awaiting的个人专页

去開銅鑼灣趁sogo 特價shopping行完街同老婆同佢朋友搵食醫肚, 大家都想食西餐又唔食連鎖野, 就試下呢間旺中帶靜既小店~位置係時代附近, 開始向跑馬地果邊行, 所以人流冇銅鑼灣咁誇張, 可以食得舒服安靜唔洗逼~招牌當然係食牛扒啦, 但係除左牛之外都有靚豬, 仲有另一個賣點新鮮即製任食黑松露薯條!任食同即製已經吸引, 仲要有濃香既松露味一枱4人落完單未食扒已經食左5~6盤湯同沙津因為驚冇肚食薯條所以4人淨係加左兩set不過沙津都好足料, 加埋黎麥係面好fresh 又感覺健康d, 冇咁大罪疚感湯就非常creamy, 完全係幸福既肥胖感飲品除左我要左really dirty 之外, 其它都揀左dirty lemonade~呢度lemonade 唔係簡單用檸檬, 而係燒完再用, 味道新奇冇咁澀, really dirty 再加埋whiskey, 最岩shopping 完或者happy friday 呢d 心情飲主菜方面我試左入門級既flat iron, medium rare生熟程度唔錯, 火喉掌握得好牛扒鮮嫩多汁, 加少少鹽唔洗花神野已經好正伴碟除左有常備既任添薯條, 仲有燒原個蒜蓉岩晒我呢d 唔怕大口氣既人, 同牛扒好夾老婆揀左prime 級既390日谷飼牛牛扒, 店員建議如果食到生少少既就試下rare佢冇所謂, 結果出黎都好靚外面有微焦, 中心位鮮嫩帶血水, 食落香得黎又濃肉味同juicy, 加少少鹽非常正薯蓉又係另一番體驗, 牛油味重而滑, 非常回味汁係稀少少既帶smokey 味既汁, 搭配牛扒都唔錯, 薯條都得食得好食, 坐得舒服, 下次再黎encore…查看更多

好耐冇食放題啦~今日放工收晏少少, 同老婆去開銅鑼灣, 肚餓既情況最岩食個放題唔洗收最貴既價錢仲可以滿足放題慾望太耐冇食, 原來依家連放題都開始轉電子menu同落單, 終於唔洗拎住本黃頁咁厚既字係度揭揭揭既方便又環保呢~落單快手左食野都食多d第一次落完冇cap圖, 補番張加完單既清晰易追唔洗估估下自己有冇落呢樣果樣, 同埋呢間食落都唔覺會點漏單, 體驗良好係點既野食未黎之前, 當然要出去遊個圈睇下有咩熟食有咩飲品啦~放題去到依家已經基本上可以叫係「刺身壽司自助餐」, 姐係同自助餐唯一分別係d刺身壽司唔洗排隊拎, 其它食品都好似好齊咁由魚蛋, 葡撻, 章魚燒等小食去到中式蒸魚, 炒菜都有, 選擇非常多但胃量有限~仲有梅酒同清酒任飲~自己拎清酒壺同杯不求人, 幾新奇其它任飲飲品有4個大雪櫃咁多, 港日韓汽水同道地茶都有, 當然唔少得有啤酒仲有三款可以揀行完拎左少少出面既熟食, 自己落單既燒物已經開始到左, 非常快手~出面既熟食味道唔差, 想食章魚燒都要等佢refill番先, 非常搶手燒雞翼香脆惹味, good呢個牛油蒜蓉炒帆立貝簡直係小食既必點, 炒得唔會太油份量合適 兩個人好快就清左一碟, 為左留肚食其它決定之後再諗en唔encore食食下熟食刺身就到~口都未停過刺身新鮮, 蝦同貝類鮮甜肉質好, 三文魚唔會太薄, 蟹腳非常足料, 仲要枱面已備鉸剪, 非常貼心~絕對係要叫兩三輪既質素呢~另一個唔錯既小食就係蒜片炒牛柳粒~牛肉唔會太韌, 唯一可惜既係蒜片唔夠脆, 但係都好香好好食~第二輪都係差唔多encore多次全部野, 除左試多d其它既小食同試埋手卷, 結果質素同味道都唔錯, 特別係羊架叫完兩輪開始發現到自己年紀已經唔係十八廿二, 已經冇咩肚再叫多輪, 唯有轉戰下甜品每枱每人都可以叫一杯haagen daz 或者movenpick既雪糕~夾埋都有六款味道, 我同老婆揀番自己平時食開既味好快就揀完~再出去拎左一小碟甜品布甸都係幾搶手既野~味道都唔差, 唔會太甜豆腐花係我至愛之一~呢度冇一大桶不過有一盒盒既百福, 都係驚喜食完咁多野真係大滿足~下次幾時想食都再跟番呢個夜少少既時段唔洗等位又平d…查看更多

