ywfung11的个人专页

呢間modern 素菜係公司附近，閒時想食素菜都會選擇佢。咁啱路過又見到佢出左新嘢，Vegan Scones !!! 對於scone lover 的我，二話不說買左一set 番屋企試下。一set $72 ，4個不同口味：山楂、黑芝麻、核桃、桂花杞子，每個scone 都會跟一個醬。Scone 係香港選擇都愈來愈多，但每個味道跟一個醬，再加上中式口味西式甜點，市面上比較少見。四個口味各有特色，山楂同桂花杞子就比教特別，山楂scone 配山楂醬，酸酸甜甜幾清新。桂花杞子配桂花蜜糖，呢個口味其實唔配醬反而仲好，本身就咁食scone 都有桂花味，配桂花蜜糖反而太甜。價錢平均$18一個，係中上環算係平，仲要配埋4個醬，算係有驚喜。我買左番屋企第二朝先焗熱食，都仲好好味，外脆內軟，180度預熱，焗4-5分鐘左右。美中不足就係唔可以單買一個，又唔可以揀口味。不過，可以同屋企人或朋友一次過試晒四個口味，都不錯呀！…查看更多

已經唔記得第幾次幫襯呢間糖水店，差不多每次都會點心太軟。第一次幫襯的可以試下魔鬼三兄弟: 心太軟、朱古力雪糕、朱古力奶凍。今次就點左心太軟配朱古力雪糕，心太軟是即叫即焗，等左一陣就到了~~每次食都有不同驚喜，廚師每次都會畫不同的圖案，今次係老鼠 ^_^講番主角先，心太軟外脆內軟，焗的時間掌握得好好。一打開中間，D 朱古力就流晒出來，朱古力愛好者的一定會鐘意。再配埋朱古力味雪糕，一凍一熱，簡直係完美配合。值得一提，呢間糖水店的雪糕雪得特別凍，雪糕唔會太快溶，贊!…查看更多

每次經過附近都聞到陣陣甜甜的香味，總是有令人停下來的衝動。今日就趁WEEKEND試下這家店。 這家店除了有GELATO, 還有咖啡及近期流行的吐司。GELATO口味不算特別多，比較特別的算是金莎朱古力同藍色雲呢拿。這店的GELATO 還可配搭不同的配料"炒"在一起~~餐單上有十多種不同的配搭，最後選了BLUE JAZZ$58 大杯裝，兩個人分享絕對有餘。GELATO 是放在窩夫餅上，就是那個窩夫餅香味吸引到周圍的途人停下來。一入口......充滿牛奶的香味，很甜~~~那個窩夫餅都是甜甜的，雖然GELATO 放在窩夫餅上一段時間，但吃的時候還是脆脆的。不過年紀大不太好甜，所以這個GELATO 對我而言是比較偏甜。餐單上的朱古力味道系列都很吸引，下次一定要試下。…查看更多