smonkichi的个人专页

偶然發現茜廊居然到了44周年。小時候在九龍灣讀小學，常常都經過呢間餐廳只是經過……因為小時候望入去係黑媽媽。覺得佢是好高級，食不起的樣子小學雞的我們，還一直叫佢做  “西廊”  XD 這天經過看到餐廳推出了童年回憶的懷舊套餐，果斷沖去解鎖童年記憶～剛坐下，直接被這手操作折服了。不但迎合香港人的習慣，還細心如此。港式羅宋湯直接開了個好頭✨濃稠的湯底裹著番茄的酸甜，湯面上浮著那個紅紅油。很久沒有喝到如此正宗的港式羅宋湯了。那個蒜蓉包更是脆化到不能， 必食炸魚薯條 : 外型已經很特別。金黃酥脆的外皮咬開是嫩滑的魚肉， 配上奇妙醬， 就是童年的至愛必須誇爆芝士肉醬焗薯角！綿密的薯角裹著鹹香的肉醬，上面鋪滿的芝士烤到金黃拉絲，一口下去芝士香和薯香在嘴裡爆炸，個肉醬用黎伴飯,伴薯條都一流呀~主菜鐵板西冷端上來時還滋滋作響，黑椒汁的香氣直往鼻子裡鑽。牛排煎得外香裡嫩，切一塊蘸上醬汁，這就是小時候要大時大節才能食上一頓的鐵板餐 焦糖芝士蛋糕,芝士的濃郁混著焦糖的微甜，口感細膩綿密，連擺盤都是有設計的呀。黑牛 : 超經典的兒時飲品，浓郁的雲呢拿雪糕混着帶汽的可樂，冰凉爽甜。一頓飯吃下來，不僅吃飽了肚子，更裝滿了童年的回憶。這家44年的老店就像一個時光機，一口就把人拉回那些簡單又快樂的日子。 當年的小學雞終於能如願了。…查看更多

日式魚生空運貨話哂坐飛機過黎價錢通常都唔太平估唔到今日係德美食到平民價嘅飛機貨座落係裕民坊商場內的德美壽司環境雅緻入面地方都幾闊落。唔單止環境滿意，對呢度嘅出品都好滿意今日嘅飛機貨是象拔蚌， 乍聽還在擔心2人吃不完， 姐姐介紹呢款三河灣象拔蚌體形較細， 2個人都食得哂。 象拔蚌上枱已分一邊刺身， 一邊火炙。刺身起哂刀花， 靚得黎又爽脆 新鮮火炙部份是象拔蚌頭， 有d 似潤。 都幾得意。 原來2食仲有一碟天婦羅炸膽😂 將象拔蚌嘅膽做成天婦羅，外表脆脆，入面有魚腐的感覺， 又幾得意喎。 唔使300蚊食到飛機貨，仲要有2食（3種食法） 真心抵食。食天婦羅的話，一定要試試呢個天婦羅粟米粟米好甜， 粉漿唔厚， 大人小朋友都會鐘意。魚生刺身丼呢個係定食黎，包左丼飯， 湯， 前菜同甜品蓋係飯上面的魚生有帶子，三文魚，油甘魚和生蝦和大量魚籽，肥美肉厚鮮甜，好似用魚生埋成了一座小山，多到連d飯都睇唔到呀 蔥拖羅蓉卷 點呢個卷有d掙扎， 因為都實在唔算平 100蚊6舊小卷， 聽落有d少貴，但其實又值的拖羅蓉鮮美無根， 入口溶化大大一舊，一半魚蓉一半飯卷， 馬上覺的回本了下次我一定要食拖羅魚蓉丼 食日本野、點波子汽水好襯估唔到檸檬可樂俾哂成罐黎， 即刻覺得抵左最尾以鹽味雪糕和抹茶雪糕作結， 徹底日化下次要黎試下呢個2人餐，雖然係2人餐，但又有鍋又有烏冬，感覺我一家三口都夠食。 …查看更多

