mycheung2的个人专页

行開荃灣AEON嘅Food Court，呢間Donbuni真係幾有日本feeL，價錢合理，食物質素仲相當唔錯👍🏻厚切吉列豬扒蛋包飯配咖喱汁係招牌菜，日式咖喱香甜唔辣，小朋友都啱食!豬扒炸得金黃酥脆，入口鬆化，仲要係超厚切,蛋包飯嘅滑蛋煮得剛好，配埋咖喱汁好開胃😋溫泉蛋醬油牛肉丼嘅牛肉片都好多，醬油味香甜，撈埋流心溫泉蛋同日本米飯，簡單又滿足😊小食南瓜薯餅外脆內軟，南瓜味自然香甜,腐皮餃子煎得香口，腐皮都好香口😆飲品試咗水蜜桃紅茶同荔枝紅茶，生果味清新自然，甜度適中，配濃味野食就岩岩好👍🏻呢度嘅食物價錢親民，如果想喺荃灣搵個經濟實惠又好味嘅日式快餐，呢度係唔錯選擇✌🏻…查看更多

朋友想食得清淡D, 我就揀左呢間係元朗既餐廳"玥", 因為見佢有素食套餐, 好彩一早BOOK咗位，晚飯時間真係好多人,估唔到素食都可以咁豐富，由頭盤到甜品都充滿心思👍🏻鹿茸菇玉米素湯燉得濃郁，菇菌同玉米嘅甜味完美融合，飲完成個人暖笠笠☺️前菜涼拌百香南瓜酸甜開胃，南瓜爽脆入味,川椒拌鮮腐竹麻香輕盈，腐竹吸盡醬汁精華🫰🏻主菜三杯茄子鑊氣十足, 仲好香,香煎三野菌外脆內嫩，菌香濃郁,豆乳浸水蓮清新滑嫩，豆乳湯底好夾😊羊肚菌雜菌炆飯係全場焦點，飯粒吸滿菌類精華，羊肚菌獨特既香氣, 幫呢個飯加左分👏🏻甜品芋泥芋圓鮮牛奶層次豐富，芋圓Q彈、桃膠滑嫩，配上爆珠薏米，真係好正❤️…查看更多

米線癮發作, 就同屋企人食呢間係元朗既雲川百味, 餐廳唔同其他米線鋪, 呢度地方相當闊落, 坐得好舒服👍🏻米線仲有8款唔同既湯底揀, 又有好多款餸同小食, 真係一定揀到自己既口味🫰🏻我揀咗麻辣湯底，湯底麻香味夠，辣度可以自己揀，我揀咗小辣，飲落順喉唔嗆。配料有辣肉碎、芽菜、韭菜同蔥，豬頸肉燒得香口，豬大腸清理得乾淨，滷得入味又夠淋，吸晒麻辣湯汁好正😋屋企人叫咗麻酸樂金湯，酸辣平衡得幾好，湯底帶少少金黃色，睇落好開胃, 配料有辣肉碎、芽菜、葱、韭菜同酸菜，肥牛唔會太肥，豬潤切得薄身，煮得啱啱好，嫩滑冇腥味😍米線湯底同配料都有水準，價錢合理，加上環境舒服，一定會再encore☺️…查看更多

今日專登去咗荃灣食雲家小鍋米線,鋪頭雖然唔大，但坐得幾舒服，午市時間都幾旺場要排隊😆我叫咗碗豬頸肉豬腸麻辣米線，個湯底麻香味夠，辣度可以自己揀，我揀咗小辣，飲落順喉唔嗆喉, 配料真係落足料，有肉碎、芽菜、芫茜同蔥，當然你可以因應口味唔要, 豬頸肉啖啖肉，咬落有嚼勁；豬腸清理得乾淨，滷得入味又夠淋，吸晒麻辣湯汁好正🥰朋友叫咗豬腸紫菜米線，BB辣對佢黎講岩岩好，紫菜份量多，豬腸同樣處理得好好👍🏻仲揀左小食涼拌墨魚頭，上面鋪滿蒜泥，墨魚頭爽脆彈牙，蒜泥香味突出，係必叫嘅小食😋呢間小店既米線湯底同配料都有水準，價錢合理，我下次一定會再幫襯😍…查看更多

