Sapphire Blue的個人專頁

Starbucks一直以來都係一個休閒又可以工作嘅地方。無論係朋友傾偈，定係開電腦做嘢，通常要Hea嘅時候都會諗起Starbucks。而美麗華呢一間分店，絕對要讚一讚佢，因為係少數主動會提議你堂食用陶瓷杯嘅分店👍🏻其實要用陶瓷杯，相對店員嘅工作量係會大咗，外賣杯就咁掉就得，但係陶瓷杯要洗👍🏻但佢哋都堅持支持環保，值得一讚🫶🏻🍔煙三文魚蛋漢堡($27)煙三文魚蛋漢堡是一款令人垂涎嘅輕食選擇。漢堡嘅麵包外層軟綿綿，煙三文魚味道濃郁又juicy，加埋溝咗蛋碎嘅蛋黃醬，零成個漢堡充滿層次。加多塊菜，中和返煙三文魚嘅鹹，想食少少嘢，又唔想太飽嘅話，呢個就係非常好嘅選擇👍🏻🍵Matcha Latte ($49)其實我一路都唔明點解杯咖啡會貴過食物，論實體嘅成本，點都比食材平，唯一可以解釋嘅就係咖啡師嘅手工，所以杯咖啡值唔值錢，就真係睇嗰度嘅店員啦😂抹茶咖啡好少伏，因為抹茶同奶嘅味道，都已經覆蓋咗咖啡嘅味😂而喜歡飲奶嘅我，鍾意佢嗰種一入口就有濃郁嘅奶香再加抹茶嘅淡香，抹茶嘅微苦，加上柔滑嘅牛奶，苦中帶甜，就好似人生咁，未嘗過苦又會知道甜嘅味道。人生丫。。。希望越嚟越多舖頭，可以支持環保，而我哋都可以自備餐具，為地球出一分力🌎🌏SAVE THE WORLD, SAVE OURSELVES 🪸BTW，4月22日世界地球日開始，香港將會實施「走塑」政策，出去餐廳食嘢就唔會再有即棄膠嘅餐具🍴🍴出街記得自備餐具啦！…查看更多

味道OK，不過價錢偏貴，如果喺旺角區用呢個價錢食飯，我覺得可以選擇嘅有好多。咖喱味道正宗嘅，食到好多唔同嘅香料，用料係清真食物，香港要搵一間清真嘅餐廳，選擇的確比較少。要讚一讚個酥餅嘅，香脆熱辣辣，食完唔會成手油淋淋，我點嘅係雞肉，肉質嫩滑。餐廳嘅環境佈置充滿印度嘅風味，一入去就有種印度香料嘅味道，位置唔算寬敞，比較適合2-4人嘅聚會。不過都係嗰句，如果呢個價錢，喺旺角區食飯，我真係有好多選擇。哈！…查看更多

自從疫情之後，好多舖頭都越嚟越早收。今日收工收夜咗，行成條街都冇嘢食，好彩行到街尾，終於搵到間餐廳。入到嚟見到舖頭都好多人，得返門口嘅位置，咁啱今日天氣轉涼，所以不斷開門閂門嘅時候都會有啲凍，如果有得揀嘅話，就可以坐入啲沙薑雞特價小菜套餐 ($94)上菜速度都非常之快，叫完之後大概5分鐘就已經有得食。雞肉嫩滑，帶點鹹香味，而且油分充足，啱晒你鍾意惹味嘅人士。份量充足，佢嘅紅豆冰好有心，超多紅豆🫘！…查看更多

享受地中海美食 (半自助餐)放假就要食好野，去東涌行山之後，最好搵個舒舒服服嘅地方坐低食野😋今次去到 Novotel嘅 Olea食個地中海菜先！始終喺酒店，環境當然舒適❤️一坐低就有親切嘅服務，Menu總共有4道菜，包括頭盤、餐湯、主菜同甜品自助餐菜式，選擇都算多沙律新鮮低溫烹煮西冷牛肉用低溫烹煮方式，再加表面輕輕香煎，瞓覺保持肉汁及肉質嘅鮮嫩，牛魔王必食！香煎鱸魚配檸檬汁肉質嫩滑，魚皮煎到脆皮，再配上檸檬汁，香口而不油膩Pizza最重要嘅係夠熱辣辣，能夠拉絲，又可以保持脆皮嘅Pizza，唔使多講都知有幾好食最後當然唔少得甜品！呢個朱古力蛋糕夠晒紮實，免頭仲有一層朱古力mousse，連唔係太好朱古力嘅，我都覺得好食🥰 …查看更多

