roybaggio的个人专页

位於旺角油麻地旺區，選擇眾多，想食下東南亞嘢，見到一間門面似茶餐廳嘅東南亞嘢...睇下餐牌，價錢好相宜，喺呢個區有呢個價錢真係好吸引。睇下餐牌嗰陣，聞到好香好有泰國風味，就決定入去試下今晚唔算肚餓，所以冇叫傳統易飽肚嘅飯同麵兩個人食，先叫嘅係必食串燒。雞豬各3條，肉質幾好口感，本身鋪面嘅沙嗲汁都夠味，唔錯唔錯跟住嚟嘅係招牌海南雞，雞肉好嫩，有傳統泰國海南雞特式，最正係個醬，有唔辣蔥油同辣汁揀，悉隨尊便食咁多肉，梗係要叫碟菜啦！泰國嘢我一向鍾意食馬拉盞通菜。嘩！呢間通菜有鑊氣同味道好好之外，仲要好大碟好抵食，好彩夠開胃，唯有發揮我嘅小宇宙啦最後仲叫咗黑胡椒炒大蝦！香港唔係太多東南亞餐廳有得食，之前喺星加坡食炒蟹食得多，香港食炒蝦就第一次，我覺得好夠味，仲比我想像中辣，搞到要叫個椰青解解辣呢度茶餐廳格局，夠港式但不失東南亞美食風味，想家常便飯食一餐好味嘅，值得返頭再食！…查看更多

早一排成日係Facebook、電視見到有人介紹威靈頓牛扒，先知道依個菜式係一道做法相當繁複嘅經典英國菜，所以一直都想搵機會試下。咁啱約好朋友係大圍食飯而又見呢度有依道菜，咁就決定去呢度試下。 兩 個人食飯食唔到太多嘢。威靈頓牛扒再加特色小食拼盤就剛剛好喇。先嚟特色小食拼盤，有5樣小食：洋蔥圈、魷魚圈、軟殼蟹、雞翼同豬肋骨。最鐘意雞翼，個醬好惹味。軟殼蟹都好好食，唔會好油膩。食完小食就到主菜威靈頓牛扒。因為慢煮嘅關係，個肉望落去係粉嫩色，食落去軟淋淋，一啲都唔韌！連埋個酥皮同埋紅酒汁就更加特別。順帶一提，呢度有LIVE MUSIC，令到成個餐廳都好有氣氛。放工後同朋友黎一路聽住音樂一路傾計，輕鬆一下都幾開心寫意！…查看更多

聽講灣仔有間高質日本菜，放工就約咗同事一齊食。呢度有元祖波子汽水，味道係經典波子汽水味，好難得，叫咗枝懷吓舊。主食點咗大名壽司定食，有八件壽司、一個沙律同一碗三文魚湯。魚生係店內主打，唔怪得樣樣都咁鮮。最鍾意大本鮪魚腩，好肥美，油脂感好重。海膽又係好正，好鮮甜！其他魚刺身都好爽口彈牙。意猶未盡，再點咗特選鮪盛，有三種唔同嘅拖羅。本鮪赤身就口感結實，油脂較少；中本鮪魚腩油脂分布均勻；而大本鮪魚腩油脂感好重又肥美。忍唔住再叫咗三文魚腩刺身，好肥美，入口嫩滑。熟食方面就有鹽燒油甘魚鮫，燒完都唔乾，保留到魚嘅鮮味，點埋柚子醬汁仲惹味。而薄燒牛舌肥厚適中，入口唔靭有嚼勁。關東煮湯底好濃，同日本食到嘅差唔多味。不過玉子就略為失色，味道偏甜。整體而言食物係幾高質，嚟食嘅話一定都試魚生，質素保證！…查看更多

