sasanutttttt的个人专页

呢間餐廳顧名思義就係打邊爐🤣特別之處除咗打邊爐之外仲可以用佢哋嘅光波爐烤嘢食同其他一般嘅餐廳唔同佢哋係一個超市形式經營買完晒自己鍾意嘅材料就可以即刻去佢哋嘅用餐區用餐區內已經提供晒所有嘅煮食用具🙌🏻買咗啲材料鍾意打邊爐又得，烤又得可以兩邊同時進行煮食用具無需額外收費另外 佢哋亦都有一個好好嘅環保概念因為pack好嘅材料會有大量嘅包裝卡紙同塑膠客人食完之後記得將佢哋回收就可以㗎啦🫶🏻由於客人係自己揀食材 有平有貴但係佢哋提供嘅食材嘅質素都相當之高個人就特別喜歡佢哋嘅美國IBP 特級牛小排 芝士年糕 牛舌另外 佢哋嘅湯底都係自家製有幾款唔同嘅湯底可以俾大家選擇今次就試咗個蘑湯好香菇味 清清地 最啱打邊爐經開元朗嘅朋友仔就記得過嚟一試啦 🤟🏻🤟🏻 …查看更多

胡麻蟹肉海膽凍豆腐見到個賣相本身就已經加咗分睇落去相當之吸引食落去滿滿嘅海膽味再加上蟹肉一齊食夠晒鮮味🤣🤣沙錐魚天婦羅一碟有兩件天婦羅炸得都幾薄身上枱嘅時候仲係熱辣辣咬落去非常鬆化☺️☺️燒淮山第一次咁樣嘅食法感覺好新鮮我係我食過最好味嘅做法再加埋啲木魚絲完全係日本嘅做法呢個配搭食落去好特別👍🏻👍🏻沖繩黑糖燒菠蘿記住一定要嗌呢個甜品食咗咁多嘢梗係要食返啲酸酸甜甜嘅嘢解吓啲油膩感☺️☺️…查看更多

今日放工之後好想食大排檔，所以就入咗嚟大排檔90分鐘小炒+煲仔任食$288 首先就叫咗佢哋嘅當紅炸子雞半隻皮脆肉滑，食得出係新鮮嘅🤣🤣有雞味，份量就唔係太大份適合兩個人一齊食👌🏻👌🏻之後就叫咗佢哋嘅海鹽香煎雪花和牛粒味道偏重口味，適合夾埋啤酒三五知己坐低一齊食😌另外亦叫咗佢哋嘅生啫唐生菜煲上到枱仲熱辣辣，適合送飯除咗生菜之外，仲有啲肉粒碎🙌🏻我哋叫咗一個京蔥炒牛柏葉牛柏葉爽口嘅味道帶有一點京蔥嘅甜味 …查看更多

近排分別喺上環同銅鑼灣都經過呢間餐廳佢哋主要做外賣今日經過上環就決定一試室內比較寬敞堂食或者外賣都得招牌威士忌BBQ豬扒🐷個豬扒預先切開咗一舊舊加埋啲燒汁一齊食簡直就係啖啖肉 油脂比例啱啱好完全唔會食倒好大舊肥膏另外仲叫咗手打豬肉丸一共有三粒每一粒都大大粒 可以分開幾啖食肉丸入邊仲加咗香草同黑椒同平時食開嘅豬肉丸好唔同豬榴彈呢個名聽落去好特別，原來係漢堡包😂其實係雙層手打豬柳芝士漢堡食落去幾特別個手打豬柳同個豬肉丸食得出其實係一樣做法但係個肉放咗喺個漢堡包到就別有一番風味再加埋啲新鮮嘅蔬菜喺個包度口感啱啱好另外亦欣賞佢哋嘅忌廉南瓜湯呢個南瓜湯係自家製嘅飲落去每一啖都好濃郁，超足料完全唔使加其他調味料已經好好味…查看更多

呢間米線嘅價錢非常之合理一碗米線，連埋幾個餸都係大約~$60我哋嗌咗一碗酸辣米線，一碗麻辣米線兩個湯底都非常之有特色，各有特別兩碗都係叫咗小小辣最適合一啲唔係太食得辣嘅朋友酸辣程度啱啱好，飲完一啖會再食麻辣方面十分到位，食完一啖成個口都會麻晒，夠晒刺激米線餸菜方面，我哋就叫咗豬軟骨，肥牛，豬紅，豬肚絲，秘製腩肉，蘿蔔最值得一提就係佢哋嘅豬紅，配埋啲酸辣湯底簡直係冇得彈另外，亦都想講吓佢哋嘅蘿蔔，完全冇渣👍🏻小食方面孜然涼皮條感覺非常之煙靭，食完一條會想再食下一條蒜泥白肉我最鍾意就係呢個小食薄薄嘅豬肉片配上蒜泥醬汁一個字正 👍🏻蒜香醬油雞翼雞翼一隻剪開一半醃得非常入味蒜香味好重啱晒一啲鍾意蒜香味重嘅朋友環境方便今次我哋兩個平日去食差唔多七點已經坐滿人如果大家想食嘅話就記得早啲去…查看更多

