Chloelau_0515的个人专页

堂食有返八人一檯之後一行五人約出去食飯，咁岩有朋友推介話食過好正既打冷鋪就去左試叫左- 蠔仔粥：其實一直對蠔仔粥印象都麻麻，因為以前食過既都係少少咸味既水加少量腥味蠔仔加好鞋既肉碎咁，但店員推薦所以就嗌左。想講呢度既蠔仔粥完全唔同！睇相都見到多料多蠔，有鮮味一啲都唔腥！我地係清晒見底- 蠔餅：食親潮州菜都會叫，呢度既蠔餅都係勁足料，啖啖都有蠔仔，炸得夠脆唔多油- 滷水野有鵝片&墨魚拼生腸：唔知係咪老闆得罪左廚房，份量超多，件件厚切佢攝係底既豆腐都好好咪！個人最推薦鵝片- 炸雲吞：叫炸物最怕佢油同炸得太硬，呢度完全無呢個問題，又係秒速清碟- 炸醬麵：想講佢地真係好足料，撈完之後又係可以啖啖都有料食到本身我地見啲野食價錢咁平，以為會細碟，打算食到咁上下再嗌，點知飽到唔洗加單唔怪得全晚都旺場，keep住有人入變相想食既炸韭菜餃呀豬水果啲全部要留返下次encore先再試lu…查看更多

無得去上海食野就搵下上海野食上網見人介紹呢間話好食、價錢唔貴，就決定去試試～地理上對我黎講就唔算近啦，不過有map都好易搵到去到門口見到都有六七個人等緊安排入座，未食都估應該唔差！岩岩好坐到最後一張四人檯唔洗等位四個人叫左呢啲（掛得食無影晒）：- 排骨擔擔麵- 醉雞飯- 酸辣湯麵- 糖醋魚- 窩貼個人推薦擔擔麵同酸辣湯麵，擔擔麵有濃濃既花生味，唔會太杰亦唔會太稀！至於酸辣湯麵就足料惹味兩個麵既麵質都岩岩好！排骨味道唔錯，但我就覺得炸過火左少少，偏硬醉雞糖醋魚都好食順帶一提～有app有糕送（又係唔記得影）總括黎講，呢間上海野值得再食呀！見到佢有得叫到會，嫌遠既我應該會揀呢個option haha!…查看更多

同朋友去harbour city行街shopping,買完一輪要搵地方坐低食啲野抖抖同傾下計，就揀左sensory ZERO啦，之前經過成日都見到排好長隊所以一直都無試過，當日我地大相3pm左右去到，竟然即刻有位lucky!(坐低落埋單之後就見到開始要等位）點左幾樣野食，個人推薦蕃薯條！香脆唔油，食唔停口另外all day breakfast入個佢跟左個earl grey 醬比我地搽多士，呢個醬都幾好食饅魚飯睇相都見到饅魚數量唔少～夠厚，唔錯唔錯總括黎講，如果唔想等位既話可以試下呀…查看更多

有啲事要去上水處理，平時少機會黎呢邊所以就把握機會去覓食啦揀左鳳鳴居，佢12點開門，我地12點零幾分去到已經坐到7成滿所以未食都知味道一定好我點左醉香雞湯米線，放上檯已經聞到香噴噴既酒香，雞肉份量足，個人幾鍾意佢啲零耳朋友點左喇沙雞米線，試左一啖，都幾香，唔好見個湯咁紅以為會好辣，但唔怕呀～不過比較起上黎我會鍾意醉香雞多啲另外叫左個香卷～夠香口夠脆！個人建議如果大家想去試既話就盡量12點去到，如果唔係就要過左lunch hour先去～…查看更多

難得去開九龍灣，就約朋友去試下bookmark左樂耐既蕃茄仔！同朋友叫左豬同雞麵，覺得雞好食啲！至於個蕃茄湯底，同我食開既唔同，呢款似西式湯煮法，都幾好食後尾聽其他朋友講牛好好食，下次試下先…查看更多

