littlestar22的个人专页

最近發現左呢間高質小店真係要推介比大家
一入去已經見到廚師滿滿既獎狀就知唔會伏得去邊
坐低一試真係愛上, 呢間絕對會encore!

✨慢浸五香無骨清蔥油海南雞飯 $96
(配黑蒜姬松茸燉湯,蠔油菜心,手打香水檸檬茶)
呢個價錢可以食海南雞飯配埋菜心,燉湯仲有飲品, 絕對係性價比之王!👍🏻
燉湯既黑蒜味道濃郁, 有養生滋補既感覺
菜心新鮮清甜, 好快掃曬成碟
海南雞既雞件肥瘦勻稱, 加上慢煮變得滑嫩juicy, 唔蘸任何醬都已經好食
油飯好出色, 夠乾身, 夾雜住雞同鼔油香另外手打香水檸檬茶好fresh, 唔會苦澀

✨綿綿魚肚雲吞黃金雞湯麵 $114
(配黑醋雞胸玉子沙律,仙草奶茶)
魚肚大大塊,勁滿足! 入口軟綿綿仲要勁索湯
湯底濃郁,吸收曬雞既精華變金黃色, 唔會太咸
餐廳仲要主打無味精, 飲落放心
上海幼麵麵質爽彈仲要掛曬湯, 正!
雞件新鮮嫩滑, 雲吞正常

🍀有三款前菜揀，個人唔太建議揀黑醋雞胸玉子沙律，
雞胸冇湯麵同海南雞咁出色
咬落唔新鮮 一pat pat既感覺
食左兩啖已skip🙂‍↕️✨鹽酥七味花枝丸 跟餐+$20熱辣辣新鮮炸起特別好食食落唔覺油膩 一啖接一啖好快清曬…查看更多

本來以為同一般茶餐廳冇咩分別，點知一睇menu，款式又多又特別，仲有鐵板餐可以配鵝肝同龍蝦尾，即刻覺得唔簡單。✨鐵板金牌羊架 $168 （無加一服務費）前菜有煙三文魚沙律、餐湯、蒜蓉包，包熱/凍飲一杯羊架最驚喜，平時出面多數單骨，呢度一舊有兩枝骨，成個餐有6枝，厚身又嫩滑，羊味鮮，份量足又抵食，唔使二百蚊就食到咁高質嘅羊架，真心推介👍🏻✨鐵板鵝肝西冷牛扒 $188（無加一服務費）前菜有煙三文魚沙律、餐湯、蒜蓉包，包熱/凍飲一杯港式茶餐廳都一樣可以食得豪華，西冷牛扒好滑、牛味濃，冇筋，配埋滑滑鵝肝，味道層次即刻升級😽✨鐵板瀑布芝士漢堡餐 $98（無加一服務費）一上枱已經被賣相吸引，啲芝士多到😮安格斯牛肉略乾，不過配埋滿滿芝士超邪惡，飽肚又滿足🤤最後薯條沾芝士食，芝士仲多過茄汁，夠晒誇張🤣✨飲品 黑牛（可樂配雪糕）（跟漢堡餐另加$10） 黃牛（忌廉配雪糕）（跟鐵扒餐另加$12） 兩款都係經典港式飲品，演唱會有黃牛就知得多😂00後星星妹表示茶記有黃牛飲幾驚喜！🍀見到唔少附近居民嚟幫襯，雖然全場坐滿晒，侍應都忙到冇停手，但出餐速度依然好快，值得一讚👍🏻…查看更多

之前行開Airside都俾餐廳綠油油既裝潢吸引,充滿格調又神秘既感覺, 終於去試吓佢午市行政套餐 （兩位起）每人總共$479 （$398+$28茗茶+小食+加一服務費）總共有7道菜,茶就簡左碧螺春✨嵐月西班牙黑豚叉燒有驚喜，味道好特別，外層帶焦香。食完先知原來呢道菜係大中華黑珍珠金獎菜式，不過肉質可以再鬆軟啲就更加完美✨姫松茸素菌餃 (每人一件）啲菇味好鮮，外皮好軟滑，配埋XO醬真係畫龍點睛✨蟹粉小籠包有枝醋汁可以自己擠落去好過癮，咬落爆汁，蟹粉味可以再濃啲就更好✨鹿茸菌海椰皇燉花膠湯底好濃好飲，但花膠本身就真係冇乜味✨鮮白菌松茸炒北海道帶子賣相好吸精！材料配搭好夾，帶子火候啱啱好好滑，配埋蒜泥一齊食更得✨蔥香黑松露櫛瓜正常發揮，幾清新，帶微微黑松露味✨松茸羊肚菌燴越光米成個汁索晒入飯，啲菌菇好鮮，味道好入味又唔會膩，幾有驚喜🍀呢個套餐七道菜食完好飽，味道創新有水準，服務周到，環境開揚舒服但略有少少嘈吵，但綜合整體值得一試👍🏻…查看更多