今日同老婆去開坑口行下超市買下屋企野, 自然要醫埋肚先埋歸~呢個街市裝修完我都未入過去睇下有咩好食, 一入先知多左好多選擇, 連日式餐廳都有見仲有位, 就一如試下啦雖然鋪頭唔大, 但係d位都舒服有日本風格~同好多日式餐廳一樣~除左固定既menu之外都會有是日精選同限定既~第一次黎試下標準野先有點心紙版, 選擇都非常多想睇圖片既都有~睇落非常不錯的樣子~先叫左燒玉子試一試~ 係有埋鋪頭名架味道唔錯, 甜甜地有燒既香味, 正常燒玉子味~跟住就係帶子壽司同埋燒三文魚腩壽司~幾乎每一間日式餐廳我都會叫呢兩款黎試下帶子非常新鮮, 唔會腥~燒三文魚腩就滿口都是油脂香~係好食既魚腩除左蝦之外都係老婆叫既~基本上都非常符合性價比~蝦就肉質彈牙之後試既係蟹籽, 三文魚籽 同埋蟹膏~蟹籽冇咩特別, 正正常常~三文魚籽一般都比較危險, 驚會太腥/太鹹呢度都整得唔錯~起碼唔會食完覺得鹹到飛起~新鮮度good蟹膏都係好濃香同正常好食既, 唔會有異味~下一樣試既係吞拿魚蓉軍艦同埋辣汁三文魚~吞拿魚蓉好正~絕對係encore之選~辣汁三文魚就唔係間間都有, 有得試就當然要試下~係我鍾意果隻辣汁既味道~最後一轉我地試左小鮑魚同埋有醬既燒三文魚~小鮑魚都幾新奇下, 唔錯三文魚冇腩咁肥美, 不過就有醬香, 另一番風味~最後的encore就係呢堆可見我有幾支持三文魚腩~真係好正既油脂感絕對會再黎既小店~冇位拎番屋企都唔太遠, 很好日式選擇~…查看更多

好耐冇食過壽司刺身，今次同女友去到朋友介紹偏少少既西營盤餐廳入口好有日本風格，差d 就除左鞋先入去女友睇緊menu 我就睇下裝修，真係好有居酒屋feel, 唔錯仲見到有一小缸細細隻既蟹仔，多口問下店員，原來係有客落單就拎去炸既食材如果個缸冇晒就賣晒首先試既係小肌魚卷，店員介紹魚先被醃製，然後包左少少酸薑同紫蘇葉，加上師傅自己調味既味噌汁味道最鮮明既係濃烈既魚鮮味，但係又唔腥加上唔濃既酸薑同清新既紫蘇葉，以及我最愛既味噌，就算係唔鍾意同唔慣食酸野既我都贊成encore 多碟開胃得黎非常鮮同有特色呢，出面連鎖鋪肯定唔會有呢d食之後就係試壽司質素既三文魚腩同埋三文魚籽壽司～三文魚腩非常肥美，油脂感同鮮味十足，三文魚籽比平時出面見既細粒少少，味道冇咁鹹，好似帶微微酒味咁，都好好味～蟹膏多士～蟹膏加味噌香濃唔腥，配即燒多士香脆好食蟹膏上仲有少少蟹籽，提升口感明太子釀雞翼非常足料，明太子好多，而雞翼外皮燒得香脆，好滿足～牛肉有d咬口, 但係唔會太韌, 生熟程度適中, 肉汁好多肉味香濃, 正~跟住係女友至愛既日式小食之一, 茶碗蒸~蛋非常滑, 而且最神奇既係佢地加左少少柚子皮令成碗蛋非常清新有驚喜~encore三文魚腩(未影已經高速被女友咬走一件) + 油甘魚壽司~油甘魚女友話好鮮, 非常鮮, 好好食接近埋尾, 叫多少少串燒試下~豚肉菇串豬味香~唔會好似出面果d咁太多汁得番燒汁味~赤羽熱辣辣又脆脆地既皮, 加上鹽燒真係好惹味~雞肉肉質都非常好~除左encore多碟小肌魚卷做結尾之外, 都忍唔住試多樣新野~赤貝大家就食得多, 呢款石垣貝就少見d~比起赤貝更加鮮甜彈牙~好有趣又好食既口感呢~值得一試最後最後係甜品~一開始我仲以為係叉燒其實係紅酒菠蘿紅酒味都唔錯呢! 用係甜品都唔會用差既材料, 值得一讚係酸酸甜甜帶少少酒意下結束~非常滿意…查看更多

