Wing12345的个人专页

首先我必須講其實我一向唔係太鍾意食刨冰因為一般坊間食到既刨冰比我嘅感覺係食冰加食醬成件事感覺好割列但朋友同我講一定要來呢間試吓大約4:00去到已經有人排緊隊好在唔算多人嗌咗期間限定嘅抹茶黃豆粉刨冰首先好大份一定要至少兩個人一齊食先可以食得晒第一啖咬落去嗰陣抹茶味好濃加埋黃豆粉味道好得出同喺出邊食過嘅刨冰唔同終於明白點解朋友一定要我嚟試除咗有抹茶同黃豆粉之外入面仲有紅豆好有驚喜題外話舖頭入邊有溫馨提示提醒大家拍照時間唔好超過20秒唔好掛住影唔記得食呀離開舖頭嘅時候大約4:30條龍非常之長可以嘅話要早啲去食呀…查看更多

之前見好多人都推介難得放假，同朋友黎試下先同朋友嗌左個午市商務鐵板燒套餐佢可以揀唔同既牛 會係唔同價錢最後我地揀啲左厚切A5和牛順帶一提揀呢個餐的話星期一至星期五13:45後入座有8折優惠好抵食呢個係無花果沙律好少食到無花果好fresh 呢個係剌身好新鮮呢三樣分別係南非鮑魚，當日海鮮以及送嘅龍蝦先講鮑魚其實我自己係不太喜歡食鮑魚因為總覺得好韌但呢個唔同，燒得好香又唔會好韌點埋佢個海鮮醬 好正呢個係佢嘅是日海鮮係唔知邊種魚既魚鮫個人覺得有啲腥唔係我杯茶再嚟就係佢送嘅鐵板燒活龍蝦龍蝦固然好食但重點係佢個醬好濃好香蝦膏味A5和牛果然不同凡響唔會overcook牛嘅油脂出晒嚟燒緊嘅時候已經覺得好香炒飯望住佢加咗好多蛋落去炒每粒飯都有蛋香不過稍為娣個味淡咗少少漬物同麵豉湯其實食到呢個位已經非常之飽呢兩樣就不過不失啦最後佢哋送咗個邪惡嘅焦糖多士睇落好靚不過望住佢燒嘅時候落咗好多糖食完好有罪惡咁整體來講，呢餐飯非常滿意…查看更多

難得放假同朋友入西貢行下唔想食茶記所以到海邊揀咗間靚靚餐廳Chill住食早餐8點左右黎到已經好多人有得揀坐入邊定係出邊難得天氣好就決定坐出面享受早餐老實講價錢真係唔平但係食物質素真係好高偶爾都應該對自己好啲先講呢個Egg  &  Bacon  Ciabatta  Bacon & Egg 呢個組合本身就無得輸特別要提提呢個醬個味道好突出食落特別開胃再講呢個breakfast bowl我係火箭菜控蛋炒得好滑又有牛油果甜薯煮得好入味贊最後係朋友食嘅呢個Smashed  avocado  on  sourdough  rye其實味道都唔錯尤其是對於我呢啲好鍾意食牛油果嘅人來講係非常之好味但如果要同前面嗰兩個食物比會相對地較為普通最後想講佢啲咖啡都唔錯不過唔記得影低🙈…查看更多

話說早幾日要去馬鞍山接個job黎到頌安商場人生路不熟是但行入間茶記諗住快手食個飯 入到去都有幾多選擇但意外地見到竟然有蛋包飯就嗌嚟試吓 首先送來嘅係餐湯不過個人一向唔鍾意太飲湯直接叫佢收走 之後都要等少少時間送到黎賣相唔錯因為太肚餓無影蛋包住嗰啲飯佢啲飯唔係白飯有事先調過味非常有誠意 仲有沙律菜咁樣望落去營養都幾均衡👍🏻 你問係唔係酒店級嘅水準當然一定唔係啦不過50幾蚊有湯有嘢飲又煮得唔錯已經係完全意料之外可以encore …查看更多

早幾日同朋友講起好耐冇食過川菜所以朋友就推薦左旺角呢間老川王一齊去試吓本來想打去訂位先發現原來冇得book唯有早啲去Walk in好在我哋比較早六點幾就去到直接有位坐過咗一陣已經full 啦一坐低先嗌一個小食尖椒皮蛋由於唔知呢間野有幾辣所以我哋嗌左中辣試下覺得有少少唔夠辣但係味道係唔錯嘅之後嗌左呢個水煮牛今次識得嗌大辣真係唔錯涼拌土豆絲由於本人唔係太喜歡食菜類食物雖然都煮得唔錯但本人評價一般食川菜一定唔少得酸菜桂花魚啲魚煮得幾唔錯但略嫌酸味唔夠仲有一個蒜泥白肉超級鍾意食蒜頭覺得非常入味最後加咗個辣子肥腸整體來講食物唔錯嘅性價比都算係咁可以一試…查看更多