夏天時間想食大排檔就最麻煩，一係就熱到一路食一路流汗無胃口，一係就落雨唔放便。但係最近發現尖沙咀開咗間新式裝修嘅大排檔，仲要喺正港鐵站隔籬，咁就真係想試下啦！ 入到門口先要講下嘅係裝修，有啲似美式快餐店嘅setting，同好光猛。然後就係落單方法好特別，叫侍應或者我麻麻地鍾意嘅QR code落單都當然可以，但係最特別嘅係佢真係有以前大排檔咁嘅叫法，唔同種類嘅食物分開咗幾個檔口仔，可以自己揀啱邊份邊隻邊串直接叫師傅燒，尤其係叫燒蠔燒元貝嗰啲，排好晒可以慢慢揀，見到就肚餓。講下食咗乜先，串燒叫咗牛舌芯、燒生蠔同蒜香燒元貝。全部都燒得好靚，生蠔就算係優惠價都算大隻，我最鍾意就係牛舌芯，燒得啱啱好，唔會變咗牛肉乾。之後就係川香鴨舌，叫咗小辣，睇樣好似好多辣椒碎，不過唔算辣，但係好香，同醃得唔錯。滷水選擇呢度係諗到嘅都好似有咁，我哋最後揀咗肥鵝腸配墨魚，呢度嘅滷水算係唔太重味嗰隻，未必人人都覺得最啱，但係值得一讚係食材處理得好好。下次可能會試下滷水鵝。無叫滷水鵝就係因為叫咗脆皮鹹豬手，其實都幾大份，又脆扑扑，又係送酒最啱。最後就係薑蔥魚雲煲，一打開蓋，連拎嚟嘅侍應姐姐都話：「嘩，好香呀」，又係足料之作，不過可以太猛火嘅關係，啲魚雲嘅軟組織都溶咗唔少，有啲就好似少咗肉，但係個餸好入味好香口。如果鍾意吮魚骨嘅朋友應該會覺得好正👍🏻因為啱啱開張嘅關係，埋單仲送咗啲懷舊刮刮卡，有優惠券同啤酒之類送。有得食有得好，呢晚好滿足！…查看更多

今日喺黃埔做完嘢就喺附近搵食，見到平時好多人排隊嘅Flames今日無乜人排，就即刻入去試下。男朋友不時都有個習慣會戒下牛嘅，最近啱啱戒完，所以呢餐就即刻叫個牛賀下佢。揀咗「8安士紐西蘭肉眼扒燒大蝦配薯條」，睇個名都知，超級豐富。一層一層講，隻大蝦燒得好夠香之外，仲幾結實，少少檸檬汁加埋少少蝦膏，即刻可以開胃，開始鋸扒。牛扒叫咗medium rare，廚師煎得剛好，無overcooked 。夾埋個暖暖哋嘅gravy，好快就畀我哋解決咗。啲薯條係粗身少少嘅，同新鮮炸，所以一定好食。之後就係呢餐我覺得最好食嘅「新鮮黑松露蘑菇Pizza」，菇+菇+菇再加埋芝士嘅pizza，一放上枱就已經係好有層次嘅香味。個人覺得比起平時叫開有腸嘅pizza，喺今餐更夾，食完都仲會記得松露嘅香味。我哋仲加配咗燒栗米，燒嘅前後仲有落少少芝士碎，成件事又係多咗層次，鹹香同甜味永遠係最好嘅朋友。因為呢排太熱就叫咗支啤酒，仲話要加個「避風塘雞翼」嚟送酒。兩樣嘢又係完美pairing，不過佢話，如果雞翼真係再辣啲就無敵。…查看更多

