jeronimochui的个人专页

鐵板燒人氣組合基本上所有嘢都油浸過咁，表面反光「靈一靈」，第一次叫呢個鐵板燒，懷疑食材燒好攤凍，再連爐連鐵板拎出嚟加熱。大燒雞肉卷，咬落以為食緊油鴨髀。秋葵金菇牛肉卷，啲金菇已經乾硬化。一口豚肉，肥膏比例勁，一食滿嘴油。奉獻大家，喺收鋪前，千祈千祈千祈唔好叫呢個鐵板燒，否則悔終生！平時惜食嘅我，最後食剩一半⋯⋯ 平心而論，手卷係好食，清酒蜆係正路，蟹柳天婦羅都偏油。下次嚟都唔敢叫同油有關嘅食物，唔敢太夜嚟搵食。…查看更多

今朝同屋企人去食早餐，叫咗兩碗牛腩河，食食下發現其中一碗有超過1CM長嘅曱甴🪳同老闆娘反映，對方問「使唔使整過啲咩你食？」。梗係唔使喇，已經對間餐廳無晒信心，重想嘔添呀。老闆娘拎走咗曱甴🪳，處理完隻曱甴之後直接坐返收銀櫃枱，道歉Say Sorry一句都無。埋單嗰陣忍唔住潤佢一句有大將之風，食物有曱甴都臨危不亂，Sorry都無句。老闆娘話要調查下咩環節出錯，又話師傅行開咗，自己好忙，總之唔肯道歉，拉咗個廚房員工出嚟話做飲食，有曱甴🪳好正常，硬之就係唔道歉。老闆娘重聲大夾惡，話自己處理咗，唔求你免費張單，講聲對唔住，有咁困難咩？ 隻鑊係都要推畀啲下屬，呢間真係唔使旨意再幫襯，後悔人太善良，無影到相，所以被人欺。…查看更多

咁啱喺尖咀醫肚，網傳呢間串酒里係黃店，一試伏店無誤。本身諗住大大力懲罰佢，點知最終懲罰嘅係自己！？完全唔明Openrice四百幾個哈哈笑點嚟⋯⋯發大牛舌巨厚，似用哥士的浸過、鬆肉粉醃過，唔似有烤過咁。咬落去，Sorry，無味，唔知係咩肉；至於大漠羊肉，唔單只無羊味，上碟連連熱都唔多熱，大鑊，似整定！娃娃菜更加係白烚完再落調味粉咁，邊食邊滴水，真係Juicy!好在燒蠔埋門一腳無叫到拼盤（9隻），三隻夠晒數，講唔上好食⋯雞翼細隻就無誠意，雞軟骨難得正常。咁嘅水準，環境同服務態度都補救唔返，決定一世人一Round就夠，人均消費265，嗱嗱臨埋單去第二度搵食。…查看更多

#荃灣食得喜手工黑牛漢堡#劣食要聲討#未食過包皮夾肥牛嘅牛堡#重要同佢拉鋸先可吞嚥#吞得落頹堡吞唔落道氣#究竟係我黑定幾片肥牛黑#啲肥牛想㗎#前排食過越式生牛河又係肥牛#肥牛請離我遠一點#我是憤怒重點要說多次#荃灣食得喜手工黑牛漢堡#劣食要聲討#未食過包皮夾肥牛嘅牛堡#重要同佢拉鋸先可吞嚥#吞得落頹堡吞唔落道氣#究竟係我黑定幾片肥牛黑#啲肥牛想㗎#前排食過越式生牛河又係肥牛#肥牛請離我遠一點#我是憤怒…查看更多

8月20號開始先再有蟹黃飯食！！！8月20號開始先再有蟹黃飯食！！！8月20號開始先再有蟹黃飯食！！！一樓嘅食客幾乎都係慕蟹黃飯之名而來，但侍應告知因休漁期暫停供應呢個壞消息，人人失望而歸⋯⋯講返正題，最後轉嗌海膽飯，飯跟一板海膽一隻蛋，唔膩，正路。香蒜燒扇貝，都算大粒。燒雞腎淡而無味；雞軟骨就唔夠脆。烤茄子唔夠乾身，似淥熟。店鋪開宗名義叫居食屋，入面就無酒嗌，食串燒飲汽水，硬係爭咁啲⋯⋯決定畀多次機會，下次淨係食蟹黃飯。…查看更多