tom2的个人专页

近日經常行過這裏, 看見火鍋本色下午做埋點心。  因為之前試過火鍋關係。 心想, 火鍋本色飲茶應該唔差, 但又見裏面長期地冇人, 心想, 冇咁邪掛。   點知中晒照。 叫左個蝦蛟,  原來係栗既, 即刻退左, 冇蝕到本, 後面果台既人即刻望過黎。   根住好耐先黎個排骨,  好恐佈, 雖則冇蝦蛟一大陣栗味, 但是都一陣雪了很久的味。 個义燒包同個珍珠機就冇問題,  但係個褔建飯啲蝦完全冇味.  怪唔之得飲茶小貓一兩隻喇。   火鍋應該冇問題既, 不過午市都唔好做到咁爛, 攪到咁不如下午關門好過還有, 講到服務,  叫了一壺壽眉, 但是卻來一壺清水, 後來三吹四請才拿來一壺壽眉。  這家店好像不夠人手,  往往要入內呼叫才出來招呼.  很恐佈。  但是壽眉卻不太好味,  算是普通貨色。   接着又一大羣人進來, 大約有大個人左右, 應該是同事來的, 你說我笑之際, 他們的聲浪把我弄得很不舒服, 原來此店的一大缺點是很細少, 不適合茶點, 因為飲茶的人都喜歡大聲說笑。…查看更多

諗住在商業大廈裏面, 實唔會差得去邊, 打電話去訂位, 聽個待應既口氣好無禮貎, 都覺得好唔妥當。未入到去在門口等位, 見到入面食客儀容都知有點問題。  一坐低, 我仲同我親友講風景幾好幾高級咁。叫左個蝦餃, 冇蝦味, 肉實。   义燒包, 包身硬, 义燒硬, 有油溢味。  菲菜餃, 冇菲菜味。   排骨硬骨骨。茶沖兩沖又係冇味。  連啲待應都唔醒目, 求求其其。  呢到淨係食地方。  不過價錢係最好味喇, 成九十大元一個人。…查看更多

識我既人都知我要求高, 鐘意飲飲食食, 差不多成個上環乜乜富興牛腩, 科記豬扒, 永記都食齊, 而且俾分標準高到冇朋友, 今日我要介紹既係莎莉拿。 因為我近排在呢頭返工, 所以今日走上來試試, 入來前都想了一陣, 因為見入面好少人, 但是其他的餐廳的午餐又不吸引, 所以共入了這裏, 看了餐牌, 見有牛扒, 魚和免治牛肉飯, 心想, 免牛飯間間都有, 好食不到那裏, 而要八十幾元一個, 黑椒又很熱氣, 叫了個石班餐來試試。  初來了一個餐包和白湯, 個包摸落好軟, 但是食落口感和太平館差一截, 個湯不過不失。到個魚上來, 我想都是和茶記差不多一舊, 點知一咬之下, 肉質很爽口彈牙, 不會一咬落就散.  個粉就普普通通。  最後叫了杯奶茶, 雖然是涷的, 但是很有茶味。   …查看更多

打電話黎訂枱, 一打黎就訂位, 心知不妙。  一入到玉蕾, 經過長長的走廊和房間, 到達dining room, 看到潦闊的海景。  他們的荼錢最少二十八元, 但是完全沒有茶味, 他們一坐下來推介乜野义燒, 看見隔離台的那碟黑文文, 死實實的就唔敢叫.  要了個cha siu bao, 但是义燒不太好, 包身又不夠鬆軟, 什麼嫦娥餃, 好像個廚師在乜星臨時請回來.  普通。  蝦餃很有蝦味, 銀雪魚飯比較好, 杏汁包都唔差, 總括來說就是不抵.  百六蚊一個人好像冇什麼食, 唯一好食既就是海景, 廁所.  廁所整得好靚下, 如果不是我上網睇有什麼好食重唔抵。  後來我故意在waiter面前話茶怎樣怎樣, 他們都不肯換給我。…查看更多