太元樓位於北角同炮台山中間，但其實由2邊地鐵站行過去都係10分鐘內的事。這間餐廳也是無意中經過。看面門感覺都幾高級，但看過餐牌後, 我決定要試一試佢因為呢度有我最愛的北京填鴨~~ 餐廳不論門面和裝備，也似走中高檔路線，但價錢卻是能接愛的大眾價錢。畢竟是中式餐館，茶位和前菜都一應俱全但這個前菜真心抵。 不單份量非常多，而且仲係好好味，佢有D酸酸地，但又唔會好辣木耳泡發得恰到好处，爽脆有嚼勁，青瓜夠新鮮，两者凉拌在一起，清爽可口，一口下去，滿滿的清爽感。木來想著慢慢品嚐, 但瞬間被女兒吃光光了 這個雞絲粉皮........ 1蚊你沒有看錯，是真的 1 蚊。太元樓每天都有一款特價菜式，晚市5:30後入座可享 + $1 加點一道美食﹗不要小看這個一元粉皮，份量是真的足。沒有將貨就價有別於常見的寬粉，它被切成一條條均匀的細條，質地柔韌又帶着几分Q彈，入口爽滑有勁。雞絲均匀地拌在粉皮中，肉質鮮嫩不嚡，併著同樣成絲的青瓜，軟中帶爽特別讚一讚那個切絲的手法~均勻幼細，我也很想學一手呢~ 妙齡乳鴿"妙齡" 這個名字很有年代感。新一代人估計也沒有多少人會用了  乳鴿因為價錢優惠, 所以只能堂食。每人限購一隻  我點了一隻，一開4，其實也有4份了。乳鴿的確是"妙齡"， 不是那種中大鴿，外皮金黄油亮，散發着誘人的香气。肉質緊實却不嚡，滲滿了秘制滷汁的香味，咸香適中，讓人回味無窮，吃完後還忍不住舔舔手指。對....食乳鴿一定要用手食.... 終於等到我最愛的北京填鴨 記得小時候, 有一年媽媽問我有甚麼生日願望，我答：要食北京填鴨多年來，我對北京填鴨依然有種莫名的喜愛不知道是愛鴨皮的香脆，愛大蔥的辛辣，愛青瓜的清香，還是愛那盤濃濃的秘制醬汁總之將這幾樣東西放在一起，用那薄如蟬翼的面皮一包。這就是我心心念念的北京填鴨啊﹗近年來，大家都為求分得一鴨多片，將北京填鴨都變成了北京肉鴨。肉比皮還要多難得太元樓的北京填鴨依然以皮為主，肉為次，沒有失去了北京填鴨的精髓而且皮下也沒有厚厚的脂肪肥膏，更是一讚。 填鴨外皮呈誘人的琥珀色，薄如蟬翼却帶着令人惊艷的酥脆感，一夾便能听到 “咔嚓” 的清脆聲響。這裏的北京填鴨還可以追加成炒鴨絲，生菜鴨崧，鴨骨湯，以及醬爆鴨骨。每一款我都想試呀。但今晚人太少，唯有下次多叫幾個朋友黎一齊追加是夜沒有叫飯，點了也是最愛的小籠包每一个小籠包都像是一顆 “汁水炸彈”，咬下的瞬间，​湯汁瞬间湧出，肉香鮮美，一口一個。幸滿感滿滿黑芝麻豆漿沒有豆漿的青草味，也沒有過度的甜膩，獨帶有黑芝麻的醇厚焦香，健康又好喝。這個價錢，老實說, 我覺得幾超值的。…查看更多