放工同女友去開中環行下街覓食, 醒起蔡瀾最近好似有間越南粉開係附近~打左個電話confirm真係開左業就去排隊襯下墟先menu 選擇可謂麻雀雖小，五臟俱全不過有幾多樣都好，每次試新越南野我都獨孤一味只叫生牛河~價錢係中環黎講真係唔算貴, 最驚喜係竟然有河粉refill 終於唔洗驚食越南河食唔飽肚標準既越南醬料一應俱全~檸水真係好夠檸檬味~值得一讚落左一陣就黎到~ 生牛粉同埋一堆我唔識分既香料先飲一啖湯, 清得黎帶甜, 牛味唔錯~之後就習慣性每樣都加少少落去咁, 效果都幾好~牛肉數量唔少, 而且唔韌又重牛味, 河粉較窄身同短, 不過口感幾好整體黎講完全對得住個價女友叫左個撈檬~外觀非常好呢~燒豬頸肉燒得好好, 邊位脆脆地咁, 香茅味十足春卷就冇出面其它鋪咁鹹, 香脆方面更好檬粉同汁女友都滿意~由於叫果陣眼盲見唔到撈檬有春卷, 我地又單叫左份炸春卷不過都完全食得晒, 因為佢唔會太鹹, 入面材料都幾清新~食越南野就當然要叫特色飲品~由於檸水已經好夠我飲, 我就pass比女友揀佢要左杯珍多冰~黎到果陣我都呆一呆好少見完全未攪既珍多冰~咁樣仲凸顯到呢杯野有幾足料味道唔錯, 唔會太甜, 重點係好多唔同野咬~非常好最後要提既當然就係refill既河粉啦~大家唔洗驚一碗會太多, 係細碗仔黎, 唔夠再叫都好方便~連湯都會有少少係入面, 所以都唔會唔夠湯呢前後叫左兩碗既我食完就超滿足咁埋單走人~中環黎講呢個價呢個質素絕對可以encore再黎呢~…查看更多

好耐冇食放題啦~~今晚要去觀塘玩, 玩之前食餐好既再通頂~放題通常我都有少少要求, 唔漏單, 新鮮,選擇唔少, 朋友就介紹左呢間我未試過既, 一於試一試~入到去未坐低已經見到呢個豪華既飲品櫃~勁過七仔呀無論係維他, 汽水, 啤酒定係椰青水, 清熱酷, 茶都一應俱全, 抵讚順手拎罐啤消暑之後就開始係果本書咁厚既menu到剔剔剔menu唔影啦, 太多人影, 淨係可以話種類真係好多!仲有唔少餐前小食, 八爪魚丸, 蛋撻仔都有, 不過今日既目標係放題, 我就冇試到~刺身好快就到, 我地叫住少少試一試水準先~切得厚薄適中, 唔會好大塊, 新鮮, 虎蝦刺身連泰式醬都有~抵讚食完見水準唔錯, 即刻可以大手encore除左刺身, 壽司都係試水溫既食品之一~花之戀同其它水準都唔錯~最正係舊飯唔會太大, 重點都係刺身~鰻魚燒得好, 唔會太焦~必食既海膽手卷~雖然叫左4個~其實真係份量唔多, 唔洗驚會好飽肚, 反而件海膽相比之下就足料,值得再encore!燒三文魚腩好肥美~同我想像中既一樣~非常滿意燒牛都重牛味, 唔係cheap野除左壽司, 都要回一回氣食下其它熱食試下既~我地叫左芝麻雞翼同埋一口芝士~雞翼香脆足料脹卜卜, 一隻我就夠晒~朋友話一口芝士都好香芝士味~唔驚濟既可以之後再叫多次下兩樣試既係燒海蝦同燒牛舌~牛舌唔錯,唔會太韌, 海蝦就肉質彈牙幾大條~抵食之選趁其它熱食未到再食多轉壽司刺身先~今次試下三文魚壽司同蟹籽呢d基本野~同刺身一樣水準都幾好, 可以一試差唔多尾聲就試下個雪花肥牛鍋~真係好足料, 果然係兩人份既牛鮮嫩肉味足唔韌, 加埋甜甜地既壽喜燒湯底真係好正~最後加多個菜叫做試下同搵d纖維食下 好香口, 辣辣地咁, 食完轉食甜品就岩晒~去到呢個位, 其實都飽得八八九九, 不過甜品佢地都唔少選擇, 有岩食當然要食埋佢~最後我食左芝麻雪糕~牛奶布甸同最驚喜既百福豆腐花~牛奶布甸都幾有奶味, 但係豆腐花真係估佢唔到, 好少見非常滿足的一餐~…查看更多

