Roccalokka的個人專頁

約屋企人食個飯, 揀左D2呢間大公館, 有得泊車好方便!平時食中菜食黎食去都係乳豬龍蝦, 今次呢到帶比我地好多驚喜!頭盤揀左幾款, 有鮑魚/ 沙律蝦球/ 淮山等等~冰鎮鮑魚出場夠晒排場, 一口SIZE 食起黎都好方便, 醬汁好清新, 作為開胃菜一流!沙律蝦球都非常高水準, 通常街外既蝦球都會有D雪味, 但呢到既蝦球係超級新鮮, 肉質超爽口, 而且係鮮甜無雪味, 相當唔錯!黑毛豬叉燒都係另一驚喜, 雖然價位比較高, 但係真係水準都相當好, 豬肉淋滑, 醬汁甜而不膩, 真係好好送飯!蒜香雞既外皮灑上脆米, 炸完之後更加香脆, 就算放耐左都唔會變淋, 一個好聰明又新穎既做法, 而且做得好好食, 雞肉又唔肥, 好吃!最後因為菜式太好送飯, 都叫多個炒飯, 而好似一個簡單既炒飯都無令我地失望, 飯粒分明, 櫻花蝦又香, 屋企人都相當滿意!…查看更多

天氣咁熱又想燒野食, 最好就係食韓燒~有冷氣之餘又唔洗煩!今次朋友介紹黎到呢間平昌, 都幾多好評!佢有幾款唔同既套餐, $178起, 最平果個都幾多野食, 不過朋友話試下中間價位果個!一坐低店員就介紹點落單, 同埋倒蛋漿! 係我最鐘意既爐邊蛋!!整到半熟既時候食真係好香好滑, 夾埋落生菜同燒肉一齊食好好食架!另外仲有無限REFILL既泡菜, 夠凍, 好食!除左基本肉類, 仲有D熟食, 小食, 飯麵等等~仲竟然有醬油蝦!!!之前係韓國食過已經好鐘意食醬油蝦, 係香港都好少見到!佢既蝦肉好滑, 醬油唔太咸, 食2碟都抵!仲有蠔/帶子/扇貝等等, 不過呢D都比較難燒!連水冷麵都有得食, 燒得熱辣辣有D凍野食下都幾好!!最後LIKE 社交平台有2條雪條, 2個鐘食得好滿足!!…查看更多

終於開放番堂食, 實在太耐無食過burger啦!!即刻諗起美麗華呢間burgeroom~ 放工黎到都幾多人食~去完cashier落單就可以坐低等食!今次同男朋友叫左1款牛肉1款雞柳burger~再試左黑松露薯條~芝士蛋漢堡聽個名以為好普通? 原來係超級大個, 差唔多有15cm咁高!而且蛋係好厚~唔係普通煎蛋!牛肉依然好juicy, 連埋個蛋一齊食更加juicy~今次係第一次食黑松露薯條, 都係用上粗薯條~而且好多芝士, 好食!不過都係鐘情芝士旋風薯條~另1個係honey mustard 大啡菇煙肉漢堡~個名好長, 好多配料, 好鐘意入面大啡菇, 覺得健康d, 同埋加左一份香味!honey mustard同雞柳好夾~呢個比起牛肉果款無咁漏, like!…查看更多

CAFE CREPE 係香港都開左一段時間，唔鐘意排隊既我終於搵機會去試啦！今次同媽咪叫左一咸一甜～因為BRUNCH時間，叫左款LA SUNRISE， 好明顯都估到入面有咩餡料～就係芝士，炒蛋，牛油果啦！擺盤賣相唔會造作，直接將重點放係CREPE上，切開入面見到既餡料好豐富，好厚！牛油果同芝士炒蛋好配合～餅皮煙韌，邊位夠脆，勁好味！另外甜既叫左朱古力RUM酒～本身麻麻朱古力，但媽咪想試～因為驚好漏，點知呢款入面係MIX左D曲奇碎咁好CRUNCHY，唔係得朱古力醬，所以好驚喜唔會漏！…查看更多

