happyfoodtasting的個人專頁

木桶養生火鍋見到個名就想試一試佢，到去餐廳睇介紹，原本木桶係經特別設計，湯底會經過d窿窿不停咁過濾，唔會驚到個湯底變濁，連湯都飲得，唔洗驚好油膩，窩心既木桶呀~ 今次就叫左個招牌湯底厚花膠鮑魚螺頭藥膳雞鍋，個湯底真係甜，大大隻鮑魚再加半隻雞，足料~ 配料新鮮而且都係心思野，有自家製風味炸魚皮，有好多口味選擇，難以選擇，所以貪心既我就叫左雙拼，分別係新加坡炸魚皮(咸蛋味)，特色炸魚皮(釀魚肉)，偏向硬身小小既口感，但浸湯真係無得輸吸收哂D精華，好味，我就比較鐘意釀魚肉炸魚皮，軟軟脆脆幾過癮。自家製仲有手打五寶丸，印象深刻就係個蝦丸好彈牙! 本地手切肥牛，的確新鮮，最後又點少得蔬菜，食哩D湯底蔬菜係必需的，甜上加甜，可謂大滿足~總括而言，我覺得係幾特別既火鍋體驗，食物質素係有保證，新鮮食材，可以一試﹗…查看更多

市面上越黎越多食海鮮既食肆，因為海鮮既菜式真係永遠都咁吸引人，不過普遍要食海鮮大家都會諗起酒樓或者火鍋店，而且價錢都唔平。而淥易搞哩間餐廳,為我地帶黎平民價海鮮，連龍蝦都有得食，重點係仲要用新方式黎煮海鮮，Shake Shake 薯條就食得多，Shake Shake海鮮你又試過未呢？ 對於我來講的確新奇，淥完既海鮮，用秘製醬汁調味，開頭會驚唔夠味，但完全唔會仲好惹味。 而且餐廳好貼心仲要有圍裙同手套供應。店員仲會係你面前烹調，睇到都流口水非常足料,成袋都滿哂，好入味，今次我就揀左青檸汁，因為感覺上青檸同海鮮好夾，酸酸地辣辣地，咁岩個日冇龍蝦，唔係一定會叫，今次就叫左鮑魚、象拔蚌、基圍蝦、大蜆，以價錢唔貴黎講，質素都高喔！新鮮爽口而且我覺得一定要叫蔬菜，吸收哂d醬汁同埋海鮮味，好味～間中搞搞新意思，食都食開心d …查看更多

係哩間餐廳食飯，仿如係一架行走緊既火車既車廂裡面食晚餐咁，而且餐牌都有特別設計，成個感覺好似脫離左香港既生活，去左火車旅行咁，同朋友傾計傾得特別舒服，有一種好RELAX既感覺，好嘆好享受，而且不得不讚餐廳既野食真係正，有心思！墨西哥辣肉醬粟米片配酸忌廉牛油果醬我好鐘意哩個菜色，首先賣相好靚，而且味道同口感好好，啖啖都係肉醬，唔會太咸，如果牛油果醬再多D就好啦~1855極黑安格斯肉眼扒不得了~ 好大塊牛扒呀，粉嫩而且好juicy，配埋青醬幫助消除肥膩感，味道都好夾，烤波特菇雖然只經簡單調味但佢又厚又多汁，都好好味喔~好滿意！泰式軟殼蟹羅勒葉墨魚麵出乎意料之外，我以為會係一個酸酸辣辣既意粉，但原來係火辣辣既意粉，今次真係辣得好過癮呀，鐘意食辣既你一定會鐘意，係經典蕃茄羅勒意粉，加入泰式原素同埋香脆軟殼蟹，幾清新不錯喔~期間限定甜品好特別既一個甜品，味道好豐富，柚子泡沫包住左一個焦糖雪糕，再加上一D麵豉做配搭，聽落好奇怪但係食落都幾得意，仲有蛋白脆餅，甜酸咸開味道你都可以係哩個甜品入面搵到，我個人黎講好欣賞哩個甜品，好有心思，出面一定搵唔到~推介 Uji Matcha Latte 好好飲！！食物環境都高質既餐廳，值得一試喔…查看更多