近幾年好似都開咗唔少星馬菜餐廳但係我就唔係間間都啱口味有時太重味，有啲又覺得唔夠香，得個樣偶然坐車經過太子發現咗大街開咗呢間蘇山雞飯試完之後，有驚喜喎🤩🤩查番先知原來總店係喺長沙灣嗰邊今日試嘅呢間分店舖面向正彌敦道仲要喺港鐵站轉角，一定搵到近睇原來裝修幾畀心機有啲星馬懷舊風同埋啲位幾好坐1️⃣新加坡白胡椒肉骨茶可以揀配飯或者米粉我就揀咗飯大家都知肉骨茶有分馬拉嗰種好重藥材味同新加坡呢種湯頭淺色好多白胡椒味比較香嘅肉骨茶我個人係鍾意呢種多啲嘅嚟到就已經聞到好香同覺得足料排骨唔會話太老太熟個人鍾意點黑醬油，非常之夾如果畀多啲我就好喇😂仲跟埋一兜油炸鬼，完美配搭2️⃣龍蝦叻沙摻摻有分一人份同兩人份今次就叫咗一人份量有半隻龍蝦，遮住咗半個碗有多配料仲有白魚蛋同魚片豆卜同半隻蛋有時食叻沙會覺得好濃味一路食都好想飲嘢但係呢碗就無呢個感覺可能因為龍蝦夾埋嘅原因仲多咗一份鮮味因為晚市可以加錢跟小食，我哋就要咗👇🏻3️⃣鮮油咖央多士咖央多有大大塊牛油好有罪惡感但係同咖央醬本身完美配合唔小心就食晒🤣4️⃣參巴醬辣蝦醬通菜通菜個醬汁相當惹味但係又無太油太辣我都好鍾意5️⃣串燒本身都驚會唔會叫得太多但係呢個串燒就無令我後悔佢可以揀走牛或者走雞不過我哋就無走得到兩串豬、一串雞、一串牛燒得好香，真係有夜市嘅感覺仲有個醬都係好夾6️⃣凍蜂蜜桔仔水桔仔水清清甜甜啱晒食完串燒之後飲7️⃣美祿恐龍🦖超級重手飲到最後都係濃濃嘅美祿味其實應該更啱小朋友飲😆題外話，食完先醒起嚟到蘇山雞飯竟然無叫雞飯食。不過都好，可以下次再試過！…查看更多

醬油吞拿赤身高湯炊飯落單前問過侍應呢個飯嘅份量有幾多佢話都夠兩個人食結果嚟到份量比想像中細但係個炊飯味道相當好打開個盅已經有魚嘅鹹香飯又唔會畀高湯醬油搶晒啲味呢個食法都係新體驗如果份量大少少就好🤭🤭三文魚幽奄燒燒得啱啱好唔會太乾仲有少少魚汁可以食到就算無汁都好好味係送飯好嘅選擇🫠柚子紫蘇燒酎呢杯一嚟到已經聞到好香紫蘇葉味飲落去帶有柚子嘅香味酒味都唔會太重☺️倉吉 白蘭地梅酒問過侍應想揀唔好太甜嘅梅酒試試佢話有另一隻會啱啲但係冇貨所以介紹咗呢隻俾我對我來講都係偏甜但係慢慢飲溶咗啲冰其實都OK😜悄悄醉酒鮮魚湯鍋因為唔夠飽嘅關係所以都係叫埋本身同炊飲之間選擇嘅魚湯鍋侍應話再送多個魚頭畀我哋😙😙滾起之後開蓋已經覺得好吸引魚香同酒香湧住出嚟仲有大大隻花甲🤤🤤食材相當新鮮加埋個辣椒豉油相當惹味好味到連湯都飲晒🤭🤭…查看更多

呢排腸胃唔係咁好想食啲有湯嘅嘢暖暖胃☺️☺️所以就去咗太子大角咀交界嘅呢間椰小盅試下織金竹笙子排椰小盅呢度嘅其中一個賣點係用原個椰子做嘅燉湯亦都係較多人會試嘅🤤上枱嘅時候椰殼蓋上面仲有張錫紙封住保證夠熱同埋衛生👍🏻👍🏻入口第一啖就係椰子嘅鮮甜用料有原條竹笙同埋排骨個人好滿意呢個湯😍花膠排骨土雞燉盅湯 就咁睇就係一盅普通嘅燉湯飲第一啖同平時嘅雞湯唔同因為佢係完全冇落味精同調味料但係因為足料所以都飲得出鮮甜味不過鍾意重口味嘅朋友就可能唔係太啱秘製椰小翅係秘製嘅滷水雞中翼帶啲茶香 送飯不錯🤣蜜汁叉燒叉燒偏瘦有𡁻頭個人反而幾鍾意☺️ 紫薯飯跟餐配嘅紫薯飯同糙米食一樣份量唔使太多但係飽肚感都有👍🏻跟餐仲有一杯茶同啫喱包你一定飽🫠…查看更多

