Jac 98的个人专页

估吾到咁好食既樓上串燒小店，炭燒鹅腸，炭燒生腸同埋炸雞皮餃子夠特色，系其他串燒店好少可以食到。會再幫襯試埋其他菜式！好似仲系免收加一，如果生啤買一送一可以到晚上8pm 或更夜就好😆…查看更多

見咁多食評都話好，就第一次黎試吓….. 叫咗炸豬手，好快就送上，心知不妙，一食就系吾熱吾脆，豬皮仲有啲韌，應該已經炸好一段時間！咁就期待另一味啦…..椒鹽白飯魚就係即時炸，夠熱夠脆，但係炸皮好厚，白飯魚就隱約食到啲啦！！椒絲腐乳通菜，味道吾鹹，剛剛好，呢味係全晚最滿意嘅😅最後叫一個星洲炒米，米粉質地好差，食落口好似有啲漿糊咁，而且咖喱粉都未炒開，咁就拎出嚟俾人食！！一般茶餐廳都好食過佢！！仲要搭枱坐，只係想快啲食完快啲走！！下次唔會嚟幫襯。👎🏻👎🏻👎🏻👎🏻👎🏻…查看更多

叫咗三味包括酸菜炒牛肉$118(牛肉咸到苦），乾扁雲南花菜$88…….普通椰菜花，裏面既肉碎又系好咸，麻辣拍黄瓜$56(一啲都吾麻吾辣）！冬天食嘢最緊要夠熱，不過全部都系凍既，又油腻又咸又凍，桌上有QR code 可以用嚟叫菜，之後可以由職員送餐到客人面前，但系統最後不能結賬，要客人行去櫃檯叫菜及結賬，而且只收現金或八達通，人多去食就吾可以用信用卡付款啦！價錢亦吾系平，餐廳嘅價錢但完全無服務提供，真系以後免费都吾會去！！…查看更多

入座前問咗一位職員堂食有冇8折，佢話冇打折，结帳後發现住户及機場員工有八折，但餐廳員工指我冇出示證件，所以不給予優惠，我已經聲明入座前已經問過員工話冇優惠，咁即係員工唔老實，之後亦都冇俾返個優惠我，呢啲咁嘅員工可以炒得啦，咁吾老實，仲要連個主管都一齊同流合污……😓😓😓為咗幾十蚊得失個客，呢間餐廳老板真系要請過班職員，否则打幾多折都冇用……啲客以後吾黎幫襯！服務亦好一般，食完既碗碟又唔收，堆到一枱都係！食物偏甜，飲品淡而冇味！…查看更多

疫情後，加咗價…..四百多食一個普通放题，食物質数不過不失，仲要有限時，極上放題更貴要五百多六百，加多少少錢可以去酒店食自助餐啦！其實一啲都吾化算，有好多其他食店選擇！而且装修有啲舊，吾想執笠真系要改善一下！！…查看更多

外賣食物另額外付$25加多一個細牛油果，但牛油果已經變黑唔新鮮，咁都比客人，唔通博個客外賣唔可以即時見到食物質素？餐廳女落單員工亦態度冇禮，真系趕客…..幸好男店員解釋明白！希望可以日後改善下…查看更多