近來雞煲+火鍋放題成行成市，要找一家有水準的不是太難。今日放工收得遲，和同事來到旺角信和隔離的樓上火鍋店，見到門口$250有半任食火鍋，好吸引！相比起一般大多要$300以上的雞煲火鍋夜題，$250有找的確有競爭力，但我都係比較注重食物質素。一坐得雞煲有辣有唔辣，遷就同事叫了半隻微辣，想留肚打邊爐。雞煲有水準，肉質幾嫩，味道唔錯；之後我哋揀咗蕃茄濃湯，聞落好香，好喇！戲肉嚟喇！先係有一人一隻熟食粉絲扇貝，好鮮！之後有一大碗海鮮盤，有鮑魚、聖子、大蝦、蜆，食得出全部都好活躍新鮮，開場有好印象！尤其值得推介有隨餐送嘅手切牛肉，仲有鮮炸響鈴、芝士丸、炸午餐肉同冰豆腐，加埋任飲飲品好多選擇，埋單$250真係好難搵！…查看更多

香港地味道嘅美食越嚟越少，尤其傳統嘅「細蓉」雲吞麵！早排行開太子，見到一間新束束嘅粥麵店，都幾多人食。今日再經開附近，決定去試一試。入到去見到餐牌，有湯麵、撈麵、粥、腸粉同好多款式嘅小食。八卦周圍望下，好多人叫鯪魚球同豬手，兩樣都係我至愛，梗係要試下啦。同同行朋友夾一夾，佢叫雲吞麵加炸兩，我就要個牛筋撈麵同埋一支細可樂！正！豬手首先嚟到，好好食！夠林又夠味，南乳味啱啱好，唔會太鹹，出色！之後係熱辣辣嘅鯪魚球，新鮮炸起好熱好好食，外皮少少脆，肉質新鮮，一定要叫！雲吞麵麵質幾爽，粒雲吞都足料，最緊要有好味辣椒油，令碗麵錦上添花。牛筋撈麵嘅牛筋夠林，好食；炸兩油炸鬼夠脆，有水準；加埋細支可樂，成餐飯好滿足！…查看更多

旺角特別多邊爐放題，今日想去有特式嘅火鍋店試下！嚟到呢間以重慶火鍋做招牌嘅，當然要試下麻辣鍋啦！今次叫個小辣試試牛刀，由於得兩個人，所以都係叫返招牌款式同多人推介嘅餸。特別要提，呢間招呼好好，服務員好有禮貌，仲好貼心添！講返食物，我哋叫咗一個大盛極尚牛肉拼盤，嚟到都嚇一跳，估唔到份量咁多，望落都好新鮮。有大大片雪花肥牛、日本和牛、極品手切牛肉、澳洲和牛小排同埋一口和牛舌，講真樣樣都好好食，當中要重點提係日本和牛同一口和牛舌，聽個名已經好吸引，而且食落好有牛味之餘，亦好嫩口，絕對要一試！另外要推介係個丸拼盤B，入面有兩款牛丸、芝士丸同墨魚丸。牛丸夠彈牙、芝士丸有口感，我最欣賞係墨魚味好重嘅墨丸！好少可以打邊爐食到咁高質嘅墨丸！…查看更多

銅鑼灣嘅日本嘢琳瑯滿目，星期日想食下刺身同串燒，唔想逼又唔想等位，決定去登龍街樓上食店碰碰運氣。比起以前，呢條街嘅居酒屋已經少咗好多，見到塩玉居酒屋水牌，決定上去解下日本相思之苦！餐牌好豐富，尤其刺身更加好多選擇，廚司推介好多日本直送刺身，最後點咗9款，夠我同朋友兩個人食。其中最值得推介係帶子、銀雪魚同三文魚，食得出夠新鮮，入口即溶，完全符合我嘅期望。話到明想食串燒，當然唔少得牛同雞串。牛串可以話出色！肉質嫩口，就算燒得香口亦冇損失到肉汁，另外兩碟雞分別有唔同醬汁，食得出好有心思，有口感之餘香味都唔可以忽視。由於本身唔係太肚餓，我哋只係叫多一味海鮮燉蛋同埋一客淮山湯。兩樣小吃都好足料，燉蛋入面有大大粒冬菇、魚肉同蝦，同出面食過嘅好唔同，加埋天氣轉凍夠晒暖身；另外淮山湯夠香之餘，淮山同雜菜都好豐富，簡單一餐，好滿足！…查看更多