呢排成日去Cafe Chill，好多時因為要搵個地方做嘢，有時都冇對食物有太高嘅期望，不過今次黎到呢間Nodi coffee work，絕對係喜出望外😍仲要有生酮餐單，當然要試吓啦！🥦生酮松露雜菌椰菜花飯($128)用椰菜花去取代飯，並唔係新鮮嘅事，不過要做到有質感，係一件花心機嘅事，椰菜花煮得軟硬適中，食落有口感，加上淡忌廉同黑松露菌醬，清新健康而不失滋味🍰生酮巴斯克蛋糕($48)要食生酮嘅蛋糕，的確唔多地方有，甜品控黎呢度就有福啦！用杏仁粉取代麵粉，採用零熱量嘅赤藻糖醇同阿洛酮糖取代白糖，即使生酮中都可以食甜食啦！食完甜品配返杯靚咖啡，為自己打打氣🫰🏻…查看更多

打邊爐最重要嘅當然係湯底啦！所以有正野點可以唔同大家分享吓！呢個湯底認真不得了！🍲豐生水起鍋 - 鴛鴦花膠雞湯 ($488大)作為呢度嘅招牌湯底，果然唔惹少，用老雞、三黃雞、豬骨、金華火腿煲足12小時，再加入花膠、魚肚，每一啖都係精華，入口濃厚順滑，再帶點金華火腿嘅鹹香。花膠湯底仲可以補充骨膠原，飲完皮膚都靚啲！🐮 極品騸牯牛組合盛 ($688)騸牯牛，姐係1歲前已閹割嘅牛，脂肪比例分佈比未閹割嘅生牯細膩，牛味比較濃郁。呢個set裏面包含腩頭、吊龍、挽手、冧心、肉眼，每個部位都有唔同嘅口感，一次過試晒咁多款就知有咩分別！🦑手打墨魚丸($98)呢度嘅自家製手打肉丸都係出色嘅！有好多唔同嘅肉選擇，包括陳皮牛肉、蝦丸、雞肉丸、鯪魚丸等等。每次見到手打丸，我都會試吓佢嘅墨魚丸，睇佢嘅起膠程度，就知落咗幾多功夫，要做到彈牙又香口，真係要人手撻到起膠先有呢個口感！🥟小籠包($78)蒸小籠包就食得多，用嚟打邊爐都真係第一次，比平時嘅小籠包更加濕潤，但係都不失裏面嘅肉汁味。仲有好多唔同自家製嘅餃子，都係出面比較少見嘅，下次要試埋其他餃子先！…查看更多

要數到香港貼地文化，當然唔少得深水埗啦！裏面充滿咗好多地道小食同人情味，今次就嚟到出名鵝油撈麵嘅炯記餐室，用平民先食好嘢😋炯記手撕雞撈面($58)撈面以鵝油加上爽口嘅粗面，味道香厚微甜，食到停唔到。手撕雞嫩滑，雞味濃郁，輕輕帶啲麻油味道，如果夏天食都幾爽銷魂腩叉撈面 ($52)喺呢度嘅另一招牌名物，腩叉嘅意思是半肥瘦嘅叉燒，肉及脂肪比例，令整個口感有叉燒嘅香味之如，又唔會太油膩，鍾意食肉嘅朋友唔可以錯過！…查看更多

荃灣多野食，有平有貴，有中有西！一直係我最鐘意去的地區！天氣涼涼地，今日就想去搵D南亞風味暖下身！食野最緊要無味精，感覺健康D！今日係IG 碌到一家主打「無味精」的馬拉菜館，下午茶價錢平平地，選擇又多，就同朋友直接入去坐了。係荃新天地一期地下，Foodcourt 旁邊，栢檔極品海南雞飯就係大家樂對面。第一眼就被佢嘅海南雞吸引住，無骨、無味精、係廚房外邊已經睇到滑溜。我同朋友就order 左一份海南雞飯、魚餅米粉以及肉骨茶。上菜好快，員工服務態度都好好。擺盤時，員工提醒全部菜式都係無味精。🍗極品海南雞飯 🍜 ($46)首先要讚海南雞去骨走肥，啖啖都係鮮味！+$12仲可以揀雞脾肉。油飯香而不膩，乾爽，無論係單獨食定係夾餸食，都非常好味。🍯香煎手剁魚香肉餅飯🍗 ($46)魚香肉餅飯有驚喜，因為混合左豬肉，所以會更挺身。朋友因為唔想食飯，就選擇了配湯米粉。魚餅加湯一齊食，口感柔嫩。單獨食就脆口味濃，兩樣都推薦。🍗肉骨茶🍜($46)馬拉菜當然唔少得肉骨茶啦！藥材配合香料，肉排以及豆卜一齊煮，肉排都係用筷子一撕就開。湯底亦都十分足料，但可能因為無味精的關係，口味相對淡口一點，重口味的朋友就要注意了！…查看更多

