tm5793cc的个人专页

之前有聽講過呢間Bean系列餐廳，好似話都幾受歡迎幾有人氣，嗰日行開青衣城見到兼覺肚仔餓，就同朋友試下啦，聽講間cafe成日都好多人排隊ga，嗰日好彩唔算多人，等左30分鐘鬆d就有得入座啦。先講下個裝修，第一印象係個裝修幾大方，佢係半開放式空間，內籠一半空間採取自然光，既明亮觀感又舒服。cafe隔離有個空中花園，食完野可以去散下步，曬下太陽休息下。Service方面，想讚下個manager好friendly，見佢會同D排緊隊ge客人傾兩句，安排座位都幾細心，話想坐卡位都會盡量安排，落order見都幾多野食三心兩意決定唔到食咩好，個manager有好好做推薦，亦會按你食d咩去建議相宜ge飲品，好似我食burger想跟coffee，佢有提醒我個burger份量偏大，對女士可能會太滯，建議我飲D冇咁甜ge coffee，會冇咁膩，又例如朋友食all day breakfast話想飲甜d ge coffee，佢有細心推薦邊隻coffee會甜D，Service貼心到直情拍得住大酒店，抵讚! 唯一美中不足係黎收碟個waitress手腳稍為有D太快，我仲有大半碟未食完佢已經有2次想收我隻碟，咁tea time都算peak hour我能夠理解ge，呢個唔怪佢。食物主要係歐陸式西餐，我當日食左手撕豬仔漢堡，入面有焦糖洋蔥同太陽蛋，配薯條同沙律，飲左hazelnut latte。所有野味道都好好，係D豬肉絲汁太多，導致成個burger滴晒水，底層塊面包浸濕晒，食到最後有D soggy，加埋太陽蛋ge生蛋黃，女士食呢個餐要有心理準備可能會有D sloppy。朋友食egg royale，飲creme burlee latte，朋友話個hollandaise sauce同smoked salmon整得幾好，latte真係好甜，螞蟻人朋友們可以考慮試下。…查看更多

因疫情關係同2個好姊妹好耐冇見面，幾個港女捌低老公小朋友，食個靚靚tea打下卡講下八掛，寫意人生!港女食飯必講氣氛，首先Grand Hyatt嘅裝修有幾grand大家都知，呢部分就唔多講，反正港女約會打卡最愛。想讚下當日個manager服務幾好，原本我地張枱係近個dessert buffet line，始終而家有肺炎，唔想坐起D人來人往ge地方，向個manager講想換枱，其實當日個場都幾滿，原本個manager有話只能夠試下安排下，不過幾分鐘後就換到枱，仲起正個落地玻璃隔離，有自然光打卡更正!食物方面，今次食左佢個afternoon tea, HK328/person, 有一杯shrimp cocktail, 3層個人afternoon tea set, 一杯drink, 加個dessert stations (有homemade ice cream, fresh-made waffles, macaron)。天氣開始暖暖地，用個Shrimp cocktail開下胃幾好。至於個afternoon tea set，鹹點加入竹炭(我估)做食材幾得意，甜點味道偏酸十分清新，最最最欣賞佢個scones，整得夠輕身，食晒兩件都唔會話太滯，無論沾clotted cream, jam定lemon curd都好好味。相信一般女士食完個set都飽左7-8成，如果仲食得落都可以試埋佢個dessert stations，不過老實講，我剩係推薦食佢個macarons，有6隻口味，仲可以無限攞，macaron lovers如我會好爽，黃色macaron好食得黎有驚喜 (應該係檸檬味，真心嚇親竟然咁好食); 個waffles就普通野，冇咩特別，可以唔食，如果未夠飽ge都可以填填肚; 我自己覺得個ice cream唔食都冇損失，雖然味道幾多而且幾特別(例如港式奶茶味，但偏苦唔似食緊雪糕)，係得個冧酒提子味勉強入到口。…查看更多