市場上有唔同品牌既韓國燒肉，各有特色，而今次食既哩間就係用熨斗做賣點，係駐入韓國古法烤肉既原素，用熨斗既重量黎鎖住肉汁燒得更均衡，而且仲可以用黎烤一D容易捲起既食材，真係夠哂特別。而我今次就叫左一個SUPER MR.IRON SET  所有前菜都可以無限refill有泡菜、青瓜、芽菜 。爐邊蛋漿同芝士粟米，仲有生菜都係一樣可以無限refill。而我今次就叫左一個SUPER MR.IRON SET。拼盤黎到啦~~ 有靚牛有靚牛，新鮮!! 但我地望住佢地竟然係無從入手，唔知點燒佢地好，哩個時候侍應就出場，真係要值得一讚既係服務態度好好，會教你點燒同埋都係會幫你燒埋，真係加哂分!M5肉眼排，用熨斗壓住黎燒，真係"寧舍唔同"，好快熟透之餘，真係會JUICY D! 一D都唔韌，啖啖肉。而我係幾鐘意佢既豬皮，外脆內軟又惹味，加埋泡菜一齊食好正! 耐冇食5花腩都覺得好正，佢唔會令到你有種油膩到唔想食既感覺，咸咸地咁，不錯喔~ 雪花牛肉都好正， 開頭以為份量唔夠，但真係啖啖肉既關係都真係食到好滿足。整體黎講，真係幾唔錯，可以一試! LIKE佢地facebook page 仲有野飲送tim ar!! …查看更多

心思小店，雖然食物簡單，但就令人有份親切感，自家製雲吞皮薄餡靚、貼心既涼茶、惹味既小食，食完有種開心滿足既感覺檸辣撈雲吞好欣賞亦好推薦大家食，有種泰式既感覺，夏天食真係無得輸，秘製醬汁加入檸檬，好夾，檸檬味唔會搞到好苦澀，同埋唔會好辣，辣得黎帶點酸，加埋d青瓜絲，好特別好好味！涼拌手撕雞好大碟好足料，而且好入味，每一樣材料都佔滿醬汁，好惹味，雞絲唔會似柴，醬汁帶麻辣既感覺，正！今天特製雲吞粟米雲吞，大大粒，餡料好豐富，粟米甜甜的，好juicy! 而且皮一d都唔厚，很不錯喔～麻辣腩肉唔會好肥膩，滷得好入味，不過就鹹咗少少，但係都好唔錯，食到一件不漏！鹹檸特飲，飲完真係有種下火既感覺，食完辣野飲真係好爽 野食平均都係30蚊，平靚正！而且真係花心思係食物上令客人食得開心健康，值得支持既小店～…查看更多

頭啖湯都算係一間比較深藏不露既餐廳，看似簡約但就充滿驚喜，價錢親民唔貴，材料新鮮，而且我係沖住佢頭啖湯哩個名黎，唔知湯底有幾正呢? 其實 打邊爐湯底真係精髓，湯底好加哂分。滋潤椰子雞煲(半雞)講真比起出面既火鍋，哩到既湯底真係足料好多，而出面大多數都係得個湯一d料都冇，但哩到既見到都莫名其妙地開心左出黎，而且當湯底開始滾時，有陣陣椰子香味撲鼻而來，雖然佢哩到唔係用椰水做底而係已經煲好既椰子雞湯，但係都係好清甜，而且雞係好嫩，很不錯喔~ 而材料真係要讚讚，所有材料都十分之新鮮，絕對唔係HEA你，而且價錢合理，有安格斯肥牛、珊瑚蚌同桂花蚌、蝦滑、芝士竹輪，而且竟然仲有雨衣金蘭，我order左好多菜，因為D菜吸收哂湯既雞油同精華，好甜真係食唔停。 每一樣材料我都好鐘意而且仲有大大杯乳酸飲品，同埋招牌原盅燉湯，真係大滿足~好想食埋個麵包蟹鮮茄鍋呀！！…查看更多