好耐冇去食牧羊少年 印象中係唔錯既餐廳
今次試呢間比較隱世既分店 睇下keep唔到keep到水準先 位置係單車館入面, 少運動既星星姐都係第一次去單車館
餐廳入面環境舒服有空間感, 座位闊落唔會坐到好迫, 傾計一流

我地試左<與你分享2人套餐> $448+
包左小食, 意粉 & 主菜x1, 飲品& 甜品x2 

✨照燒汁煎乾蒜美國牛柳粒
牛柳粒好大粒, 以為會好韌啦, 又唔會喎
要講既話得1,2粒係有少少韌, 其他都得
仲juicy tim!
份量亦都勁足料,完全唔似小食份量
乾蒜令牛柳粒咬落更加有層次
加埋照燒汁, 呢個咸甜組合好加分!

✨龍蝦汁鳳尾蝦意大利粉
鳳尾蝦有4隻 每隻都新鮮爽彈
意粉軟硬適中掛曬汁
龍蝦味再突出d就更完美
✨慢煮BBQ醬美國豬肋骨
配菜有香草雜菇,蕃薯條 & 刁草檸檬蛋黃醬
可能因為慢煮既關係, 豬肋骨肉質變得軟腍入味,好易甩到骨
好快食完
然後炸蕃薯條新鮮炸起脆卜卜 咬落仲食到蕃薯既甜味
唯一敗筆係同刁草檸檬蛋黃醬既酸味唔太夾
香草雜菇就正常發揮
✨häagen-dazs雪糕
呢款雪糕做甜品竟然唔駛加錢就食到, 正!
我當日既指定口味係開心果味, 冇其他味可以揀
建議問左staff雪糕口味睇下岩唔岩食先落單會好d✨飲品方面有好多款可以選擇,花多眼亂
最後揀左靜岡培莖茶&培茶牛奶, 都唔錯!🍀如果可以暖碟上餐就更完美啦小星星推薦度：⭐️⭐️⭐️⭐️/5
…查看更多

✨吉列豬扒滑蛋鍋定食 $98 豬扒全部都係厚切，咬落肉質夠實，肥膏唔多，而外層炸得脆。湯底比較濃味鹹啲，入面啲菇都好新鮮，菇味好突出，但用嚟撈飯一流😋✨巨型香脆雞扒配明太子沙律醬定食 $88 賣相一流，雞扒真係大大塊，落足料。外皮炸到好香脆，雞肉超滑，唔會乾柴，配埋鹹香既明太子沙律醬好夾!👉🏻兩款定食都包茶碗蒸、味噌湯同開胃小菜，份量真係夠晒大，性價比高，唔會食唔飽特別一讚佢哋個魚子茶碗蒸，上面有層高湯啫喱，滑捋捋又多一重鏗魚鮮味，同埋成堆魚子，食落啖啖鮮味，蛋滑到不得了，仲有啲蟹柳絲，啲味道好有層次，充滿海鮮味既感覺！小食方面✨炸章魚丸（6件） $38外脆內軟，咬落真係有粒粒章魚🐙✨沖繩豬肉煎餃（5件） $38有驚喜，一咬落爆汁，唔會乾💦飲品方面✨沖繩四季柑梳打 $38飲落清新開胃，柑味超香，飲完成個人都醒神晒！✨香芒粒粒紅茶（凍） $38以為會好甜，點知甜度啱啱好，仲有芒果粒粒咬下幾過癮,芒果同紅茶好夾🍀 鋪頭裝修好有心思，真係有返左日本既感覺。環境舒服，枱同枱之間夠闊，坐得舒服～同埋菜式選擇真係好多，星星妹已經mark定下次食巨型魚柳、拉麵同牛板腱定食😋…查看更多

