pineapplepig的个人专页

呢排成日叫外賣，冇計啦！又唔封關。。。呢間無論係堂食定外賣都咁高質！話說，我地叫咗一份菠蘿豬排，勁好味 豬排又厚又juicy，配埋好似燒汁同菠蘿一齊食，舌頭有福了！仲叫咗咩？係芝士薄餅呀！超好味 真係好好味，脆卜卜、香噴噴、芝士又彈牙又起絲，味道剛剛好。佢嗰個好靚嘅紙盒，薄薄但有2個透氣die cut罐，好細心仲叫咗咩？其實我地好似係食咗薯條飲咗湯同有個意粉(份量略小)，最奇怪嘅係，好似多咗隻蟹。。。噢！唔知係送定俾錯，不過好好味喎！一口氣食晒，最正係好多膏就咁，其他餐廳外賣錯漏成日有：叫檸樂冇俾可樂、特登加油菜又冇咗、米線冇轉薯粉、少咗個餸等，今次呢種唔知算唔算係錯呢？…查看更多

之前試過佢嘅小菜晚餐，又試過晚巿任食火鍋，係平平地都唔差嗰種。不過疫情開始，性價比就越來越差，冇咩好食咁，所以都好耐冇嚟。今朝約個朋友傾嘢，諗住搵個有免費泊車，又坐得耐嘅地方，朋友話飲住茶傾喎，咁就揀咗嚟試下佢d點心。D茶就一般啦！志在有嘢飲住傾嘢😊見到張點心其實都幾開心架，種類都多，又有我鍾意嘅甜品添！點知。。。冇楊枝甘露喎。好，期待嘅一碟碟點心，最後，蘿蔔絲卷嘅蘿蔔唔新鮮，雷沙湯圓係想吐返出嚟咁冇味，三色古早腸粉麻麻，冇咩點心想推介。不過如果要求一般就ok，咁可以叫蝦餃或者芒果布甸。好啦！飲茶都係唔好嚟呢間😅…查看更多

2個普普通通嘅糖水，收費貴咗d，冇下次值得一提嘅係樓面，因為態度、神情、語氣等，都係極品。極品：(晦氣)外賣幾號呀？客人：(有禮)我用app嘅外賣自取嘅極品：(惡)幾號呀？客人：(不爽)電話號碼得唔得極品：(有人欠咗佢咁)咁你嗌咗咩呀？好彩最後都攞到，不過攞2碗糖水啫，唔明點解要受氣，早知俾貴d都食聯和墟另一邊嗰間。咁嘅服務態度，真係一次都唔想幫襯，蝕呀！講返嗰2碗嘢先，蛋白杏仁就唔值呢個價，紫米露都係可以接受嘅，不過我覺得茶樓送嗰d都差唔多啦！…查看更多

今日突然想去啟田食lunch，咁啱見到Pizza Hut做promotion，又咁啱積分就到期，一於嚟幫襯啦！轉到午餐買一送一就最抵！點知我轉咗最唔等洗嘅泡芙返嚟 本身叫午餐加$10就有架喇，呢張券係要食指定套餐架，起碼幫襯2百幾先送4粒。所以我地決定用呢張，每個餐減3蚊仲好！結果叫咗：1) 煙三文魚飛魚籽長通粉+忌廉湯+柚子蘆薈茶 ($78) 2) 卡邦尼煙肉意粉+忌廉湯+即磨咖啡 ($78)3) 煙肉腸拼薯條 (免費 - 7月會員尊享優惠)4) 辣味雞翼 2客* (120分 - 用快過期既積分換既)送嗰2條腸估佢唔到咁飽，所以打包左成個卡邦尼煙肉意粉，不過其實佢係我地落單後半個鐘都未到，唔打包都唔得啦！*點解4隻同8隻雞翼，都係跟一粒小蕃茄嘅呢？下次分開叫，可能多一粒 XD…查看更多

睇呢間嘢個款覺得好好味咁，就諗住買番碗細蓉攞返屋企慢慢嘆。。。叫咗：1碗墨丸河走葱1碗雲吞麵走葱1碟郊外油通菜嘩！我地食麵最想要嘅辣椒油同紅醋，佢竟然冇俾我地 雖然我地係忘記提，但佢地問句都得掛。唉。。。好啦！希望麵靚就算吧！點知。。。一打開啲粉麵，有葱嘅？ 雖然墨丸開十字花幾細心，但係個湯底食落去成口油，真係試唔真咩味 咁好似都幾彈牙嘅。好啦！食油菜啦！下？！！？！咁黃嘅好彩，佢嘅雲吞攞返啲分，雖然一碗得3隻，不過係超大隻嘅，有原隻蝦喺入面，味道都唔錯，而且幾爽口。…查看更多

