ng.c.lung的个人专页

今晚上完堂放學，唔想食牛飯，見到呢間嘢，有人話出名，所以就入咗去，一坐低上咗兩杯凍豆漿，叫咗豬扒同鷄扒菜飯套餐加瀬尿蝦以及蟹粉生煎包⋯我唔飲得豆漿，但有人話係無乜糖，所以唔清楚⋯上咗個豬扒套餐，但係個包就無乜汁水，件豬扒⋯⋯咪玩啦，「乾柴」烈火咁⋯⋯好嘞，都我份鷄扒上枱，件鷄扒好多油，同埋有少少甜甜哋⋯⋯跟住，2 set 瀨尿同蟹粉生煎包上枱，件蟹粉包個味都算濃，但係個瀨尿蝦包就完全食唔到有咩味⋯⋯🙄食到咁上下，有人同我講，呢間嘢好多人排隊，但係係旅客⋯聽完之後，原來最後嗰句先係重點⋯⋯一試唔係無妨⋯⋯直情係投降🤦…查看更多

落樓返工食飯，見到意大利餐廳摺埋之後，就開咗佢⋯老婆話試吓啦⋯⋯好嘞，坐低之後，就掃碼落單，點知後嚟先上岸，隔離幾件西裝友食緊，我老婆都食緊，我都仲未有得食好啦，終於到我set鷄飯set上枱，只可以講1. 遲嚟先上岸2. 碟鷄凍嘅3. 食咁多次鷄飯，第一次食油飯食到牙較都軟埋其實，點解連一份普通嘅所謂招牌星馬鷄，可以攪到咁難食⋯⋯鷄係凍又無味（雖然而家都係冰鮮雞），飯係硬，杯奶茶⋯⋯唉🤦同埋，點解成個場啲侍應同侍應互相講普通話🤦,喂，老細，香港喎⋯⋯我無返大陸喎🙄一次就算，未試唔使嚟，唔好做人肉sever⋯⋯ 「以身試伏」…查看更多

今日阿仔去camp，又難得放假，晚餐同老婆去拍拖行吓，佢話上網見到好似幾好，就過咗嚟試吓去到門口幾有古式日本鋪頭feel,掃code 排隊等咗一陣就有位入到去坐門口，個門口啲擺設幾得意之後上咗碗栗米湯，一般啦不過不失，係嚿包糠燶咗少少影響口感，但係我仲有一啖未飲佢就收咗我嘞⋯⋯🙄之後，個豬扒吉列上枱，其實個咖喱汁同其他無乜大分別，普普通通咁亦唔算特別，塊豬扒有少少乾，偷咗小小個蛋包飯，都係一般無乜特別亦唔會似預期咁切開好治瘉咁分紅海feel, 同埋杯抹茶鮮奶好多冰，而且，唔知係咪得大約十張雙人枱趕番枱，呢頭清碟呢頭收碟⋯⋯同埋其實係咪訂咗枱先會比杯水你嘅呢🤔最後嗰句⋯⋯一次算數…查看更多

今日午餐同老婆拍拖，試新嘢⋯一坐低原來要叫人落單⋯⋯有好有唔好叫咗兩杯泰式奶茶，其實點解可以咁甜，飲慣港式真係有啲唔慣⋯⋯不過可接受之後到米卷上枱，不過上枱之後記得快啲食，否則皮貼皮一夾就散⋯🤦不過啲芒果粒幾鮮之後上綠咖喱豬頸肉飯，少少辣都幾好，不過不失最後若要拎埋The point分數記得埋單時講因為要出去門口counter 去「Do」🙄…查看更多

話說阿仔今日家長日，老婆接佢放學去開位先，瞓覺過到去眼見過場唔係好大兼坐爆，一坐低就見到一枱都係坐低之後，第一抬頭望，個天花圓頂好靚個Feel好正👍，跟手食咗蝦腸，味道一般不過不失跟手，一嘢拍咗粒燒賣入口，大粒彈牙有力，不錯之後，再嚟件叉燒菠蘿包，但係啲料幾甜，但之後再Encore熱辣辣幾正👍佢哋啲茶其實一般般，茶味唔太出不過，幾欣賞佢每張枱都有呢盤嘢，幾得意👍…查看更多