話說早排放大假所以就約朋友去行吓街傾吓計順便一齊嘆個下午茶下午茶set 好多地方都已經冇位後來見到klook有得買呢個套票所以就訂黎試吓整體啲嘢食都還可以但如果呢個價錢喺其他地方可以食得更好但係佢個水吧唔係好得咖啡沖到好難飲建議大家如果要飲就飲茶茶包唔會難飲得去邊整體來講真係冇下次…查看更多

冇得晚市堂食繼續同朋友出嚟食下午茶Hotel Icon 嘅下午茶一向都幾full所以要事先網上訂位 (要俾200按金)而家嘅主題係巴黎情人節連個Menu都好靚無論個主題係乜都一定會有scones 個scone 食到差不多個下午茶層架就到喺呢度特別想讚下佢個蝴蝶酥同埋奶凍做得超級好食另外仲送咗盒朱古力可以拎走雖然比起其他食下午茶嘅地方Hotel Icon相對來講係有啲貴不過佢嘅好處係坐得都算舒服飲品嗌咗茶會主動refill 熱水同埋水準比較穩定可以encore…查看更多

疫情期間唔想出去食嘢所以決定買外賣返屋企食一路都好鍾意食越南野之前試過呢間堂食覺得唔錯所以今次決定買返屋企試吓主食我揀咗香茅豬扒金邊粉好欣賞佢將湯底同埋食物分開上雖然行返屋企都需要啲時間但絕對唔會淋(Btw之前食佢嗰個綜合金邊粉都好好味比起香茅豬扒我更加推介綜合金邊粉)作為為食妹嘅我一個金邊粉真係唔夠所以加咗個特色小食拼盤4款小食拎到返屋企依然熱辣辣大滿足其實佢午市係有套餐不過因為我唔係太飲其他飲品所以就選擇左散嗌…查看更多

大角咀真係一個好多美食嘅地方約咗朋友食飯諗咗好耐都唔知食乜好最後行過見到呢間裝修好靚好溫馨所以決定入去坐低試吓餐牌上面有好多選擇不過因為唔想諗食乜所以最後決定食佢嘅套餐其實套餐都幾抵食每人百幾蚊就有湯，沙律，主菜同嘢飲同朋友一人嗌左一款沙律啲菜都幾新鮮食落幾開胃之後就係是日餐湯好似係薯仔湯(?!)然後就係主菜我哋揀咗一個意粉一個飯share個份量都唔細我哋兩個女仔食唔晒卡邦尼意粉個汁煮得唔錯個牛面頰飯嘅肉煮得好淋咬咁唔錯最後仲有兩杯嘢飲總括嚟講係一個非常豐富嘅午餐坐得又舒服有機會可以再食多一次…查看更多

其實我係一個無肉不歡既人不過有一個食素嘅朋友所以同佢食飯都只能食齋菜其實我一直都對食齋呢件事有啲抗拒因為以前去食齋一係就覺得味道唔夠好一係就覺得太過油膩但今次同朋友食呢間走肉朋友完全令我改觀疫情底下本來其實都唔係好想去自助形式嘅餐廳不過朋友堅持想食呢間咁就去試吓啦佢係分兩轉時間食嘅我就揀咗食6:30去到第一件事係俾錢平日夜晚125一位以食晚餐來講唔算貴去到就可以拎嘢食由於佢規定出去拎嘢食一定要戴口罩所以其實都還可以唔會太擔心(由於太興奮所以冇影到有啲乜嘢食物提供)但其實佢提供嘅種類都唔少由前菜飲湯主菜到到甜品都有味道亦都唔錯值得一讚唯一有啲可惜嘅係時間有啲趕如果可以食多半個鐘就好啦臨走嘅時候要自己拎返自己用過嘅餐具去分類擺好有機會呢間可以encoreMy round 1之後都唔記得咗影…查看更多