勝利牛丸 📍元朗元朗出咗名就最多嘢食嘅地方呢間舖頭最出名就係佢哋嘅牛丸爽口 彈牙 又夠結實👍🏻👍🏻簡直係冇得彈🥰佢哋嘅牛丸係自家製嘅可選擇牛丸 牛筋 牛腩粉麵方便可以選河粉米粉或者油麵三併同價✨可以一次過滿足你三個願望😍另外亦有唔同嘅多士可以選擇😜傳統嘅粉麵檔又點少得一啲嘅特色飲品呢梗係仲有菠蘿冰 雜果冰 同紅豆冰啦🤣元朗一共有兩間舖頭去元朗嘅話實有一間喺左右 🥰平日嘅話晏晝都特別多顧客慕名而來食佢哋嘅牛丸👍🏻…查看更多

嘆撈豬。嘆撈材料有豬頸肉 鵝腎 炸黃豆我叫咗紅薯皮所以係有湯喺入邊唔係用撈嘅食法*炸黃豆係可以額外買 喺屋企煮麵食落幾粒就最適合雞鮑翅超足料 啖啖肉😍可以算係我食過坊間咁多碗碗仔翅入邊最好食嘅一碗🤭材料份量啱啱好材料用咗雞絲，仿鮑魚絲，仿魚翅，木耳絲燒賣自家調製豉油辣油因為本身唔係好食得辣 所以叫之前都問過店員可唔可以少辣店員話豉油同辣油唔係本身溝好辣度可以調節☺️燒賣煙煙韌韌 加埋個秘製醬汁簡直係一流👍🏻👍🏻…查看更多

大家想食刨冰嘅話就一定要去呢間餐廳餐廳所用嘅冰係由日本運送到港🤩🤩近排佢地就新出左開心果味食落口真係有一種好幸福嘅感覺🥰🥰每一啖都有好濃郁嘅開心果味中環呢間分店係新地址📍之前鋪面比較細，坐得比較迫夾新舖頭就比較寬敞，可以容納較多嘅客人🤣喺中環附近食完晚飯嘅話就最適合過嚟食個甜品，近排佢哋除咗有開心果味之外，仲新出左Baileys 味，有興趣嘅朋友可以一試，口味都幾創新，應該幾特別嘅🤭🤭…查看更多

📍好吃吃光 @台式 - 大角咀🍴月見海老蚵仔魯肉飯啲蚵仔大大粒 好新鮮☺️每一啖飯都可以食到一粒蚵仔加埋啲蝦一齊食 好有咬口🍴Q彈焢肉飯塊肉嘅脂肪比例啱啱好👍🏻食落口唔會太過肥膩但係塊肉可以再煮得腍少少🍴起司肉鬆蛋餅肉鬆偏甜入邊夾咗生菜同一般肉餅嘅做法有啲唔同🍴夜市台灣腸有兩隻口味一種係紅色 普通嘅台灣腸另外一種係黑色嘅台灣腸食落口個皮係脆嘅燒得啱啱好👍🏻另外，呢間餐廳值得一讚嘅地方就食客可以免費添飯一次🤤原本以為只係白飯一個但原來係添滷肉飯 呢間餐廳真係好貼心🥰…查看更多

今次已經第二次嚟呢間餐廳食飯餐廳喺星期五六日嘅夜晚特別多人想食嘅朋友就記得預先book定枱Garlic Octopus 🐙 上枱嘅時候就連個碟都仲係熱辣辣蒜蓉味非常突出after taste比較重 有少少辣味八爪魚煮得非常之腍身簡直係食到停唔到口Codfish Cake 每一件$35 ，兩件起呢個codfish cake 啖啖肉切開仲見到一絲一絲嘅魚肉配搭埋沙律醬就真係冇得彈 沙律醬可以減輕炸物肥膩感大家食之前記得要攤凍啲因為上枱嘅時候仲係熱辣辣㗎🤭Clams Casa Lisboa 每一隻蜆肉都非常之大隻 煮得啱啱好👍🏻個汁用咗蒜蓉，橄欖油，牛油，白酒，檸檬汁一齊煮，大大提升左蜆肉嘅鮮味🥰Suckling Pig雖然份量看似有啲少，但係兩個人食就啱啱好肉質非常之鮮嫩 皮脆肉滑🤤食落口仲好juicy添Lobster & Seafood Juicy Rice 每一啖飯都配上香濃嘅龍蝦汁再加埋唔同種類嘅海鮮 (蜆肉 青口 蝦)啲海鮮非常之新鮮，夠晒彈口👍🏻…查看更多