瞓醒覺出太子巴士有落，起身又未食嘢，知道佢就散水以前經過開附近都無嚟過，入去一試原來想叫蘿油但無貨⋯⋯咁就試吓蛋治熱奶茶下午茶打孖上枱，一啖奶茶入口，茶底都算厚唔「嚡」少滑蛋治塊包幾軟身厚切，蛋唔太熱入口啱啱好最後埋單42大洋⋯⋯不錯伙伴幾nice但唔知佢會唔會好似之前啲老店呢頭唔做嗰頭又嫁不過始終呢啲小店無一間少一間…查看更多

大假之一天，放學後同老婆去食飯，今日唔算係好多人排，QR code落單之後去嘟機入座⋯拎飛過後排排坐等食之後叫號拎飯，叫蔥蛋牛飯加山藥今次啲葱唔夠上次多，其實呢個飯幾好食加埋啲蔥正呀⋯但係個汁就爭啲啦⋯⋯唔識講總之唔得啦⋯⋯加番普通汁會正啲⋯⋯個菜加咗少少麻油咁，最正竟然係佢👍👍👍👍👍究竟係頭都大埋定頭大身細呢🤔🤔🤔🤣🤣🤣🤣🤣🤣…查看更多

今日同小朋友上完堂，去咗呢度試新嘢⋯⋯去到都8點幾鐘，坐低之後見到要自己do code,但係個code就⋯⋯🙄Do 咗一大輪先入到去點餐，之後嘢食上枱，拉麵上枱，個汁煲到好好好滾⋯⋯麫身不俗，不過塊肉就一般，個餃子一般啦⋯而家好多食店都好興do完要比埋$，不過唔係所有客受囉⋯⋯好啦，之後上巴士返屋企個段路就G G嘞，啲胃氣好似大肚婆嘔仔咁，最終落車頂唔住要死埋一邊⋯⋯嘔番啲麪，獲利回吐，相信都係啲汁肥得滯⋯⋯以後咪預我🙄…查看更多

見到友人嚟過，老婆話去試吓坐低叫咗麫同小食首先上杯凍奶茶少甜少冰之後豬扒蛋麪上枱，豬扒算係厚身，但唔乾柴，仲有少少汁幾好⋯隻蛋仲有蛋汁⋯正之後潤蛋麫上枱，潤身算厚，但唔乾幾爽身唔粉⋯正炸菱魚球淡淡魚味大大粒⋯⋯但個蜆介醬水咗啲同淡咗小小，濃厚番啲會更升華唯一想到⋯其實會唔會好耐之前係自家製麵，若果係而而家仲保留到嘅話就更加正⋯⋯…查看更多

星期五晚，上堂過後，約埋食飯有同學仔book 咗8位，入到鋪頭一陣焦香坐低窗旁，先飲為敬菊花茶落淡淡香，飲落味適中唔太濃👍品茗過後，先上一碟清藕，點點醬味香不太辣再嚟上過䱽魚一夜干，味不太鹹，微鮮跟住主角上枱⋯⋯史上最殘忍嘅飯食⋯⋯“煲⋯仔⋯飯”伙記介紹食腸前要飲茶清舌，試吓啲腸香，鴨稱為「麻鴨」無咁肥同油，但唔乾，幾好👍跟手上埋個滑鷄殘忍飯⋯⋯「殭屍」味濃濃鷄件滑，不俗⋯⋯👍加埋個黃金蝦，淡黃香而不油，好嚐過滿腹，上個經典反沙芋，可能未到時節，爽爽的最後，送上桃膠一份，清涼潤甜⋯⋯👍介紹番條腸⋯⋯唔飲酒嘅我，唔知茅台係咩味⋯⋯但香味唔太濃，👍👍👍…查看更多