香港人鍾意飲老火湯，呢間燉湯店起正荔枝角港鐵站出口隔離，容易搵，而且湯水選擇都幾多，都係滋補款，男女老少都啱飲，有時行開附近都會特登過嚟飲啖湯，個人最欣賞佢個天麻川芎白芷燉魚頭湯。呢間勝在價錢親民，出貨快唔使點等，湯水無味精(所以會偏淡，可以問店員攞啲鹽)，店面整體都算衛生嘅(佢荔枝角店係外賣自助式，所以有時會出現啲嘢食完冇人收，積咗起張枱度嘅畫面)。如果對湯水冇太大興趣，佢都有糖水，蒸飯，中式小食可以試吓嘅，甜品個人推薦花膠燉鮮奶; 小食嘅佢個蒸白鱔都唔錯，幾鮮甜，不過好似係時令，唔係成日有。另外，好多人都知呢間店係某個TVB藝人開㗎啦，如果有心想見吓藝人，聽講佢周不時會親自起店面服務，見過佢親自收銀，抹枱，收垃圾同跟單，對啲客人嘅合照要求有求必應，又會同客人講多謝支持，幾貼地。我起佢間鋪見過佢2次，2次都係週五傍晚。…查看更多

簡單啲講就係中間價位都可以享受到嘅正宗歐陸風情意大利餐廳。曾經幫襯過佢中環同荔枝角分店，2次感覺都ok好嘅，整體嘅package包括食物、服務同店面氣氛都算滿意。食物方面，appetizer推薦Vitello Tonnato或者Chef's Selection Cold Cuts。pasta嘅話其實佢是旦一款手工意粉都唔會出事，個人偏好濃味啲嘅Pappardelle。 甜品記得佢得Tiramisu同Panna Cotta揀, 個人覺得佢啲甜品比較家庭式，即比較大杯而且外表唔算太精緻，唔太適合打卡，味道ok一般啦，可以唔食，如果食就個人覺得Tiramisu好過Panna Cotta。服務方面，啲侍應整體都殷勤親切有禮貌嘅，會有特定一個侍應專serve你個枱，所以需要服務嗰陣好易搵到人，每道菜上桌會介紹一下食材同食法，適時會幫客人添水。目測店面啲侍應好似都係南亞裔為主，落單要講英文，某啲侍應係bilingual, 識講啲廣東話。個人覺得荔枝角店啲服務比較舒心，我2次幫襯都係起週末lunch，中環店個侍應表現會有少少chur，偶然講嘢冇咩笑容; 荔枝角店個侍應會同客人講吓笑，傾吓偈，仲會問吓食後感，如果要比tips我荔枝角店會比得順手啲囉 (佢個tips係自願性質，據悉會全部比晒serve你嗰個侍應，同歐美國家一樣。埋單嗰陣會有個鐵罐仔跟帳單上枱，想比tips就另外放入去個罐仔度，客人可自己決定比唔比，同埋比幾多。如果有比，佢個店經理會特登過嚟多謝你)。…查看更多

喺荔枝角附近探朋友，見仲有時間就諗住買杯咖啡，支持本地小店嘛，但係等咗20分鐘都未得，咁我見間店其實冇咩客人，雖然係下午4點鬆啲都算下午茶時間，連埋我其實得4-5個人左右，廚房連counter就有3個人，咁我明有啲cafe好重咖啡品質，要慢工出細貨嘅，所以我向counter個店員查詢嗰陣都係有禮貌咁問，大概幾時攞得，如果耐我可以行陣街轉頭再返嚟，但個冬菇頭女店員唔知係新人定點，唔肯比個時間我，仲話前面好多單要等，又猛話叫我唔好催佢，我想解釋冇催佢嘅意思，佢唔肯抬頭望我，我未講完佢仲走返入廚房。。。呢間店啲咖啡質素其實真心唔錯，不過啲店員咁有attitude, 買杯咖啡要受氣嘅，咁我不如幫襯返Starbucks，Pacific coffee啦。。。最後一杯咖啡總共等咗我超過40分鐘。。。以後絕對絕對唔會再幫襯!…查看更多