今日同朋友去咗究極堂食午餐，呢間日本居酒屋喺炮台山同銅鑼灣都有分店，環境幾有氣氛，如果想大班人gathering仲可以book VIP房，唔就可以玩得盡興❤️我哋叫咗究極丼，跟左麵豉湯同沙律,個丼真係超豐富，有成十幾種食材，最吸睛係兩隻超大隻嘅海蝦，爽口鮮甜；海膽creamy無腥味，三文魚同吞拿魚蓉都好新鮮，三文魚籽爆漿鹹香，撈埋一齊食真係大滿足👍另外叫咗壽司定食配烏冬，有8款時令壽司，其中帶子鮮甜厚身，大拖羅油脂甘香入口即化，三文魚籽又係無得頂!烏冬滑溜，湯底清甜，整體配搭相當正😋小食叫咗炸串日本雞柳配牛油果蓉，雞柳炸得外脆內嫩，點埋牛油果蓉清新解膩☺️明太子芝士玉子燒熱辣辣，蛋香軟滑，明太子微辣鹹香，仲有滿滿既芝士係入面，邪惡但相當好食🥰…查看更多

今日去咗Airside嘅京都勝牛，環境好舒服，店員仲好有禮貌，好耐心介紹唔同嘅食材，感覺相當好❤️揀期間限定嘅三重鰻丼御膳，因為店員話每兩三個月都會推出一D特別既菜色, 過左就食唔返,入面有蒲燒鰻魚、穴子海鰻同白燒鰻魚三款, 蒲燒香甜入味，穴子肉質細嫩，白燒就食到鰻魚原汁原味，三種口感同味道都好正，配埋日本珍珠飯，真係好滿足😋另外叫咗四品牛魔御膳，有醬味薄牛、殼飼西冷、翼板牛同菲力牛四款, 師傅會先用180度油炸到三成熟，外層脆口，入面保持到肉汁同嫩滑, 之後仲可以按自己喜好用熱石鐵板再煎熟啲，好玩又好食！個人最鍾意菲力，牛味濃又軟淋, 仲有好多款醬汁, 自己揀適合既口味🥰飲品方面，果物冰茶:入面白桃同菠蘿味清新，酸甜解膩,甜蜜乳酸:巨峰提子同奇異果味突出，乳酸口感順滑👍仲食左甜品草莓小豆雪糕三文治同沖繩黑糖雞蛋布丁:雪糕三文治外脆內冰涼，草莓同紅豆好夾；黑糖布丁既日本蛋蛋香濃郁，黑糖醬甜度剛好😍…查看更多

終於等到華記潮州滷水車仔麵開到尖沙咀！以前喺太子已經成日幫襯，而家位置就腳好多，仲要係樓上舖，坐得舒服過以前🥰今次叫咗個牛雜麵配油麵，滷得夠晒入味，牛肚爽口、牛腸有咬勁、牛膀粉嫩唔會腥，揀咗重口味醬汁，滷水香加埋辣勁，食完成個人都暖笠笠😆朋友叫左三餸車仔麵配幼麵，蘿蔔清甜冇渣、大腸洗得乾淨、巨型魚蛋彈牙有魚味，同樣揀重口味，個湯底真係好惹味😋小食叫咗太陽餅（蝦餅），炸得金黃香脆，蝦肉夠晒彈牙；涼拌生腸好爽脆仲好入味添😍整體水準保持到太子店咁好，而且新店環境更舒服，以後喺尖沙咀想食地道滷水車仔麵，又多個好選擇😊…查看更多

今日去咗北角匯呢間西餐廳食晚飯，真係幾有驚喜！一入去就俾佢個環境吸引住，我哋坐喺窗口位，望住個海景，燈光暗暗哋好有情調，即刻覺得好chill🥰Set dinner款式多到花多眼亂，樣樣都想試！首先上枱嘅忌廉蘑菇湯好香滑，蘑菇味濃郁得嚟唔會太膩❤️法式白酒煮青口係我至愛，青口夠晒大隻，肉質鮮甜冇沙，白酒汁好香但唔會搶咗青口嘅鮮味😍主菜蜆肉扁意粉都唔錯，意粉煮得啱啱好有咬口，蜆肉鮮甜冇腥味，蘑菇汁creamy得嚟唔會太漏☺️慢煮西班牙豬鞍更加係亮點，肉質超嫩，一啲都唔嚡口，配埋香甜嘅洋葱同滑溜薯蓉，真係食到舔舔脷😋整體嚟講，呢間餐廳食物質素好，環境又舒服，真係一個約會既好地方👍…查看更多