同家人去食buffet,餐飲可凍可熱，仲未咳完所以飲熱佢有分奶茶同港式奶茶，咁同老婆叫咗一凍一熱（但以份量計早知叫普通奶茶，起碼成壺上扺啲⋯⋯🙄🙄🙄）奶茶上枱，色水幾實，一啖入口，起碼唔「𠲵」先茶味唔太濃，攪勻之後入口，茶味好出⋯👍👍👍當我到食完成餐飯之後都已經放咗超過粒半鐘，乜都凍晒，但係飲落茶味仲超出想像咁有茶味，暫時佢都係凍咗飲仲咁有茶味嘅一杯奶茶👍👍👍👍十分會比九分佢…查看更多

今日同完小朋友買樂器（真係好X貴，所以叫佢哋小心handle),之後行咗過去食dinner buffet,唔知係咪走咗七份之一香港人，故本來兩輪都變咗一輪（6-10 pm）結婚之後嚟過一次慶祝anniversary之後都好好好多年都無嚟過（嗰陣仲叫做intercontinental)今次再嚟已經係同小朋友嚟坐低咗之後，已經幫我serve咗件樂器放好咗，幾周到👍，坐低個view不俗枱面亦見簡潔（唔知係好定壞？）入座時間已經有人食事中，首先出去拎碟草食吓先，啲草新鮮度一般啦，不過不失但係隻麪包都幾多膏，抵比👍👍👍但係，當你食完個蓋要食佢個身而有發現成張枱無樣嘢可以幫到你去開個身去食其實都幾⋯⋯⋯🤦好嘞，到芝士龍蝦上枱，當然熱食就芝士味少少濃，但放耐少少就已經無乜芝士同蝦味（不過有一樣嘢係就算凍咗都幾濃厚⋯想知睇埋下一個post啦）好嘞，之後到鵝肝上枱，香味一般，但幾肥美得有少少「漏」最多一兩嚿起三四嚿止嗰隻海參幾得手爽口汁醬恰當是日兔仔甜品配合復活蛋個朱古力mouse 味幾濃不過，食完成餐，始終覺得同之前比相對上無咁好，心理上亦覺得只係食個名同景，唔係好值咁嘅價位⋯不過一次算啦⋯⋯🙄🙄…查看更多

同小朋友拎件樂器去整（小朋友啲樂器真係叫佢哋要小心handle),之後去咗附近食個下午茶先，之後再出發其他行程坐低叫咗個下午茶加奶茶，佢嘅凍奶茶飲得多，熱奶茶好少叫一杯上枱，茶色一般差唔多，一啖入口，水溫少少熱，無乜茶味，攪勻再試，茶味出得一般，唔算太濃，加咗練奶但好似比甜冚過咗啲茶味10分比7分…查看更多

今晚阿仔學校晚會，之後同埋最Friend 嘅同學仔一齊去食晚飯，例牌去太子呢間自從中咗二次原之後，咳已經踏入三星期，繼續飲熱嘢，叫完飯餐以前會叫凍檸茶，今晚叫熱奶茶一試一上枱，茶色少少濃，一啖入口⋯⋯以為嚟咗杯茶色廿四味⋯⋯攪匀比多次機會⋯茶味好淡同𠲵口（可能係晚市尾近8點）⋯加埋糖之後⋯唔甜⋯無乜茶味一句講晒⋯⋯唔好飲飲到最尾，好似佢咁嘅樣…查看更多

一家人食晏，近近哋屋企樓下食算，三份午餐上枱再嚟杯奶茶上枱色水同其他差唔多，聞落無乜奶味亦無乜茶香，一啖入口，奶味淡，無乜茶味，水溫尚可，攪勻再賞，茶味唔出亦無乜，奶味偏淡，唔知係咪西式餐廳茶包之過⋯⋯呢杯茶，無乜茶味無乜奶味…查看更多