古今工位於官塘工業中心4期觀塘站一出就到， 比行去鴻圖道工廠區仲要方便餐廳是平民式日本菜，每款菜式都是幾十蚊， 而且款式超多，日日食都有排不重複。絕對可以做觀塘人飯堂日式麻醬豆腐沙律 滑滑的豆腐有濃濃嘅豆香，甜甜麻醬再伴以黑白芝麻提昇香氣。 中間仲有中華沙律🥗。沙律菜很新鮮清爽。成個沙律清新又健康。連甚少食菜的阿女都食左唔少天婦羅有炸蝦，甜薯和釀秋葵最讚是外表夠哂香脆但一d 都唔油，而且炸粉是薄薄一層，唔會食到成口粉。最驚喜是秋葵入面釀左肉， 好得意😊燒物就叫左2款特別推介黑豚豬頸肉串燒入口好爽脆，連d肥筋位都係爽的。 比平時嘅串燒豬好食10倍，必點item 另一款鹽燒雞中翼將雞翼中間剪開再燒燒得均勻又食得方便。 個皮燒到脆脆架古今二嘅卷物超多選擇，而且d名同組合好有創意黑龍卷外表真係成條黑龍咁呀 由鰻魚，炸蟹柳，芝士同牛油果組成煙花由辣味三文魚，辣味吞拿魚同脆片組成脆片造出煙花嘅閃爍感，好有諗頭。入口有軟有脆，口感豐富午夜牛郎由三文魚，牛油果同芝士組成外層包住脆脆，口感好新奇但點解叫午夜牛郎，我仲未參透到臨走見到呢個多人share 嘅壽司盛，適合一大班人分享。 下次開party 可以order 回家食喎…查看更多

有無發覺係旺角搵地方食飯好奇怪明明一街都係食肆，但總係唔知入邊間好？ 唔係太貴就係劣食今次誤打誤撞試左呢間泰式餐廳，感覺價錢公道，食物又夠份量，下次諗唔到食乜，可以黎試下每次食泰國菜，冬蔭公必定要會試今次試左一碗小的 $ 78，份量夠2-3人呢度嘅冬蔭公好啱我胃口，佢唔會太酸, 又唔會太辣而且湯底非常濃郁，小小一碗竟然有4隻蝦係入面添~仲有好多秀珍菇同蕃茄仔，少少辣，飲完非常暖胃又飽肚小食點了一個炸蝦餅 $88 蝦餅是即點即炸，上枱時熱辣辣，脆卜卜外皮香口鬆化, 蝦肉結實彈牙~ 泰式乾炒河粉 $69  河粉可以揀牛肉，豬肉，雞，雜菜或海鮮 河粉真係超大一碟，入面仲有好多雜菜, 肉都唔少，食極都有，呢個價錢，呢個份量，真係茶記都食唔到 當然唔止大碟，而且仲好有鑊氣, 上枱時香氣騰騰，令人食指大動。另一個非常抵嘅係呢度嘅飲品即使是泰式特飲都係25蚊，係咪好抵飲呢 叫左個龍眼冰同咸檸七，非常有泰式風味，用黎配辣野非常夾~ 食飽飽後行過對面就有紅VAN 坐回家真係好鬼方便呀以後我識搵地方食飯啦~~ …查看更多

我是壽喜燒控每次打邊爐都會叫壽喜燒湯底這間以壽喜燒主打的餐廳， 當然要去試試 全店紅彤彤，感覺很壽喜燒呀 已經過了午飯時間，但還是滿滿的食客餐牌簡單， 總共3款牛 ，有大有小對於選擇困難症來說，很友好精品赤身壽喜燒套餐成個餐前菜，蘭王蛋，赤身牛，野菜盛盒及日本飯或讚岐烏冬前菜的柚子漬蘿蔔超超超好味😋 赤身肉質有口感，牛味也比較濃，雪花均勻， 唔油膩特選肩胛壽喜燒套餐肩胛的雪花紋理清晰，口感嫩滑，喜歡幼嫩口感的朋友可以選這款以前食牛很多時都分不到不同部位的分別， 但今次食這2款牛，真的能感受到不同部份的牛肉特性今次的壽喜燒要自己DIY 每個座位前都有一張指引教學套餐附送一舊肥肉開鑊加入餐廳特製壽喜汁煮熱就可以將肉放入去每片肉煮3-7秒就食得架啦 ～食嘅時候記得先拌一拌蘭王蛋漿呀 煮到咁上下就可以將蔬菜盛盒放入鍋內倒入昆布湯或壽喜燒汁煮熟 如果跟烏冬的套餐 就可以將烏冬一齊煮啦烏冬煮到入味，煙韌彈牙， 同個湯底好夾最後仲有甜品， 是後上的，好細心另外點了2杯飲品 日本白桃梳打可爾必思calpis 乳酸梳打2杯味道都好好， 唔會好藥水味，味道又夠濃。 我自己就推介白桃梳打…查看更多