因為趕時間，只係食咗45分鐘就走，都算快。叫左4樣野：1) 生菜：好多菜揀，出街食野黎講，最好係佢！不過同上海菜冇咩關係咁。。。2) 炸銀絲卷：皮唔脆，近乎韌。當然，銀絲都唔好預期真係絲，不過都算有一條條。3) 酸辣雲吞：得少少雲吞，湯都過得去，冇咩特別。4) 鎮江骨菜飯：如果菜多返少少會好D，同埋其實好油。D汁淡口左少少，D骨唔太有味。其實佢地咁新，本來係有D期望，就算食物一般，都以為環境同服務會好。點知見住佢地叫D客人坐去邊，真係有點汗顏。明明6點咁早就大把位，有一個人黎食既就叫人坐面壁既位。又有個客剛坐落話個位凍，講左幾次都冇人理佢，佢結果自己搵過個位。雖然佢地唔算冇禮貌，不過待客就真係有點得過且過。。。咁食物質素又唔特別好，環境又逼又凍，服務又。。。雖然大圍又好似冇乜上海菜，但唔知佢捱到幾耐呢？…查看更多

個人而言，幫襯快餐店就係為左平平地快快地既一餐。今次叫餐已經排左一陣隊，等餐都等左成10分鐘。其實呢間大家樂，都可以話係我家人既飯堂，佢地成日黎食下午茶，叫燒味飯就快靚正，就好似咁。但係有飯有菜有湯就要等。。。至於環境，其實成日都見人鬧交，因為地方窄，又冇固定收盤設施，所以好容易就有碰撞、爭位、清潔既問題。我唔覺得係D阿姨差，係呢度環境令佢地好難有好服務。有時，我甚至覺得佢地好堅，D客都幾唔禮貌架，佢地都可以逆來順受，有幾個阿姨成日掛係口邊：唔該晒！麻煩晒！唔好意思！黎呢度坐，真係要預左咩人都有先好！唔係分分鐘同人開片。。。…查看更多

地方細細成日滿座咁。。。路經好多次，都未入過嚟食，今晚終於有機會一試。9點幾去到，差啲以為冇位，咁啱有張4人枱，我地2個就被邀請坐低咗。食到半路，阿姐話有4位要入坐，叫我地坐去埋邊2人枱。。。其實點解唔拍張2人枱去埋邊合做4人枱啫？服務態度就見人見智。。。點菜時，本來想叫蒜蓉芥蘭，點知阿姐就話唔啱季節，比較硬，建議我地食通菜。雖然我覺得蒜蓉通菜怪怪地，但諗住人地都鍾意食，都好啦！點知，阿姐又話馬拉盞通菜啦咁，我就重複話要蒜蓉，同埋話我地會要馬拉盞炒蜆；又點知，阿姐話係唔同食法。。。好啦！食物質素就。。。第一味上嘅係鳳爪，係就係無骨，但係唔知點解好多好細嘅碎骨，牙都就快崩。味道係ok嘅，唔太辣唔太酸。送菜速度超快，真係轉頭就到再嚟係阿姐推介嘅馬拉盞通菜，我個人就覺得林咗少少，不過菜又幾新鮮咁嘅。味道就，一般啦，少少鹹，油唔算太多。呢碟蜆又真係同通菜唔同味，有少少似淡口版嘅豉椒炒蜆，不過啲洋蔥都幾爽甜，蜆肉就冇咩鮮味，仲好多粒似乎係合埋咗咁嚟炒，因為打開嗰時入面冇咩汁。鹹檸七。。。唔知點解啲冰都未融個底會有水咁，粒檸檬都幾鹹，不過唔係醃出嚟嘅鹹，只係好似落咗好多鹽咁。都仲可以接受嘅，只係飲到底真係鹹到呢！…查看更多

今日咁啱有杯喺身，又過咗嚟，見未夠鐘下一個appointment, 就諗住嘆杯好嘢，兼做下嘢。排隊得幾個人，等咗一陣就到我。問咗Coffee of the day用Columbia咖啡豆，係我曾幾何時日日飲嘅中度烘焙豆。其實真係好怕而家好多所謂嘅咖啡店，成日都只供應深烘焙豆，呢排試咗幾次，今日終於飲返杯啱口味嘅。至於搵位方面，呢間位都唔算少，但人好多，而且唔少都好似我今次咁，自己一個，大家對搭枱都好冇所謂，都算幾有禮貌。我唔係留咗好耐，半個鐘左右就走咗嚕，叫咗杯Verti好似太大添。。。…查看更多

下午4點幾，大埔陽光普照33°C，行咗10分鐘成個人都已經溶咁滯。我地2個叫咗2杯芒椰爽外賣，第2杯半價嗰個，36蚊有2杯。呢間嘢勝在近車站，咁啱又冇乜人，入去坐住涼住冷氣等。呢度靜靜地，又冇人理你坐幾耐咁。(不過其實等外賣都係一共等咗7分鐘，連埋之前排隊嗰2分鐘，都唔夠10分鐘)可惜佢地將2杯飲品，同埋2支飲管分開咁放咗喺膠袋裡面俾，所以我地冇得即刻飲，仲覺得好唔環保。去到車站先攞出嚟飲，D冰塊嘅碎度同味道都啱啱好，正！…查看更多