好耐冇出街食大餐～今次去到女友屋企附近既天后食，方便食完送佢番去～天后既橫街小巷一向充滿各國美食，鍾意試新野既我地就跟我地想食海鮮既要求周圍望下邊間想試，最後入左呢度～menu 二人餐黎講算豐富，由湯，前菜，主菜，甜品等都一應俱全，岩晒我地呢d 懶人～今日既湯係蕃茄湯～唔會太酸或太假既甜，唔錯～送既餐飲我地就要左紅酒白酒各一， happy friday 當然要飲下酒沙律好大碗，芒果鋪滿面～夾走成碟都仲有，幾甜唔酸沙律醬份量都唔少，如果需要記得同侍應講汁另上～炸拼盤係三款炸物～炸雞軟骨，炸雞翼同埋兩隻蝦天婦羅雞軟骨同雞翼都好脆～雞翼係單骨果種開左邊既～天婦羅質素唔錯～跟拼盤有檸檬，mayonaise 同天婦羅汁，鍾意點唔點都得跟住就到fusion 既食物啦～鹽燒魚點解話佢fusion 呢， 因為連個汁都係泰式果種酸辣既，微酸加辣辣地既汁同埋燒香既魚肉真係好開胃～魚入面其實仲釀左香料係度，非常足料好食，唔點汁既會試到另一種清新既味道～跟住係另一款主菜芝士海膽燒大龍蝦～真係好大隻下～佢落左唔少蟹籽做裝飾，味道都夾既跟既醬似係蒜蓉加唔知咩既醬～好惹味下非常值回票價既主菜跟住係燒金菇肥牛卷～唔好睇佢咁樣，其實底仲有三舊肥牛包金菇尾既卷，合共6件汁係燒汁+黑椒～好夾呢個卷，配菜點黎食都得之後到最後既主菜～野菌烏冬鍋～份量非常足，去到呢度女友其實已經停左手咁濟，得我食埋烏冬佢食菜烏冬彈牙，湯唔鹹，幾清，算係咁驚喜既甜品燒湯圓～呢樣真係未試過，外脆內係芝麻餡既湯圓～口感上有新鮮感，味道冇一般糖水既湯圓咁甜，唔錯～最緊要趁熱食兩個人食二人餐食到非常飽，最岩就散下步番歸…查看更多

今日試既係平時好少食既四川菜～因為怕太辣而四川菜一向比我既感覺都係辣死冇命陪～朋友食過一次呢間話辣度算係我勉強食到既，但又好好食過到癮，咁就捨命一試首先係朋友話必食既涼麵～面頭有一攤椒麻醬，其實食落好香蒜同辣椒味，但係感覺又唔係太辣咬落去由於麵身係涼既～所以較彈牙，撈埋蔥花同辣醬真係好正又開胃呀口水雞既色好似好恐怖咁，其實食落又未去到想像中咁辣，呢度既小辣終於係我食到既程度雞件數量多又滑～完全唔似係前菜而係似係主菜咁足料第一個主菜係辣子雞軟骨～有d 驚兩個人食唔到夾埋6樣野連白飯，所以揀呢個似小食既主菜炸得非常酥脆既雞軟骨，辣味係愈食愈滲出黎既～如果送酒應該非常正但係戒緊酒既我只可以送下飯吹下水之後揀既係四川菜必試之一既水煮野～我地要左水煮魚魚塊非常滑嫩，用左龍鯏柳，所以連骨都冇岩晒懶人香味辣味都煮得入味，唔錯辣度同其它小辣一樣係我挑戰到既極限～一額汗又好正最後既主菜係回鍋肉呢個係朋友鍾意食既野～我比較少食佢就話肥瘦均衡，香口好送飯～亦都身體力行左兩碗最後係神秘既第六味菜～送既炒菜油左少少不過炒得好香～送既黎講非常好由於餸多飯仲要任裝，真係食到捧住肚走～作為鍾意食辣又唔太食得既我，一定會再黎滿足食慾挑戰辣度～…查看更多

