hazelcyy15的个人专页

呢間茶記既裝修充滿少女心💘，座位舒服，而且好乾淨，仲有一幅打卡花花牆🌸。以茶記黎講，都幾有特色！餐牌上見到菜式都幾多選擇，港式、西式、fusion菜都有，都幾多元化，最後揀左佢其中兩款招牌菜去試下。-🍳蜜汁叉燒滑蛋飯 $58-首先個賣相係唔錯，顏色好鮮艷，叉燒都幾大塊，肥瘦適中，蛋都炒得幾滑。但都只係不過不失既水準，未去到話真係好好食既地步，所以今次比左yellow signal🟡，唔會好食到特登走去食，不過呢個價錢算係唔錯既選擇！之後會介紹下一啲好食、值得encore既叉燒滑蛋飯📣-🍖香煎喜哥蔥油豬扒(配招牌炒蛋、冰火菠蘿油、蔥油撈公仔麵) $72-呢個價錢食到咁多野都算幾抵，當中最好食既係菠蘿油！佢地既冰火菠蘿油，其實同其他茶記既味差不多，不過佢既牛油係冰鎮另上，口感唔錯。佢既蔥油做得好香，豬扒都幾厚，食落去就無乜驚喜，係穩陣之選！-📌四寶食堂地址：銅鑼灣謝斐道482號兆安廣場地下1-3號舖分數：6.5/10…查看更多

🛎乾炒肉丁通粉 $58-乾炒牛河就食得多，乾炒通粉就真係未食過🧐。而講到坪洲，唔少人都會諗起金源冰室既公司炒通心粉。前排去新寶馬茶餐廳小廚食晚飯，見到menu有乾炒肉丁通粉，就抱住好大期望去叫。-首先個香味係勁濃郁，隔離枱都聞到👃🏻，色水都幾吸引。不過食落就冇乜味，落辣椒油都搞唔掂，通粉太淋，加上成碟嘢都好油膩，我寧願去食乾炒牛河好過🤷🏻‍♂️！-📌新寶馬茶餐廳小廚地址：坪洲永安街29號地舖分數：3/10…查看更多

記得以前經過爆丼屋，都會見到好大條人龍。前排政府放寛晚市既時候去左試，果時咁啱冇人排隊，可以直接walk-in入去。上菜速度都好快，味噌湯幾清甜，湯料都幾足。-🌋三文魚火山盛丼 $135-話明叫火山盛丼🌋，啲刺身緊係堆到成座火山咁高啦！但建議食既時候放啲喺細碗，如果唔係，小心跌落黎。頂部係吞拿魚腩蓉🐟，旁邊有三文魚粒、三文魚子同芥辣八爪魚，口感相當唔錯，刺身份量多，勁滿足🤤！-📌爆丼屋地址：旺角豉油街50號地下8號舖分數：7/10…查看更多

經過俾啲甜品玩味嘅外貌吸引着，忍唔住入去試咗，好彩嗰時一點左右冇乜人，平時經過見到都大排長龍。個設計都好有心思，好多都係用返香港嘅元素去設計，外觀一流，Po相上ig真係唔錯!!當店員放咗上台之後，我都忍唔住用咗啲時間去影相，但可惜，當我食第一啖，就心諗不妙...... 我覺得呢一種係正宗嘅好睇唔好食。首先係呢個串燒，蕃茄係最難食，成個味道好奇怪唔知食緊啲咩，佢層皮嘅味道有啲假，總之佢拼埋一齊個味道好唔夾，粟米還好啦，差唔多成舊都係mousse，個蘑菇出邊係黑朱古力，個人覺得麻麻哋好食。其實檸檬茶個蛋糕係算係唔錯，入面有伯爵茶味，可以話係不過不失啦，咁大家都係為咗食個樣姐，都唔志在個味道，不過呢個蛋糕係清香。最後係呢個奶茶，都真係可以唔好試，佢啲奶茶冇奶茶味，其實我都唔知飲緊啲乜，加咗入去囉益力多樽度，其實都唔係好夾，總之就唔知飲緊啲咩啦。總括嚟講都係果句，呢間野去影相一流！…查看更多

