Whelanc的個人專頁

過完聖誕又到元旦之後又到農曆新年呢啲日子都係食好多肥膩嘢搞到身體唔健康，所以都要食返啲健康啲嘅食物等自己減少罪惡感，但係食得健康之餘亦都要顧及自己個胃，都要揀啲好食嘅嘢，今次介紹嘅就係位於上環近上環街市嘅poking ▪️ Thai Good Guy：當中配料包括雞扒，鮮蝦，菠蘿同甘筍等等，再配合唔同嘅飯底，而我今次就揀咗壽司飯，鮮蝦咬落仍然爽脆而雞扒鬆軟彈牙，雖然我外賣到返屋企將近1小時，但仍然保持到鮮味，相信下次堂食味道會更鮮甜美味指數:🌟🌟🌟🌟🌟▪️ 芒果希臘乳酪特飲：有好濃嘅芒果味，加上好健康嘅乳酪飲完之後個人覺得身心舒暢，亦都放鬆咗唔少美味指數:🌟🌟🌟🌟🌟…查看更多

隨住更多薄餅店為咗迎合香港人口味而變成香港薄餅，正宗傳統意大利pizza就賣少見少，但最近係社交平台見到係original Roman pizza, 仲要係由意大利人主理，所以就想去尖沙咀店食下傳統意大利薄餅！去到更發現有好多唔同口味，仲有素菜pizza，非常貼心！▪️ Carbonara：呢個係有黑胡椒發豬臉頰肉既薄餅，肉有咬口以及新鮮有肉汁，餅底薄而脆，100%係傳統意大利口味！美味指數:🌟🌟🌟🌟🌟▪️ Crostino：餅底都係又薄又脆十分香口，而配料有意大利火腿，更加有意大利風味美味指數:🌟🌟🌟🌟🌟▪️ Nutella：用上朱古力醬Nutella嘅甜薄餅做dessert，感覺好特別，就好似食緊奶醬多咁，但係層次更加豐富美味指數:🌟🌟🌟🌟🌟…查看更多

今年冇去到台灣旅行，唯有搵間台式餐廳食飯補償吓自己個胃，行完尖沙咀喺Google Maps同埋OpenRice睇吓附近有咩台灣餐廳，發現喺The One商場有間小胖便當，所以就上咗樓食，結果好有驚喜▪️ 士林鹽酥大雞腿便當：侍應親自送餐到我面前，一睇見到好大大隻嘅雞腿，見到皮炸到非常鬆脆，而食落口肉質仍然係細嫩多汁同好滑溜美味指數:🌟🌟🌟🌟🌟▪️ 夜市炸魷魚：份量非常十足填滿整個碗仔，炸粉唔厚但係表皮酥脆鬆化，咬落內在厚實食到魷魚嘅爽口，而且非常Q彈美味指數:🌟🌟🌟🌟，▪️ 熱柑橘檸檬：呢杯可能係去過咁多餐廳飲過最好飲嘅柑橘檸檬，好濃嘅檸檬汁開胃醒神美味指數:🌟🌟🌟🌟🌟今次仲download 埋app登記成為小胖會員，之後去食就可以享有更多嘅優惠，而且越食得多獎勵亦會更多，食完儲分可以喺app度換領電子優惠券，依家仲有迎新優惠，可以免費有一客鹽酥雞小食，又有升級優惠 $20現金券，如果大家有興趣食都可以先download app先登記做會員！…查看更多

秋冬除咗最受歡迎嘅邊爐之外，仲係松葉蟹當造嘅季節！日式丼物專家丼丼屋由即日起至1 月 21 日就推出全新松葉蟹系列餐目，兩款主打丼飯「松葉蟹丼」同「松葉蟹土鍋飯」只需$98 起，仲有多款松葉蟹單品同埋新推出嘅「松葉蟹吉列玉子」同甜品「灸燒焦糖芝士蛋糕」 。松葉蟹貴為日本三大名蟹之一，特色在於其細長嘅蟹腳同豐滿嘅蟹肉，肉質緊實且充滿甜味，今次我哋就試咗「松葉蟹土鍋飯」，上枱之後要再喺土鍋慢煮多15分鐘，松葉蟹加上高湯同香濃米飯，配埋蟹膏同三文魚籽，每啖都充滿濃郁嘅鮮味，絕對係物超所值。凡惠顧松葉蟹丼、松葉蟹土鍋飯或主餐目上任何海鮮丼，即可額外追加「松葉蟹鉗」、「松葉蟹腳肉」同「松葉蟹肉」…查看更多