新年冇約朋友出去食一排, 開始番工後又繼續得閒就食下聚下~今次揀既係近大家收工既呢間東南亞菜~出升降機之後既門面都好大好闊落, 冇一般餐廳咁「放多幾張枱」算各式飲品甜品如酒類, 椰青, 芒果糯米飯都有~果然係東南亞雲集坐落傾左一輪食咩之後就決定左呢個前菜先~越南野既蝦米紙卷~皮薄, 蝦彈牙, 整體感覺爽口開胃~唔錯泰國野大家最鍾意之一既馬拉盞通菜~味道唔錯, 馬拉盞味夠得黎唔會太辣~多人食就一定要叫既拼盤~炸既唔會太厚粉, 熱辣辣之餘岩岩好每人一件中間仲要有肉碎生菜包, 唔洗再另外叫~肉碎唔會太辣, 仲食到既level, 非常好串燒又係東南亞食品必叫之一~佢地既味道似係馬拉/泰國菜~醬係沙嗲~雞同豬既味道有d似, 牛就明顯好多全部都唔會韌, 準備同燒得幾正~女人們至愛既泰式蝦炒金邊粉~味道唔錯, 甜甜酸酸咁, 面頭既蛋絲整得好靚下不過我自己就鍾意青咖哩多d今次要既係牛~咖哩汁多, 牛份量都唔少, 辣度係可以我唔食開辣既都岩岩好接受到~非常岩食因為咖哩冇跟飯~我地就叫多個蒜蓉包點下咖哩汁蒜蓉包趁熱食真係好邪惡又冇得輸牛油同蒜蓉都足料, 就咁食就香脆, 點埋咖哩汁就比較特別, 但係個味都好夾~最後一樣我地叫左隻越式燒春雞+釀黃飯~配菜既沙津份量都好恐怖, 完全可以分做一味菜沙津味好新鮮,汁比較酸, 岩配合燒雞食~雞本身唔會太「鞋」, 燒得皮脆肉嫩, 好正飯就帶少少香茅及雞味~非常唔錯~點埋之前剩既咖哩汁又係好好食食到依度, 之前想叫既芒果糯米飯女人們已經冇胃再食~唯有下次再試…查看更多

最近天氣愈黎愈凍, 最岩就係打邊爐呀~原本就已經熱愛邊爐既我, 生日大餐就乘機食貴少少既邊爐呢度有少少半任食既感覺, 因為有揀完煲後有位上既特式食材~我地揀左三杯卜卜蜆煲~微辣又有d蜆食咁, 其它地方比較少見呢類湯底邊爐靈魂之一當然係任飲既飲品啦紅酒白酒cocktail mocktail 珍奶一應俱全我就當然要杯生啤先, 女友就試下珍珠奶茶~邊爐另一個靈魂就係醬油同配料~呢度既配料排左個九宮格~除左必備既生煎炸蒜同蔥花辣椒外, 仲有沙茶醬,沙爹醬同榨菜另外一樣值得介紹既就係佢地任叫既前菜~麻辣手撕雞同埋麻辣木耳辣度唔係好辣, 連我呢d唔食得辣既人都食到, 仲要係又要辣又要好食果種係咁食雖然有d驚填飽左食少左其它配料, 但係兩碟我地都清得好乾淨食食下前菜個湯底就到~一見到真係嚇左一嚇, 隻色好似好辣咁之後煲滾左都證明左呢樣野~佢既辣度係辣過前菜既~所以我決定叫侍應加多少少清湯溝一溝唔食得辣既人真慘驚喜點係呢度既卜卜蜆足足有成碗咁多呀而點解叫卜卜蜆呢, 因為佢地係煲緊果陣會不斷碰撞發出「卜卜」聲, 幾得意煲滾湯底第一件事當然係試下最後一個靈魂 - 肥牛啦呢碟係兩人份量既安格斯牛~淥一淥咩都冇點就食得, 因為湯底本身都濃味, 唔洗豉油都得~牛肉油脂唔多, 足夠令佢唔會韌, 加上肉質好又有牛味, 正呀食多兩塊之後加少少蒜再食, 就係我最鍾意既味道除左牛之外, 其它位上既特式食物仲有呢d~蝦丸同墨魚既芝士餡好正~可以煮到流心再成粒食松露芝士豚肉餃同松露蟹肉餃就松露味濃厚~松露蟹子海鮮軍艦除左松露味仲有蝦/魚滑既彈牙同埋鮮味~個人最鍾意呢款~墨魚汁鳥結糖唔痴牙, 唔洗擔心其它地方未見過既特色食物, 幾好食響鈴份量有d多, 要唔怕熱氣先食得晒~因為真係好大條, 仲要岩岩炸起熱辣辣, 炸魚皮唔會太鹹, 可以就咁食或者淥一淥都得~係第一輪飲品飲完之後...我地好快又叫左唔同既野飲~女友要左杯柑桔檸檬冰茶清爽下消下滯...我就試下店員推介既白酒一試就不得了, 平時唔太好白酒既我飲完呢杯之後即刻想叫多杯不過女友提議最後先叫, 我就再試多杯可樂沙冰先同場加映我地食完所有位上食物後仲食得落既少少丸同埋鱈場蟹棒~丸既質素唔錯, 芝士竹輪都可以任叫呢下好正可惜太多好野食我地已經食唔到幾多蟹棒真係超長呀, 同隔離既筷子比都差唔多食飽飽之後做咩好? 千祈唔好咁快走住當然係出露台享受下自然風(雖然有D凍~), 埋左單仍然任叫既飲品, 同埋無敵夜景啦呢度其中一個最抵既地方, 就係食完埋左單都仲可以出黎企下望下風景繼續飲野~隔離都有一枱係咁, 仲叫左一支酒慢慢嘆添店員間唔中仲會出黎問客人有冇咩需要甚至幫我地影相, 服務態度抵讚飲完呢兩杯同埋再飲多杯白酒我地就結束呢一個滿足既晚餐雖然個價唔平, 但係一計埋d飲品同食物質素就會發現其實一啲都唔貴呢~…查看更多