星期六約咗好姐妹嘆下午茶，咁女仔食tea緊鍾意啲環境乾淨清幽，食物精緻好味，最緊要好打卡嘅選擇啦! 著靚靚影吓相呃吓like咁囉。當日試咗佢個鳥籠afternoon tea set， 彷鳥籠嘅金色4層架幾夠氣派又優雅，裝住4碟下午茶，由上層至下層分別係咸點，朱古力，蛋糕，水果。食後感如下: 咸點味道同外觀都好有心思，最啱胃口最好食，最欣賞佢個肝醬配raspberry同脆多士，三文魚creamcheese盒都好得我心；朱古力一般啦，冇咩特別；蛋糕係由含有粉紅色閃粉嘅粉紅色glaze包住個嘅dome形嘅蛋糕，夢幻又好味；水果則令人倒胃口，蜜瓜同哈蜜瓜好乾身，好似切咗好耐擺到乾晒先攞出嚟咁，菠蘿太生硬到食唔到，士多啤梨偏酸，藍莓熟過頭晦晦地咁。。。一個好好嘅開始，卻遇上一個好差嘅結尾，有啲失望。。。出街食飯最怕遇著呢類爛尾嘅體驗撇除水果，整體感覺都算ok嘅，同埋一直都好鍾意佢大堂lounge個現場音樂演奏，柔和嘅節日音樂、美食同咖啡，加上同好姐妹講心事講八掛，都算係一次舒心嘅體驗嚟嘅。不過呢，如果佢收得我500蚊一次呢，希望個體驗可以再完整啲囉。…查看更多

好姐妹鍾意輕食，最近週末約見面都會去呢間食tea, 好味又唔貴，cp值高，份量對女士嚟講剛剛好。佢個tea hour3點開始，要等3點踏正至可以入座，所以建議攞左飛先再行陣街，行到夠鐘至過去，早去到冇咩意思，要起外面企住等，唔會因為早到就比早啲入。食物方面，佢成個tea menu我都食過曬，真心無論叫burger, sandwich, 定quesadilla都係好味嘅，cake就視乎個人口味啦，我自己就暫時未中過伏。咖啡都好好飲，拉花又靚，熱飲水準穩定啲，凍飲有時會有啲怪味。…查看更多

見一排冇同媽咪食飯所以星期六特登同佢出去食午餐。媽咪鍾意嚟呢間飲茶，貪佢近港鐵站就腳，環境乾淨，侍應服務又到位，每次都會提醒老人家注意梯級夠貼心。食物方面味道同質素都穩定嘅，每次都食得幾順心，當日個歡迎茶係玫瑰茶，幾適合秋天飲，當日叫咗個午市套餐，頭盤係點心四拼，最鍾意個炸蝦球夠脆夠爽口；個麻婆豆腐夠辣啱我胃口，葱油餅都係好食嘅；龍蝦湯好足料，龍蝦啖啖肉；個炒安格斯牛柳最得我歡心，肉軟腍肉味足，露筍新鮮冇渣；最後個烏冬其實太飽有啲食唔落，剩係食左幾啖有啲可惜。。甜品燕窩蛋撻不過不失，整體表現一如以往令人滿意。…查看更多

之前起廣島同大阪分別食過道地嘅廣島燒同大阪燒，但就冇試過自己親手整嗰種文字燒，估唔到返香港有，特登同小朋友去試，小朋友好興奮，有得玩有得食，打卡一流，煮嘅過程大人同小朋友有傾有講幾開心。成品味道其實都估到，咪就係將粉漿同蛋同海鮮同肉同菜等等炒埋一齊嘅味，不過係體驗性高嘅，尤其如果一家大細嚟玩/食，真係值得到此一遊。唯獨係希望店家就室內溫度同通風方面再諗諗辦法，對住個鐵板真係好熱，同埋個抽風系統真係有待改善，一路食一路吸油煙都算，食完會成身油煙味真係唔係好方便行街。。。仲有就係請多幾個伙記，咁大間餐廳得2，3個人打理樓面真係唔係咁好，我見好多枱客人要舉好多次同好耐手至有人幫佢地，真係好影響進餐體驗。…查看更多

食物質素同地方裝修各方面都唔錯，夠young夠energetic，真心推milkshake同pancake, 又好味又好打卡! 呢個價位做到呢個效果，cp值高。唯獨係希望佢請返啲態度認真啲有禮貌啲嘅侍應，至少唔好起客人面前反白眼，要反返廚房反，畀客人見到感覺真係唔係太好囉。。。…查看更多