Blue Monday收工想食牛，尖沙咀食過兩三間都麻麻地，同同事去咗金巴利道牛繁試下，一心諗住以「牛」作招牌點都要試試！叫咗一個set，有特上霜降牛五花、蔥燒鹽香牛舌、壺漬牛肋條同特選豬五花，仲有打卡送嘅上級和牛里脊肉！作為男人點都要叫個飯，侍應好好推介咗霧島溫泉蛋飯。嘩！有驚喜！一嚟到碟碟份量都好足，性價比相當高。值得一提，呢間服務真係好好，每次送菜上枱都好禮貌咁介紹食法，好簡單一個眼神好快有侍應行埋嚟。講返食物，壺漬牛肋條要大大力推介，肉質出色、有肉汁，就算唔點醬汁都好夠味！而特上霜降牛五花亦係焦點所在，肉地夠厚，咬落又鬆軟，所以話好值得「牛控」去試試！如果嫌淨係食肉太heavy，可以考慮食佢個霧島溫泉蛋飯，好香好香，唔係白飯咁簡單。…查看更多

放假同同事去尖沙咀食飯，有人介紹話君怡酒店樓上有間食麻辣好正好好味，就去試下9點後入座有7折，入到去已經彌漫住麻辣嘅激情氣氛。我呢排唔舒服，唔想食咁熱氣，就叫咗麻辣/蕃茄鴛鴦湯底，有辣有唔辣，一定冇死！未上菜，有碟幾惹味嘅鳳爪做頭盤，味道好特別，少少辣夠開胃。內部裝修幾特別，好有中國古典風味。湯底嚟到，自然俾麻辣香味搶晒風頭，係幾香幾刺激。不過決心唔死辣，就專注蕃茄嗰邊，飲一啖，好！有！驚！喜！估唔到佢會咁濃味，就算只係將紫菜響鈴「拖一拖」幾秒，食落口都好濃蕃茄味，完全唔需要任何調味料，已經非常夠味。特別要提一提紫菜響鈴，新鮮炸起，夠熱夠脆又大條，值得推介！仲附有一碟酸甜汁，就算唔落湯都可以就咁食。另外要讚嘅係手切肥牛，肉身夠厚，但又唔硬，肉質好嫩，品質好高；另外牛骨髓、梅菜豬肉丸同埋桶蠔都係店長推介，而且都冇令人失望，絕對係可以「安歌」嘅地方。下次，我一定會試麻辣湯底！！！…查看更多

成日見旺角通菜街橋底呢間泰國菜好多人排隊，趁姐夫生日就嚟試下。一向食泰國菜都會揀九龍城，因為今日落大雨就去呢間近地鐵站方便大家！以往見好多人食佢嘅外賣串燒，我好多年前都食過一次，印象唔錯。今晚我唔係主角，點菜交俾其他人。最後都係點咗日常最常食嘅菜色，包括青咖哩、菠蘿炒飯、雞牛豬串燒、串燒和牛、蝦餅、燒雞全翼、泰式豬手半隻、椰菜苗、生菜包，當然唔少得用嚟點咖哩嘅蒜蓉包同薄餅。以份量計，呢間的確抵食，而且唔收加一服務費；味道亦唔錯，而且價錢相宜！當中尤其青咖哩、椰菜苗、串燒和牛最好食，不得不提，佢個薄餅係超好食，又熱又脆又好味，如果叫咖哩一定要叫！講到價錢相宜，佢惠顧滿$250（應該係）可以以$1叫4款小食其中一樣（見圖餐牌），當中以泰式生蝦好最好食，至於最差應該係椰汁糕。食物質好量好價錢好！但如果想坐耐同坐得舒服，就千祈唔好揀呢間。由於土地問題，呢間嘢枱與枱之間好逼，每張枱只可以坐90分鐘，對於大圍聚會絕對唔係好選擇。…查看更多

一向好鍾意食台式煎餅(台灣人叫蛋餅)，但喺香港實在搵唔到好食嘅煎餅，終於喺灣仔搵到喇!雖然30蚊一客煎餅唔算特別平，但性價比幾高！呢間除咗餐單選擇多，而且仲係即叫即做，食物質素高之餘，仲可以揀素食，我點咗一客素菜煎餅，餅皮煎得香脆而唔油膩，裡面嘅蔬菜咬落脆卜卜，非常新鮮，加咗蛋同芝士配合本身嘅沙律醬，就更加香口同味道豐富；如果鍾意食肉，個孜然羊肉煎餅亦好多客人點，賣相非常好；呢度嘅食物份量亦好足料，以一個午餐嚟講，一客煎餅應該夠食。 美中不足嘅地方係，由於係即叫即做，午餐時間人流多嗰陣，就要等好耐，而且舖面好細，以做外賣為主，客人只可以喺外面企住等，夏天會有啲辛苦。…查看更多

