shirley_love的个人专页

晚餐時段，叫左澳洲牛扒餐，同一個6道餐，揀燒大啡菇，意大利飯。塊牛扒完全沒有味道，完全唔知自己係食緊牛呀，非常差，而且漿汁有問題，配黑椒蘑菇汁，竟然是甜的，似蘋果批味道， 同侍應講，佢只係俾過令一碗黑椒蘑菇汁我，是咸的，有黑椒味既，即係煮錯啦，無奈! 薯角Ok,炸得好味既。雜菜湯夠味，都多菜，好味過黑松露湯。6道餐既前菜，估唔到係咁mini, 一細杯湯，好似係黑松露湯，勁淡，唔好味，個大啡菇意大利飯Ok,都好味。鋪頭環境好靚好舒服，但食物就真係一般，試一次就夠了。…查看更多

同同事一齊食lunch, 之前都食過，覺得幾好味，今日再黎幫襯，食物賣相靚，環境乾淨舒服，餐具都好新好靚，員工服務態度良好有善。我叫了肉燥咸香雞脾飯，隻咸雞脾夠晒入味，唔錯，可惜我個人覺得雞脾煮到太“林”了，無左口感，一切就會散晒，而我同事就覺得反而食得好方便，幾好，唔駛切都得。 跟餐送飲品，熱羅漢果茶，都幾夠味，甜多少少會更好 。同事加錢飲杞子菊花茶，好夠材料，好味!又健康!支持用心經營既小店，會繼續幫襯!…查看更多

2個人唔知食乜好，又唔係好肚餓，又想食好野， 諗下食壽司定係食火鍋好，結果，揀左去新天地人食火鍋啦，講真，外面d放題任食火鍋，係便宜，但質素唔高，邊有靚牛肉同靚海鮮食架。288蚊海鮮拼盤，海鮮生猛，又甜又爽，手切牛肉依然香嫩，果然係招牌，勁Like!叫個清湯底，加少少菜，夠晒飽啦。香港人，有時辛苦工作完，要食餐靚晚餐，好好對待自己，地方坐得舒服，服裝細心，傾計開心，relax一下，明天放假，plan下去邊好定係做宅女，哈哈。…查看更多

藍天白雲，非常炎熱，找個有免費泊車的地方食lunch，科學園!叫左兩個餐，一個牛仔骨飯，和一個紅咖喱雞飯， 價錢都是80蚊內，包餐湯和熱飲一杯。等食物時間大概15分鐘，餐湯比較淡和稀，兩個餐比較，牛仔骨飯比較出色，份量多，肉質都唔錯，紅咖喱雞飯，咖喱汁幾好味，送飯好正，可惜雞肉少，唔新鮮，雞肉梅梅地,失望。店內環境舒服，安靜， 服務員態度良好，反應快。埋單時，有85折，點解既?原來12:45前埋單離座有85折，都幾好!如須免費泊車，要消費滿200蚊，有2個鐘免費泊車。…查看更多

係商場行，搵緊野食，原本想食餃子，但見新開東南亞餐廳，睇左陣，見都有客人食，就試下先，下午茶時間，食碗粉，39蚊，嘩，好難食，簡直受苦，個冬蔭公湯，只係食到勁辣味，好多辣椒油，好少少酸味，已經諗住穩陣，叫少辣，點知咁差！從未食過咁既冬蔭公湯，係泰國都有食過，係香港九龍城幾間泰國餐廳都有食過，都唔係咁架！忍呀忍，忍到我真係頂唔順，問侍應拎個碗仔，直接用枱面瓶清水浸粉食算啦，以後唔會再幫襯，得一隻雞翼，浸住湯上，所以淋晒，一塊炸魚餅，兩塊炸魚片，正常味道，無特別。食完之後，胃著火，好唔舒服。…查看更多