入去大埔, 去左聯和墟食欽記同群記, 跟住坐多個站去所謂奶茶王, 見到咁多人幫襯, 信心頓時霸棚, 叫了個油多奶茶套餐, 飲了一啖, 好似有少少苦, 整多幾啖試真點, 又好似過得去, 不過似乎九龍灣個啲老街茶餐廳杯奶茶重好味過去, 和大發的更加沒得比, 入口又沒奶香和滑, 好唔掂當。  果個西多更加麻麻, 不脆, 軟淋淋, 求其整pat牛油就算, 食到一肚氣。  唯一優點就係位置夠偏僻, 周遭環境算優美。…查看更多

今日經過中環, 諗住試試好多人包括我兩個朋友, 葉樹堃, 石禮謙推介的一樂燒鵝。 以為好好食, 點知一力到黎見到啲鵝肉黑色, 心知不妙, 一咬下去, 皮不脆, 同肉不嫩, 有點鞋, 冇鵝味,而且好少肉, 兼且舊數不多, 啲飯好似是隔夜的, 賣四十二元一碟, 真係同印銀紙冇乜分別。  唯一可以話係好既係佢杯奶茶, 真係幾好味, 可以改名叫一樂奶茶。  如果仲要博的話, 可以試試燒鵝脾, 我見到數人叫了一隻來食, 睇落都皮脆肉嫩, 診呢間野鵝脾暫時仲未失守, 快點試下。…查看更多

父母結婚周年日走去食番餐, 滿懷歡喜, 諗住千幾蚊個套緊好多野食。  個套餐有蟹肉高爾夫球, 蟹肉幾好, 不過很少。  跟住黎個帶子, 有味, 不過係燒到很乾身夾硬逼啲味出黎, 我問個待應邊度黎, 佢好大聲講話北海道。  跟住黎個肉餅之類, 好似中式菜館的肉餅, 個待應話係歐州邊度出產既, 不過大角嘴骨煲皇果個中午餐重好味過佢。  之後最高級主菜來到, 唔之係乜野羊, 好多醬汁, 都幾好味既。  個鵝肝都唔錯。  我阿爸叫果個blue lobster , 就咁steam 熟黎食, 冇滋冇味, 完全同信報劉建威所講好濃味差好遠。  果陣時都未興食黑松露, 見佢個菜牌有呢道菜, 一食之下發覺中伏, 黑松露淡然無味, 唔知點解值成四百五十元一個, 好彩只叫了一個, 不過又唔怪得佢地既, 我在巴黎三星ledoyen 食的黑松露和他們的差不多。  最後甜品都要成兩舊水, 無叫到, 佢送左一少朱古力, 啫喱的甜品.  野食叫做ok, 不至難食, 不過千多元人均太貴。 …查看更多

睇左網上廣告或推介走入去旺角呢間正野, 入到去個地下立刺刺咁, 心想, 呢次重唔俾我發現新大陸, 叫了一個涷豆腐花, 哇, 好正, 從表面睇好滑, 點知, 一食下就知中左招, 豆腐有陣濃味, 而且用spoon 一斬下去, 發覺好鞋, 大家唔信可以一伙人去幫襯一碗試下, 好食再叫多幾碗, 唔掂再上黎寫下, 發洩下.  重有, 我叫豆腐時, 女待應問要否豆腐, 我緊係不要喇, 好食左先再試呀麻。…查看更多

行行下街見到呢間野, 見到都有點兒人氣, 又見他們自己宣傳綠茶牛奶, 見他們用一些不知名的奶來溝, 心知不妙, 飲落冇綠茶味, 牛奶味又唔知去了那裏, 淡然無味, dum 了又不捨得, 死死氣飲埋佢。…查看更多

近日在再興附近上班, 見到差不多何時都那麼多人, 於是叫朋友去幫襯一下, 朋友初時買了一舊义燒, 之後老闆娘遊說我朋友買了半隻燒鵝, 和一大堆鵝肝。 回家一試, 發覺不妙, 义燒很瘦和乾身, 不知道有什麼好吃。 燒鵝很乾身和皮不脆, 鵝肉完全沒有味和肉汁。 至於鵝肝, 又是很乾身和很乾柴, 和法式鵝肝的嫩滑沒得較。 我想可能灣仔區好的燒腊鋪頭因為加租關閉得七七八八, 所以附近的街坊沒得選擇才來這裏。…查看更多