喺駱駝漆嘅另一邊有一條僻靜的小巷，入邊隱藏咗一間超級抵食嘅台灣小食店呢度以外賣為主。每日都有精選套餐，連飲品只係$42。仲有最出名嘅兩蚊糖水今日經過買咗兩個餐返屋企食，真係超級飽台灣肉燥鹽酥雞香腸套餐追加小食花枝丸同無糖白桃烏龍即叫即整，份量好大份， 鹽酥雞多到瀉最正有埋台灣咸菜， 味道好正宗外賣嘅飯同餸分開放， 餸都係分開一格格，唔會串味，非常細心。雙重芝士手抓餅加冬瓜茶手抓餅用錫紙包住保暖，拎到返屋企仲係熱嘅估唔到個手抓餅超大份大過我手掌好多，仲好聚手入邊啲餡好豐富好芝士，粟米，紫菜，食咗半嚿都已經好飽。冬瓜茶加入咗椰果嘅創新，如果再凍d會仲好飲當然唔少得兩蚊嘅糖水，每日都唔同今日係冰粉，非常清涼可口如果想堂食嘅話都可以，過隔離嘅樓上夾公仔舖有個好大嘅地方食野架…查看更多

香港人對於日本總有一種特別的情意結。尤其是七，八十年代，日本風獨大。身邊無一不是日本系。和日本文化一起成長的我， 特別偏愛這種舊式日系風格。係公司附近見到間好有心思的洋食店，特來朝聖當走進這間食店， 感覺就好似千尋去左另一個世界。 這裏的每一個佈置都是滿滿的回憶， 彷彿將時光倒流回80年代， 叮噹還是叫「叮噹」…….在滿滿的和風氣氛下，當然要配和食點了這裏的招牌鍋料理2人餐壽喜燒2人鍋，分別有肉類，菜類，小食2客，關東煮和意大利飯。鍋物以壽喜燒為底，再配以不同的肉類點了美國牛頸脊和日本國產牛頸脊。 前者肉味夠濃，後者口感嫩滑。而且全程只係坐係度等食， 待應會即場一道道幫你煮埋。 燒完牛再煮蔬菜，最後煮埋個意大利飯。食完一道再一道，儀式感滿滿。跟餐的關東煮， 吸滿了湯汁又唔會煮得過爛跟餐的2個小食，點了黑松露芝士薯條和雞皮餃子香脆可口又唔會好油膩，配啤酒一流。菠蘿百香果乳酸烏龍粒粒蜜桃前者質感好濃稠，味道配搭有點兒怪怪， 我不太喜歡後者的粒粒蜜桃很香蜜桃味，值得一試。…查看更多