之前有朋友差落一餐請食飯~ 被請既我從善如流由朋友揀食邊間算~問過我未食過呢間就話帶我黎試一試雖然係旺角呢個晚晚逼爆既旺區, 但係呢度比較偏離主要既人流~加上樓層非常高, 有種旺中帶靜既感覺餐廳內佈置幾有氣氛, 中間係吧枱同調酒師工作地方~已經有聖誕menu~ 但係好似太多野食, 朋友發板佢叫我食算叫完野食先黎餐包~香草味+暖粒粒+軟, 幾好食~ 咬左一啖我就決定等埋我個湯點黎食朋友既黑松露蘑菇湯同我既蕃茄蟹肉湯~朋友話松露味香濃, 香草包點湯好正~我既蕃茄蟹肉湯就微酸, 加上不少蟹肉~~蕃茄+蟹味+香草包都幾夾, 唔錯朋友既主菜係味噌燒 三文魚扒燒得唔錯~ 唔會太焦唔會太生味噌唔會太鹹, 調味幾好, 帶到三文魚味我既主菜係煙豬腩肉闊麵~同一般煙肉唔同~用既係豬腩呢個比較肥少少既部位比起一般煙肉冇煮得咁脆, 多左種油脂既香味~加埋橄欖油好好食, 亦都幾飽肚下~飲品我要左杯godiva delight~朋友要cookies and creamgodiva delight好香濃朱古力味, 正過平時朱古力粉開出黎既好多肥呢d野我就一向唔怕, 所以飲得好爽朋友見朱古力好似好正都挑起條癮想試d朱古力野~ 所以佢叫多個甜品心太軟試下~流心就基本要求啦, 唔流心點叫得上心太軟~佢話朱古力唔會太甜, 幾好配埋隔離果球雲尼拿雪糕就岩岩好多謝朋友款待~下次有野搵我幫手我實繼續幫呀…查看更多