呢間餐廳海景, 服務,裝修全部都有✅
宜家仲做緊星期一主菜買一送一優惠
即刻比呢個優惠吸引到先去試試佢
點知真係有驚喜!😍😍

✨香煎三黃雞 $218+
一上枱已經香味撲鼻
雞皮煎得香脆可口
入口果下油脂感係條脷到爆發 , 超級驚喜!
雞肉有d位煎得偏乾身, 再juicy返少少就完美啦
薏米飯口感濕潤得黎又煙靭,仲滿滿既松露香星星推薦度：⭐️⭐️⭐️⭐️✨/5✨油封鴨脾 $228+
鴨脾外皮酥脆 肉質juicy
配既扁豆燉得好腍,入口即溶
吸曬鴨油既精華, 香料既味道有少少中東風情
香腸大大條 煎得香脆
星星推薦度：⭐️⭐️⭐️⭐️/5
✨芝士炸蔥薯蓉 $58+
芝士完全融入左落薯蓉到 口感綿密
加上面頭炸蔥令味道更加豐富星星推薦度：⭐️⭐️⭐️✨/5…查看更多

呢間係朋友bookmark左好耐既cafe，一直都想試吓佢既all day breakfast，冇諗過平日去試，排隊都要等半個鐘以上但完全值得🥹✨Bangkok $168 ［自家製厚切煙肉，黃袍炒蛋，酸種多士，鮮茄汁焗豆］起初聽到煙肉都有啲抗拒，諗住一定好油膩，但完全被佢哋自家製煙肉驚艷到🫢唔會有死鹹味同油膩感，好滿足，嗰嗰話食完要返嚟encore😂 返到屋企做research 先知佢地既煙肉係醃製咗四日再經過慢煮，令到甜度提升但鹽用少咗😯✨Steveston $148［美式班戟,自家製早餐豬柳扒,鮮茄汁焗豆,薯仔沙拉］聽聞呢個餐係人氣最高，而成個組合都真係好夾。班戟香噴噴，口感鬆軟有奶香，食完返唔到轉頭，而豬柳扒唔柴仲好鮮😚✨Build Your Brunch $158［自選太陽蛋,煙三文魚,沙律菜,蒜蓉香草包］煙三文魚係好厚身入口好鮮甜既，但蒜蓉香草包就好普通🙁✨Latte $40入口順滑,咖啡香都幾突出👍🏻星星推薦度：⭐️⭐️⭐️⭐️⭐️/5🍀鋪面比較細，座位（特別2人位）會比較窄。以往對all day breakfast無感既小星星妹，今次用餐體驗完全改觀，希望日後都可以發掘到同樣對食材一樣用心既餐廳🤤…查看更多

✨海南雞飯套餐 $75+［配青木瓜沙律&椰汁冰（+$15）］一大碟雞肉，份量十足！除左雞件嫩滑無骨，雞味好突出，配埋啲油飯，雖然偏乾身啲，但蘸醬又幾惹味👏🏻✨蛋包虎蝦炒金邊粉套餐 $138+［配冬蔭功湯&凍泰咖啡（+$5）］賣相好吸引🤩金邊粉熱辣辣，乾濕啱啱好，但又唔油膩😯每條粉都好煙靱仲吸哂醬汁，食落夠鑊氣，啖啖都食到蛋香，好有層次感，虎蝦咬落有啲實身，食落未算最juicy✨牛魔皇船麵套餐 $85+［配青木瓜沙律&熱泰奶茶］好足料！牛肉大大舊，咬落去超有肉感，食到好爽。炸豬皮亦都keep到脆口，唔會浸到淋哂👍🏻湯底飲落甜甜哋，唔會死鹹或膩。✨炸蝦餅 $38+（跟餐優惠）外層炸得酥脆，內裡蝦肉厚實，咬落有啲彈牙，唔會太油。價錢都算合理，當小食都ok！✨芒果糯米飯 $38+（跟餐優惠）私心推薦好抵食！整到心形既糯米飯好可愛！暖笠笠既糯米飯煙煙韌韌，椰汁啱啱好唔會太甜，芒果好鮮甜，成個組合食落好順口，超滿足！…查看更多