唔好睇個名叫小魚兒就以為只係一間食魚嘅專門店，佢哋除咗有水煮魚鍋同酸菜魚鍋之外，仲有鴨血鍋都一樣惹味十足，下次約多啲人一定要試埋水煮魚！▪️ 毛血旺鍋：超過100分嘅辣鍋，仲一次滿足幾個願望，入面嘅火鍋料包含水魷魚，鴨血，同埋牛柏葉，而且仲有粗寬粉，再加上其他小食就已經吃到飽飽，最緊要係非常好食，鴨血亦非常新鮮！美味指數:🌟🌟🌟🌟🌟▪️ 新鮮元貝：原隻新鮮元貝放落辣鍋之後彈牙爽口，肉質實淨，肯定非常新鮮…查看更多

講起食避風塘炒蟹，一定係去最出名嘅銅鑼灣喜記，同朋友去食，可以叫多d唔同嘅菜式，點咗好多唔同種類嘅小菜，其中避風塘炒爛蟹，當然係必叫之選，另外都叫咗其他海鮮同埋炒小菜都一樣有驚喜咁好味！▪️ 招牌避風塘炒辣蟹：其中有啲朋友唔食得辣，所以嗌咗個小辣，但係食咗小小之後就算唔食得辣嘅朋友都一試愛上仲想加辣，呢個炒辣蟹十分惹味，而且淡淡都係蟹肉非常新鮮！美味指數:🌟🌟🌟🌟🌟▪️ 椒鹽瀨尿蝦：雖然知道瀨尿蝦嘅肉唔算好多，但係都想食呢個菜式，椒鹽味道一流，好味到就連蝦殼都食埋！美味指數:🌟🌟🌟🌟🌟▪️ 蒜蓉蒸蟶子皇：蒜蓉蒸嘅味道好鮮甜，蟶子嘅生熟程度掌握得啱啱好，亦都冇縮水好細隻，咬落去非常爽口，唔會好韌！美味指數:🌟🌟🌟🌟🌟…查看更多

同屋企人提前食冬至飯，行完啟德airside覺得冇乜啱心水中菜餐館，於是就行去附近九龍城嘅富寶會私房菜，最近好高人氣，所以即刻打電話訂定台同預留海鮮同屋企人食餐好！記得海鮮最緊要預訂，咁樣會揀啲更加好嘅材料，而且鍾意打麻雀嘅朋友亦都會有驚喜！可以早啲到達同雀友切磋完先食飯！▪️ 西芹炒花枝片象拔蚌必食推介，花枝片炒得爽口唔會好靭，另外象拔蚌都炒得好有口感，而且好大條唔會縮晒水，西芹仍然好juicy美味指數:🌟🌟🌟🌟🌟 ▪️沙薑鳳瓜，沙薑沙配製得好好，而且鳳爪原隻雞腳，可以食到雞腳筋同埋雞腳踭軟骨位置美味指數:🌟🌟🌟🌟🌟📍 九龍城侯王道28號1至2樓…查看更多

位於厚福街H8大廈頂樓，淨係景觀都已經剎食，再加上日式師傅處理，用料亦都係新鮮嘅雞肉，所以絕對值得去食，但係建議要預先訂枱，因為星期五六都非常多人▪️ 梵師傅精選：order咗一個omakase set, 師傅自己揀選10串串燒，set另外再有雞湯素麵，基本上去到第六串已經感覺飽肚，再食多兩串就已經非常飽嘅感覺，特別係雞翼師傅燒得非常香口，但係又保持雞肉嘅鮮嫩，而且秋葵亦都係非常好食，所以絕對冇得挑剔！美味指數:🌟🌟🌟🌟🌟…查看更多

隨住時代變遷不停前進既香港，高樓大重建，舊式樓宇及茶室賣少見少，位於上環既六安居係少數剩低既懷舊茶室，仍然沿用手推點心車，有70，80年代嘅味道▪️燒鵝瀨粉：新式茶樓已經好少食到瀨粉，係餐牌上搵到算係奇蹟，加上瀨粉熟度掌握好，唔會太腍，燒鵝皮脆肉滑美味指數:🌟🌟🌟🌟🌟▪️蘿蔔糕：即叫即煎，用料十足，但應該要求姐姐再煎香脆啲美味指數:🌟🌟🌟🌟▪️ 馬拉糕：非常鬆軟熱辣辣新鮮蒸出，絕無挑剔之處美味指數:🌟🌟🌟🌟🌟…查看更多

▪️黑松露芝士牛堡：牛肉上面蓋上大量黑松露醬，入口香濃，芝士亦好好食，薯條係粗薯，香脆又有咬口美味指數:🌟🌟🌟🌟🌟📍 嘉寶漢堡 (和益中心) (尖沙咀)尖沙咀寶勒巷9-11號和益中心地舖#foodiekyc #foodie #foodiegram #foodiegirl #hkfood #hkfoodblogger #hkfoodie #hkig #相機食先 #米豬連 #米芝蓮 #美味しい #香港料理 #食べログ #晚市 …查看更多