今次搵食搵到黎天后~呢度真係好多選擇就算我地揀定左想食日本野, 都仲有幾間可以揀最後我地揀左呢間睇落裝修唔錯, 經過果陣仲聽到老闆介紹緊新番既酒最緊要係下文會提及既promo入鋪右邊就有一面牆全部都係手繪紙扇~幾有特色前少少既吧枱位就有好多唔同既酒, 米酒清酒全部都有, 聽老闆介紹岩岩仲番左一批新既, menu冇~所以想叫酒既記得問問店員有咩好介紹今晚唔係特別餓, 所以我地睇完餐牌就決定左叫一個主食同大量小食首先到既係呢個芥末+牛油果+蝦整成既醬配餅乾~餅乾好脆, 合格~醬既芥末味唔會太濃太攻鼻, 加上最近好興既牛油果同蝦鮮味, 幾有趣幾好食跟住到既係今晚既主食~海老味噌拉麵對味噌非常有愛既我當然即刻先試一啖湯底~蝦味鮮且夠濃味, 味噌味唔會太鹹, 湯底黎講好正麵身軟硬適中, 唔係我食開既硬麵, 不過都彈牙蝦就非常大隻,鮮味十足~ 最驚喜係湯底入面有一塊熱石係度~除左某間用呢樣做賣點既拉麵鋪我都極少見, 主要係用黎keep住湯底熱既跟住到既係好期待既A5 和牛 - 近江牛~佢跟埋一個小鐵板同gas爐比你自己燒~仲有岩鹽, 黑椒同味偏淡既醬油自己調味~食高級牛通常我都只落少少岩鹽提一提味就算, 食最原始既牛油香, 牛肉味好耐冇食和牛, 真係好正, 肉嫩多汁牛味濃呀~~~女友既主菜亦係今晚既promo係我燒緊牛果陣都上左原價78特價25蚊隻既XL九洲蠔真係超級大隻, 由圖片可見佢同右下果隻碟仔比完全係接近一樣長度味道黎講偏向較鮮甜, 冇咁重腥味同礦物味, 容易入口25蚊黎講真係冇得輸, 如果唔係女友食完4隻已經夠晒既話一定會再encore佢仲有一枝日本既檸檬味特別汁提供~女友想食原味就冇落到, 我就咁試左少少覺得同海鮮好夾去到呢度都飽得七七八八, 見隔離枱開酒飲我又口痕想試下新番既清酒一樽太多, 咁就先試一杯~店員介紹左呢隻酒味濃少少但又未到燒酒果種咁濃既清酒~香味好好, 入口唔辣喉, 酒味幾岩我女友試左一少啖又比番我 我就留番等其它食物到埋先試左一串柚子醬燒雞柳~柚子醬除左柚子香外, 胡椒味都幾濃適合我地呢d重口味人士~雞頸骨漢堡串~仲有生蛋配埋本身燒得好香口, 食落啖啖肉加埋蛋汁更添一層風味, 好正燒明太子~明太子本身味道偏濃, 我地有心理準備所以冇問題餐廳都提供左紫菜包住食令到佢食落冇咁鹹~幾好最後係燒日本芝士年糕~口感非常好, 外面有d位微微脆, 其它好軟糯~芝士都唔少, 熱辣辣加埋紫菜同其它串燒食送酒一流其它拉麵同未食過既小食要等下次黎再試了, 去到呢度已經飽晒大滿足…查看更多

番黎第二餐就跟女友喜好揀川式麻辣野食既然佢有推介，我就唔諗等食門口有個京劇面譜既裝飾，幾有特色坐落就有員工黎介紹番點食, 主要係跟MENU揀餐先, 愈貴既餐包既野愈多, 可以食既時間都愈耐~我地都好耐冇食雞煲, 但係又鍾意呢D麻辣野食下魚入味D, 就要左雙拼雞魚先~見隔離主菜份量都非常足料, 都係唔要太多配料既基本餐算, 兩人一鍋雙拼應該食完主菜都七七八八今日唔太想飲酒類, 好簡單要左個Z區飲品任飲算~第一輪飲既當然係佢地既特飲~我就要左熱既菊花薑蜜~女友要左凍既桑梅蜜係主食準備緊同煲滾之前, 餐廳仲準備左4小碟, 味道都唔錯分別係麻辣芽菜, 麻辣椰菜, 微酸既木耳, 麻醬生菜絲我地差唔多清晒咁濟, 原來仲可以無限refill, 不過我地冇要到, 留肚食正餐魚同雞已經上鍋準備開爐~滾起左個湯底準備開餐我地食住雞先既~因為店員係我地煲緊果陣同我地講過話煲滾可以叫佢地幫手拆一拆肉咁, 我地就等下~雞肉有d幾嫩滑~有d就因為貼左鍋面發熱既部份, 有少少煎香同微焦既感覺食到果d部份覺得有bonus咁味道幾好, 本身佢既麻辣味會比較鹹少少, 因為之後會再加湯做邊爐~我地呢d重口味既人又冇咩所謂~因應我唔太食得辣我地要左小辣, 都好香同幾辣魚就推介得幾好~我地想要比較易食少細骨既, 呢條魚係佢拆左少少肉之後真係啖啖肉, 淨係有幾條明顯既骨痴住~麻辣味非常入味, 魚肉偏彈牙少少而唔係散果種去到呢到我地終於記得其它肉類同海鮮配菜黎張全家福先~其實其它所謂配菜既份量都絕對唔少兩人一鍋真係食唔到太多野, 呢度我地食完都冇refill 肉食~先講下海鮮~ 我地要左兩種蜆~聖子皇, 海蝦海鮮都非常新鮮~ 冇腥味就基本啦, 仲要有鮮味呢下好好close up下加左錢要既聖子皇先~ 真係好長好抵食雖然唔煮得耐, 因為理論上煮到甩左殼就食得, 麻辣味未煮到入味, 但係真係好鮮兩種蜆各有各好, 大隻少少既彈牙d, 細粒d既抵食d肉類我地主要要牛~其它份量較少既係芝士竹輪, 台灣腸及豬肉牛肉偏瘦, 肉味濃厚唔韌有驚喜, 比一般連鎖火鍋店出色豬就一樣濃肉味, 但係會肥少少, 五花腩得好靚好正台式腸就係一般火鍋店較少見既野~食厭芝士腸廚師腸食呢種幾好芝士竹輪正到直頭要比個CLOSE UP 佢芝士汁唔少, 咬落好正呀~感覺淨係呢4件都回左唔少本咁最後飽到九九十十既我地都係飲埋杯野同食多碟麻醬生菜同木耳就完lu~非常滿足的一餐~下次要同多d人黎食先可以做到任食邊爐既感覺…查看更多