✨油麻地腐乳卡邦尼 $138+
臘腸本身係好食嘅。不過腐乳醬汁食唔出腐乳味，得返鹹味，加埋臘腸嘅油香，意粉就算加咗流心蛋都偏乾，唔太啱我口味😓

✨法式紅酒燉牛肉意粉  $120+
牛肉軟腍 流心蛋為成碟意粉加分，口感順滑咗好多✨菠菜煙三文魚忌廉意粉 $135+
普普通通，係平時食開既味道

✨烤雞翼配酸椰菜 $78+ / 7pcs
有成7隻，不過相比出面嘅雞翼算偏細。睇外表以為會好辣，其實連星星姊都唔覺得辣。雞肉幾嫩，配埋酸椰菜幾開胃。✨香辣牛肉芝士餡餅 $138+ / 6pcs
有6塊 芝士冇想像中咁拉絲
香辣牛肉餡都唔辣的, 餡料唔算好多
✨Tiramisu $75+
口感濕潤 咖啡同酒味都唔算好濃
但又意外地balance 唔會膩

✨芝士蛋糕 (免費)
冇諗過只係remark左生日就送成件cake比我地
真係好surprise
味道正常 中規中矩啦
星星推薦度：⭐️⭐️/5
🍀餐廳環境唔錯,坐落幾舒服
可能平日關係, 冇比人催埋單 傾得好開心…查看更多

早左2日book位得返bar枱位 坐得有少少迫 下次要早少少訂位先得
準時去到冇耐已經坐滿曬成間小店就知佢有幾好食

✨Panceta with Toast $62+
燒到半熟的煙燻豬腩片配脆多士
可以撒少少芝士碎一齊食
咁既配搭第一次食 又幾match!
同時比豬腩片既油脂香驚艶到

✨Red Prawn Paella $368+
有飯同短麵揀, 問左staff較推薦飯多d就揀左飯
staff會成碟比你影左相先
再另外幫忙切開蝦頭，將蝦膏撈返入個飯到
隻蝦就分碟比你配檸檬配埋一齊方便食。
紅蝦得一隻唔算超級大隻但鮮甜彈牙
蝦膏同個飯完全融合
飯粒彈牙口感恰到好處
成個飯好食到想lam碟既程度
唯一既缺點就係略嫌佢太細碟 唔係好夠喉
✨Hanger Steak $168+
封門柳肉質好嫩滑
唔會太咸同時又食到juicy既肉汁
高質!小星星推薦度：⭐️⭐️⭐️⭐️✨/5

🍀有段小插曲係食緊封門柳既時候咬到好細舊似殼既物體, 同staff反映完,佢地送返甜品比我地但我地想去試其他甜品店就reject左了
…查看更多

呢間餐廳食過好多次不斷再去就係為左佢既小籠包平日下午茶仲有半價tim不過今次係平日夜晚食，網上訂位8折✨八色小籠包 $148+八色分別代表八種唔同味道:蟹粉, 黑松露, 芝士, 原味, 川味, 絲瓜,蒜香, 鵝肝個人最愛top 3 係蟹粉,黑松露, 鵝肝熱辣辣新鮮蒸好 皮又夠薄咬開係爆汁既,真係要小心食每隻味道好突出, 一食就知食緊咩味✨蘿蔔絲酥餅 $55+即叫即炸, 外層既酥皮層次分明, 又薄又酥脆咬落食到一絲絲既蘿蔔絲, 夠清甜食完唔會成口油✨鮮蝦雲吞豬骨湯拉麵 $90+鐘意佢麵夠彈牙  豬骨湯夠濃郁鮮蝦雲吞都幾大粒,有4粒雲吞皮夠薄, 蝦夠新鮮✨上海生煎包 $50+ / 3個同平時出面食開既生煎包有d唔同包既質感重d, 咬落感覺較軟熟淋身可能因為咁索曬d肉汁,唔算好爆汁但煎到好香, 肉餡夠新鮮好食星星推薦度：⭐️⭐️⭐️⭐️/5🍀Staff都好熱情有禮貌，環境闊落坐得幾舒服🍀比較可惜既位係d碗碟洗得唔太乾淨😅…查看更多

最近比reels燒到想去試呢間餐廳 即刻約朋友一齊去試 點知有啲失望🥲✨NOODLE COMBO (蜆湯麵+韓式餃子)  $98+
蜆湯麵係超爆多蜆 隻隻都新鮮飽滿🤩
食到有4-5隻有沙之外其他都好鮮甜
主打韓國老闆親身製作既刀削麵冇想像中彈牙,有d普通😵‍💫
湯底係非常清既蜆湯
重口味人士就唔建議叫呢個
湯底你會覺得冇味🍂
另外仲跟左個一細碗薏米飯加左少少紫菜飯素 正常味道