今日去咗呢間 星•South Beauty 食飯，真係好驚喜！呢間餐廳果然名不虛傳，每道菜都做得精緻又好味，完全感受到佢哋對食物嘅用心❤️首先前菜食個水晶垛子黃牛肉，肉質嫩滑得嚟又有咬口，滷水味好香，凍食好開胃熗拌濰坊鮮蘿蔔皮爽脆清甜，帶少少辣，好醒胃😊松茸清湯雞豆花個湯好清甜，清湯雞相當清甜, 豆花滑溜溜，仲有松茸香，飲完成個人都暖笠笠😋最正係個魚籽醬烤鴨配煎餅，鴨皮脆卜卜，夾住魚籽醬同薄餅一齊食，鹹香得嚟又唔膩🥰毛血旺麻辣夠勁，材料夠多又好味，尤其佢入面嗰D鵝腸, 相當爽脆, 食到停唔到口☺️大蝦燒白菜個蝦鮮甜彈牙，白菜吸晒蝦汁，好入味🤗慕斯大油條真係相當大條!!!仲要外脆內軟，腐乳慕斯鹹甜夾得啱啱好❤️拇指生煎包細細粒但爆汁，皮薄餡多, 忍唔住一啖接一啖食晒😊整體黎講，呢度食材新鮮，味道層次豐富，擺盤又精緻，服務仲好周到，真係好高質👍…查看更多

Airside Nana’s Green Tea 果然係人氣茶室，佢地出品既宇治抹茶真係無得頂呀!!!今次仲叫左佢地既 焙茶產品，一個字, 正呀❤️同朋友食完正餐再滿足埋個甜品胃，呢餐真係豐富呀😍主食:海老蕃茄豆乳烏冬: 呢個創意組合估唔到咁好味! 番茄酸香，豆乳濃郁，蝦肉彈牙，烏冬吸汁，非常MATCH👍🏻鮭魚昆布絲柚子胡椒茶漬飯: 驚喜款！鮭魚好足料~柚子胡椒提鮮，昆布絲增添脆感，茶湯清爽，真係夏日首選❤️飲品:凍焙茶牛奶黑蜜果凍: 茶香與奶香層次分明，仲配合埋果凍口感😆抹茶牛奶沙冰: 消暑必點！抹茶與牛奶比例剛好，甜度適中😋重點甜品:抹茶白玉芭菲: 抹茶濃郁微苦，白玉Q彈加分，加埋粟米脆片，口感同味道都昇華🥰焙茶蕨餅芭菲: 焙茶香醇厚，蕨餅口感滑嫩，黑糖醬唔會過甜，大愛☺️…查看更多

成日經過新蒲崗呢間陳儀興，見佢門口啲潮式滷水好吸引，今日終於買外賣返屋企食✌🏻鋪頭好乾淨，仲可以望到師傅即場整滷水，夠晒衞生🥰我叫咗滷水雜拼飯同招牌鵝三寶飯，兩個飯都包埋湯同飲品，再加多份菜，夠晒飽😋滷水雜拼有墨魚、紅腸、豬腸同腩肉，滷得好入味，墨魚爽口，紅腸夠香，豬腸清理得乾淨冇異味，腩肉肥瘦適中，撈飯一流😍鵝三寶就食到鵝肝、鵝腸同鵝肉，鵝肝粉嫩甘香，鵝腸爽脆，鵝肉嫩滑唔柴，滷水汁唔會太鹹，帶少少甜，好啱送飯☺️仲有一定要沾佢既潮式辣椒油, 相當香口惹味😊…查看更多