去旅行去左十幾日, 其中一樣係外地完全食唔到又好想食既野就係越南粉番黎隔一日, 女友就推薦呢間佢之前同朋友食完既越南菜, 終於有得食啦除左入鋪內坐之外~ 都有D 半戶外既位意思係有瓦遮頭之餘又可以享受戶外既自然風我地見今晚有少少凍, 就揀坐入面~坐低諗左陣就好快咁一人叫左一個主菜~再叫左一份小食同一杯飲品首先到既係小食越南春卷~有跟埋一份生菜比你包住黎食, 隨個人喜好~春卷本身炸得比較耐, 未去到燶既地步, 非常脆同香口怕熱氣既可以包埋生菜, 順便減一減油膩感餡料唔少, 可以稱得上足料跟住到既係其中一杯佢地既推介~青檸薄荷沙冰係沙冰入面可以見到有唔少既薄荷葉碎, 薄荷味非常足夠青檸味相比就會冇咁突出, 慢慢品嚐先會FEEL到薄荷下既另一種清新味份量都唔細, 非常適合鍾意薄荷飲品既人~之後係間間越南菜都會有既生牛河~亦係我至愛既主食~呢度既主食真係好大碗下, 一見到我就放心唔洗諗宵夜食乜個湯底比較清香, 冇一般連鎖店咁鹹, 香料味足, 牛味唔錯牛肉量唔少, 肉味唔錯, 粉真係幾多, 食完幾飽下女友既燒豬頸肉濱海都有驚喜~好大碗燒豬頸肉處理得好好, 非常香脆又有肉味, 一流連埋菠蘿同埋煎過少少既米粉用生菜一次過包住, 再點少少魚露黎食就係正宗既食法咁樣食又真係別有風味, 菠蘿既甜同爽口解左燒豬頸肉既肉膩感, 加埋生菜配合得好好食不過都係太大碗, 女友食唔晒唯有我包底食多舊食物質素不俗, 價錢唔太貴, 又近女友放工, 絕對可以再黎食既越南菜…查看更多

咁快就已經萬聖節，係同女友去睇人扮鬼扮馬前當然要醫肚先聽做中環呢頭既朋友話呢邊新開緊西餐好食得黎竟然係7*24即刻黎試下有幾好食餐廳位置唔多，約二十個左右，佈置幾靚食物選擇唔少，單係pizza pasta 同 risotto都過廿款，常見同獨特皆有，我地好快就各自睇岩食咩驚之後要去飲野下場，呢餐就冇叫酒住∼我叫既係 bbq lover pizza∼落單果陣店主uncle jimmy 都有提一提我地怕唔怕辣，因為材料之一既jalapeno rings 有少少辣黎到食落就覺得隻辣味好香∼對我呢啲鍾意辣又唔食得好辣既人黎講好正餅底就唔係餅乾果種完全脆既口感，係微脆得黎有啲口感既厚度，唔會太飽肚又有口感成個配搭好惹味，份量都唔少，一個人食完好飽下 女友就揀左最常見之一既cabonara 佢既做法係唔落蛋既，汁比較creamy, 忌廉同芝士味都好香濃意粉質地偏硬少少，我就好 like, 女友就一般呢度啲配料都係自己磨既黑椒同岩鹽∼風味十足呢餐食得飽之餘味蕾都好滿足，下次做夜鬼一定再黎食…查看更多