大園都算係一個多好野食既地方，聚集左唔少好餐廳，而係OP睇食評見到大圍有間好評既西班牙酒吧餐廳，所以就去食下啦~假日下晏兩點去到餐廳都仲係滿座，足以證明風車都幾受歡迎，但一入到去就有bad news啦! 牛排竟然售罄，真係好傷心。咁我就揀左一個風車鑊仔早餐，有牛油多士配黑松露炒蛋，不錯喔！仲有香烤蕃茄，說真的我好討厭車厘茄，但哩到調味令我冇咁抗拒佢！係一個好嘆既下晏，而且出面食All Day Breakfast 價錢都唔平 ，而哩到只係81就有交易而且午餐係唔收加一,仲有湯或沙律+飲品。紅酒燴牛尾配薯菜 for your reference 📸 我諗真係要再戰佢地既晚餐試下佢既牛排，晚餐應該會更正…查看更多

第一次食慢煮工業就是係尖沙咀小食亭The Deil，專門食三文治類，而主打既係慢煮安格斯牛排三文治！的確係好味的，牛排好juicy,蛋又好厚好足料而且價錢唔貴，好抵食！今次就試下佢餐廳版本The Hangout， 我覺得d海鮮類就不過不失麻麻地，芝士排包可以喔，不過半份就夠哂啦，芝味濃，不過好易溜～黑松露薯條，係蕃薯條，好過癮會食唔停，但令我最驚喜係佢有威靈頓牛扒而且只係$188，雖然酥皮唔夠鬆化，但係牛排真係好腍一啲都唔un，好粉嫩而且好重菇味！鐘意菇既朋友會愛上，可以以哩個價錢食到，我覺得真係值得一試！餐廳平均百幾蚊到就可以食到慢煮牛排！好唔錯…查看更多

聽聞大埔有一間湯底唔落味精既車仔麵店，湯底係由自己親自新鮮熬制，而家食物選擇多港味濃，有碗仔翅、腸粉燒賣、沙嗲牛柏葉，魷魚、粥、芝士撈麵，真係搞到頭都大埋唔知食邊款好，最緊要既係就連車仔麵既配料都有排你揀!我叫左一碗辣咖哩魚蛋豬軟骨鮑汁鳳爪米粉，哩3款餸都好入味而且份量都唔少,魚蛋係我最愛既陳皮魚蛋再加個秘製辣汁，好HK style,豬軟骨啖啖肉，鮑汁鳳爪就算浸左湯都唔會分薄左佢嘅味道，好入味一啜d骨就甩哂！而且佢嘅米粉係爽口唔係平時鞋颯颯個隻，唔錯喔！另一碗係蘿白鮑片貢丸米線比較清淡先試到佢個湯底，湯底帶d甜味，蘿白係好好味，超甜的！本土小店當然要支持下，由其是由細食到大既風味～…查看更多