以前喺附近返工，成日都會嚟村爺爺食飯，因為佢嘅龍蝦湯底好濃郁，超級惹味，不過食埋今次之後，以後應該都唔會再食。一去到，見到人都有少少多，於是就叫外賣拎去朋友屋企食，我問姐姐可唔可以叫外賣，佢完全冇理我，我以為自己太細聲，於是乎再問多次，都係唔理，我行到佢面前再問，佢先話佢忙緊，但係明明佢只係企喺度望門口。。。等咗20分鐘，終於拎到個外賣。返到去一打開，見到稀到一個點嘅湯，已經心感不妙，飲落去剩係得非常少嘅龍蝦味，同以前比完全係兩回事。我仲叫咗啲小食，牛腩乾過瘦肉，其他還好嘅，不過佢主打嘅龍蝦湯已經大不如前，服務員嘅態度又好似唔憂做咁樣，冇咩必要都唔會再去食。…查看更多

見到呢間餃掂好耐，不過次次都唔得閒食，難得今日有啲時間，就過嚟新都城中心二期食下龍鳳松茸雙煎餃 ($147)用黑白松露做餡，豬肉肥美彈牙，加上松露嘅點綴， 十分香口惹味。煎餃嘅皮都煎到脆脆，同彈牙嘅豬肉形成強烈嘅對比。白松露嘅味道會比較清香黑松露會比較惹味，一次過試晒兩種味道，係正嘅😋黃金原味皮蛋 ($28)流心蛋黃，晶瑩剔透嘅蛋白，配上黑醋，鹹鹹酸酸，好開胃自製山楂雪梨水($20)用山楂片，雪梨，甘草，冰糖，麥芽等材料製成，味道酸酸甜甜，夏天飲嘅話佢一定好爽！位置唔算多，卡位都係得兩個，比較適合1-2人黎食，又或者買外賣生餃返屋企自己煮😋…查看更多

細個嘅時候，最鐘意玩board game，考驗腦袋之如，仲係友誼嘅考驗，不過大個咗就未必成日約到朋友一齊玩，咁就可以嚟到呢一間Cafe，睇吓有冇腳一齊玩😂呢度有好多款唔同嘅board game， 傳統嘅有，新式嘅都有，就算唔識玩都唔緊要，因為店主都可以熱心同你解釋點樣玩，有時間想喺旺角Hea下去呢度就啱晒啦！食物都有好多唔同嘅選擇，啱晒一班人去燒下腦，考驗一下友誼瑞士雞翼最好食😋一班人去要試下啦！！門口少少難搵，見到呢個門口搭life上去就係…查看更多

中環蘭桂坊係一個充滿eDM，令人紙醉金迷嘅地方，但裏面都有一個充滿民族風，俾人小歇片刻嘅落腳點，形成強烈嘅對比。想去中環搵一個打卡Cafe，就可以黎呢到。☕️Latte我成日覺得要睇一間Cafe嘅咖啡做得好唔好，就要點熱Latte，除咗拉花嘅圖案有幾靚之外，更多嘅係要睇佢嘅奶泡打得有幾仔細，呢間嘅奶泡夠細緻，令圖案可以清晰keep住🍰Koyamaen Hojicha Towel Cake Roll (+$58)呢個蛋糕幾好食，cream算細滑，加埋一層層蛋皮嘅質感，食完都想食多個秘製醬烤肋骨 ($208)肋骨有咬口，醬汁偏向燒烤風味…查看更多