豬肉餃子
大大粒 味道正常
本來期待有肉汁爆出黎可惜沒有😓

🍀餐廳坐得比較擠迫, 人多既時候要同陌生人排排坐
同埋冇位比你放袋, 叫你放地下但又冇籃提供

星星推薦度：⭐️⭐️/5…查看更多

朋友試完呢間餐廳極力推薦咁高評價就一定要試試佢啦餐廳係位於朗屏站附近既小店今次去左食lunch, 下次一定去試埋dinner😋✨黑毛豬肉眼 $108豬扒份量都幾多 每塊都煎到金黃 夠乾身有肉味配既焗蒜都好出色比較可惜既係配既薯條炸得略嫌太硬身✨黃金蟹肉意大利粉 $128蟹肉新鮮仲份量滿滿 食到尾都仲食到蟹肉意粉夠煙靱掛汁 醬汁唔會蓋過蟹肉既鮮味 勁夾!好食到想encore既程度✨炸海苔魷魚鬚 $25熱辣辣新鮮炸起粉漿夠酥脆但唔會感覺油膩魷魚新鮮夠彈性 唔會好似橡膠咁🍀強烈建議book位, 見到好多walk in想入黎食但都full曬小店得大概12個位左右老闆會每枱都問意見睇下滿唔滿意菜式,勁有heart呢個要讚一讚!👍🏻Btw 老闆話咖啡唔係佢強項 可以唔駛試🤭…查看更多

見到佢拎左米芝連推薦即刻想去試試佢放工去到未齊人staff好熱情招呼我地飲薄荷水叫我地坐低等, 勁nice!✨飛天通菜 $68+叫左小辣, 炒得好有獲氣 夠惹味忍唔住一啖接一啖然後覺得愈食愈辣但身邊朋友話正常辣✨和牛船麵 $98+有辣同唔辣揀,小星星就揀左唔辣和牛有牛味得黎唔會靱細粒牛丸仔都幾彈牙但唔係爆汁果種炸豬皮夠脆船麵 食落唔油膩 味道清爽✨蟹肉奄列 $168+好足料, 滿滿蟹肉蛋香就略為欠奉✨芒果糯米飯 $78+芒果甜而不膩配埋微暖既糯米飯糯米夠煙韌,配埋唔會太甜既椰漿, 滿足!呢個可能好快賣曬野食食到一半侍應就問要唔要留個比我地好彩有留到😆✨龍眼冰 $38+甜度啱啱好 仲有好多龍眼肉 解通菜既辣一流星星推薦度：⭐️⭐️⭐️⭐️/5…查看更多

約左朋友去大圍食晚飯 竟然搵到間隱世茶館cafe! 除咗食物好食 木系裝潢令到環境好休閑 超適合同朋友敘舊傾偈🍵✨金華火腿南瓜米型粉 慢煮雞胸 漬物套餐$125呢個係茶單上推介既菜式 由賣相到味道都冇令人失望👍🏻米型意粉比米飯更加有嚼勁,而南瓜醬屬於滑潤偏淡,. 但係配搭鹹鹹地既雞胸,令到整體配搭好夾✨凍檸茶（跟餐+$5）睇到菜單寫既材料 係一杯唔簡單既凍檸茶.雪片梨香單叢（茶底）、油柑、糖水同檸檬。首先唔會有茶既苦澀,油柑既酸甜清新味好出,即使加左糖水,都覺得呢杯檸茶係小星星飲過最健康既檸茶🤣✨柚子薄荷青醬米型粉 紅茶煙三文魚 漬物套餐　$135有驚喜既菜式,初嘗柚子薄荷青醬呢啲都係偏清新既口感會唔慣,但係越食越過癮,一種耳目一新既感覺,柚子既酸甜、薄荷青醬既清新配搭煙三文魚既鹹香,巧妙咁平衡整體層次✨凍重焙烏龍茶豆乳拿鐵（跟餐+$5）平時飲開茶既可以一試,坊間會用焙茶漿再倒鮮奶既方法,但佢哋會以茶粉同蒸氣打發過既豆乳奶泡混合而成,茶味更加純正🍀唯一可惜係晚飯用餐時間得個半鐘😢星星推薦度：⭐️⭐️⭐️⭐️⭐️/5…查看更多