踩單車日，天氣又熱又焗，去到大水坑村，搵野食先，望落鋪頭環境唔錯，好多人等位，我地唔想坐外面，竟然鋪裡面兩位即刻有位，即入啦。食物選擇唔多，揀了鹽焗雞脾飯和青咖喱牛肉飯，等10分鐘，食物就到啦，賣相普通，鹽焗雞脾飯用錫紙包住雞脾焗，所以夠味，幾香，而且雞脾肉質都算滑嫩，煮得用心，值回票價。青咖喱牛肉飯， 麻麻地，先講青咖哩汁，太辣，唔香，茄子不是泰國茄子，牛肉就差了，好厚，好大塊，好大舊，好硬，好鞋，唔好味，不過一睇就知係廚師切得求其。 …查看更多

今次終於等到位了，很餓啊！入到去，裝修幾靚，環境座位舒適。侍應態度良好，唔錯唔錯！睇下食乜先，兩個人。88蚊一人餐幾抵，有個小食，有個飯，有碗湯，有杯飲品。加12蚊多碗肉骨茶湯，散叫加多個飯，夠晒飽，夠食。我地揀左炸蝦餅，海南雞飯，熱班蘭薏米水，有碗冬瓜湯，加12蚊肉骨茶。散叫多個炸雞翼椰漿飯。炸蝦餅即炸，又熱又脆，好味！海南雞飯清香，唔會太咸。椰漿飯最好味，好香椰子味，非常值得試。薏米水同兩碗湯都幾好味。價錢合理，好味，有質數。會再幫襯…查看更多

同爸爸出去食晚飯，去左一間新開的火鍋店，爸爸之前同朋友去過食既，話食材好新鮮，e個質數如果去其他地方，例如九龍城果邊，人地起馬貴3分1價錢，我細路女，無佢食野咁叻唔駛我俾錢，就跟住食啦！哈哈我地2個人，食唔到咁多野，食老闆推介先，有個抵食孖寶，加拿大象拔蚌刺身+本地新鮮手切牛，只係$368！象拔蚌超爽甜牛好嫩好滑好軟熟，勁正！打邊爐一定係要食高級牛想補補，想靚靚，就叫左花膠筒，大大隻，第一次見火鍋店會咁大條花膠筒俾客，好有心！海鮮揀左流浮山生蠔，隻隻都又肥又圓，無穿無爛，好靚原來師傅每日自己去揀海鮮，真係細鋪頭先會做到好有heart，果d大集團一定係等交貨，食物會有靚有唔靚咁溝住俾客人食。仲有爸爸鐘意食魚，揀左白鱔，塊塊都好大塊，好鮮味！湯底揀左個清清地，芫荽皮蛋茶瓜湯底，落左茶瓜無咁熱氣，唔係度度有。老闆仲好好人，自帶酒無收我地開瓶費。開心豐富的一餐， 好味，環境舒服，唔嘈，又有少少音樂播住，又唔會太靜。一定會再幫襯！…查看更多

lunch time，叫左雲吞麵，買完拎票去，再等叫號碼取食物，比較唔方便。雲吞有5粒，一般，有蝦仔，味道普通，無特別。麵夠爽口，比預期好，算是驚喜，好味！湯有味，但飲多幾啖就覺得偏咸。價錢大眾，27蚊一碗，算係抵食。…查看更多

星期日開心Day off, 訓到11~12點，爽呀！食咩好呢？！就去食個all day breakfast先馬鞍山迎海，叫左雞排set,正，夠晒飽！充滿力量。全部都係即叫即整，夠熱，薯餅好脆，一定好味過m記啦。注意要耐心等候啊味道唔錯，但油過多。。。食完真係要跑返十個圈。。。油多，食到濟濟地。。。間中食一次都無所謂既，飲品，奶茶是台灣奶茶，好重奶味。。。環境舒服，唔嘈，裝修新淨，地方乾淨。*商場有免費泊車，方便。…查看更多