之前都食過呢間嘅早餐，試過叫早餐C，雞扒兼烏冬都ok，所以頭先見隔離「樂記」排長龍，尐餐牌又就嚟除晒落嚟咁，就決定轉過嚟食返個類似嘅餐啦！我地叫咗一個早餐B(魚柳)，一個關東煮烏冬餐。。。塊魚柳好淡，炸皮硬，肉乾。。。講完。仲要貴過隔離「樂記」嘅魚柳餐添。。。不過咁，其實個關東煮同溫泉玉子係ok嘅，只係今次呢個全西式早餐，食到我中伏咁先俾喊喊嘅。仲有，想提一提收銀姨姨其實好nice有禮貌，有笑容，仲提我個魚柳餐係冇跟烏冬添。。。諗諗下，唔通係暗示我唔好叫呢個餐…查看更多

去得呢D舖仔，都係貪佢近近地，又夠快。阿姐見我地係門口，就叫左我地埋去坐，雖然我唔太知佢指邊個位，是旦啦！佢都唔算冇禮貌，冇D人講得咁差。因為肚餓，所以好快決定左食咩，仲唔記得轉米粉，落單之後先同阿姐講，佢仲好好咁跑去廚房果邊幫我改，其實都算幾好服務啦！等緊既時候再睇下餐牌，其實單點一餸米都唔錯啫，又平D。。。不過其實周圍既食客，好多都叫原條魚咁食，我就自問食唔到，而且叫一碗既價錢可以叫到兩碗。D野一到就食，食左兩啖先醒起影返張相。。。食湯麵，湯係重點，佢算過得去，夠熱又夠味，係胡椒味重左D啫！食到咁上下，有個阿姐派水，放左兩杯係我地枱面。我突然發現，係喎！冇人幫我地舖紙餐墊，又冇人俾水我地喎！真夠自助！好彩佢地老闆設計所有枱都有餐具櫃筒咋，唔係D阿姐應該搞唔掂。如果我係D好需要飲水既客，應該一早催左佢地 XD (我到臨走都冇飲晒杯水，個湯係咪真係冇味精？)總結：實有機會再幫襯，雖然未必係短時間內…查看更多

Join咗King Parrot咁多年，第一次嚟西灣食嘢，一於試下呢間！一來係平日，我地又早，行到去門口仲以為未開門，但原來都已經有一枱人食緊嘢。我地六點鐘就坐低，環境都算係咁啦！我幾鍾意高咗少少嘅卡位，地方都幾夠空間感，因為有少少餓，所以見到樣樣都想食，結果參考咗尐食評就決定留肚試2味甜品。叫咗：橘子乳酪串燒 (King Parrot嘅美食贈券)鮮魷雜菜海鮮飯炸蕉+椰子雪葩芒果糯米金寶一睇就知我今晚情迷海鮮啦！不過的確有少少失望。。。先講講杯杯乳酪飲品先，我就覺得一般，好稀偏淡，不過人地話全餐嚟講佢算好囉喎。。。本來我仲諗住好飲就試多杯椰子乳酪架嘛！第一味嚟嘅就係鮮魷雜菜，我即刻叉咗塊椰菜放入口，放心，我冇辣親口，因為唔熱嘅，仲好硬淨添，之後再叉甜豆，都係偏生，而且只係暖暖地。雖然呢尐蔬菜都係可以生食嘅，但係真係咬到牙骹有尐攰。鮮魷都唔錯啦！再嚟就係碟海鮮飯，賣相幾好，最令我覺得窩心就係佢有個隔熱膠喺個手柄度。一般侍應只會講句小心熱，而佢地仲好細心咁照顧你嘅玉手，唔錯！其實飯太乾，如果椰汁多少少會好尐。不過海鮮都算係咁，蝦唔會太老，部分蝦殼脆卜卜可以食埋。整體都算好啦！然後就係送嘅串燒，侍應放低都冇講係咩肉，好彩冇牛，因為我唔食嘅。個醬不過不失，肉質就麻麻，有少少唔知自己食緊咩肉。味道一般，其實只係食到調味料嘅味。食到咁上下，都半飽，冇帶食物盒添，希望甜品肚運作正常。於是，叫咗起甜品後首先到場嘅就係炸蕉(banana fritters)，佢賣相。。。怪怪地。不過個雪葩又好似幾吸引，未影相就叉咗埋去試。雖然淡淡地，但椰香味都重，只係有少少太散。(其實佢應該係用羹食就唔會咁掛xd) 如果係中式嘅炸蕉(拔絲香蕉)都要加糖先剛剛好，西式都好多時有icing sugar同雪糕配搭，呢味炸蕉竟然配淡味雪葩，然後佢本身條炸蕉係超甜架！食得甜嘅應該幾鍾意佢，而且切開佢都冇出現炸皮同蕉分開嘅情況。呢餐最好應該係佢！最後，食泰式fusion菜要試嘅芒果糯米crumble喇！可惜。。。冇椰汁真係好失色。人地仲話，都係要有黑糯米先好味，跟住佢就話好飽。。。都話架啦！甜品質素直接影響甜品肚嘅運作。。。一個字：太甜！我好似食多咗半個碟頭飯嘅感覺。總結，應該唔會再去。。。…查看更多