有時候打開Openrice都會見到哩間餐廳既縱影，每一次見到碗招牌豬排飯都令我垂涎，即使看似簡單但足以令人很滿足，夠竟哩間讀餐廳有咩魔力呢~ 走到入面有種懷舊既感覺，而且遠遠就見到有人龍要排隊，人來人往，餐廳沒有空置既一刻，總是滿座，越令人期待~二話不說我就叫左個招牌豬排飯加滑蛋，而朋友就叫左個豬軟骨撈麵，再叫多左個芝麻雞翼 招牌豬排飯濃濃既肉燥汁 帶小小甜 而且有腩肉係入面，但食落唔油唔膩，而滑蛋無調味，但加埋肉燥汁，實在係撈飯一流好好味，真係食得好ENJOY，就係個賣相都贏左! 而且個豬排真係不得了，炸至金黃色而且同個碗一樣咁大，份量多，好鬆唔會硬掘掘唔會乾係JUICY既，而且味道岩岩好唔會好咸。沖繩豬軟骨撈幼麵加+滷水蛋我都淺嚐左朋友小小，豬軟骨炆到好鬆軟，有豐富既骨膠原嘴巴都食到黏黏的，滷得到好入味，蓮藕同蘿蔔都好甜，而且原來配幼麵，都有另一番風味，撈埋D肉燥汁一齊食，正~芝麻雞翼炸到好脆，但入面既肉汁一咬即流，香口野惹人愛!豬排唔一定要食吉列，普通既煮味都可以好好味， 而且只這個價錢可以有水準有心思既豬排飯，實在難求，我諗以後除左一哥焗豬排飯深得我心之外，炊豕店 !…查看更多

小時候大喜屋話係放題界既尖子，但林林種種既新型放題越出越多，係連大喜屋 都有分極尚大喜屋 同 殿大喜屋，一個比一個高級，都叫人選擇困難。仲記得有一年生日係到慶祝仲有煙花蠟燭，食得非常開心。今次重遊舊地，絕對唔比之前差，雖然裝修都已經唔同哂，但係食物質素依然好好！刺身方面有厚切三文魚，仲有劍魚腩同松葉蟹腳佢既壽司種類選擇比較多，得係飯既份量都係細細粒一係啖食落肚既size，唔會驚好快就頂住個胃，又精緻。海膽手卷人仔細細海膽滿滿，幸福感up,所有刺身食材新鮮講到串燒我最愛燒翠肉瓜，重口味咸得岩岩好，鐘意食翠玉瓜既你一定鐘意～沙嗲雞肉串，啖啖肉而且肉嫩。天婦羅夠炸物都係熱辣辣。 一品料理全部都好唔錯，香辣魔鬼珍寶蝦，真係又大隻又爽，而且醬汁好惹味，堅辣！蒜片牛柳粒juice我叫左兩轉仲有個薄切燒牛肉，唔錯喔甜品又係重要一環，有好有多少甜品比你選擇，每人仲包一杯雪糕，有MilkTop 同 Haagen-Dazs比你揀，我就叫左MilkTop既紫薯味，奶味好濃郁香滑，紫薯味都濃濃的，…查看更多

台灣菜真係吃不厭，不論係飲品定係菜色都好吸引。 得知銅鑼灣有間人氣店「古早味」，就想試下，中式裝修幾別緻。再打開個美輪美奐既菜單，種類多不勝數，見到款款都好想食，台灣大大小小既美食都差不多有齊，就連打邊爐都有。今次就冇食到d招牌菜，牛肉麵ar魯肉飯ar，因為見到太多特色新野，好想換換口味~五味雞雖然只係靠醬汁黎調味，但係肉一d都唔"鞋"，唔會好奇怪，而且同醬汁都好夾，幾特別。宜蘭卜肉一上枱 哇! 左聲，份量咁多既，粉漿唔會好厚食到啖啖都係肉，唔會好韌，鬆化。有d似小學小食部既麥樂雞(90年代)既口感，回憶呀~五味透抽係好爽既鮮魷加上秘制醬汁，底仲有芽菜，爽口彈牙酸酸辣辣咁。海鮮粉絲煲我個人係幾鐘意哩味菜，雖然簡簡單單，但係好夠鑊氣，好有係台灣夜市食大排檔 現抄FEEL,又夠重口味，正综合芋圓大大粒既芋圓， 煙煙韌韌，唔係一舊粉，好有口感QQ的，再加上仙草、紅豆、珍珠 刨冰底，唔會好甜岩岩好，仲透心涼，好好味!連台式飲品都有好多選擇，叫左杯奶蓋烏龍茶，好CREAMY茶味重，唔錯喔!堅抵食既台灣菜，佢會一次過滿足你好多願望，可以試下~…查看更多