每逢大畤大節，總係想搵啲好啲嘅餐廳，去回報一下自己一年嘅努力，之前朋友介紹嘅香田日式料理的確唔錯，無論打卡定係吃貨都滿足到🌼會席料理（菊）($1,388)買一送一會籍料理係本線料理嘅簡化版，出現喺江戶時代係一種連書文都可以享受到嘅宴會料理，主要嘅目的就係為咗飲酒作樂，所以菜式都以送酒為主🍱御造ゾ三點 - 磯煮鮑魚、北海道帆立貝柚子造、吞拿魚中拖羅北海道帆立貝柚子造大粒又飽滿，以當季柚子皮提香，鮮甜味更突出；吞拿魚中拖羅脂肪比例較高，魚香持久，滿口甘香；鮑魚就用自家調配嘅日式醬油同昆布慢火炆煮至入味，讓肉質保持鮮嫩彈牙之餘充滿濃郁香氣，令人胃口大開🐂強肴 - A4鹿兒島薩摩和牛壽喜燒即席炮製嘅壽喜燒，用A4鹿兒島薩摩和牛，以傳統關西烹法，先香煎和牛散發濃郁香氣再調味進食前沾上生雞蛋液，令牛肉降溫之餘，令牛肉質感更細嫩，配上各款新鮮蔬菜，好似返左日本咁！🐟燒物 - 蘋果木煙燻銀鱈魚以三溫糖、茶菜、蘋果木等材料燻熟嘅銀鱈魚，肉質鮮美嫩滑，同時充滿陣陣煙燻木香氣，搭配蜜糖同柚子皮黎食，齒頰留香🎍吸物 - 竹之子清湯鹿兒島係日本竹筍重點產量地區，出品嘅竹筍產量多而且品質優良，經處理後加入柴魚蒸三小時作為調味，配合日本大根一齊煮，野菜嘅清甜味道餘香滿口🫘甘味 - 紅豆伴大福提到日本甜品，大福一定走唔甩，煙煙韌韌加微甜嘅紅豆作結，為全餐畫上完美嘅句號。upgrade左清酒任飲嘅，甜品會配上千賀壽梅酒，將冰嘅形狀雪成玫瑰花，係燈光之下，就好似漆黑中的螢火蟲咁😂…查看更多

居酒屋是係日本最普通不過嘅傳統小酒館，日本人喺放工之後，好多時會去消遣嘅地方。居酒屋嘅人情味，就好似返咗屋企一樣咁溫暖，將每日嘅辛勞同煩惱擺開一邊，盡情享受當下嘅快樂。位於中環嘅SHIO 塩Shio，以風格正宗嘅居酒屋為概念，提供一個三五知己小酌片刻嘅場所，而店名SHIO 塩 係日文「鹽」嘅漢字，寓意居酒屋將食物回歸根本，忠於最原始嘅心。日式居酒屋裏面，我最鍾意食惹味嘅佐酒小食😋，前菜揀左鱈魚白子、七味蒜炒雞腳筋、醬燒支豆，當中鱈魚白子刺身，加入酸汁、蘿蔔蓉、葱花等，味道清新微酸，口感綿密滑嫩，入口即溶，超級開胃🐟刺身包括銀雪魚、帶子、牡丹蝦，厚切嘅刺身零鮮味更加突出，口感豐盈🦪濱燒岩蠔佐白素面用清湯同日本高湯輕烤 ，保留岩蠔嘅鮮甜幼滑，蠔底鋪咗一層素麵，將蠔嘅精華吸收曬，原汁原味🦐櫻花蝦炸豆腐外脆內軟，香口惹味，加上滿滿嘅櫻花蝦，滋味十足 🍲雞白湯丸子要做雞白湯嘅程序繁複，首先用三黃雞慢火熬煮足24小時，由5公升嘅水煮成1公升精華，再經過打碎同雙重過濾碎骨同食渣滓，先可以煮成一煲雞白湯。湯嘅顏色濃厚，口感順滑，味道香醇濃郁，肉丸彈牙，值得一試！🍍燒波蘿燒波蘿一直都係我至愛，因為燒過嘅菠蘿會將水份抽乾，將菠蘿嘅甜味留喺菠蘿嘅本身，健康嘅甜品☺️裝修似足日本嘅居酒屋，以為自己去咗日本…查看更多

雖然我仲未飛得，不過放假可以去馬灣 chill下，都有旅行感覺 知道呢間酒店新出左海景燒烤，就約同朋友嚟睇完日落再BBQ  🔥我哋揀嘅套餐係 Chill 極致海陸空活海鮮燒烤套餐 (4 位用) （$1,688)共13款燒烤美食，好滿足😋 比較特別嘅有鹿兒島無激素雞肉串，雞肉嫩滑又惹味 香茅醃澳洲保濕豬鞍，用香茅醃制過，燒出嚟特別入味，平時比較少食豬肉，因為怕佢乾，但呢個燒完仲好juicy 美國穀飼安格斯肉眼牛扒超厚切，鎖住肉汁 有機露絲瑪莉醃紐西蘭羊扒好新鮮，唔會腥，如果有提供 mint jelly就更正 我最鍾意食嘅一味係蕉葉烤紐西蘭海鱸魚柳，有蕉葉包住來燒，香味濃，仲保持魚肉鮮味 燒虎蝦超大隻，仲大過我隻手掌 手造蝦丸好彈牙，而且充滿蝦味 迷你澳洲和牛漢堡牛肉味超濃郁 德國紐倫堡腸喺其他燒烤場好少見到 好特別 另外仲有芝士烤粟米、松露醬大啡菇等都唔錯 套餐中已包含八罐汽水，如果想飲啤酒，或者其他飲品嘅話都可以另外加錢…查看更多