or#Tm66487169的个人专页

訂咗枱18:30嚟，我哋早到咗。當時餐廳只有一台客人。咁我哋坐低就嗌咗啲dinner sets再加其他食物。Starters都算快上左俾我哋，而個主菜就等左成個鐘都冇聲氣。咁我哋就問其中一個waiter，佢就好例牌咁話整緊。再過咗大約15分鐘，只見到其他遲嚟嘅客人嘅主菜都出埋、食埋，我哋張枱仲係乜都冇，係連隻碟都俾人收埋。我就用眼神一直追蹤嗰位話「整緊」嘅waiter，到底有冇幫我哋跟過。佢過咗一陣都同我哋講返追咗。然後我哋慢慢先聽到廚房話「開始」準備我哋嘅主菜。當時已經講緊等咗超過一個鐘。好啦，等到個主菜終於嚟到食埋。個甜品又係咁？！！唔知佢個Tiramisu係咪即叫即整咁威水，又係成半個鐘都冇聲氣，得隻吉碟喺張枱度。每樣嘢都要追一次，追兩次、三次先肯嚟。最後嬲到甜品都唔食就走咗。最終亦同經理表示不滿。之後佢一句抱歉都冇講過，只係機械式咁比個九折。要唔要嚟呢間餐廳就你哋自己諗。我就肯定唔會再嚟。…查看更多

呢間餐廳我間唔中都嚟。可以話由佢要排隊等位食到佢而家可以直入揀位坐。都唔係話無原因，其實我爭在睇佢幾時比啲西員工搞到執粒。之前嚟食扒，店員好細心講解我哋知有乜嘢推介，建議食幾多成熟。到今時今日，一入舖頭就有個西口西面既女服務員以茶記阿叔既tone問我哋幾位同呼喝我哋「等等」。到我哋坐低自己睇好食乜嘢，就舉手嗌寫嘢。當時另一位戴眼鏡嘅男服務員再次毫無禮貌、黑口黑面咁呼喝我哋「等!等!」，目的係要serve一個遲過我哋入嚟而「比較熟」既客人。同佢講解餐牌，同企係度等佢決定、同點菜。成個過程我係隔嚟張枱望住佢，佢係對我呢枱客人可以話係0專重。都算，好記得間舖初初係好有heart咁主動幫客人無限添黑松露味薯條。松露就無左好耐，男務服務更加只係見到果一位「比較熟」既客人。其實我哋就只係一枱之隔，只係問佢要唔要多啲薯條，全程係見唔到我哋…唔通我哋係入左結界？…查看更多

到澳門旅遊2天，本身無計劃係氹仔邊一間餐廳食嘢。可能因為星期六，問了3間餐廳，完都full booking了。隨意走進呢一間仲有位既餐廳。餐廳裝修純白色牆身襯上幾塊大鏡，簡單而有歐陸風味。本身以為無乜人、似足cafe既呢間餐廳食物都唔會有咩特別，但卻有很大的驚喜。我哋唔係太餓，點了以下幾款食物同一杯花茶、一杯Sangria。飲品擺得好靚，又調得好好飲。白酒煮蜆、薯仔八爪魚、馬介休球亦都相當出色。可惜想嗌既葡撻已經賣晒🥲侍應亦都招呼周到。因為原先的2人枱太細，應該放唔晒啲食物。係啲野嚟之前就叫我哋轉另一張大啲既枱，非常貼心。下次嚟到氹仔都要再嚟！…查看更多

酒店大門係一個好窄既巷仔穿入去，感覺怪怪的。落一層到餐廳/ 其他宴會廳卻裝修得很華麗，很適合打卡。由於去之前係網上面見到好多唔好既評語，去既時候心入面已經做左期望管理，反而覺得以呢個價錢嚟講真係有驚喜。首先，頭盤攞了幾轉刺生，有三文魚、吞拿魚、油甘魚、八爪魚、赤貝、帶子、紅蝦。刺生非常鮮甜，唯獨是負責切刺生果位呀姐serve我之前R左幾下頭髮令我覺得有啲心理障礙…Parma harm, 芝士都不錯，只是準備在旁的蜜瓜比較乾身，似乎擺左一段時間。熟食方面，汁燒鮑魚、蒸沙巴龍躉、即切牛扒/羊扒都不錯。而甜品款式都唔少，雪糕仲係6款Movenpick杯裝雪糕。以優惠價$5xx呢個價錢既buffet嚟講都算係物有所值喇！…查看更多

以前間唔中都會嚟食返碗牛腩麵，可惜自從通關後永遠都排滿左大陸人。舖頭本身就坐得迫，食餐飯都左閃右避。服務亦不見得特別貼心。清湯牛腩係幾好食既，但是價錢也不算平。通常叫個麵，再加菜加魚皮，$百幾蚊一個人出嚟都係食唔飽。老實講，個人認為如果排隊超過2枱人都不值得等。總括然而，呢間舖頭已經淪陷，並非俾香港人食的餐廳，不用再來。…查看更多

嚟過好幾次都係食唔到。一係排得太後，一係諗住攞定飛去行下街先又得三幾個排緊。今日終於有幸就得啱時間去食。因為我哋專登早少少食，等了15min左右就有枱。原先覺得呢類連鎖迴轉壽司就應該好食極都係咁上下，所以都無乜特格期望。食了期間限定的海膽吞拿魚壽司，海膽不過不失，帶微微既電油味，但$17呢個貨錢算係咁。試了就算，唔會話想食多舊。另外從迴轉帶上攞左舊拖羅壽司，亦有少少腥。最後2人埋單，比起平時食元氣貴了大約$200。總括然而，貴少少/差不多價錢之下，雖然壽司朗食物款式較多，但元氣壽司款式我個人比較啱食，而且比較新鮮(亦可能因為佢哋已經無做迴轉、即叫即做)。如果下下要排隊排成咁，我諗我以後都唔會再食。…查看更多

已幫襯一段時間，唔知從幾時開始食親呢間店啲燒鵝只係得層皮同中間一舊肥膏/或者一層皮包住一大舊骨。可能成碟鵝得一、兩舊係有一層薄到透光既鵝肉。不過佢啲皮係燒得幾香既，以前都會為左層皮去食下，用鵝皮同柴皮叉燒送飯，過下口癮。見佢哋成班員工全體轉過幾次，相信疫情期間轉過幾次手，水準只係保留左係塊鵝皮度，鵝肉既份量就完全扭曲左我對生物既認知，有理由相信舖頭偷起左大部分既肉再賣(?)，叉燒亦都乾過柴皮。無乜能耐再去幫襯。…查看更多

午飯時間經過見到呢間新日本餐廳。同友人一入去店員就提醒要12:45前交枱，睇睇錶 入店時間已經過了12:15。難以置信竟然只係預半小時俾客人食午飯，我落埋單你上到菜得15-20分鐘(?) 見店內有超過一半都係空枱..但都算了，可能新餐廳多人book左枱，改天再來吧。過幾天，再來光顧看看。12:10 店內依然有大量空位。今次另一位店員過來serve。竟然都是提醒半小時要交枱.....就是說為了確保翻枱俾12:45時有可能出現既食客，餐廳完全放棄區內12:00後放lunch行過嚟既客人....看來這輩子無緣光顧這餐廳。不會再來。…查看更多