我係喺香港燒賣關注組個page見到粉果佬個評價好高，所以特登山長水遠入嚟食！仲要$10六粒真係好抵食，性價比極高！每一粒都好香口，口感超好，仲要啱啱新鮮出爐熱辣辣🥰下次一定會特登入嚟再食過！…查看更多

我同男朋友已經幫襯過呢度好幾次🥳，每次嚟都覺得啲嘢食水準keep得好好🥰👍🏻，每次都一樣咁新鮮，咁好食😋。一如以往，入到黎有侍應嘅熱情招待👯‍♀️，我都係叫返我最鍾意食嘅特選刺身丼，加幾件壽司同梅酒。唔止好食，啲刺身本身都好新鮮！加上我好鍾意呢度嘅環境，每次都坐得好舒服，所以我應該會keep住嚟幫襯💃🏻💃🏻最後店員送上日式菓子，in in un un咁，好似有紅豆同麻糬係入面，口感同賣相都好好，作為甜品凍食的確係唔錯既選擇！…查看更多

有人晏晝去咗呢一度食午餐，嗌咗份卡邦尼意粉，加兩件水牛城雞翼，飲凍柚子茶。想講個卡邦尼意粉完全冇味，搞到我要係咁落鹽同胡椒粉去調味，啲汁勁水，完全冇心機煮。個水牛城雞翼其實只不過係炸雞翼，之後林小小酸辣汁，完全唔入味，淨係得皮上面啲汁係水遊城味。杯柚子茶仲好笑，勁多檸檬核，差唔多每三啖就有有一粒，最慘係杯野係苦㗎。雖然我對啲嘢食好失望，不過啲侍應服務態度係幾好嘅，同埋環境都幾好，坐窗邊望街景坐得好舒服😌…查看更多

我住喺長沙灣既，每次經過呢一度都聞到好香嘅串燒味，有一日夜晚我同朋友就決定左佢哋喺度食宵夜。眼見都好多人嘅，不過我哋冇理到就落左單。點知我哋等左勁耐，等左一個鐘啦先至有嘢食😅，係一次過送上嚟，仲要嗰陣時先至話冇呢樣無果樣😦。首先，如果好多人好多單，要等好耐嘅話，可以落單之前講聲，等客人有心理準備，再去諗佢唔決定喺度食，身邊嗰幾台人都等到好燥底🤬！仲要嘢食相嘅時候先至話冇某樣嘢食，真係好扣印象分！埋單既時候，佢地仲要唔小心計埋佢哋話冇嘅嘢食，好彩我有check單，真係激餐死👺🔥🔥講真啲嘢食唔係特別好食，但係等咁耐同埋咁嘅服務態度已經冇心情食🙄…查看更多

有日就自己一個上咗去呢一度食嘢，之前係OpenRice 見到就bookmark咗，我見同自己住嘅地方都幾近，一直都好想嚟試吓。不過，個位置好夾攝，係一個工廠大廈入邊，我搵咗好耐先搵到入口。不過一入到去真係俾個環境靚親，成個感覺好治癒好舒服，不過都睇得出有好多係係淘寶買，入邊除咗有好多好靚嘅擺設之外，仲有一個area係賣衫同埋賣啲飾物。我一坐低就帶咗杯嘢飲同埋all day breakfast，講真都幾失望，淨係all day breakfast唔連嘢飲都要$98，啲嘢食唔符合性價比，完全係低級野，好心定價嘅時候唔好定咁貴啦😅杯嘢飲就尚算可以…查看更多

同舊朋友聚會，上網見呢度係黃店就幫襯下，啲野食野飲都尚算ok，價錢都接受到，個環境都幾大幾舒服，去坐下吹下水的確係幾好既選擇！店員既服務態度都好好，超nice超好人。不過有啲位都需要改進下，首先，board game係我地其中一個揀去呢度既因數，但呢度啲board game殘到玩唔到，仲要有陣味。諗住揀個最穩陣冇死既啤牌黎玩，點知啲牌唔齊，仲要重複，真係強烈建議一係就換返新既board game，一係就唔好擺，好易會比客留一個唔好既印象。同埋個廁所真係好烏糟！…查看更多