今日去完上環睇中醫, 順道走落去下面個熟食檔試試這個大家都讚勁的老北方餃子。 一坐低望下個餐牌， 得果四款餃子選擇, 於是便點了白菜豬肉餃子, 個老世力來一大碗湯, 以為是什麼酸辣湯, 一飲之下, 原來是充滿味精水兼夾完全無味的蛋花湯, 飲完兩啖都唔想飲. 跟住個豬肉餃子上來, 滿心歡喜, 果啲豬肉完全無味, 白菜又係, 一點菜味都沒有, 個皮又唔夠薄, 真不知點解可以拿到十九個笑臉. 重有環境惡劣, 成日有幾隻蚊子飛來飛去, 唯一可以讚是他們的醋汁是美味的…查看更多

聽聞劉家廚房好味, 又拿過米芝蓮一星, 見到喺灣仔八喜樓上開了一間分店, 於是去試下。 綠荼炸九肚魚, 炸得好味, 外脆內嫩, 茶皇煙勲雞雞身普通, 但是弄得相當入味, 其餘真是麻麻, 牛肉餅韌, 魚麵很普通, 和普通茶餐廳的沒有分別, 無乜味道, 最難食就是八寶鴨, 隻鴨煲過湯的, 人面塞左一大堆不知名的東西, 鴨皮和肉都柴皮, 好難食。 收二百蚊一個人實在是貴了點。 連啲茶水都普通過人。 …查看更多

近日日本拉面風風摩香港, 試過一平安, 無甚特別, 走去試金鐘既一平安, 諗住有什麼驚喜, 發覺都是好普通, 餃子肉無味, 皮無甚特別, 可以話我工人整既淘大重好味過佢。 溫泉蛋上網睇好勁, 又流質, 又滑溜, 查實力到黎無滋無味, 普通蛋一舊, 到碗面, 面重差過公仔面果啲面, 可以話是同油面差唔多, 真是如果稱日本油面, 咁日本油面都可以賣到八十元一碗。 到個湯底, 夠味, 飲多幾淡喇, 發覺幾油, 因為成碗面, 面不得, 义燒普通過普通, 又收得貴, 成六, 七十元一碗, 不舍得,諗住飲多幾啖湯補數, 湯底係夠味, 不過好油, 返到屋企頂左成晚, 死味, 本來勉強都可以俾個 ok, 但真是不值得去, 所以給個咸喇。…查看更多

好食就好食, 不過就有點問題, 原本訂菜時叫了十頭鮑魚, 但是上枱時就好細隻, 大約三十頭左右, 咁問伙記, 部長, 他們說是以一個罐頭計, 則是一個罐頭有十隻鮑魚咁計, 哇, 千七蚊一個人, 俾罐頭鮑都要同我們說說吧, 還要罐頭鮑都那麼細隻, 之後我們留剩一隻在枱上。他們說是那個跟我們說菜單的小姐是新來的,有點弄錯, 之後送甜品, 送一大碟菜, 不收 10%加一。他們的乳豬很好, 皮很鬆化, 好像以前中環京華一樣。 蝦球亦很爽口彈牙, 很有蝦味。 那個蟹蚶蛋白翅亦真材實料, 蚶有鮮味, 翅亦份量十足。 比法國菜細細舊好很多。…查看更多

看了網上好評, 見埋flickr經常有on lot 10 彈出, 又打極都訂不到位。 驚又好似 marmite 那樣中招, 去到門口都要度一大輪, 睇下滿不滿呢, 一個套餐二道菜連coffee, 有四個choice, 差不多全部野都試晒, 雞肝叫過得去, 菜好味, 好爽, 四個主菜要晒, 四冷扒咁既price 幾超值, 三文魚廚功好掂, 但限於成本問題, 魚味差少許, 意大利飯南瓜味好夠, 豬腩肉都幾好咁, 真是有點不懂, 但我覺得幾超值. 甜品和湯各另加三十五元，咖啡不夠gold by harlan 咁入味。…查看更多