Hiky的个人专页

某日自己行過見到呢間野，再加上朋友推薦，決定等老友生日黎試一試。我地約左6:30pm，呢間野只做一round，其實可以由5:00pm坐到10:00pm，食足5個鐘都得，一開始既刺身船，雖然預每樣人頭一片，但都有成10款8款刺身，用料冇馬虎，刺身新鮮冇腥味，正！小食蝦多士細細件，唔錯唔錯。佢個麻薯仲正，啲黑糖係包左喺麻薯個芯度，好味！雞煲，不過不失，好彩我地醒目，雞煲食到一半叫換細碟，上打邊爐，花膠湯底，飲曬啲湯就打邊爐，即時暖一暖，打邊爐啲料係任食既，7:30pm可以叫埋飽魚同肉蟹，紅白酒任飲，一路傾計坐到10點，好友傾計好地方，大力推薦！仲有，佢呢度有好多打邊爐用既醬料，好多款...仲有好多養生茶，真係唔錯！…查看更多

搵食搵到黎中環，呢間餐廳有Omakase同鐵板，我地今次揀左鐵板燒。可能我地早到，師傅只係招呼我地一台，有傾有講，非常健談，唔同大多數師傅只係掛任低頭煮完就算數。環境又舒適，喺高層，景靚，空間感夠，上菜節奏感ok，滿意既一餐，不過好似有啲唔夠飽😂😂…查看更多

喺網上見到啲人對呢間餐廳有讚冇彈，決定一試！Lunch佢只做一round，壽司15貫，食足我3個鐘，抵食！好味！其實好多地方lunch係做兩round，食太急，我好鐘意咁既節奏食，不過，當然前提係你果日係放假relax先可以坐到咁耐，下次唔知要book到幾時，一定會再黎既！…查看更多

朋友邀請我黎呢間食個omakasa，其實好耐之前我黎過呢間野，不過係食鐵板燒，果時都覺得可以既，今次係黎食日式，朋友話呢間佢當飯堂咁食，一於黎試下！一入到黎，見個師傅主動同朋友打招呼，應該都真係成日見，朋友仲開左支720，兩個人飲曬好似仲未夠喉，但再開又會太多，最後果兩杯唯有飲慢啲😅野食係唔錯既，唔知係咪“友人”關照好啲呢😂埋單仲有驚喜，比我心中價錢平一截，真抵食！…查看更多

一家三口喺附近影完親子照，喺oprnrice搜尋緊野食期間見到呢間燒肉店，㩒入去睇好似幾岩我地食，因為全家都唔食牛，去任食燒肉店我地會好蝕，得啲廉價豬肉食，呢間唔同，係散叫既，有靚豬食，又有炸雞，岩曬我地口味😛呢間野食質素唔錯，不過啲員工好奇怪，點奇怪？佢地會答非所問。不過，唔影響我地食野心情，總括黎講都係好既👍👍…查看更多

兩口子喺尖沙咀唔知食咩，諗現諗下行左黎呢間金牛苑，餐牌啲野唔平，fusion越南菜，睇圖片我地樣樣都想試下，花多眼亂，最後唔理佢啦，叫左個二人set，黎乜食咩，以為2人餐野食好少款，原來都食得飽嫁😅😅下次可以再黎過👍👍…查看更多

岩岩三五知己想搵地方坐得傾下計，呢間燒烤之前有朋友提過，決定一試，試左個酸菜烤江團魚鍋，個味好岩食，對於我地呢啲唔食得太辣既人黎講，簡直係岩岩好，佢啲燒烤樣樣都燒得好正，好好味，唔會食完好口渴，最緊要佢呢度有Hoegaarden生啤飲，正阿👍下次可以再黎❤️…查看更多

難得再一次book到Shion既午餐，仲要係Adachi San負責，真心正！食物質素我諗都唔需要再點講，呢度各位大神都應該已經將我想表達既美味描述得淋漓盡致😂師傅Adachi中途有表演一下佢既刀法，真係令我大開眼戒！佢識少少中文，有時仲會講下笑，呢餐食得好開心👍期望下一次既到訪❤️…查看更多

考試前黎嘆返個下午茶先，之前黎過，依我印象中，5:00pm呢啲時間黎應該冇乜人，食飽仲可以坐喺度溫下書都唔怕有人嘈！揀左個軟殼蟹手抓餅，配杯無糖紫薯鮮奶，手抓餅鬆脆，有少少帶醋既沙律菜俾你解膩，紫薯鮮奶比想像中大杯，下午茶黎講，我覺得咁既價錢同埋個環境黎講，確係性價比高既選擇之一，最後仲特登等到5:30pm 叫埋個pancake食埋先以靚靚心情考試，正！…查看更多

今日試左間未食過既Cafe，咖啡好細膩，好滑，杯「痴線朱古力」真係好飲到呢😋野食都好食，我地叫左餐肉，雞肉，仲有黑松露意粉。黑松露意粉啲醬汁可以完美掛住喺意粉道，黑松露味道夠，唔錯唔錯，下次要2:30黎食下午茶食佢既法式西多先👍…查看更多

同朋友行過，好耐冇黎過呢間野食啦，見佢有新餐牌，決定一試！等位等左好耐，啲員工翻枱比較慢，我地等左好耐終於見到一張4人枱客人走，張台好耐都未去執，執左又唔知點解唔叫我地入去，要我問先至俾我地入去。入到去即係叫野食，朋友揀左個全日早餐，我就揀左個無麩質窩夫，食左唔覺得有負擔😂😂野食係唔錯既，適合依家個個都話要健康既人選擇！…查看更多

行過K11，見到呢間之前想去試下既鋪頭，見有時間，決定一試。野食精緻，最出乎意料之外既係黑松露蠔仔炒蛋，非常大碟，可能收你$138 唔敢咁細碟呱😂😂 午餐追加每樣$24，細細碟，味道係唔錯既。…查看更多

朋友相約佐敦飲茶，佢話佢同朋友食過一次，相當唔錯，決定邀請我同佢食多次😆我地3個人食叫左8樣野，飽到呢。。。樣樣都好精緻，好吸睛👀，食落味道都可以，相比同區其它點心酒家，的確技勝一籌，下次仲會黎試其它野食😋…查看更多

一班朋友話想搵個地方食飯，即時醒起有朋友提過呢度有抵食海鮮餐，人頭$500唔使你諗，又可以遠離煩囂，靜靜地食呢餐飯，唔錯唔錯！個豆角豆腐係另外追加既，超正！呢個餐果個芝士龍蝦炒飯，一上台冇曬，正到一個點👍…查看更多

見有師兄師姐提過下，book左去呢間試下，Luch $880 有八折 ，份量女士還可以接受，男士可能爭啲，舍利正常，望上好鬆但又唔散，師傅好老實講尋晚剩魚款式唔多，不過海膽好明顯係有少少出口，好在唔腥，都有心既，最後問我地夠唔夠飽，整多左個手卷俾我地嘆，唯一係個茶蒸碗唔夠滑，要跟進一下。#奇怪點解得我地一檯 #包場…查看更多