天氣開始凍諗住同朋友打邊爐喺尖沙咀搵咗好耐其實尖沙咀要打邊爐選擇有好多但想要搵間坐得舒舒服服其實都唔易最後諗左好耐決定黎呢間試下話說朋友好想食刺身所以諗住嗌一個刺身拼盤盤嚟試吓其實一開始我都唔係好想嗌因為通常打邊爐嘅刺身都唔會好新鮮好怕中伏但依家完完全全係一個例外好在朋友堅持要食刺身&蠔新鮮肥美好食到好想encore跟住就到重點：邊爐佢個湯底好足料豬肉牛肉都好靚雖然呢一餐價錢有啲貴但真係一分錢一分貨…查看更多

難得星期五約咗朋友係尖沙咀行吓街行到攰攰地就搵個地方食下午茶最後揀左呢度去到人唔多所以坐得好舒服三層下午茶架上面係鹹點味道都唔錯呢個下午茶嘅主題係阿華田好多甜點都係阿華田味無朱古力咁甜好正舒舒服服坐左3個鐘食飽就有力繼續行街🥰…查看更多

朋友生日諗咗好耐要帶佢食啲乜最後決定揀咗呢間事先book位最多可以食兩個鐘六點上到去人唔係好多坐落都幾舒服由於我哋都有選擇困難症所以最後決定嗌2人餐唔使諗 好方便嗌完嘢食等咗一陣就送上餐包淨係見到個賣相已經覺得好吸引呢啲餐包食落都仲係暖笠笠雖然知道仲有好多嘢食但都忍唔住食晒佢地之後餐湯我哋揀咗是日餐湯係忌廉南瓜湯南瓜味非常重值得一讚再來係前菜我哋揀咗法式焗田螺配埋下面嘅薯蓉味道唔錯接住落嚟呢個係黑松露芝士煙肉菠菜馬鈴薯丸黑松露味非常之重馬鈴薯丸口感非常特別其實食到呢一度已經飽飽地之後到食主菜我哋揀咗烤燒八安使美國牛腹膜柳平時出去食牛我哋話嗌五成熟佢就會比七成熟但依家嗌五成熟真係上返五成熟嘅牛扒即刻對呢間餐廳好感大增最後就係食甜品啦其實我係訂位嘅時候有特登講明係幫朋友慶祝生日當時餐廳已經問定如果上甜品嘅話需唔需要加字句所以喺訂位嘅時候其實我已經係預咗一定要食甜品俾個驚喜我嘅朋友落咗單之後完全唔使再提甜品直接加埋蠟燭寫埋字呢個香蕉朱古力班㦸值得一讚呢餐真係食到好飽好滿足…查看更多

早排返工忙到不得了最近終於得閒番啲趁住今日早收工決定請自己食返個疏乎厘獎勵自己想食呢間好耐㗎啦之前其實係喺尖沙咀見到佢但而家搬咗嚟銅鑼灣終於有機會試下佢啦未到晚市人唔多可以舒舒服服咁慢慢坐低食一直以來都好鍾意食疏乎厘班戟雖然佢都有其他味道選擇但我最鍾意都係食原味不過我特登過嚟食呢個疏乎厘班戟鬆軟厚彈入口好有蛋味真係值得一讚最後帶咗個荔枝梳打嚟飲擺盤好靚好有心思唔會好藥水味都唔錯啊呢個下午茶陪我渡過左一個好愉快嘅下午次有機會嚟試吓佢嘅晚市先…查看更多

早兩日同閨蜜食飯因為最近真係好想食韓國嘢所以決定嚟試吓呢間大約七點上到去walk in 坐低嘅時候都冇乜人但後來眼望吓餐牌諗吓食乜坐下坐下發現越來越多人下次要上嚟真係要book位講返點嘢食先餐牌上面啲嘢食影到好好食但係我哋得四個女仔真係食唔到好多嘢選擇困難症又發作嗌完嘢食啲嘢都好快上到嚟雖然呢個係招牌菜但係我哋嘅評價只係一般可能因為我哋揀咗唔辣所以味道唔太突出呢碟餸好大份碟真係要三至四個人先食得晒呢個炸雞真係要俾贊啲雞肉好鮮嫩唔會用好厚粉嚟炸好可惜只係嗌左半隻如果再嚟食一定要嗌原隻炸雞其實味道都唔錯我同其他食物比起來相對比較普通份量都幾大雖然個賣相一般但係其實好好食紫菜飯卷係食韓國嘢必嗌嘅除咗以上嘅嘢食我哋四個仲每人嗌左一杯梳打加埋價錢每人都係220左右不過值得留意嘅係相對來講呢間餐廳啲服務比較一般但以價錢來講整體性價比依然非常之高呢餐算係算係幾好…查看更多