近年香港多左好多火鍋放題， 但唔止時間好趕，而且d食物質素真係一言難盡.....所以對於放題的火鍋， 我一般都抱平常心，但求食飽飽就算。呢間馬祖台式火鍋，令我對火鍋放題的質素改觀不少。馬祖火鍋放題係一個價錢，無限時任食除左有十幾款火鍋湯底，仲有超過六十款火鍋配料，多款飲品任飲。呢度貫徹台式火鍋的特色，超多湯底選擇。今次揀左田園濃湯蕃茄牛肉湯底同日本壽喜燒Yukiyaki 野菇湯底都非常值得推介 前者有很香的蕃茄同牛肉味， 好似飲緊蕃茄牛肉濃湯。後者的壽喜燒菇菌湯底非常甜，淥菜淥肉都好夾。 用呢2個湯底淥食物， 豉油都唔使點呀。香港人打邊爐主要都是食肉為主。 呢度嘅肉類的確有水準。 牛肉全部都係安格斯Prime Grade級別, 有安格斯牛肉，安格斯牛頸脊, 安格斯極上霜降牛小排單止顏色鮮美， 而且大大片，雪花均勻，肥瘦適中，有美感，有質感，唔係碎濕濕，一夾就爛的低質牛。~就連豬肉都係伽伊利比亞黑毛豬同無激素黑毛豬，入口爽滑彈牙又唔嚡。除左肉類，仲有唔少海鮮可以揀沙白大隻無沙， 海蝦, 元貝, 全部望落去都好新鮮，好靚仔~ 估唔到D海蝦咁大隻，入口爽口彈牙，證明真係新鮮野, 唔係雪到霉霉個D呢度仲有唔少手工丸，手工黑松露墨魚丸，非常香的黑露味，入口好有勁手工蝦丸真係有成隻鮮蝦係入面。好推介呢個台式長豆卜，佢吸哂D湯汁，十分好味，必點ITEM~作為台式火鍋，一定配備唔少台式火鍋配料台式黃金地瓜條仲配有4款SHAKE SHAKE 粉，好似去左台灣的地攤呀~飲品方面當然都係任限任飲~ 仲有多款自家製台式飲品~我女好鐘意愛文芒果苿莉花茶，我就鐘情日月潭蜜香紅茶，非常解膩甜品方面有多款Dreyer's , Haagen Daz 同Movenpick 口味，完美結束馬祖的價錢未必是全港最平, 但呢個價錢同質素，而且仲係無限時任食，相信都無幾多間可以做到。…查看更多

係D2 Place 3樓的銀座炎藏燒肉，絕對係一間被低估的日式燒肉呢間其實係東京人氣和牛燒肉專門店銀座炎藏燒肉的首間香港分店唔單止食到正宗日式黑毛A4和牛，仲可以食到和牛的稀有部位平時同事生日都會黎呢度食LUNCH慶祝百幾蚊已經可以食到一客和牛日式燒肉套餐, 得體又實惠今晚就黎試一下同樣抵食嘅和牛「極緻」6點 和牛6點共有6款不同的和牛部份，分別有和牛友三角, 和牛羽下，和牛唐辛子，龜之甲, 上後腰脊肉同和牛鞍下呢D部位都是非常稀有，龜之甲是大腿四頭筋中只得2成左右友三角是一頭牛中只能取到10人份量和牛羽下，一頭牛更只有3-4kgs以$588 黎講是真是相當實惠每塊和牛紋理都非常清晰，油脂豐腴味美，入口柔軟融化。就是食和牛的感覺呀~我就被呢塊和牛唐辛子驚艷到睇佢個樣又唔太多油脂，仲諗住會好嚡，估唔到肉質竟然係非常嫩滑有好嘅食材當然要配合埋個爐呢度嘅爐火非常猛，可以燒出好靚燒烤網紋。而且抽風好好，唔會見到煙霧迷漫的境象，食完都唔會成身油煙味。牛舌都是必點項目六塊大大塊的牛舌唔使100蚊，係咪估佢唔到而且牛舌薄得黎又有咬口，加碗飯 , 比坊間嘅一人燒肉定食更抵食。當然亦更好食唔想食白飯咁DRY, 我叫左個石鍋拌飯有飯又有菜，健康又好味 ，而且味道唔會好濃，同和牛一齊食都好夾連唔食菜嘅女女都竟然食左2碗-叫左2杯顏色好靚嘅特飲菠蘿乳酸 酸酸甜甜好開胃蝶豆花青檸梳化，非常清爽，而且仲係無糖無負擔，配燒肉一流值得一讚呢度嘅服務好好。服務員好和氣又有笑容，有問有答，又會適時加水，換網。收碟前都會詢問下客人，令人賓至如歸。 …查看更多