今次係第二次幫襯呢間日式小店，價位尚可接受，但就唔算話太抵食。呢度嘅環境好寬敞，有好多slam dunk擺設，睇嚟老闆係粉絲。今次同男朋友嚟嗌左兩個特選刺身丼，如果冇記錯應該係$100左右一個，份量比較細，所以要另外加啲小食先夠飽，不過值得一讚嘅係，啲刺身的確係幾新鮮幾好食另外嗌咗個芝士三文魚卷，上面嗰層芝士好搶味，不過整體來講都幾好食！同埋好鍾意呢度啲店員，服務態度勁好，仲記得上次嚟嘅時候落大雨，好彩有店員好體貼咁俾咗把遮我地。以後得閒都會嚟幫襯…查看更多

有日去文武廟拜神，途中經過呢間cafe，見到成個氣氛好chill，就決定拜完落黎呢度係嘆下咖啡☕️。呢度個裝修唔錯，坐落都幾舒服😌，店員好好人又令仔！叫左杯chai tea latte，好濃厚既花香，飲法獨特。之前係星X克飲過，但佢地既chai tea隻味好奇怪，自此就有點抗拒。但呢杯簡直令我眼前一亮！另外仲叫左cold brew，味道啱啱好，個人preference唔中意太濃，呢杯唔會太酸又keep到少少咖啡豆既fruity! 一定會再黎幫襯！…查看更多

同幾個朋友聚下吹下水，咁啱個朋友介紹左呢到，就上左黎食。大熱天時，想食茶記又唔想出汗😵。其實本身都預左冇地道茶餐廳既風味，所以都冇咩期待過。叫左幾道菜同哈爾濱啤酒，又係sell用戰鬥碗飲酒當gimmick。強烈推薦豬手！呢個堅好食，外脆內軟，味道啱啱好，我地幾個都爭住食🤪叫左我最愛既蠔餅試下，點知真係好難食，蠔又少又細粒，懷疑落左勁多麵粉去炸！綜觀黎講，所有野都不過不失，店員ok，環境ok，價錢又唔會太貴，我諗豬手會係令我食過返尋味既原因❤️…查看更多

有日經過深水埗聞到呢一間野個味道都幾香，見佢係食咖喱嘅，本身有啲卻步因為我有箍牙，所以唔可以食咖喱，不過見佢咁香，就破戒一次啦！叫咗個燒咖喱芝士唐揚雞球飯同燒咖喱芝士豚肉飯，想講聞落去真係好香，但食落去先發覺冇乜味，同埋成個飯勁濟，我同男朋友都食唔晒( ･᷄ὢ･᷅ )。我覺得佢嘅咖喱真係淡而無味，真係俾佢呃左入嚟。不過嘢飲值得一讚，佢嘅芝士奶蓋做得唔錯！烏龍茶溝豆腐都幾得意(⁎⁍̴̛ᴗ⁍̴̛⁎)見到個裝修真係幾靚，好日式！老闆娘都幾靚女😂講真幫襯完呢次，下次唔會再嚟。…查看更多

老細帶左我同teammates嚟呢度食lunch，特登由太古坊飛的過嚟食，皆因老細話呢度係全港最好食既pizza (p.s. 老細係哥倫比亞人)，咁我就緊係要試係咪真係好食到咁。入到去見到好多skateboard掛牆做裝飾，環境寬敞，坐得都幾舒服😌我地總共七個人，叫左四個不同味既細批。點知一嚟到，原來勁大份。覺得最好食係Super Saiyan同Crazy Cheese。不過因為個份量都幾大，所以Crazy Cheese食一兩塊之後勁濟🧀。食左pizza之後叫左個甜品，係店內唯一既甜品—朱古力蛋糕。呢個真心要讚，真係好好食，強烈推薦👍🏻👍🏻👍🏻…查看更多