喺尖沙咀返工，中午有時都會去海港城呢間韓國嘢。呢間嘢由韓國人經營，地方寬敞，食物選擇好多！餐牌入面都好多選擇，一般雞牛豬不在話下，豆腐、海鮮、石鍋飯都有，當然韓國嘢普遍都係辣，味道嚟講我覺得唔錯。亦都同一般韓食一樣，有好豐富嘅前菜，尤以個甜薯仔最好食！未上正餐已經令你好開胃。主菜方面，我比較鍾意食牛同豬，不過以價錢計，食牛嚟講一個午餐要$150就相對較貴，但味道係好食嘅，又熱又香餸飯一流，而且份量唔細，好多女同事都食唔晒。早期有Coupon優惠，午餐有8折，加埋一某D餐就$100有找，都算OK，但冇優惠我會嫌貴咗少少。值得一提，呢度伙計較少，當午市坐爆真係做唔切，出餐好慢，呢樣對食午餐嘅打工仔係大忌！…查看更多

喺香港要做素食的確唔容易，尤其是觀塘咁多食肆、咁多競爭，要突圍而出，一係靠食物，一係靠平！坦白講，「素食譜」兩樣都唔達標，先講食物質素，一客咖哩雜菜飯套餐，食材無特色︰薯仔、芽菜、西蘭花、蓮藕、豆腐卜，都算入味嘅，但咖哩汁唔特別香濃，只係例牌味道；紅糙米飯係健康嘅，不過同咖哩唔多夾，用白飯或者薄餅會更好；至於個湯，相信係自己煲，亦無咩味精，但味道真係太淡，亦無咩鮮甜味。整體而言，食物質素好普通。 至於價錢，呢個套餐盛惠45蚊，一啲都唔貴，但以食物水準嚟講，性價比低，唔算抵食。 餐廳方面，餐廳喺東廣場地面，地鐵站一出行大約5分鐘就到，算好方便，而環境亦乾淨企理，加上可能因為食素，通常都唔多人，所以比較安靜。都係呢句︰食物質素至係王道！…查看更多

今次帶媽咪嚟試呢間「金撈」，口啖啖冇乜胃口，選擇咗試佢嘅麻辣湯底。點餸時好難選擇，一來餐牌選擇都算幾多，但最大問題係個點餐紙好亂好難睇，呢度又爆花推介，分類又唔清晰，仲要全店都貼滿一張二張相，講到樣樣都好好食。好！就揀幾樣嚟試...個麻辣湯底算係可以，唔覺有咩特別。先嚟推介「即炸響鈴」，我嫌唔夠厚，薄切切但夠熱夠脆...由於叫咗好多餸，等我將佢哋分等級啦︰出色︰牛骨髓、紫淮山、花生菌芽、牛腰脊普通︰手打滑、手打丸、冰黑豆腐、麻辣湯失望︰黑柏葉、響鈴、薯粉、安格斯牛粒以呢個價錢，我覺得只算中規中矩...…查看更多

老老實實，如果你食開濃味嘢，呢間餐廳未必啱你口味...如果你鍾意食全素，又或者食得比較清淡，呢間素食店肯肯定好啱你！除咗餃子出色外，個人都好鍾意佢嘅蕎麥麵八寶全素湯麵，非常足料，幾款食材都好有鮮味，特別係腐皮，鮮甜又軟滑，個湯底亦誠意十足，相信係自家製餚嘅菜湯，如果你想口感豐富啲，仲可以揀煙煙韌韌嘅山竹麵底。 一個湯麵配豆漿，成個常餐都只係大約50蚊，比起一般素食店同灣仔食肆嘅價錢，呢度算係非常合理。 餐廳方面，店內面積唔大，裝修亦非常簡單，勝在乾淨企理，老闆同老闆娘亦相當親切友善，服務週到。…查看更多