閒遊APM, 被悠揚嘅古箏聲吸引~ 原來是綠茶新店已開在APM中式竹林設計，配上油紙傘和古裝美人，優雅非常綠茶以浙江茶為主， 但亦加入了港式限定菜式香港限定的「蔥香脆皮烤鴨」滿滿的蔥花伴著脆香的烤鴨，烤鴨皮非常脆口，肉質好入味。加上混在蔥花中的靈魂調味醬汁，令烤鴨有另一種新的體驗。 綠菜經典 「粉絲裏蝦」鮮蝦加上醬汁一齊煮，爽口彈牙。粉絲吸滿醬汁，還帶有鮮蝦香味，味道濃郁，非常好送飯。南乳醉鮑片 賣相非常名貴，但其實一百蚊都唔使南乳汁帶有小小辣，鮑片大大塊，好爽脆。2者合埋一齊的感覺好新鮮。面餅醬五花肉用面餅皮包裏住五花肉，大蔥，青瓜， 好似食片皮鴨。五花味竟然一點也不油膩，入口仲感覺甜甜地。 暴打鳳梨茶造型超吸精，打卡必點上面是由龍井茶結成的小熊造型冰塊下面是酸酸甜甜的鳳梨汁。 中間有一個間隔可以盛載小熊但又可以浸到鳳梨汁。好聰明嘅設計。 呢杯咁靚嘅打卡飲品只是28蚊， 好超值雖然綠茶是以中菜為主，但配搭口味新穎， 賣相精緻， 值得一試。 …查看更多

今日去左呢間台式火鍋店，佢嘅午市火鍋放題店168蚊起，食足4.5小時，12點食到4點半。任飲任食。最正係星期六，日都有呀。星期一至五黎，仲有88折添😆 - **食材高質**：食物方面比想像中高質。我揀左LV 3嘅西班牙姨利比亞黑毛豬，218蚊嘅價錢但食到肉質鮮嫩嘅黑毛豬，肥瘦均勻嘅Prime Grade美國安格斯牛肩胛肉以及無激素豬，仲有多款手打丸選擇，加多40蚊仲可以任叫海鮮，海蝦大隻新鮮，花膠夠爽口。CP值超高飲品也是無限自取，特別攞介2款自家制飲品，好有台灣風味。- **多樣湯底**：有麻辣、藥膳，番茄等多種湯底選擇，我今次揀左第一次見嘅台式古早牛肉涮涮鍋， 即係台灣牛肉麵嘅湯底。好香，夠哂濃郁。 即刻想掉個麵落去煮呀。- **舒適環境**：座位以卡座形式為主，好闊落，非常好坐- **服務周到** ：食物上枱速度好快，無乜漏單情況，而且收碟速度都好高，唔使放到成枱野， 讚這間火鍋店價錢唔貴，但質素好好，我已約定朋友下次再黎啦 ～…查看更多

之前係荔枝角食過2次， 好好味。依家可以係觀塘都可以都食到啦除左原有的馳名吐司同蛋餅， 今次係仲試左幾款新品添。慢烤雞腿芝士蛋吐司 $56超厚實的一份烤得金黃香脆的多士，夾著滿滿的芝士和燒烤雞腿肉，每一口還加有爆汁的蛋汁。非常充實跟茶加9元 配了山茶花茶， 這是無糖的， 很適合解膩，綠茶的口感但更香，感覺喝完整個人都香香的冬瓜茶是少甜版，但非常清甜， 值得一試。芝士火腿肉鬆蛋餅 $48煙韌的蛋餅卷著滿滿的餡。加上肉鬆甜甜咸咸的口感。這是每次必點的item。今次試了3款新品湊湊豆腐湯加入了自家製辣醬， 香香辣辣，很夠勁豆腐吸滿了湯汁，和湯底是絕配。 肉羹麵線肉羹很似廣東的鯪魚肉球。 麵線非常掛湯，滿滿一碗很飽肚冰火湯圓很有創意的打卡甜品， 湯圓是芝麻餡，冰裏加了桂花，很清香。一冷一熱， 冰火雙重享受。但湯圓要快食，不然凍了外皮會變硬呀。…查看更多