慶祝朋友生日，早左兩星期打齊三間分店訂檯，其中兩間都full晒，好彩西環仲有位！一行五人叫左六樣野，全部都幾好食！個人幾鐘意呢個豆腐粒炸得夠脆，豆腐都好滑，食唔停口沙拉骨都好惹味，不過個形狀切得有啲古怪，食既時候成面都係薯仔牛柳粒，味道正常，覺得份量少左啲，圖中係食左一半左右既樣至於個豬手就大大碟夠脆同唔怕太咸，唔錯椒鹽鮮魷，份量都係比較少，味道就正常，覺得伴碟既花生硬左啲最後仲有個海鮮粉絲雜菜煲既但唔記得左影相，果個個湯好飲！總括黎講我地一致覺得係幾好食既，環境都舒服，檯夠大同幾好坐但有部分餸菜覺得可以大碟返少少…查看更多

去開果頭打波，朋友帶我去食呢間合利叫左墨丸拼牛筋腩銀針粉，牛筋腩分量好多，食到近尾都仲搵到舊筋另外值得一提既落單係叔叔推薦叫我加入銀針粉度食既菜脯！辣辣地、爽口，加左入去之後好惹味朋友就叫左豬手拼雲吞米（唔記得影近鏡），豬手無試，雲吞好食！…查看更多

夜左收工，行過見到刺身飯就比佢吸引左入去叫左一個刺身飯加炙燒左口魚壽司打完卡就即刻趁熱放左舊左口魚壽司入口好正，好香（字貧唔識形容）拿拿臨趁熱食埋另一舊就試個刺身飯啦佢果三舊三文魚腩大同厚得驚人，放入口超滿足（如果可以做埋炙燒就不得了）甜蝦同帶子都好新鮮不過分量實在太多，食到尾有半舊三文魚腩食唔到了，同剩左唔少飯建議女仔可以一個飯share加壽司或小食 /叫佢少飯少少題外話（原諒我思鄉病重）諗返起第一次去東京既時候，天未光五點幾就仆去築地想排壽司大，點知去到已經打晒蛇餅，最後排佢隔離間刺身飯店都要等差唔多成個鐘不過好好食，仲記得佢啲三文魚籽同海膽多到唔洗錢咁不過最後食到太飽，足足滯左成日到夜晚先再食第二餐…查看更多

讀書時期成日會上愛民碌齡，但執左之後都無再黎過lu，今日咁岩有啲事上開去就順手行下同食飯本身想去以前飯堂既天馬原來都執左..商場入面既都係連鎖店唔想食，行去冬菇亭果邊，原來都翻新晒，估唔到何文田變左咁多，最後揀左呢間點心店落單後見到免茶以為係咪見我單拖咁慘所以唔洗我比茶錢咁好，之後見到有張紙仔寫住下午茶免茶小籠包都幾大粒，入面有唔少湯汁，幾好味不過要趁熱食，食第二粒果陣吹凍左啲皮變返硬（順帶一提冷氣超級凍見隔離檯婆婆都縮縮下，最後叫店員幫我地較高返個溫度就正常返）紅棗糕好食個人鐘意食啲煙韌野，而且呢個糕又唔會太甜。但呢個就同小籠包相反，太熱食淋左啲，覺得擺多左陣吹凍啲先食就夠煙韌啦（夜晚比屋企人試，佢就唱反調話覺得可以甜返啲）雞扎，次次食雞扎都諗起細個會同家姐爭火腿食，其他塞晒比呀爸食大個左就變左最鍾意佢入面舊芋頭同雞，呢度芋頭夠粉，雞都ok，同勝在大份平時都間唔中會自己食飯，不過飲茶就真係第一次，樣樣都想試但得一丁友，叫三樣但最後都係眼闊頭窄食唔晒要包走比錢時見到佢原來有小菜menu，不過太遠啦，齡場又無埋，下次有機會再上開黎先試下啦～…查看更多

去開屯門碌ling 順手去浩和街打卡，中途就去左小茶角食野。叫左兩個牛角包煙芝牛好味朋友叫果個係有炸蝦餅既（唔記得左名），佢話覺得如果再多啲汁就更好叫一個牛角包再叫一杯野飲會送薯角或沙律，我地揀左薯角，炸得夠脆、味道都不錯食飽準備出發去浩和街前，我地向其中一位員工問路，果位員工好nice呀，解釋得勁詳細！謝謝你本身知道要行成個鐘先去到想改期揸車再去，但見難得黎到屯門，當日又咁好天就決定照去啦！送上一張浩和街既風景相…查看更多