粥底火鍋套餐 有7款新鮮海鮮再加5款自選食材。D海鮮真係非常生猛，有蟹﹑青口﹑魚﹑蝦﹑鮑魚﹑蜆﹑蟶子。海鮮上到枱仲郁緊，除左有生蝦咁跳之外，連魚都仲會郁，證明到食材有誠意，又足料。一切由清粥水開始，利用海鮮令粥更鮮更甜，其實我好怕食魚，但係佢哩到既魚因為好新鮮，所以一D都唔腥而且仲啖啖肉肥美。而且所有海鮮都好鮮甜。如果蜆大粒番小小就Perfect啦! 配料我覺得份量可以再多番d，而家食到好唔夠候，所以我地叫左蝦滑同手打四寶丸，不得不提真係幾出色，彈牙好味過平時食開個D，而且我覺得花膠仔是必點的，吸哂湯既精華。最後再加入南瓜 粟米 芋頭粒落粥底到 好綿呀~~ 仲有提供唔同配菜比你送粥，而我就最鐘意炸豬油渣粒粒，又脆又香。整體黎講，漁民火鍋食材新鮮，服務好，有誠意之選…查看更多

聽聞大埔有間出名既拉麵，仲要係大埔必食之選，咁又點可以放過呢~門口同鋪入面既裝修都仿如置身係日本咁，好有去左日本拉麵屋既感覺，座無虛席，令我更期待佢既野食。而且選擇好多，唔止得拉麵，仲有串燒，章魚燒，御好燒，關東煮，玉子燒而且重點黎啦，一鳴竟然有香菜味拉麵 OMG! 我係芫茜控，十級愛芫茜，我一見到二話不說就決定要叫佢。但我朋友竟然比左個厭惡既眼神我，唔緊要，無懼世事變改我都係咁愛芫茜! 而我朋友就叫左黑蒜。拉麵爽口，而且湯底好濃郁豬骨湯加上有啖啖既芫茜味，雖然成碗綠色但係有幾可香港既拉麵店會有得食呀~叉燒係比較肥既個種好鬆軟，但又唔會好油我覺得岩岩好，溏心蛋又正喎!間中食一餐有水準既拉麵，人都輕鬆D~我試左一啖朋友黑蒜湯底，味道都係好濃足料，最緊要又可以根據自己口味所有野都可以自己揀，真係好唔錯。我好愛佢杯飲品，乳酸梳打 有回憶既味道，好似細個食過既糖，好難形容但係好好飲！御好燒 醬料配上大量椰菜同海鮮，外脆內軟，好治癒~整體黎講，係好值得一試…查看更多

首先餐廳既環境好舒服，有種好寬敞RELAX既感覺，而且所有餐具都好別緻，令人格外開心。而且好高CP值，食物有番咁上下水準而且價錢唔貴，食一個吉列牛或者係夀司拼盤 加多$20就有有湯有刺身/沙律再加餐飲 最貴個個SET都係$138。 湯係番茄龍蝦湯，味道濃郁入飲到啖啖番茄蓉，鮮甜。刺身亦都唔錯，新鮮，唔會係HEA你既貨色。今次我就叫左個吉列牛SET，佢既炸粉係加入左香草而且特別脆口，D肉雖然無咩脂肪，但係都唔會好韌而且有肉味，以哩個價錢絕對係物超所值，再加多隻溏心蛋，真係大滿足!而且其實個夀司拼盤都好吸引，食材望落新鮮而且$118 有齊至少7款海鮮仲要有海膽，仲要有乾冰營造既「仙氣」，真係會加哂分，食得開心就最緊要，我諗之後係荃灣想食日本野，我都會諗起初見~…查看更多