個人好鍾意食天婦羅蕎麥麵，每年去日本玩都一定至少食一餐，聽朋友講話呢間嘢好掂所以特登過嚟試吓。星期六lunch hour, 排隊一個鐘左右有位都算ok嘅，排隊嗰陣前面同後面個family都係講日文，心諗如果連在港日本人都慕名幫襯應該冇伏。果然，井飯方面，size大份抵食，米飯食得出係日本珍珠米，濕潤飽滿軟硬適中; 天婦羅炸得乾爽唔油膩，粉衣夠薄身，食材新鮮，海鮮唔腥，雞肉肥美，蔬菜不帶草青味; 蕎麥面就紅湯同白湯都有試，白湯清爽，紅湯濃郁，蕎麥麵真心推，口感似手工製品，彈牙爽口真係有蕎麥香。個人推薦天婦羅蕎麥麵套餐配白湯。最後不得不讚吓啲員工嘅工作態度，好笑容又親切，難得仲好有耐性，隔離枱有個婆婆同孫女對點餐有啲問題，有個幾後生嘅女店員好細心咁解釋點餐流程，又指出幾個比較受客人歡迎嘅套餐畀兩婆孫參考，真心讚。…查看更多

平民式all day breakfast semi buffet，有蛋火腿沙津薯餅果汁之類嘅食物提供，加錢就有多份排食咁囉，所有嘢都太基本，真係冇咩特別好講，如果只係貪一個靜靜地又平平地嘅地方同朋友食lunch都係個唔錯嘅選擇嚟嘅，同埋佢個室內設計幾modern幾有心思, 有落地玻璃窗，仲可以望到遠景，相信睇日落一流，可惜當日係食lunch未有機會體驗。不過真心唔好叫酒飲，伏已中，味道唔好又唔靚，打卡都無謂。…查看更多

鍾意食上海菜，四川菜之類嘅呢間質素都算高嘅，不過價錢都幾貴，真係過時過節，親朋聚舊先敢去，唔係就太肉赤。因屋企人鍾意食呢間，所以不時都會去，平時都坐出面啲位，點菜上菜收碟嘅速度同服務態度都算到位同流暢，唔會話食到背隻骨落咁。不過最近去嗰次就有啲唔愉快經驗，當晚全家總動員出去幫阿媽慶生，咁有機會第一次坐入包廂，原本仲幾高興覺得個裝修幾靚，但係襟極鐘都冇人應(包廂位特別有個鐘仔畀客人襟嚟呼喚侍應)，揮手啲侍應一係扮睇我唔到，一係就叫我襟鐘話有人會應，結果搞咗差唔多成30分鐘至落到單，心情已經唔係咁好, 之後唔知點解食緊嗰陣啲侍應突然好勤力咁過嚟收碟，你碟餸上左唔夠20分鐘，我仲有成一半多啲未食完，點解啲侍應會「誤會」我已經食完可以收碟呢? 啲侍應幾乎每5分鐘就過嚟想收碟，佢地唔係單純用眼望吓睇吓有冇碟收嗰隻，而係真係出手想攞走我碟仲有一半有多餸嘅碟。。。我記得當晚同一碟排骨我至少講左3次「唔好意思，碟嘢未食完」，然後個侍應至冇收我碟餸(我冇留意係咪同一個侍應)。。。啫我明白晚市客多急要枱，但我都係客嚟，可唔可以專重返啲，等我好好食完先呢? 認真講，好地地食餐生日飯食到咁唔開心，以後會少幫襯!…查看更多

價錢公度，牛排大件又腍身，肉味重又香甜，最緊要係冇筋，跟牛排個蒜頭鼓油(?)好味，同件排好夾，cp值高到冇朋友，抵讚! 白飯同味噌湯質素就ok一般啦，咁免費任食嘅嘢對佢唔會有太多要求嘅。。。不過不得不提吓啲員工嘅態度真係好有問題，笑容欠奉，語氣又惡又唔耐煩，問多句都好似欠佢錢唔還咁嘅面口，明明唔係忙緊，寧願齋企都唔理吓或者主動幫吓客人。。。件牛排真心係好食，不過員工啲咀面真係。。。唔該個老闆處理吓啦…查看更多

之前喺名古屋都食過呢間，印象好好，所以見香港開分店一值都好期待食，不過可能因為已經食過日本原袓所以有比較，香港分店真心有期望落差囉，份量明顯細咗都算啦，個擺盤真係好呢啡，員工都冇咩好態度可言，冇笑容仲眼超超。。。雖然味道都ok接近日本原袓嘅表現，但其他配套真心唔得囉。。。真心唔會再幫襯…查看更多