難得放假又咁好天, 帶左媽咪出街食BRUNCH, 搵到呢個係旺角鬧市中既綠洲,星期六BRUNCH坐滿一半, 但環境好舒服, 食客都唔會太嘈, 望住個景真係好RELAX~BRUNCH MENU有大約10款主菜, 然後你可以揀加配餐湯&甜品, 或者沙律, 或者全部加晒~~大食細食都可以自己配搭, 幾好我同媽咪叫左1個意粉, 1個雞排SHARE~加左1份餐湯甜品, 同埋大蝦沙律~餐包烘到微暖, 好好食!餐湯係磨菇湯, 好多磨菇之餘仲有淡淡黑松露味, 好香!意粉係韓式辣醬意粉, 個汁好CREAMY, 少少辣, 好香口, 又唔會漏因為辣辣地好好食!另外雞排既BBQ醬都好夾, 薯蓉好香牛油味又滑好好食呀!!最後甜品好滿足好幸福~食完舒服到慢慢飲埋杯咖啡都唔捨得走…查看更多

去九龍城食泰國野，最出名一定係小曼谷，仲有佢門口隻吹氣公仔都好難忘疫情問題之下佢都算幾多人食架，不過店員都好貼心，準備埋口罩袋比我地用～食泰國野我必食咖哩！估唔到呢到仲有咖哩農夫包！！我最鐘意食ｄ索晒汁既農夫包～呢個仲要超大個！咖哩農夫包隔黎果ｄ係炸軟殼蟹，佢無浸埋落ｄ汁，所以一路食都仲係好脆，而且唔會太油，配埋個汁真係好好食！因為個包都好飽，２個人食有ｄ太多，我地另外叫左個小食拼盤都好夠食！小食拼盤最好食既一定係炸蝦餅，因為超彈牙又大件，加埋醬汁好正呀！！…查看更多

近排好少出街食飯，但係到左anniversary都要慶祝下既！搵緊旺角餐廳既時候見到呢間人氣大熱既LAB EAT～環境仲好似幾CHILL，所以就同男朋友去試一試LAB EAT係新商場TOP入面，地鐵站一上就係，落雨去都問題～餐廳裝修好靚，枱與枱之間都好闊落，仲有OUTDOOR可以RELAX下架！餐廳有SET DINNER 同A LA CARTE，我地就散叫～因為都食唔到好多野哈哈！首先店員推介生蠔，我地就每人試左２隻～相比起我鐘意淡味果款既TATIHOU ! 好鮮味，唔洗加汁都好好食！主菜我要左款牛柳配鴨肝～真係好正！鴨肝既油流落去牛柳到，牛柳又淋煎得又香，入面岩岩５成熟！唔洗太多調味就已經好好食~隔黎仲有薯角, 對女仔黎講都幾大份~呢到既飲品都好有特色, 因為要番工我就無飲酒啦, 不過店員會用氣槍唧個波波上去, 好得意又好夢幻既感覺, 令到成餐都好有FEEL!最後梗係叫埋個甜品先perfect啦！…查看更多

去茶餐廳食嘢，我最鍾意就係食佢哋嘅菠蘿包，因為咁樣最食得出佢地既水準！👍🏿Weekend落雨冇乜嘢地方好去，所以我地就去左沙田行下，順便去超級市場，新城市樓下果層好多野食，我地揀左呢間懷舊feel茶記try try😄叫左個女神麵同大碗麵，女神麵有超大塊花膠，豬手，全部都超養顏哈哈！湯底好味，叫左少少辣汁，又多餸，套餐仲有小食，跟左南乳雞翼都好香脆好食喎！大碗麵真係好大碗，老水雞翼正！我like!食食下聽到波羅包新鮮出爐，所以叫左個波羅油，超級好食，又脆皮，牛油凍凍地，無得彈！…查看更多

近排都冇咩出街，難得要去尖沙咀，所以食個晚飯，去咗厚福街呢一棟大廈上面搵嘢食🤣好似好耐之前食過呢一間amitie kitchen唔知係咪開咗分店，我哋嗰日叫咗一個軟殼蟹牛油果漢堡同埋一個set dinner～餐包有三款，暖的好好食！炸蠔二重奏意粉，炸蠔好juicy好脆，意粉醬汁都有蠔味架！超正唔太漏！Burger有一整隻軟殼蟹，又係炸得好脆唔厚粉，蕃薯條隔黎係肉桂味既汁，好新奇好似食緊churro！😍…查看更多