有朝無食早餐係附近打完波，好肚餓就走左上街市熟食中心覓食，一入去就係全記，見佢都唔少人食緊就試試佢啦叫左招牌豬餐唔記得咩名餐同一個椒鹽骨飯分量好足！豬扒好厚又大塊個人鐘意椒鹽骨多啲，因為有椒鹽惹味啲望見隔離檯有人飲樽仔鮮奶又忍唔住跟機睇黎打波減左既脂肪應該全部返晒黎小插曲係見到隻米奇係窗邊爬左走黎，嚇到即係急急腳食晒比錢走人，係度建議大家唔好坐近窗邊，啲米奇就係係外面啲喉管爬入黎下次有機會經開既話會想試試佢夜晚啲小菜…查看更多

以前食過奧運分店既午餐，覺得唔錯，所以去旺角試下佢既晚餐，點知中大伏所以事隔咁耐都要補返篇食評，唔想咁多人中伏後黎睇返原來奧運果間叫樂天經典，無深究係咪同集團，爭兩個字，味道就差天共地小籠包：呢個無伏，正常發揮，過關！欖角骨：個人同家人都覺得呢個好難食…怪味同好硬，份量睇相可以見到涼皮：正常咕嚕肉：家人話正常，但對我黎講太酸鱔糊：好咸…掛包：配豬肉既掛包（相入面左上，啲包食晒得返個籠）印象中正常圖一個唔記得咩菜春卷：賣相唔錯但食落搞唔掂個菜有怪味，同行既都係咬左啖就放返低，炸得ok既係鬆脆既，但佢入面個菜就真係完全唔岩口味其實仲有叫左上海炒年糕，但無影到，佢既顏色係同鱔糊&欖角骨一樣呢次飯局大家都覺得中晒伏，又貴又唔好食，所以唔會再比機會了…查看更多

朋友離港前想打個靚冷，咁岩碌社交平台見到啲人對紅伶既墨魚片讚不絕口，咁就去試試啦！掛得食，食到半路先記得影張相墨魚片比想像中無咁特別，覺得可以攤耐少少先食，可能因為岩岩雪櫃拎出黎比較硬。至於蠔餅正！有好多蠔仔呀！炸得夠脆又唔怕油！蝦同蠔仔粥就正常發揮，不過不失。至於炒蜆就要扣少少分，因為有沙。總括黎講，紅伶水準中等，但勝在抵食同埋唔趕人！等我地一班小學同學可以好好聚一聚。有機會下次會再試下其他菜式既…查看更多

有日同事帶我去左呢間米線鋪食，鋪仔細細坐滿晒人，咁熱天時鋪外仲堆滿人排隊等外賣同等入座，都估佢唔簡單。同事話話牛肝菌同腩肉係必食，但個人怕腩肉太肥，所以就淨係跟機叫牛肝菌，另外就揀左牛𦟌同墨丸賣相係咪好一般但想講佢係有！內！涵！一百分滿分既話我會比95超多料，牛肝菌勁正，滑滑地味道好，仲要食極都仲有！墨丸正常5分扣左去個牛𦟌度，略嫌佢有啲硬之後同事分左舊腩肉比我，又唔會太多肥膏，夠入味，下次會考慮換走牛𦟌轉腩肉…查看更多

曾經係附近返工，放lunch既時候緊係同埋啲同事一齊探索下周圍有咩好野食以前唔知，原來大角嘴咁多好野食，所以轉工後間唔中都會過返黎呢邊覓食～星洲總廚其實之前食過好多次，但今次係第一次試佢既下午茶，當日閒日下晝三點幾去到，過左繁忙時間唔洗等位！一行三人但點左四個餐除左雞扒喇沙之外其他都係下午茶餐，逐樣講下啦～呢度既喇沙係必選item，個湯好香又夠濃，食完唔怕口渴。豬扒雞扒又係不得了，夠juicy仲要分量都唔少，每次黎親都飽到捧住個肚走仲有最後一樣係第一次叫既咖央多士，睇相係味見到佢牛油好細粒呢，開頭上檯我心諗「洗唔洗咁慳」但後尾食果陣將牛油搽滿多士，食落又幾正啵！少少地既牛油香唔怕搶左咖央味好滿足其實每次都想試下佢啲飯餐，但最終都係揀返喇沙下次轉轉口味試下佢個海南雞飯先！…查看更多