今日去咗尖沙咀厚福街間丼燃食堂，專食日式丼飯，星期六tea time都好多人食😍最抵食一定係佢哋嘅自選丼，$68起就有四餸，仲可以揀五餸、六餸、八餸、九餸，性價比超高！我今次試咗五餸丼，揀咗炙左口魚邊、虎蝦、拖羅蓉、蟹籽、日本帶子，樣樣都新鮮，份量夠晒多，尤其是左口魚邊油香十足，帶子鮮甜，咁嘅質素真係冇得輸❤️朋友就叫咗九公丼，一碗有齊海膽、帆立貝、三文魚籽、拖羅蓉、牡丹蝦、蟹肉、蟹籽、三文魚、時令魚，勁豐富，海膽鮮甜冇腥味，拖羅蓉入口即溶，食完超滿足😋仲叫多左佢嘅獨家火焰卷物——金龍卷，入面有炸鰻魚、炸番薯、青瓜、蟹籽，上台時店員會用火槍點火，視覺效果滿分！鰻魚外脆內嫩，配埋甜甜嘅番薯同爽脆青瓜，口感好有層次☺️總括嚟講，食材新鮮、份量足，下次一定會再幫襯👍…查看更多

今日同朋友去咗觀塘呢間Non kitchen hub，真係幾高質！地方夠晒闊落，我哋兩個人坐張大梳化卡位，仲可以望住個open kitchen，感覺好似去咗外國咁，好chill❤️二人set dinner只係$398，真心抵食！餐湯係南瓜湯，加咗少少薑，飲落好濃郁又暖胃，芝士蒜蓉包焗得脆脆哋，好香口👍主菜試咗蜜糖芥末煙三文魚薄餅，餅底薄脆，蜜糖芥末醬同煙三文魚好夾，食落唔會膩☺️炭燒澳洲西冷8oz火候5成熟啱啱好，肉質嫩滑，仲有炭燒香味，正🥰最後加咗個意大利芝士餅，芝士味濃郁，口感軟滑，完美收尾😍整體來講，呢間餐廳食物質素高，環境舒服，價錢合理，一定會再encore👍…查看更多

朋友介紹北角呢間ABBRACCIO餐廳🍴食咗兩個set lunch，整體來講幾抵食！🙈餐湯：當日嘅餐湯係南瓜葵花籽湯，口感creamy，南瓜味濃郁，飲落去暖笠笠，幾開胃🤩Pizza - Tonno：餅底薄脆，吞拿魚份量夠多，大讚👍🏻配埋番茄同水牛芝士，味道幾夾。洋蔥帶淡淡香草味，唔會太搶，新鮮熱辣出爐，正呀🥳Pasta - Pollo e Funghi：長通粉煮得啱啱好，有咬口。雞肉絲夠嫩口同大份，好有口感，鮮奶油同白酒汁好香，食落幾滑，新鮮百里香提味，味道有層次🤩香蒜炸薯條：即炸上枱，熱辣辣好脆身！蒜香味夠，唔會太油，如果送啤酒應該一流😛總結：$200左右兩個人食到咁嘅質素，性價比相當唔錯。環境舒服，服務又好，如果想喺北角搵個地方Hea下食吓嘢，呢間係幾唔錯嘅選擇❤️…查看更多

呢間「牛駅」喺銅鑼灣廣場二期真係好方便，地鐵站行兩步就到，店內環境乾淨企理，座位之間唔會太逼，坐得幾舒服，傾計都唔使大大聲😆自助區選擇都幾豐富，丸類、蔬菜、飲品同甜品都齊全。特別要讚吓佢哋嘅台式丸同珊瑚蚌，丸類彈牙有咬口，珊瑚蚌鮮甜爽脆，比起一般放題質素好好多👍湯底揀咗豬骨湯，味道夠濃但唔會太鹹，打邊爐啱啱好❤️QR Code落單嘅選擇都唔少，最出色係美國肩甲肉同極黑和牛，肉質嫩滑，油脂分布幾好，淥完都唔會韌🤗乳鴿係意外驚喜，皮脆肉嫩，估唔到放題都有咁水準😍海鮮方面，蝦同沙白都幾新鮮，冇雪藏味，可以encore多轉☺️服務都算唔錯，食物黎得快, 換碟收碗夠快手，總括來講，真係值得ENCORE✌🏻…查看更多