係凱匯見到開左間新鋪，原來係新加坡有30年歷史嘅過江龍，以豆類產品，豆漿，豆花為主。呢度雖然以外賣為主，但都有一個小小嘅立食位， 仲有紙巾供應添豆類產品，香港人由細食到大，但呢間加入了不小新元素， 仲有季節限定飲品。都幾得意過江龍就是有實力， 一口氣試左4款不同飲品， 真係唔錯，好有驚喜抹茶紅豆小丸子豆乳個杯嘅印刷好靚，好有星加坡特色抹茶味濃香而不澀小丸子好煙韌， 紅豆爛熟起沙整體好夠味又唔會太甜奶蓋芋泥小丸子密封包裝夠方便， 拎走唔怕漏奶蓋好綿密，芋泥好清香，小丸子一樣咁煙韌新店做緊優惠，買任何產品就送季節限定嘅蝶豆花茉莉豆乳凍。呢度間中會出季節/期間限定款,如鹹蛋黃碎蛋吐司/ 蝶豆花茉莉豆乳凍 / 川貝枇杷膏豆腐花豆乳凍同豆腐花好唔同， 偏向似布甸質感，口感好滑， 好特別，有驚喜。三色芋圓西米露成碗超大，又有芋圓，西米，非常飽肚豆乳很香滑，芋圓我覺得可以再淋小小啦。 外賣盒係扭蓋唔怕漏 再加保溫袋。個外賣盒非常實淨 ，仲可以入微波爐。就算買熱飲外賣都可以回家再加熱。 依家有3款熱飲供應: 好立克豆乳 / 即磨咖啡豆乳 / 9 °微甜濃豆乳 ，最啱秋冬飲。呢度仲有會員制，除左有優惠，仲可以儲分換野添， 又幾實用。 …查看更多

話咁快就放完聖誕假，放假去食個brunch , 延續假期嘅心情 上網睇到hotel COZI 有個幾抵食嘅lunch Buffet. 仲要係海鮮主題。 葵芳站有SHUTTLE BUS直到酒店，我官塘過去， 巴士係正門口落， 好方便。 即刻book 位餐廳係地下一層， 座位好闊落，仲有張大圓枱，成班朋友黎可以一圍坐哂，正。前菜嘅海鮮冷盤有齊蝦，螺，青口，仲有蟹添。 果然切合海鮮主題。刺身檔有6款刺身揀，雖然都係大路野，但唔使排長龍~  可以食多幾轉~ 熱葷方面，當然要主攻海鮮類黑椒蟹非常野味，小小辣又好香~ 個蟹鉗已經扑開，食得好方便，又入味~ 大蝦海鮮荷葉飯非常香。飯入面仲有勁多魷魚~ 辣酒煮花螺同最愛嘅蒜蓉蒸扇貝，好少BUFFET 有扇貝呀~ 家下可以任食~ 好爽呀~ 甜品真心整得唔錯, 款式多，又唔會太甜最鐘意佢SIZE 細細粒，可以試多幾款~ 白朱古力噴泉好特別~ 仲要好多TOPPING 任配呢個餅餅超好食，一定要試呀~我最鐘意玩呢個DIY 窩夫機，自己落漿自己焗，超有成功感加埋個haagen dazs 雪糕，滿足感UP UP UP!!!幾鐘意呢度嘅環境同服務坐得舒服，條路又闊，行出行入都唔使同人迫，又唔使同人搶野食。 待應收碟又快手。問野都好快有人回應。 心情好，食都食得開心D~ 走時見到POSTER, 原來 DINNER  BUFFET 主題係鵝肝， 花膠 好鬼吸引１，２ 生日之星 ， ４ 位以上仲有７折 discount,  仲有生日蛋糕同甜品PLATTER, 同BIRTHDAY CARD 7 折後低至二百蚊幾，超抵呀~ 仲有個戶外花園，可以打咭影靚相~ 等我快D諗下邊個朋友就黎生日先~…查看更多