▪️醬油蟹：100分！醬油好香，亦有蟹羔，融合埋一齊非常好味，而且都算有肉，所以配埋個紫菜飯非常好食，絕對冇挑剔嘅地方美味指數:🌟🌟🌟🌟🌟▪️五花腩牛肋骨套餐：叫咗個2-3人份量嘅套餐，當中包括有五花腩，豬肩肉同牛肋骨，店員會幫手燒肉，唔使自己落手落腳或者驚燒得唔好食，所以出嚟效果一流美味指數:🌟🌟🌟🌟🌟▪️帶子：燒完食落好爽口同埋肉汁都好豐富，係非常新鮮嘅帶子，如果再多啲就滿足感大啲美味指數:🌟🌟🌟🌟…查看更多

距離香港大學唔遠，以及鄰近中上環寫字樓，都係放lunch或者夜晚放工放學後happy hour嘅好去處，lunch set可以叫餸食飯，夜晚就可以食燒烤串燒飲啤酒，而且佢哋嘅辣嘅程度有唔同程度選擇適合香港人同埋食得辣嘅內地朋友▪️小炒鵝腸：完全超乎想像，鵝腸好有咬口唔會太腍，爽口得來又少少煙靭，而且份量十足，加個白飯真係一流美味指數:🌟🌟🌟🌟🌟▪️開胃鳳爪：個名叫鳳爪，目的就真係要你開胃，辣味十足，俾人好醒神嘅感覺，最大驚喜係除咗鳳爪，跟碟仲會俾埋膝蓋位置就好似滷水雞軟骨一樣美味指數:🌟🌟🌟🌟▪️紅糖發糕：之前未接觸或者未聽過，第一次食呢個甜品，賣相似馬拉糕，但係味道有啲驚喜，唔算好甜有紅棗嘅味道而質地就是馬拉糕美味指數:🌟🌟🌟🌟🌟…查看更多

今日扮文青去K11行下IKEA 同睇下衫，行到一間傢俬店發現隱藏左幾間餐廳，其中一間店外有好多人排隊，所以都跟住試吓，原來係日式慢煮▪️慢煮熟成牛肉+蕃茄醬洋蔥意粉+生雞蛋黃：上餐賣相一流，生蛋黃做topping再用一堆熟成牛肉鋪係意粉上面，而我第一時間先揀一片牛肉，熟度絕對岩岩好，而家有少少鹽食落好開胃，之後再用蛋黃拌勻意粉，成件事prefect match! 下次去K11 encore!!美味指數:🌟🌟🌟🌟🌟…查看更多

知道紅磡同土瓜灣區舊區重建將會有好多舊舖拆掉或者關閉，最近多咗去嗰邊食飯，今次一個人選擇去買串燒返屋企睇住電視慢慢食，由川味香到返屋企嘅時間唔算好耐，返到屋企打開外賣仍然熱辣辣，而且仲有好濃嘅辣味▪️炸大腸，：當日嗌過嘅串燒最出色嘅一款，辣粉滲入左每個豬腸入邊嘅核心，咬落去相當惹味，而且大腸炸得外脆內軟，絕對超乎我嘅味覺美味指數:🌟🌟🌟🌟🌟▪️雞皮：同樣非常出色，外賣回家仍然脆卜卜，每塊皮都食到香脆同埋辣味美味指數:🌟🌟🌟🌟🌟▪️雞軟骨：相比其他串燒，雞軟骨認為比較多肥肉，所以唔算10分香脆美味指數:🌟🌟🌟🌟▪️司華力腸：腸好大條好粗，但係食到腸嘅中心仍然係熱辣辣，所以非常滿意美味指數:🌟🌟🌟🌟🌟…查看更多

經常聽到朋友去韓國旅行一定會食炸雞飲啤酒，但係尖沙咀都有個小韓國，短短一條街已經林立10多間韓國餐廳，如果想食由韓國人親自主理，正宗炸雞就留意下低地址唔好去錯！而且呢度d坐位非常寛敞以及整潔，絕對適合一家大細以及朋友聚會！▪️ 招牌芝士炸雞：雞肉仍然相當嫩滑，完全超乎我預期，Meun上有8款不同口味嘅炸雞，希望日後可以全部食晒美味指數:🌟🌟🌟🌟🌟▪️ 香辣雞肉芝士石頭飯：有6款石頭飯選擇，比起炸雞我更加鍾意呢度嘅石頭飯，什至係比以往食過嘅煲仔飯或石鍋飯更出色，因為低部整個鍋都係我最喜歡食嘅飯蕉，食落香口卜卜脆但冇燶飯，所以係必食！美味指數:🌟🌟🌟🌟🌟…查看更多