喺附近睇完戲，一望之下冇人排隊，即刻試試聞名已久既天天。 可能因為係第一批就座，所以都分左張四人枱，唔需要搭枱。我地叫左：蟶子冷盤、海南雞[例]、天天石鍋雞飯、波士龍蝦、鴛鴦菜花、燉湯(花膠白肺、松草花燉雞各一)。 當晚六點已經冇晒想試既酒糟四寶，於是叫左個蟶子冷盤。但上枱同menu有少少圖文不符，結果食晒成餐飯，碟野都好似冇掂過咁。 主打既海南雞雞脾部分算嫩，但係雞胸都係唔夠滑…秘製醬汁唔算特別加分，都係點返蔥油最好。相比之下，石鍋雞飯有驚喜，好味過海南雞！唔會太油膩，雞味又冇被掩蓋。 鴛鴦菜花其實係馬拉盞炒菜，用石鍋上，夠鑊氣之餘又唔會過咸，我地覺得係全晚最好味。 本來都怕食龍蝦會搞到隻手污糟晒，但見佢標榜起晒肉，所以試下波士龍蝦。上枱果然起晒肉，龍蝦上只放左薑蔥，所以淨食唔夠味，但配上新加坡風味辣醬就夠晒野味！燉湯都算中上質素，但豬肺重有少少味，可未沖洗得夠⋯埋單$900/2人，咁既價錢重有好多選擇，亦覺得唔需要排晒隊等。…查看更多

唔想食港式西餐，要搵間decent少少既西餐食，喺呢區總算有個safe choice。 午餐時間可以訂枱，唔使等來等去又浪費左短短既lunch time。今日天氣比較凍，waiter主動送上暖水，夠細心！ Lunch set可以淨係食salad bar任食，或者加埋main course。Salad bar除左沙律，重有埋cold pasta、cold cuts (ham, cheese, etc)、焗薯、薯條、soup of the day、麵包、重有埋muffin同蛋糕。今日係carrot soup, 隱約有薑味，都好開胃。Main Course都算多選擇，有risotto, pasta, 豬,魚,鴨,牛…今日叫左個鴨胸伴baby potatoes。薯仔好有心思地切開左有少少風琴形狀，灑左調味料先焗，令到佢唔會入面唔熟或者冇味。鴨胸方面就正正常常，好似比平時買急凍鴨胸啲味好啲🤔 但覺得可以再多啲sauce..因為食最後都幾乾⋯重要連埋沙律一齊食，先無咁油膩。外藉店員好搞笑，服務好，食物都有巧思，希望可以繼續進步！…查看更多