nyankoburger的個人專頁

喺social media見到有人推薦，啲相好似幾好食，就入去試吓。平日夜晚去，大約7點到，walk in有位，但最好book咗先，因為夜啲都坐滿8成枱。生菜包有豬同雞揀，我揀咗豬，啲菜好新鮮，不過個肉就好酸，唔辣，冇乜香味，唔係平時食開嗰啲，個人唔係唔鐘意。咖哩軟殼蟹，2隻蟹大大隻擺喺上面，賣相幾靚仔，下面個底有生菜，配菜有波椒，其實個咖哩汁得好少，好食嘅。呢個係佢哋出名嘅串燒，見到食評好多人都話正。串燒可以豬雞mix，每款各3串，嚟到真係好大串！個雞超好食，個味啱啱好，外面燒到香，入面仲係好juicy。個豬有啲似叉燒，偏咸。糯米飯冇咩特別，但香港泰國舖都好少見到有得叫，泰國北部餐牌就會有。4片細細塊，口感煙靭，好食。…查看更多

第一次係朋友介紹，今次第二次嚟，因為佢哋個醬油蟹實在太好食！最好book定位，因為佢長期都好full，walk in未必有位。唔算貴，蟹肉超鮮甜，好多膏，個汁唔咸，偏甜，撈飯一流！👍🏿👍🏿👍🏿👍🏿👍🏿好好食，炸完入面仲係好juicy，墨汁好香，外脆內軟，非常出色。嘢食好好食，係坐位有啲迫，叫多2樣嘢就擺唔落。…查看更多

日日行過都見到有人排隊，難得今日見到唔洗排，入去試吓先。坐位闊落，可能過咗繁忙時段，因為我2點先去，唔多人，所以佢俾咗張4人枱我。叫咗壼龍井，不過不失。好食，味道啱啱好，滿滿嘅膠原蛋白。呢個第一次見，有啲似生煎包同小籠包嘅混合版，又幾特別，皮唔厚，入面啲湯好滿，粒粒漲卜卜，咬落去個底又有啲脆，好食！手掌咁大隻，佢會俾支飲筒你，飲咗啲湯先，入面啲湯唔係好油嗰啲，係真係湯，仲要好鮮甜，有驚喜。呢個完全唔得，好油又冇味，食咗2啖已經唔想食。啱啱炸起，好熱好脆，但個皮太厚。整體來講都算扺食，唔貴，下次可以試吓其他嘢。…查看更多

之前喺銅鑼灣舊舖食過，嘢食唔錯。宜家再開，緊係過嚟捧場。地鐵站行過嚟都算近，佔地兩層，門口有啲偏僻少少難搵，裝修好特別，周圍好多打卡位。賣相好靚，牛肉熟度啱啱好，有兩件牛柳，兩件鴨肝。好特別嘅一道菜，但出奇地夾，值得一試，咖喱有少少辣，個邊邊焗到有啲脆。有啲似食緊咖喱味嘅餃子，係好食嘅。好大份，最好幾個人share食，因為都幾濟。牛油好香，麵包片烘到好脆，夾埋一齊超正。叫咗杯Dirty，滑身易入口。…查看更多

Book咗位，平日夜晚唔算full。Openrice買咗券，送菊花蜜，幾好飲👍🏿🤙🏿炸饅頭（ 🌟4.5/ 5 ）必試炸饅頭！見枱枱都有叫，就點嚟試吓。個presentation 幾特別，成個諸葛亮船上，有乾冰喺底，打卡一流。炸到外面好脆，係即叫即炸，唔小心燙到嘴。🤙🏿酸菜魚 （ 🌟3 / 5 ）中辣，唔算太辣，魚份量都多，其他配菜好少，酸菜得幾條，冇乜酸菜味，味道一般。🤙🏿 肥腸 （🌟4 / 5）好食，一啲都唔覺肥，香脆，係有少少咸。整體而言可以一試，除咗酸菜魚。…查看更多

原本打算去HeSheEat，但又唔想等位，見到joyful唔洗等，就入咗去。近排愛上咗心太軟，一星期已經去咗三間唔同店舖食。一見到menu上有，就即刻order，加多個抹茶waffle。等咗陣，心太軟送到黎，即時反應：下？！😰穿咗嘅成個心太軟嘅display已經好唔掂，完全冇用心諗過裝飾上嘅問題，1/4粒士多啤梨，真係冇嘢好講。唔緊要啦…味道最重要，點知用叉一叉，個蛋糕硬到好似waffle咁，偏甜，唔重朱古力，失敗！仲要$5X！！！另外，友人order個抹茶waffle，好硬，好似整定好耐再reheat咁，完全唔覺有抹茶，似用香油多啲。總括而言，呢間嘢真係唔會再去，亦都唔值得去。除非有所改善…查看更多

普通街邊水準的車仔麵，特別之處在於自助點餐服務。冬菇幾大片，好香。通菜得莖，冇葉，我鐘意食葉呀！！！豬紅好咸連杯檸檬茶都好難飲朋友亦話杯柑桔蜜唔得建議唔好點飲品朋友點左蘿蔔，呢樣系最好食既，有興趣既朋友可以點呢個比較好。…查看更多

薄荷朱古力脆脆基本上冇Baileys味，應該要加$20先有，味道普通。奶醬脆多呢個好味d，似拖肥糖味。雪糕溶得好快，分子雪糕食落去冇甘膩，期待有其它更特別的口味。…查看更多

朋友話想食窩夫，見甜牙牙有tea set，又好耐冇黎過，就去食啦。Tea set 甜品主要都系窩夫、有麵，包一杯特飲。（$28-$40）今日既特飲系薏米水，好好飲，加左檸檬，有少少似益力多味，但好細杯，個杯本來就細，仲要的半杯，見到個半杯特飲唔知仲以為俾人飲過添！點左兩個desserts香蕉玉桂窩夫$29玉桂配香蕉好清新，玉桂粉可多些就更好。如果窩夫入面都加多d玉桂會即時加分。食下食下，發現窩夫入面有條頭髮……紅豆抹茶窩夫$28同樣，窩夫入面冇抹茶味，只有色，窩夫不夠脆，好像放左一段時間先上紅豆好甜都系覺得佢個其他甜品好食d…查看更多

得閒同fd吹吹水，就黎左呢度食個tea點左一件chocolate pie($14) 同一件blueberry cheese cake($2x)名就叫chocolate pie，但其實就系brownie，好重朱古力，質地好實，食完都幾濟個cheese cake 好fresh，不錯，starbuck既有鮮藍莓，佢就冇，但就整體而言，我覺得佢好味d地方不大，位置少…查看更多

個日同fd食lunch行過就去試～叫左雲吞米$20，粉果$10@3，柚子蜜$2我叫雲吞米粉，但佢比左米線，個啊沈死都話米粉，唔肯換，算～d雲吞都ok，碗野種有生菜兩片+豆腐卜x1+白蘿卜x1，但不直$20粉果層皮好鬼厚（8mm)，d涵好少（花生），味道不太好杯柚子蜜像水，某味但有色店員一坐底就即克問你食乜，連餐牌都未see……前前後後又問左4·5次，真系好煩下次一定唔會去lo！！…查看更多