近排出街都唔想去咁多人嘅地方，但係今日要去尖沙咀拎啲嘢，所以就喺附近搵間餐廳食個快飯，廢是去啲咁人多嘅地方😂😂見到呢間門口掛住好靚嘅燒鵝，同埋二人餐都係248，好似幾多嘢食！我哋要咗燒鵝同埋叉燒，仲包兩個湯同埋有菜，兩個人食唔晒。不過燒鵝真係好香好多肉，仲有浸荔枝柴嘅味道，燒鵝肉唔係太肔好多肉超級正！👍🏿另外叉燒好大碟，睇落好似好瘦，不過原來肉質好林好入味好甜！連個湯都好大碗，相當抵食，唔錯！…查看更多

喺荔枝角區來講，呢一間Pizza店可以算係我心目中嘅首選😝雖然佢鋪頭唔大，但係名氣不錯，好多人食，所以記得要book位！😂星期六book咗枱黎食午餐，我哋叫咗一個Pizza ，同埋一個黑毛豬同埋加咗份雞翼。Pizza係煙肉芝士，第一下見到好多沙律醬以為會好漏，點知配埋個Pizza餅底係岩岩好，同埋好多肉好多芝士超好食😋另外黑毛豬好大份😂同埋好多番薯條，黑毛豬都幾爽口彈牙，唔會好鞋個汁酸酸甜甜好開胃！…查看更多

其實本身都好鐘意食burger，愈肥愈邪惡就愈鐘意今次黎到朗豪坊呢間texas burger，本身諗住食熱熔芝士漢堡，不過男朋友唔係芝士控，最後就叫左普通beef burger，配左薯條同milk shake！當日係mixed berries shake，飲落好似雪糕好好味，係阿美利堅既味道呀！漢堡包塊肉都幾厚，好多肉汁，麵包好好食好脆又香，唔算heavy喎另外意粉係白汁雞肉，香草味幾濃，雞肉好滑，唔錯！！…查看更多

約咗個朋友去愉景新城睇BB用品，買完野就順便食晚飯，揀咗呢間日本餐廳，好似幾多嘢食，因為我同朋友都好鍾意食日本野，好似健康啲，同埋近排好耐冇食日本野啦！晚餐時間都幾多人，好多一家大細嚟食，我哋叫咗啲壽司，串燒，同埋一個牛肋條地獄鍋，同埋一個刺身飯配烏冬。鰻魚壽司同埋蟹棒壽司，佢嘅壽司飯做得唔錯，珍珠米幾有咬口，鰻魚醬汁唔太多但係好入味，相當唔錯！蟹棒就比較普通冇乜特別特別想推介牛肋條地獄鍋，朋友驚佢太辣所以叫咗少辣，其實就唔辣不過好似豬骨湯咁超濃味真係好好味，而且係大量菜，娃娃菜金菇豆腐仲有啲薯粉等等，牛肋條都幾入味同埋份量好多，唔怪得知每一台都有叫牛肉鍋，個湯真係好好味，必食！配飯/烏冬都好正！…查看更多

近排涼左啲又開始打邊爐嘅季節，呢間六十六十上年都好出名，估唔到去到而家都係仲要book枱先有得食，見到好多人都摸門釘😂佢冇加價，又唔洗加一，今次食咗椰子雞鍋，店員會教你點樣食，個雞就會煮到好滑，同埋個湯超鮮甜好好飲！海鮮好新鮮尤其是係大蝦，仲識郁㗎，聖子都好好食，不過蠔就比較細隻，如果係揀粥底火鍋就可以變成蠔仔粥啦！另外仲可以揀六款配料，要推介炸魚皮，真係好好食好脆好新鮮，另外牛肉豬肉都OK，好飽！…查看更多

星期六同呀媽去葵廣行街，唔知係咪TBB賣過廣告，間間小食店都勁多人唔想等～openrice一下附近見到呢間人氣幾高既雞煲＋烤魚，咁岩我同媽咪都鐘意食辣，本身以為係又有雞煲又有烤魚，原來係２揀１揀左酸菜魚，要左小辣，不過唔知果條叫咩魚，不過就無咩骨，好大條，魚肉好滑，慢慢煮愈黎愈入味！食到咁上下可以自己加湯打邊爐啦～仲可以出去拎配料，有ｄ就可以寫紙仔叫牛肉／魚等等，幾多選擇，除左邊爐仲有一系列既熟食同泡菜，根本就試唔晒咁多！超滿足呀！…查看更多